ناوی ئەو هاوڕێیانەی لە رادیۆ دەنگی کوردستانی ئێران دا خزمەتیان کردوە، کاووس عەزیزی

سوپاس هاوڕێ ڕەحمان نەقشی، دەمێک ساڵە ئاگام لە خەبات و جیدیەت و تێکۆشانی ئەو مرۆڤە خۆ نەویستەیە. ئەو ئاگاداریەشم دەگەڕێتەوە بۆ ئەو کاتەی کە کاک ڕەحمان، ساڵانێک لە دەفتەری نوێنەرایەتیی حیزبی دێمۆکڕاتی کوردستانی ئێران لە پاریس کاری ڕاگەیاندنی فەرمی حیزبی دەکرد و دەمزانی کە بەڕێزیان یەکێك لە تێکۆشەرە ماندووەکانی ئەوکات و ئێستای حیزبن.

چەند ساڵێکە دەبینم کە کاک ڕەحمان زۆر بە جیدی خەریکە بابەت و وتوێژی کەسایەتیە سیاسی و کۆمەڵایەتی و میدیاکارانی ڕۆژهەڵاتی کوردستان و بە گشتی هەموو کوردستان  بە هەوڵ و هیمەتی خۆی کۆ دەکاتەوە و دەیانکاتە کتێبی ئانڵاین بە بێ هیچ بەرابەرێک، یان تەنانەت داوای لێكرابێ.

ماوەیەک پێش کاک ڕەحمان لە فەیسبۆک  پی دی ئیفی بەشێک لە وتوێژەکانی هاوڕێ کاک مستەفا هیجریی بۆ ناردم و  لە هەمان کاتیش دا داوای فایلی ئەو نووسراوەیەی منی کرد کە لە سەر ڕادیۆ دەنگی کوردستانی ئێران نووسیبووم و منیش بۆم نارد.

ئەوە ئێستا دەبینن کە کاک ڕەحمان چەندە بە سەلیقە و بە جوانی بابەتەکەی بە شێوەی بڵاوکراوەیەکی ئانڵاین دروست کردووە  و جوانیی پێ بەخشیوە.

من نازانم بە چ زمانێک سوپاسی زەحمەت و ماندووبوونی ئەو مرۆڤە دێمۆکرات و ماندوو نەناسە بکەم. نەک تەنیا لەبەر ئەوەی کە نووسینەکەی منی چاک کردووە، بەڵکوو سوپاس لەوەی کە سەدان و بگرە هەزاران بابەتی کەسایەتیەکانی وەک مامۆستا حەسەن زادە، کاک مستەفا هیجری، کاک خالید عەزیزی، کاک عەبدولا حیجاب و…………….  زۆر یەک لە کەسایەتیە دیارەکانی نێو بزووتنەوەی ڕۆژهەڵات و بگرە پارچەکانی تری کوردستانی  کۆکردۆتەوە و دایڕشتوونەتەوە و ئێستا لە بەر دەستی خوێنەران دایە.

سوپاس کاک ڕەحمانی هێژا

مەمنوونم لەو هەموو زەحمەتەی جەنابتان،

هەربمێنێ بۆ نەتەوەکەمان

کاووس عەزیزی. دانمارک

١/٧/٢٠٢٠

…..

لە خوارەوە کرتە بکە

 ئەو هاوڕێیانەی لە رادیۆ دەنگی کوردستانی ئێراندا خزمەتیان کردوە