هۆنراوە بۆ منداڵان … کەرکووکەکەم ، رەزا شوان

مـن کوردێــکی بچــــووکم  

رەسـەنزادەی کەرکـــووکم   

کەرکــووکی کوردســـــتانم

زێـدی شـیرین و جـــــوانم

بە هێـز و بیـر و هۆشـــــم

بۆ کەرکووک تێ دەکۆشــم

کەرکووکەکــەم پێناســـــەم

دڵ و خوێن و هەناســـــەم

باوە گـوڕگـوڕ مەشـــخەڵم

گــڕی هەمیشـــــــــەی دڵم

کەرکووک بێ تۆ هەڵناکەم

هەرگیـز لە یــادت نــــاکەم

    نەرویج : ٢٠٠٠

ســروودی مــن

کوردە گەلی قارەمــــــــــانم

کوردســـــتانە نیشتمــــــانم

پێشــــمەرگەیە پاســــەوانم

ئـازادی یە هیـوای ژیـــــانم

کوردســتانم سۆمای چــاوم

دڵ و هەنـــاسە و هەنـــاوم

هێـزی گوڕی تیـن و تـــاوم

هۆگـری تــۆم هەتـا مـــاوم

کوردســــتانم بە یــــەزدانم

هەردەم وێردی سەر زمانم

دروشم و بەڵێن و پەیمــانم

کوردســـــتانم یا نەمــــــانم

   کەرکوک : ١٩٧٠

    مــــەتەڵ

مەتەڵــــەکەم ئاســــــــانە

خۆشترین شوێنی جیهانە

لە هەشـت پيتی تــــەواوە

بێ دووبــــــــارە کــــراوە

ناوی لەسەر زارمــــــانە

پیــــرۆزە و نیشتــــــمانە

شوێنی نەتەوەی کــوردە

لانەی شـــێری نەبــەردە

زیــرەکی خـۆت بنــــوێنە

 چی یە ناوي ئەم شـوێنە ؟

هاوارکە بێ راوەســـــتان

ئاوەدان بی کوردســــتان

     ئەڵمانیا :  ١٩٩٨

      

   ئــاڵا کە مــان

ئـــــــــاڵاکەی کوردســــــــــتانم

ئـــــاڵای رەنــگین و جــــــوانم

بشەکــــــــــــێوە لە ئاســــــمان

خۆشــــــــەویستر لە گیــــــــانم

 ئــــــاڵای بـــــەرز و پیـــــرۆزم

رەنگ سوور و سپی و سـەوزم

رۆژەکــــــەت ئــــــــــــازادی یە

هێمــــاشە بۆ نـــــــــــــەورۆزم

ئــــــاڵاکەم رێـــزت دەگـــــرین

لە هەر شـــوێنێک دا بــــــژین

لە دڵــــــــــــمان دا شـــــیرینی

بە تـــــۆوەیە سەربـــــــەرزین

     نەرویج : ٢٠٠٠