"an independent online kurdish website

ساڵی ١۹۹٠ی زایینی – ١٣٦٩ی هه‌تاوی، پێشمه‌رگه‌کانی حدکا له‌ هێزی ٢ی ڕێبه‌ندان، بۆ ڕاپه‌ڕاندنی ئه‌رک و چالاکییه‌کانیان گه‌ڕابوونه‌وه‌ سنووره‌کانی نێوان شلێر و ناوچه‌ی سه‌قز و له‌ کوێستانه‌کانی نزیک گوندی هه‌رمێدۆڵ،reshid_haidari

چاوه‌ڕوانی گه‌ڕانه‌وه‌ی تیمێک له‌ پێشمه‌رگه‌کانیان ده‌کرد، که‌ به‌ مه‌به‌ستی هه‌ڵسه‌نگاندنی بارودۆخی ناوچه‌، چووبوونه‌وه‌ نێوخۆ. پێش گه‌ڕانه‌وه‌ی تیمه‌که‌، ده‌ستێکی ڕه‌ش، له‌ قۆڵی خه‌یانه‌تکارێکی خۆفرۆشه‌وه‌، که‌ پێشتر خۆی به‌ ده‌سته‌وه‌ دابوو و ڕێژیمی کۆماری ئیسلامی ناردبوویه‌وه‌ نێو ڕیزه‌کانی حیزب، دێته‌ده‌ر و ١٠ که‌س له‌ پێشمه‌رگه‌کان، له‌ کاتێکدا له‌ قووڵایی خه‌ودا بوون، بێبه‌زه‌ییانه‌ ده‌داته‌ به‌ر ده‌ستڕێژی چه‌ک و گیانیان لێده‌ستێنێ. چۆنییه‌تیی ڕووداوه‌که‌، له‌م گرته‌ ویدیۆییه‌دا ببیستن و لێی ڕامێنن که‌:

 گه‌لۆ!

ئه‌وه‌ چ سیستمێکه‌، که‌ ئه‌وه‌نده‌ دڕنده‌یه‌، که‌ بتوانێ هه‌موو به‌ها و بایه‌خه‌ مرۆییه‌کان، له‌ هزر و مێشکی که‌سێک، که‌ سه‌رده‌مێک بۆ خۆی پێشمه‌رگه‌ بووه‌ و له‌ پێناوی ئازادی و ڕزگاریی نه‌ته‌وه‌که‌یدا خه‌باتی کردووه‌، داماڵێ و دڕنده‌یه‌کی وه‌های لێ دروست بکات، که‌ ته‌نانه‌ت به‌زه‌یی به‌ نزیکترین هه‌ڤاڵی خۆی له‌ نێو قوربانییه‌کانیدا نه‌یه‌ته‌وه‌؟ که‌سه‌که‌ بۆ خۆی چه‌نده‌ ئامادیی هاوکاریی تێدا بووه‌ و ملکه‌چ بووه‌ له‌ پرۆسه‌ی گوزه‌ر له‌ مرۆڤایه‌تی و مرۆڤ بوونه‌وه‌ به‌ره‌و دنیای ئاژه‌ڵان و دڕنده‌یی؟

ئه‌مانه‌ ئه‌و پرسیارانه‌ن، که‌ به‌ بیر کردنه‌وه‌ له‌و ڕووداوه‌ دڵته‌زێنه‌، له‌ مێشکی مرۆڤدا سه‌رهه‌ڵده‌ده‌ن و ته‌نیا ده‌توانین بیر له‌ وه‌ڵامه‌کانیان بکه‌ینه‌وه‌، تا ئه‌وه‌ی بتوانین وه‌ڵامێکی دروستیان پێ بده‌ینه‌وه‌.

ڕه‌شید حه‌یده‌ری

ڤیدیۆ، وتووێژ 


نویتـرین هەواڵ و بابەت


فارسی