تێکۆشەر ” عەبدوڵا سیگارچی ( چەنگیز)” کادری دیاری بواری ڕاگەیاندن و پێشمەرگەی حیزبی دێموکراتی کوردستانی ئێران لە ساڵی ١٣٧٣ی هەتاوی لە سنووری پێنجوێن و لە شوێنێک بە ناوی ” هەڵاڵاوا ” لە لایەن چەند بەکرێ گیڕاوێکی ناسراوی ئەو ناوچەیە قولبەست دەکرێ و دواتر رەوانەی ئیدارەی ئیتلاعاتی شاری مەریوانی رۆژهەڵاتی کوردستانیان کرد .
کاک چەنگیز سیگارچی پتر لە دوومانگ لە ژوورە تاکەکەسییەکانی ئیدارەی ئیتلاعاتی مەریوان دەمێنێتەوە و پاشان بۆ شاری سنە و لەوێشەوە رەوانەی مەهابادی دەکەنەوە و لەهەر سێک لەو شارانەش تووشی ئازار و ئەشکەنجەیەکی زۆری نامرۆڤانەی دەزگا ئەمنیەتییەکان و ئیتلاعات و بەناو لێکۆڵەرانی کۆماری ئیسلامی دەبێتەوە .
کاک چەنگیز لە وتووێژێکدا بۆ کاناڵی تەلەفزیۆنی تیشک تیڤی ، باس لە شێوازەکانی ئەشکەنجەدانی زیندانیانی سیاسی لەو نێو بەندیخانەکانی کۆماری ئیسلامی و بەتایبەت لە شارەکانی کوردستان و لەو شوێنانەی کە بەرێزیان دەستبەسەر کرابوو ،دەکات .