ئەم کۆمەڵە وتارە وێدەچی دوایین بەرهەمی نووسراوی من بێت کە وەک کتێب بڵاو دەکرێتەوە. بیرۆکەی چاپکردنی دەگەڕێتەوە بۆ برای بەڕێزم د. کامران ئەمین ئاوە کە پێشنیاری کرد،
ئەو بەشەی وتارە بەربڵاوەکانی ناو ڕۆژنامە و گۆڤار و سایتی ئینترنێتی خۆم کە لەبەردەستدا ماون، گردوکۆ بکەم و بە شێوازی کتێب بڵاویان بکەمەوە. مەنتیقی پشت کارەکە ئەوە بوو بەشێکیان لە ناوخۆ و بەشێکی دیکەیان لە دەرەوەی واڵات و هەرکام لە گۆڤارێک و ماڵپەڕێکدا بڵاوبوونەتەوە و لە باری ناوەرۆکیشەوە لێک جیاوازن، جا ئەو تووی هەرێزە مەگەر هەر خۆم کۆی بکەمەوە دەنا دوای من وەک ڕەنجی زۆر کەسیتری پێش من، بەبا دەچێت و دەفەوتێن. وا بە هیممەتی ئەو و یارمەتی خۆم توانیومانە ئەم چەند وتارانە لە فەوتان ڕزگار
بکەین و لێرەدا بیانخەینە بەرچاو.
