بڵێی وابێ، حەمە حەریری

لە کوردستانێکی پڕ لە جوانیی سرووشت، ھونەر  مردبێ؟

کلتووری ڕازاوە و ڕەنگاڵە و دەروون شاد ھێنەر  مردبێ؟

بڵێی ھونەرمەند دەنگ و ڕەنگی زەرد و  وەریی بێ؟

یا  بە پێچەوانەوە!؟

بڵێی نووسەر و ھونەرمەند ، کاوێس ئاغا وھەژار و ھێمن ئاسا دوای دەیان ساڵ

ئاوارەیی و  نەھامەتی بەڵام بە نووسین و بە شێعروبەسێتار و بە

تێکۆشان بۆ سەرکەوتنی نەتەوەکەی تا دوا پشوو نەوەستابێ و بە ھیوا  و وەک دەرخت بە پێوە مردبێ،

و گەلێک ڕۆڵەی بۆ دوای کۆچ و ماڵ ئاوایی لە زەمەن،

لە ژین و ژینگە و نەتەوەی بەش خوراوی پەروەردە کردبێ.؟

چونکە نەتەوەی کورد بە بێ ھونەر و ھونەرمەند وتێکۆشەرو شاعیر و نووسەر  لایەکی جەستەی مردووە و ھەر وەک چۆن سرووشتی گڵ وخۆڵ و ئاو و ھەوای ژینگەکەی

یێکێ لە خۆشترین بەشەکانی ئەم گۆی زەوییە،بەو ڕادەیەش فەرھەنگ و کلتور و زمانەکەی شا ڕەگی بوون

و مانەوەیەتی.

ھەر بۆیە دەڵێم نا تێڕامانی من وپرسیاری من ھەڵەیە،

دەبێ پرسیارەکەم بکەم  بە دەنگێگی  بەرز و بڵێم

  .

– بیرکەرەوە چەقبەستووەکانی سەدەکانی تاریکی ناوەڕاست

و نامۆ و بەربەرەکان ئەمڕۆ  لە کوردستان با باش تێبگەن، کوردستان یانی ئازادی و خۆشی و شایی و شۆێنی ژینگە پارێز و مرۆڤ پارێز و جێی گۆرانی و مۆسیقا و شانۆ و خەت و نەققاشی و وێنە و سینەما و

نووسین وشێعر و ئەدەب و ئەدیب و نووسەر و شاعیر و ھونەر مەند و کرانەوەی بیر و ھزری کوردستانیانە بۆ خەبات بۆ دوا ڕۆژێکی ڕوون بۆ نەوەی داھاتوو،نەک

قوڕ پێوان و کڕنۆش بردن و ڕەش پۆشی و مانتۆ و حەبا

و ڕیش و جبەلەبەر و شەو وڕۆژ  ھێرش کردنە سەر  سەر و ماڵ و ژیان و بیر و ئازادی نەتەوەکەمان.

– نەتەوەی کورد یا لە ترسان یا لە برسان لە سەردەمی ھێرشی ئێسلام بۆ سەر کوردستان موسڵمان بوونی بەسەر دا سەپا کە بە بڕوای من دەبوو قبووڵی

نەکردبا و وەک چۆن تا ئێستاش بۆ پاراستنی کوردستان ومان و بوونی خۆی تێدەکۆشێ ھەر ئاواش

لەم بارەوە ھەڵوێستی ھەبوایە و دین و ئاینی ڕەسنی خۆی وەکوو  یارسان و یەزیدی و بەھایی و جوولەکە و ھەرمەنی و…..پاراستباو لەو بارەوە نەوەی ئەم ڕۆو نەوەکانی داھاتووش و مێژووش باب و باپێرانمان نا بەخشێ چونکە ئا بەو  شێوەیە بڕوا دبێتە مۆتکە و خۆرە  لە کوردستان .ئەوە گەلێک نامۆیە و ھەی ھات شێخ سەعیدی پیران و شێخ مەحمود و پێشەوا و مەلا مستەفای بارزانی و …..لە کوێ و ئەمانەی بەو شێوەیەی ئەم ڕۆ لە کوێ.

لێرە دا بە حەق جێی خۆیەتی  ئافەرین بنێرین بۆ ئەو بەشانە لە نەتەوەکەمان کە ئاینی یەزیدی و یارسانی و بێ دینی و بەھائی و زەردەشتی و جوو و ھەرمەنی و کریستانی و بوودایی و بوت پەرستیی و سرووشت پەرەستیان پاراستووە.ھەر وەھا بۆ ئەو کەسانەش کە

تووند ئاژۆیی و بیری  تاریک  ڕەد دەکەنەوە.

  بۆیە ھەڵوێستی خەڵکی جوانپەرستی مەریوان بەرانبەر بە بەربەرییەت یانی ھەڵوێستی ھەموو نەتەوەی کورد.