گازندەکە دۆستانە . ئەنوەر کۆهەنساڵ

چەند رۆژەکا بەری نها من نڤیسەکی  ،،کاووس  و دیار ،،  ل سەر مالپەرا ،،،پێشمەرگەکان ،، دیت کو باسا ڤێ هندێ کربوو کو ،رۆژناما ،،ئاگری هاتە سەکناندن و  سەرنڤیسەرێ ڤێ ل کارێ خوە هاتە دەرێ خستن .

خەبەرەک گەلک نەخوەش و بێ وەخت بوو…ل بەر ئەڤێ کو کەدەک گەلک مەزن هاتیە دان حەتا کو حاکمێن  ڤی دەمێ یە حیزبێ ئیزنا دەرکەتنا رۆژنامەکی ب ڤی ناڤی و ب ڤی ئاوایی دابن .

 ئەوا کۆ ،،ئاگری ،،، چقاس کاریبە ببە ئاریکار بۆ پێ گەهاندنا خوەندەوانێن خوە و هەر ڤسا پێ گهیشتاندنا گەلک خۆرت و لاڤێن هەرێمێ، هەم د ناڤ کۆمێن جڤاکێ دە و هم د ناڤ رەفێن بزاڤێ دە ،ئەڤا مژارەک کوور و هوورە کو ئەز ناخوازم ڤێگا باسا ڤێ بکم و بالا خوەندەڤانان بکشینمە سەر ڤێ هندێ .

لێ براستی ئەوا کو ئەز ئانیمە سەر ڤێ هزرێ ،داکو ئەز ژی خوە ب کولا نەفەتسینم و فکرا خوە بینمە زمان ،نڤیسا کەسەکی بوو کو ب ناڤێ ،،،سەربەست ئۆرمیە ،،، یە کو بەدەلا سەر نڤیسەرێ  رۆژناما ،،ئاگری ،، و هەر ڤسا بەدەلا بەر پرسێ سەروەترە کارێ هانێ، کو بەدەلا ڤان ژی زەحمەت کشاندیە و ب ئاڤایەکی ڤەهووناندیە کو ،گۆ یا بەرپرسێ رۆژنامەیا ،،ئاگری ،، وەزیفا حیزبی و رێکخستنی یە خوە باش ناس نەکرییە و ، ب قەولێ گۆتی ،پێ خوە ل کالکا خوە درێژتر کریە و د ناڤ تۆز و خۆبارا ،دیمۆکراسی و عەدالەتێ دە خوە فەتساندیە .

خۆدێ بکە هەر ڤسا بە وەکی ، سەربەست ئۆرمیە ، باس کربە .

ئەم و گەلک یێ دنە بینا مەژی یێ خوەرە لێ بعەلمن و دەرسا عبرەتێ لێ وەرگرن . خۆدانێ نڤیسا هان (سەربەست ئۆرمیە )ب عەکسێ دە خۆۆیایە کۆ ب خوەیە ،لێ من چ شکەک تێدە ننە کۆ ناڤ بری ب ڕاستی سەربەستە و خۆدانێ ئۆرمی یێ یە ژی، ئان نە دبە ب خوە بەرسڤ بدە .

هەر ڤەکی  باب و کالێن مە گۆتنە کۆ : کۆرمێ دارێ نەبە دار قەت خولۆخە نابە .هەر ڤسا ژی ئەز پێ عەیانم کو سمبێلێ ،هەڤال سەربەست ئۆرمیە ،،ژی باش کز کرنە ….چکۆ ،ب خێرا خوە کێرۆشکێ ناگرە.

ل دووماهێکێ دە .

هێڤی دکم کو ،،ئاگری ، ڤەکا رۆژنامە چ جاری چرا  وێ نەتەمرە و بینانی ،،چییایێ ..ئاگری ، هەرتم رووسپی دەرکەڤە هەمبەری خوەندەڤان و ئالی گر و ئاگری حەزا .

لێ یا کو ئەز ڤەکا تاک پێ دێشم و ئەم حەموو پێ دێشن ، هەنە ئەڤێن  کودخوازن ئەم پێ بێشن ،مخابن ئەڤە کو هنەک ب کەیفا خوە ئاڤێ شێلوو دکن و ب دەستێ خوە ماسیا لێ دگرن .

.نوروێژ