لەم کاتەدا کە ناوچەکە بە بار و دۆخێکی زۆر هەستیاردا تێدەپەڕێت، بە لاڕێدابردنی هێزی کورد یان بێ هێزکردنی کورد یان سەرقاڵکردنی کورد بە کێشەی ناوخۆ یان
هەر جۆرە هەڵوێسێکی نابەرپرسانە دەبێتە هۆی لە باربردنی ئەو دەرفەتە مێژوویە کە بۆ کورد هەڵکەوتووە و لەوانەیە ببڕا و ببڕا ئەم هەلە بۆ ئێمە دووبارە نەبێتەوە!!
تکایە سەرنج بدەنە هەڵوێستی زلهێزەکان و بار و دۆخەکە لە بەر چاو بگرن، هاتنی ڕووسیا دەبێت بۆ ئێمە ببێت بە دەرفەت و لەم دەرفەتە کەڵک وەربگرین! تورکیا هێزی دەستێوەردان بۆ دووبەرەکی نانەوەی نەماوە و ئەمەش هەلێکی مێژووییە کە دووبارە نابێتەوە! بیر و ڕای جیهان لە م کاتەدا لە قازانجی کوردە نە ک تورک!
تورکیا هەتا بیناقاقای لە ناو ئاڵۆزیدایە و کاتی پێداچوونەوە بە خۆی و بیرکردنەوە لە کێشەی کوردی نەماوە و ڕۆژ لە دوای ڕۆژ زیاتر لەو زۆنگاوە دەچەقێت کە تێی کەوتووە و بە لە باربردنی پڕۆسەی چارەسەری هەلەکەی لە دەست خۆی دا و ئەمەش بە زیانی تورکیا و بە قازانجی کوردە لە بەر ئەوەی کە کورد لە باکوور خاوەنی هێز و پۆتانسیەلێکی گەلەک خورتە و بار و دۆخی ناوچەکە بووە بە هەل بۆ ئێمە و ئەم هەلە بۆ کورد قەت دووبارە نابێتەوە!
تکایە ئەم هەلە با لە کیس نەدەین!!
ئێران زۆر بە چاکی هەستی بە قورسایی کورد کردووە و بە تەواوی هێز و تێگەیشتنیەوە هەوڵ دەدات کە ئەم قورساییە بە لای خۆیدا ڕابکێشێ بۆ ئەوەی هەم بە لاڕێیدا ببا و هەم بیکاتە ئامراز بۆ ئامانجەکانی خۆی!
ئێران بە هاوپەیمانی لە گەڵ سووریا و عێراق و حێزبۆڵا کە لە ڕاستیدا ئەمانە لە مێژە هەر هاوپەیمان و هەر هاریکاری یەکدی بوون و تەنانەت زۆرێک لەو تاقمانەی کە لە نێو ئەم هاوپەیمانییەدا هەیە لە ڕاستیدا تاقمگەلێکی دەسکردی خودی ئێرانن کە ئەمە ئەوە دەگەیەنێت کە ئێران دەیهەوێت لە ناوچەکدا خۆی وەک زلهێزێک نیشان بدات لە بەر ئەوەی کە پووانی زیاتر لە ئەمریکا و ئورووپا بستێنێ و خۆی بکا بە کوێخای ناوچەکە!
دامەزراندنی کوردستان خەونی زلهێزی ئێران دەکاتە خەیاڵ! دامەزراندنی دەوڵەتی کوردستان دیارە دێمۆگرافی ناوچەی ڕۆژهەڵاتی ناوەڕاست بە ئێرانیشەوە تێک دەدات!
خەونی کوێخایەتی و زلهێزی ئێران دەپووکێتەوە!
ئێران درکی بە قووڵ بوونەوەی ئاڵ و گۆڕەکانی ناوچەکە کردووە و یەکێ لە ئاکتەرە چالاکەکانی ئەم ئاڵ و گۆڕە بە ڕاشکاوی ڕۆڵی کوردە لە ناوچەکە و ئەمەش ئێران و داگیرکەرانی کوردستانی تۆقاندووە و ئێستا ئیتر ئەوەی وا بۆ ئێران لە ئۆلەویەتدایە ئەوەیە کە کوردستانی سەربەخۆ دانەمەزرێت!
ئەمە گرینگترین ئامانجی ئێران و تورکە بەڵام تورک لەم کاتەدا بە هۆی ئاڵۆزی ناوخۆی خۆیەوە دەرفەتی ئەوەی نییە کە لە گەڵ ئێراندا هاوکار بن و دیارە هۆکاری‌تریش وەک شەڕی داعش و کێشەی ئایین و زۆر هۆی تریش هەیە کە ئێران و تورکیا لە یەک جیا دەکاتەوە و خاڵی بە هێزی هاوبەشی نێوان ئەم دوو داگیرکەرە کوردە بەڵام لەم کاتەدا نەک ناتوانن لە یەک بەرەدا بن بەڵکوو بە هۆی ڕۆڵی جیاواز و دژ بە یەک لە سووریا و عێراقەوە بگرە هەتا یەمەن و لوبنان هەر یەکە لە ئێران و تورکیا لە بەرەی دژ بە یەکن!
