"an independent online kurdish website

نیزیک بە 9 سال لەوە پێش واتە لە مانگی مای سالی ٢٠٠٦ لە گوڤاری پەیامی کوردستان،دا بەشێک لە بیرەوەرییەکانی کاک عومەری قازی لە چاپی دراوە.omer-qazi-0

 

بۆ خوێندنەوەی بابەتی کاک ناسر PDF  ئێرە کلیک بکەن

نووسینی ، ناسر باباخانی

 

بابەتی پەیوەندی دار

حكوومەتی ئێران موڵك و ماڵی چالاكێكی سیاسیی كورد زەوت دەكات، شەریف فەلاح، باس نیوز

پێشتر سزای سێدارەی بۆ بڕاوەتەوە ماوەی 6 ساڵیش زیندانی کراوە

لە رۆژانی رابردوودا دامودەزگە پەیوەندیدارەكانی حكوومەتی ئێران لە شاری مەهاباد دەستیان داوەتە ئازار و ئەشكەنجەی “عومەر قازی” تەمەن 80 ساڵ و چالاكی سیاسی و كەسایەتیی ناسراوی شاری مەهاباد و دەستیان بەسەر كۆمەڵێك موڵك و ماڵی ناوبراودا گرتوووە.


لەم بارەوە “كامران قازی” كوڕی ناوبراو لە لێدوانێكی تایبەتدا بۆ ئاژانسی هەواڵی (باسنیوز) گوتی: “بەهۆی ئەوەی باوكم و بنەماڵەكەمان لە بنەماڵەی ناسراوی قازییەكانی شاری مەهابادین و باوكم بۆ ماوەی چەند ساڵ لە ریزەكانی شۆڕشدا بووە و هەردەم كەسێكی نیشتمانپەروەر بووە و ملی بۆ ویست و داخوازییەكانی حكوومەتی ئێران نەداوە، بەردەوام لەلایەن دامەدەزگەكانی حكوومەتی ئێرانەوە لەژێر گوشار دایە و چەندین جاری دیكەش دەستیان بەسەر موڵك و ماڵیدا گرتووە و زیندانی كراوە.”

كامران قازی لە درێژەدا گوتیشی: “ساڵی 1991 كە بۆ ماوەی دوو ساڵ لە هەرێمی كوردستان و لەناو ریزەكانی “حدكا”دا بووە، پاشان هاتووەتە سوید و بە ناچاری جارێكی تر دەگەڕێتەوە مەهاباد و لەناو ماڵەكەی نیشتەجێ‌ دەبێت كە خانوویەكی 3 قاتییە، بەڵام حكوومەت پێی رادەگەیەنن كە ئەوە موڵكە دەستی بەسەردا گیراوە و موڵكی حكوومەتە و یەكێك لە قاتەكانی دەدەنە دەست و پیەوەندییەكی حكوومەت هەتا سیخوڕی لەسەر عومەر قازی بكات.”

لە درێژەدا گوتی: “بۆیە ناچار كراوە مانگانە كرێ‌ بە حكوومەت بدات، دەناو لەناو ماڵەكەی دەردەكرێت و لەو كاتەوزە هەتا ئێستە دۆسیەی ماڵە دەستبەیەر داگیراوەكەی سەرەتا لە ورمێ‌ و دواتر تەورێز و پاشان براوەتە كرماشان هەتا توانایی هاتوچۆی نەبێت و لێی پاشگەز ببێـەوە.”

كامران قازی لە درێژەی لێدوانەكەیدا بۆ (باسنیوز) ئاشكرای كرد: “ئێستە حكوومەت لەژێر ناوی “دامەزراوەی موستەزعەفان” (پەككەوتەكان) ئەو خانووە گەورە كە ژێر بیناكەی زیاتر لە 700 مەترە بە نرخێكی زۆر هەرزان داوەتە كەسێكی ئازەریی خەڵكی تەورێز و ئەو كابرایەش لەبەر ئەوەی خۆی ناوێرێت بێتە ناو ماڵەكە، بە نرخێكی زۆر هەرزان داویەتە نووسینگەی خانوبەرە هەتا بفرۆشرێ‌. لەلایەكی دیكەشەوە موڵكێكی دیكەی كە سینەمایە لێی زەوت كراوە و بە قازانجی حكوومەت بەكار دەهێنرێت.”

ئەو كوڕەی عومەر قازی ئەوەشی ئاشكرا كرد: “پێشتر باوكی بە تۆمەتی جۆراوجۆر چەندین گیراوە و ماوەی یەك ساڵ بێسەر و شوێن بووە و سەرەتا سزای سێدارەی بۆ بڕاوەتەوە و پاشان بە هەوڵ و هیمەتی بنەماڵەكەی سزاكەی بووەت 20 ساڵ و سەرەنجام 6 ساڵ لە زیندانی كێشاوە و دواتر ئازاد كراوە.”

ئێستەش كە تەمەنی 80 ساڵە و توانای نەماوە حكوومەت هەر رۆژە بڕو بیانوویەكی پێدەگرن، عومەر قازی كەسایەتییەكی خۆشناو و نیشتمانپەروەر و لەلایەن خەڵكەوە بە پیری سیاسی ناسراوە و لە بە وتەی خەڵك و كوڕەكەی خۆی: “لە هەموو قۆناغەكانی ژیانیدا لەرێگەی موڵك و سەروەت و سامانەكەیەوە یارمەتییەكی زۆری بە خەڵكی هەژار و نیشتمانپەروەرانی كوردستانی رۆژهەڵات و خەڵكی خەڵكی مەهاباد و ئاوارەكانی باشووری كوردستان و شۆڕشی باشوور و بەتایبەت بنەماڵەی بارزانییەكان كردووە، بۆیە خەڵكی مەهاباد رایانگەیاندوە بە نیشانەی ناڕ‌زایەتی بە كردەوەكانی حكوومەتی ئێران و لە پشتیوانی لە عومەر قازی دەست دەدەن ناڕەزایەتی.”

كامران قازی ئەوەشی ئاشكرا كرد كە هەموو ساڵێك بە نیشانەی وەفا و ئەمەك بۆ پێشەوا قازی محەممەد دەچووە سەر گلكۆكەی و تاجە گوڵینەی لەسەر دادەنا، بەڵام ئیتلاعاتی حكوومەت لە مەهاباد بانگی دەكەن و هەڕەشەی لێدەكەن كە كە ئیتر بۆی نییە بچێتە سەر گڵكۆی پێشەوا دەنا بۆ ماوەی 3 ساڵی دیكە سزای زیندانیی بۆ دەبڕنەوە.

 

نویتـرین هەواڵ و بابەت


فارسی