من پێشمه‌رگه‌م

من ئه‌و ئینسانه‌ به‌ جه‌رگه‌م
بۆ ئازادی کوردستانم خه‌بات ده‌که‌م

من ئه‌و که‌سه‌م له‌ کۆماری کوردستانه‌وه‌
ناوی جوانی پێشمه‌رگه‌م به‌ باڵا برا

من ئه‌و که‌سه‌م فێری داره‌داره‌ی خه‌بات بووم
له‌ مه‌کته‌به‌که‌ی پێشه‌وادا
من ئه‌لف و بێی خه‌بات و خوراگری و
پارێزگاری له‌ خاکی نیشتمانم
فێر بووم له‌ حکومه‌تی کوردستانم
من ئه‌و که‌سه‌م به‌سه‌رچیایی مێژوی خه‌بات دا هه‌ڵگه‌راوم
من خاوه‌نی ده‌یان سال رابردووی به‌ ئه‌زموونی خوراگری و به‌رخودان و گیان به‌خت کردنم
من هاورێی لووتکه‌ی شاخ و ئه‌شکه‌وت و هه‌وار و دۆڵ و گوند و شارم
خه‌بات ده‌که‌م بۆ ئازادی هه‌تا ماوم
من پێشمه ر گه م
من ئه‌و که‌سه‌م
به‌ سروودی ئه‌ی ره‌قیب هه‌ر ماوه‌ قه‌ومی کورد زمان
دوژمن ده‌خه‌مه‌ له‌رزه‌ و شادی ده‌خه‌مه‌ دڵی دۆستان
منم پارتیزانی زور لێزانی ناو جه‌رگه‌ی شه‌ر و به‌ربه‌ره‌کانی
چه‌که‌که‌م بۆ پاراستنی خاکی کوردستانه‌ له‌به‌رانبه‌ر داگیر که‌ر و دوژمنانا
قه‌له‌مه‌که‌م بۆ ئاشتی یه له‌ جیهانا
من له‌ کاتی ئاشتی دا نه‌رم و نیانم
دیپلۆماتیکی مه‌یدانی سیاسه‌ت و به‌رگری له‌ماف و ئازادی کوردانم
من تێکۆشه‌رێکی زانام بۆ چاره‌سه‌ری کێشه‌ی ره‌وای نه‌ته‌وه‌که‌م
پر به‌ گه‌رو هاوار ده‌که‌م
فیدراڵی بۆ کوردستانم
منیش وه کوو هه موو دنیا
خاوه ن خاک و نیشتمانم
من شورشگێریکی مه یدانی خه‌بات و دیپلوماتێکی گه‌ریده‌ی ماف ویستی گه‌لی کوردم
من هه‌موو کات له‌ هه‌رکوێ بم بۆ ئازادی کوردستانم ده‌نگ هه‌ڵ ده‌برم و ده‌ڵێم
من پێشمه‌رگه‌م گرینگ نی یه‌ له‌ هه‌ر کوێ بم
له‌ هه‌رکوێ بم دڵم هه‌ر هی کوردستانه‌ و ئاواتیشم ته‌نیا رزگاری کوردانه
‌من ئه‌و که‌سه‌م که‌ هه‌ر ئیستا به‌ پرشنگی تیشکی تیشک هاوێژی تیشک تی ڤی
رووناکی ده‌خه‌مه‌ هه‌موو ماڵێکی کورد له‌ سه‌رانسه‌ری دونیا
من پێشمه‌رگه‌م
به‌تیشکی خۆم ده‌نگ و ره‌نگی پێشمه‌رگانه‌م وام له‌ هه‌موو ماڵێکی کورد دا
من ڕۆڵەی هه‌موو ماڵێکی کوردانم
من پێشمه‌رگه‌م خه‌بات ده‌که‌م پر به‌دڵم بۆ رزگاری نیشتمانم تا وه‌دی بێ ئاواتی گه‌ل ئاواتی گشت شه‌هیدانم.

 پێشمەرگەکان : لە گەل داوای لێبۆردن لە خاوەنی ئەم هەڵبەستە ،   داوا دەکەین لە خوێنەران ئەگەر ناوی خاوەنی ئەسڵیی  هەڵبەستە کە دەزانن بۆمان بنووسن . 

سوپاستان دەکەین.