ئەمەش هەلێکی زێڕینە بۆ کورد هەڵکەوتووە!
هەر دوو دەوڵەتی ئێران و تورک لە ڕێگەی کردەوەی ترۆریستی و بۆمب تەقاندنەوە و ڕفاندن و بە گژداکردنی داعش و حەشدی شەعبی بە گژ کورد دا ئەو پەیامە بە کورد دەگەینن لە گەڵ ناکۆکیی نێوانیان ئەگەر دەرفەتیان بۆ دەستکەوێت بۆ گیانی کورد هەر یەکن!
بە خۆشیەوە جارێ دەرفەتی هاوکاری کردنی ئەو دوانە بەرگێکی سووتاوە و تورکیا لەوە سەرقاڵترە کە بتوانێت بیر لەم کێشانە بکاتەوە!
ئێران بیر لەوە دەکاتەوە کە کوردستان دەستەمۆ بکات و لە ڕێگەی کوردستانە دەستەمۆکەی خۆیەوە دەستی بە سووریاڕا بگات! ڕێک بۆ ئەم مەبەستەیە کە زوومی خستووەتە سەر باشوور و بە تەواوی هێزەوە خەریکە دووبەرەکی بخاتە ناو کوردەوە!
ئێران تەنیا لە ڕێگەی کوردستانەوە دەتوانێت بە سووریا بگات و ئەو ڕێگەیەش بۆ ئێران لە ئێستادا دەست نادات و ئەمەش یەکێ لەو کێشە ستراتێژیانەیە کە ئاڵۆزی دەخاتە نێوان کوردستان و ئێرانەوە و جگە لەوەش کە ڕۆژهەڵاتی کوردستانیش وەک ژیلەمۆی ژێر خۆڵەمێش بۆ دەرفەت دەگەڕێت هەتا داهاتووی کۆماری سێدارە بخاتە ژێر مەترسییەوە!
باشووری کوردستان نابێ ببی بە جێی تەراتێنی پاسدارەکانی کۆماری سێدارە!
کورد دەبێ هەر وەک چۆن دژی سەدام ڕاوەستان و ئازایەتیان نواند ئێستەش دەبێ لە بیریان نەچێت کە ئێران چەندە دۆژمنی ڕۆژهەڵاتی کوردستانە هەر ئەوەندەش دژی باشوورە و چەندە باوەڕی بە کوردەکانی ڕۆژهەڵاتە هەر ئەوەندەش باوەڕی بە باشوورە!
ئاڵۆزی لە باشوور لەم کاتەدا تەنیا بە زەرەری کوردە و بە قازانجی ئێران و داگیرکەرانی کوردستانە!
سیاسەتی ئێران ئەوەیە کە شەڕی خۆی لەو دیو سنوورەکانی خۆیەوە بکات بۆ ئەوەی ئاڵۆزی نەگەڕێتەوە بۆ ناوخۆ! ئەوەش نیشانەی ئەوەیە کە ناوخۆی ئێران ئەوە نییە وا لە دەرەوە بەرچاودەکەوێت!
ئێران پیویستی بە کوردستانە لە بەر ئەوە کە تەنیا ڕێگەی گەیشتن بە سووریا کوردستانە، هەر وەک تورکیاش هەمان سیاسەتی گرتووەتە پێش و دژی ڕۆژئاوای کوردستانە لە بەر ئەوەی سنووری ڕۆژئاوا تەنیا سنووری تورکە لە گەڵ وڵاتە عەرەبییەکانی ڕۆژهەڵاتی ناوەڕاست!
بەم پێیە دەردەکەوێت کە چەقی کێشەکانی ڕۆژهەڵاتی ناوەڕاست کوردستانە و ئەمەش ئەوڕۆکە ڕاستییەکە کە نەک بۆ ئەمریکا و ئورووپا بەڵکوو بۆ ڕووسیاش دەرکەوتووە!
ئێران هەتا سەر خۆ ناکرێ شەڕی خۆی لە دەرەوە بکات، ئیتر شەڕ وردە وردە درگای پێگرتووە و شکستە یەک لە دوای یەکەکانی ئێران لە یەمەن، سووریا و عێراق هەموو ئاماژەن بۆ ئەوەی کە نۆرەی ئێران گەیشتووە!
ئێران بە سیاسەتی پاوانخوازی ئایینی لە وڵاتانی عیراق و سووریا و یەمەن و لوبنان گۆڕێکی خێرای دا بە سیاسەتە شکست خواردووکانی لە ناوچەکەدا!
پەندێکی باشە بۆ کورد لە گوێی بگرێت:
ئێران ئەوڕۆ وەک ئەسپی تۆپیو وایە، هەر کەس لە سەری قومار بکات دۆڕاوە!
با کەس پشت بە ئەسپی تۆپیو نەبەستێت!!
بژی کورد و بژی کوردستان
ڕەوف گوڵبەدەن
9.11.2015 ز