کۆچی دوایی کاک مەلا محەممەد ئازەری، کادری پێشووی حدکا لە شاری پیرانشار

کاک مەلا محەممەد لە سەرەتای شۆڕشی گەلانی ئێران، هاتە ریزی حیزبی دێمۆکڕاتی کوردستانی ئێران و دواتر نەقڵی بنکەی دەفتەری سیاسی حدکا کرا.

مامۆستا “مەلا محەممەد یۆسفی (ئازەری)”،  زیادتر لە دوو ساڵ لە کۆمیتەی پیرانان و دواتر نەقڵی دەفتەری سیاسی کرا و لە بەشی خەدەماتی حدکا، کاری شۆفیری و مەکانیکی دەکرد و کەسێکی زۆر دڵسۆز و ماندوو نەنەناس و دەست و دڵپاک و زۆر ئامانەتداری لە ئەموالی حیزب دەکرد.

مامۆستا مەلا “محەممەد” دواتر لەسەر ئیزنی حیزبی دێموکرات بەهۆی بەساڵاچووییەوە لە ساڵی 1366ی هەتاوی گەڕایەوە نێوخۆ و بەداخەوە لە تەمەنی 82 ساڵی دا کۆچی دوایی کرد.

کۆچی دوایی کاک مەلا محەممەد دوێنی 2020/07/04 لە مێدیاکاندا بڵاو کرایەوە .

سەرەخۆشی خۆمان ئاراستەی بنەماڵە و خزم و کەسوکاری کاک مەلا محەممەد و خۆمان بە شەریکی خەمیان دەزانین.

وێنە:  وەرگیراو لە کاک سەلیمە رەش