بەشداری لە خۆپیشاندانەکانی وڵاتی ئوتریش

ڕۆژی شەممە ڕێکەوتی٥.١١.٢٠٢٢  خوپیشاندانیک لە ناوەندی شاری ویەن لە وڵاتی ئوتریش بۆ شەرمەزار کردنی هێرشی دڕندانەی کۆماری ئیسلامی ئێران بۆ سەر خۆپیشاندەران لە ناوخۆی وڵات و لە قاودانی فڕو فێڵەکانی کۆماری ئیسلامی

بۆ تێکدانی بەرەی یەکگرتووی خەڵک دژ بە کۆماری ئیسلامی و هەروەها ئاگادارکردنی بیروڕای خەڵکی دەرەوە لە سەر ڕووداوەکانی ناوخۆی ئێران پێک هات. ئەندامانی حیزبی دیموکراتی کوردستانی ئێرانیش لە و خۆپیشاندانەکەدا بە هەڵگرتنی ئاڵای کوردستان ، وێنەی شەهیدانی شۆڕشی نوێ  و ئارمی حیزب بەشداریان کرد.

لە خۆپیشاندانەکاندا چەند وتارێک پێشکەش کران ، لە وتارەکاندا ئاماژە بە بەردەوامی خۆپیشاندانەکان، بە هێزتربوونی خۆپیشاندانەکان ڕۆژ لە دوای ڕۆژ و بەشداری هەرچی زیاتری خەڵک و چین و توێژە جیاوازەکان لە خۆپیشاندانەکاندا، هێرشی دڕندانەی هێزە چەکدارەکانی کۆماری ئیسلامی بۆ سەر خۆپیشاندەران وشەهید و بریندار کردنی دەیان خۆپیشاندەر لە بەلووچستان،کوردستان و شوێنەکانی تری ئێران و داماوی و دەستەپاچەیی هێزەچەکدارەکانی ڕژیمی ئیسلامی لە بەرانبەر خۆپیشاندەراندا، لاوازی گەمارۆ ئابووریەکانی داسەپاو بە سەر کۆماری ئیسلامیدا لە لایەن ئامریکا و یەکیەتی ئورووپا و پێویستی سەپاندنی گەمارۆی قورستر و داخستنی باڵوێزخانەکانی کۆماری ئیسلامی و وەدەرنانی کارمەندانی باڵوێزخانەکانی و گەڕانەوەی باڵوێزی وڵاتانی یەکیەتی ئورووپا لە ئێران و هەروەها بێ کەڵک بوونی وتوو و وێژەکان لە هەل و مەرجی ئێستادا  لە گەل کۆماری ئیسلامی سەبارەت بە بەرنامەی ئەتۆمی کۆماری ئیسلامی و گەرانەوە بۆ بەرجام و پێویستی کۆتایی هێنان بە وتوو و وێژەکان لە گەل کۆماری ئیسلامی، دروشمی  بڕووخی کۆماری ئیسلامیش سەرەکیترین دروشمێک بوو کە لە خۆپیشاندانەکەدا لە لایەن بەشدارانەوە دووپات دەکرایەوە . شایانی باسە هەر لە شاری ویەن و لە بەردەرکی ڕێکخراوی نەتەوە یەکگرتوەکان خۆپیشاندانێکی ڕۆژانەیە هەیە کە لە ڕێکەوتی شەهید بوونی ژینا ئەمینییەوە تا ئێستا هەموو ڕۆژێک بەردەوام هەیە  و بە مەبەستی فشار خستنە سەر ئەم ڕێکخراوەیە بۆ پێک هێنانی کۆبوونەوەی تایبەتی خۆی بۆ باس لە سەرکوشتاری خەڵکی ئێران  بە تایبەت منداڵان و لاوان لە لایەن کۆماری ئیسلامیەوە و و پێشێل کردنی مافی مرۆڤ لە لایەن کۆماری ئیسلامیەوە ڕێک خراوە و ئەم مانگرتنە ڕۆژانەیە قەرار وایە بەردەوام بێت تا ئەو کاتەی کە خۆپیشاندانەکان لە ئێران بەردەوامن و داوا لە ئەندامان و لایەنگرانی حیزب دەکەین کە کات بۆ بەشداری لەم مانگرتنەدا کە لە لایەن ڕێکخراوێکی دیفاع لە مافی مرۆڤ ڕێکخراوە دابنێن و بەشداری تێدا بکەن

حیزبی دیموکراتی کوردستانی ئێران کومیتەی ئوتریش