رۆژی شەممە ڕێکەوتی٣١ی ئوکتۆبەری ٢٠١٥ی زایینی، کومیتەی ڤێسترۆسی حیزبی دێموکراتی کوردستانی ئێران کۆنفراسی ساڵانەی خۆی بە بەشداری زۆرینەی ئەندامانی حیزب لەو شارە
و هەروەها بەڕێزان کاک ” ئەنوەر کاکایی” بەرپرسی کومیتەی گشتی حدکا لە سوێد و خاتوو ” مەهاباد مینوزادە” نوێنەری ناوەندی یەکێتی کوردانی گشتی لە سوێد پێک هێنا.
سەرەتا کۆنفراسەکە بە سروودی نەتەوایەتی ” ئەی رەقیب” و ڕاگرتنی خولەکێک بێ دەنگی بۆ ڕێزگرتن لە گیانی پاک و سەربەرزی شەهیدانی رێگای ڕزگاری کورد و کوردستان دەستی پێکرد.
دواتر بەڕێز: ئەنوەر کاکایی کۆنفراسەکەی کردەوە و لەو پێوەندییەدا چەن ووتەیەکی پێشکەش کرد.
پاشان کاک ”عبداللە عبدی” وەک بەرپرسی کومیتەی پێشوو ڕاپۆرتی کار و چالاکییەکانی نێوان هەردوو کۆنفرانسی بە تێر و تەسەلی پێشکەش بە کۆنفرانس کرد.
دواتر کاک حەمەدەمین کەریمیان وەک بەرپرسی بەشی ماڵی کومیتە ڕاپۆرتی ئەو بەشەی پێشکەش کرد و هەیئەتی دیوان لە لایەن کۆنفرانسەوە دیاری کرا.
لەو پەیوەندییەدا بەشداربووان بە تێبینی و رەخنە و پێشنیارەکانیان کۆنفرانسەکەیان دەوڵەمەندتر کرد و لەلایەن کۆمیتەوە وەڵامەکانیان درایەوە، و ڕاپۆرتەکان بە زۆرینەی دەگ پەسەند کران.
لە بڕگەیەکی دیکەی کۆنفرانسەکەدا ” ئەنوەر کاکایی” نامەیەکی رێز لێنان کە لە لایەن کومیتەی گشتی حیزبی دێموکراتی کوردستانی ئێرانەوە لە سوێد ئامادە کرابوو، پێشکەشی تێکڕای ئەندامان و بنەماڵە و دۆستانی حیزب لە حەوزەی ڤێستمانلاند کرد.
لە بەشی کۆتایی کۆنفرانسەکەدا هەڵبژاردن دەستی پێ کرد و ئەو بەشەش بەسەرکەوتووی کۆتایی پێ هات و کومیتەیەکی نوێ بۆ بەڕێوەبردنی کاروباری حدک ئێران لە شاری ڤێسترۆس هەڵبژێردرا.
حیزبی دێموکراتی کوردستانی ئێران ـ ڤێسترۆس
٢ی نوامبری ٢٠١٥ی زایینی
