ئه‌شکی چاوم، ئه‌حمه‌د ده‌شتی

ئه‌من   ‌ئه‌شـكی‌   چاوه‌كـانی‌   پڕ‌ برینی‌    هه‌رده‌مم   

وا خه‌م و ژ‌انی‌ له‌ مێژم بوویـنه‌ هاوڕ‌ێی‌ سـه‌رجه‌مم   

شێت وشه‌یدای‌  ساتێ  شـادیم‌ له‌م ژ‌یانه‌ی‌ پڕ‌له‌خه‌م

بوویمه ‌نامۆ وزێدی‌ كوان ومیحنه‌ت وڕه‌‌نـج وئه‌له‌م

هه‌رله ‌ساتێ سه‌د هه‌زاران حه‌سڕه‌‌ت و ده‌رده‌له‌بۆم

وا ده‌بارێ و سه‌یری‌  خوێنی‌ هه‌ڵڕ‌ژ‌اوم  بویته‌ چۆم

ئـه‌م دڵه‌ی‌ من زۆر له‌مێـژ‌ه‌ له‌ت له‌ت وچـوارپاره‌یه‌‌

سه‌یری‌ ئاسـۆی‌ ر‌وون وشادیم زۆر له‌مێژ‌ه‌  گاره‌یه

‌‌

بێ به‌ش و  مـافی‌ ژ‌یانم  وا له‌  چـه‌رخی‌  بیسـته‌ما

وا  به‌ده‌ستی‌  ناحه‌زانم  من  هه‌ناسه‌م    حه‌سته‌ما

من ده‌سوتێم وا به‌ ده‌ستی‌ تازیی‌ و رۆم و  عـه‌جه‌م

خۆشـم سه‌رباری‌ هه‌میشه‌م بۆیه‌‌ وامن‌  بویمه ‌شه‌م

هه‌رپه‌رێشان و حه‌زینم، من دیرۆكم   گشت  خه‌مه‌

سه‌یری ‌‌ئاسـۆی‌  پڕ‌له‌خوێنم  چه‌ند بڵنـده‌و‌هه‌ر‌تـه‌مه

تاکو  ده‌ستی  تازیان و  ڕومیان و گشت     عه‌جه‌م

بۆ هه‌میشه‌ قه‌ت  نه‌بێت و،خاکی من هه‌ر پڕ‌له‌ خه‌م

‌

تا به‌  ئـازادی‌  نه‌ژ‌یم و  سه‌ربه‌خۆیی    خۆم  نه‌بێ

گشت ته‌نی‌ من هه‌ر برینه‌ و شـین و زاریم بۆ ده‌بێ

با منیش وه‌ک  هه‌موو که‌س ده‌وله‌تی خۆمم  هه‌بێ

خاکی کوردی سه‌ربه‌خۆو و  ده‌وله‌تی کوردم  هه‌بێ

کوردستانم پێش  بخه‌م و ئه‌سپی  هونه‌ر  تاو  بده‌م

بستێ  خاکی   نیشتمانم   با هیچ   دوژمن    نه‌ده‌م

                             *