بە پێی هەواڵی روداو، حیزبی دیموکراتی کوردستانی ئێران (حدکا) رایگەیاند دەیان تانک و هامەری عێراق لە تەقتەق نزیکبوونەتەوە و هێزێکی عێراق و پاسداران هاتوونەتە نزیک کۆیە.
محەممەد نەزیف قادری، ئەندامی دەفتەری سیاسیی حدکا بە تۆڕی میدیایی رووداوی راگەیاند ”دەیان تانک و هامەری عێراق لە تەقتەق نزیکبوونەتەوە و هێزێکی عێراق و پاسداران هاتوونەتە نزیک کۆیە، ئەوان تانک و زرێپۆشیان پێیە و بەرگریکردن لە بارەگاکانمان مافێكی سرووشتییە”.
ئەو ئەندامەی دەفتەری سیاسیی حدکا جەختی کردەوە لەوەی ”ئەو هێزانە تاوانیان لەبەرامبەر دانیشتووانی باشووری کوردستان ئەنجامداوە و خەڵکی تەقتەق بەرامبەریان وەستاونەتەوە و، وەک خۆبەخش ئامادەن رووبەڕوویان ببنەوە”.
بەپێی سەرچاوەیەکی تۆڕی میدیایی رووداو، ئەو هێزانە بەنیازبوون بچنە تەقتەق، بەڵام پاش مانەوە بۆ ماوەیەک و دوای وەرگرتنی زانیاری، بەرەو کەرکووک کشاونەتەوە.
دەقی وتەکانی کاک محەممەد نەزیف قادری لە روداو
وێستگه نیوز- پشتیوان جهمال
بهڕێوهبهرایهتی پۆلیسی كۆیه رهتیدهكاتهوه هیچ هێَزێَكی عیراقی رۆیشتبێته سنوورهكهیانهوه، بهڵكو ئهمڕۆ هێزێكی پۆلیسی ههرێم و فیدراڵ چووبوونه ناوچهی شیوهسور له سنوری كهركوك بۆ بهدواداچوون، بهڵام رێگهیان پێنهدراوه و گهڕاونهتهوه.
عهمید شۆڕش كاكه، بهڕێوهبهری پۆلیسی كۆیه به وێستگه نیوزی راگهیاند، هیچ هێزێكی عیراقی نههاتۆته شارهكهوه.
عهمید شۆڕش كاكه وتی: ”ئهمڕۆ هێزێكی پۆلیسی حكومهتی ههرێم و فیدراڵ لهگهڵ بهڕێوهبهری ناحیه و پۆلیسی شوان بۆ بهدواداچوون هاتبوونه لای ناوچهی شیوهسور له سنوری كهركوك، چونكه له ساڵی 2003 لهو سنووره بوون”.
وتیشی: ”بهڵام لهبهرئهوهی ئێستا پێشمهرگهی لێیه، رێگهیان پێنهدابوون و گهڕابوونهوه”.
له ههفتهی رابردووهوه هێزه عیراقییهكان چوونه سنووری پارێَزگای كهركوك و ناوچه دابڕاوهكان، دوێنێش چوونه شارۆچكهی پردێ.
….
ئاژانسی پاراستن و زانیاری / زانیاری هەرێمی كوردستان رایدهگهیهنێت، هیچ جۆرە پێشڕەوییەكی هێزە عێراقییەكان بۆ سەرووی ناوچە جێناكۆكەكان ناكرێت و نابێت.
بهپێی راگهیهنراوێكی ئاژانسهكه ” ئەوەی ئێستا لەكوردستان دەگوزەرێت بەشێكە لەو ڕێكەوتنەی نێوان حكومەتی هەرێم و حكومەتی عیراق كە لەساڵی 2016 ئەنجامدراوە، بۆیە هیچ جۆرە پێشڕەوییەكی هێزە عیراقییەكان بۆ سەرووی ناوچە جێناكۆكەكان ناكرێت و نابێت”.
ههروهها هەموو حزبە ئۆپۆزسیۆنەكانی ڕۆژهەڵاتی كوردستان دڵنیا دهكاتهوه ”هیچ مەترسیەك لەسەر بوونیان نییە لەناوچەكانی دەسەڵات حكومەتی هەرێم زۆنی سەوز”.