ئەمڕۆ 2024/10/01 لە کاتژمێر 7.5 ی هێوارێ ئێران جارێکی تر هێرشی هاژەکی (مووشەکی) کردە سەر ئیسرائیل. لەم هێرشەش دا وەک هێڕشەکەی شەممە، 13-4- 2024 کە ئێران لە رێگای درۆن و هاژەک هێرشی کردە سەر ئیسرائیل
بە پێی مێدیای ئیسرائیلی پارچە مووشەکێک بەر فەلەستینییەک کەوتووە و کوژراوە و دوو کەسی دیکەش بە سووکی بریندار بوون. واتە لێرەەشدا هەر فەلەستینی بوو بە قوربانی.
هێڕشی ئەو جارەیان بە قسەی سپای پاسدارن بە تۆڵەی کوشتنی ئیسماعیل هەنییە، حەسەن نەسروڵڵا و عەباس نیلفرووشانە. هێرشی پێشتریشی دوای ئەوە هات کە ئیسرائیل هێرشی کردە سەر کۆنسوڵخانەی ئێران لە سووریا، 7 کەس لە بەرپرسانی نیزامی سوپای قودس کوژران.
لە هیچکام لەم دوو هێرشانەدا ئێران سەرکەتوو نەبوو. لە هەر دوو کاتیش دا دەوترێ کە پێشتر ئەمریکا و ئیسرائیل ئاگادار کرابوونەوە و شوێنی هاژەک بارانەکەش دیار کرابوو.
ئاخوندەکان بەم هێرشەیان خۆیان خستە تەڵەیەک کە ئیسرائیل بۆ دانانەوتنەوە ، ئەم جارە ئیسرائیل دەستی ئاوەڵا ترە کە هێرش بکاتە ئەو شوێنانەی کە خۆی دەی هەوێ و دوای ئەم هێرشەش هێندەی دیکە ئەمریکا یارمەتی نیزامی پێشکەشی ئیسرائیل دەکا.
لەم دوو هێڕشەدا وەک باسم کرد ئیسرائیل هیچ زەربەیەکی نەخوارد و ئێرانیش ئەو هێڕشەی بۆیە کرد بە عەڕەبەکانی دۆستی بڵێ من دوژمنی ئیسرائیلم و ئەوەی دەڵێن ئێمە ئێوەمان بە ئیسرائیلیەکان فرۆشتووە وا نیە. ئیسرائیل ڕۆژانە لێیان دەکوژێ و زەربەی قورسیان لێ دەدا ئەوانیش چەند مووشەکی کارتۆنی دەنێڕن. کە زیانیان نەبێ. زۆرتر وەک رێکەوتنی ژێر بە ژێر دەچێ یان تەڵەیەکە کە ئاخوندەکان زوو یان درەنگ تێی دەکەون و زەربەی قورس دەخۆن ئەویش وێران کردنی بنکە ئەتۆمی و نەوتیەکانی ئێرانە.