ڕۆژی شەممە ڕێکەوتی ١٥ی ڕەشەمەی ١٣٩٤ی هەتاوی، کۆمەڵەی زەحمەتکێشانی کوردستان لە شاری ستۆکهۆڵم لە وڵاتی سوید،
بە بۆنەی ٢٦ی ڕێبەندان ساڵڕۆژی دامەزرانی کۆمەڵە سیمینارێکی لە ژێر ناوی ” هەلومەرجی سیاسی کوردستان و ناوچەکە و ئەرکەکانمان ” بۆ بەڕێز ”عومەر ئیڵخانیزادە” سکرتێری گشتی ئەو حیزبە ڕێکخست بوو.
شایانی باسە لەو پێوەندییەدا کۆمەڵەی زەحمەتکێشانی کوردستان بە نامەیەکی فەرمی کومیتەی گشتی حیزبی دێموکراتی کوردستانی ئێرانی لە وڵاتی سوید بانگهێشت کرد و بەو مەبەستە شاندێکی پێوەندییەکانی کومیتەی گشتی حدکا بەسەرپەرەستی ” محەممەد ئەحمەدی” بەرپرسی پێوەندییەکانی کۆمیتە بەشداری کرد و پەیامی کومیتەی سویدی حیزبی دێموکراتی گەیاندە کومیتەی کۆمەڵە و سکرتێری ئەو حیزبە.
حیزبی دێموکراتی کوردستانی ئێران ـ سوید
١٥ی ڕەشەمەی ١٣٩٤ی هەتاوی
٥ی مارسی ٢٠١٦ی زایینی
