سیاسەتی سەقەتی مالکی بەرەوکوێ، ئەحمەد دەشتی

  زۆر زۆر بە داخەوە کە هەندێ لە بەرپرسانی باڵای ڕژێمی عێراقی ئەمڕۆکە وا دیارە کە دەیانەوێت عێراق بەرەو کارەساتەکان و دکتاتۆریەت بگێڕنەوە، کە ئەمەش شتێکی ئاشکرایە ئەگەر بێت و هەر بەو جۆرە بڕوات.. 

و سیاسەتەکانی مالکی بەم شێوەیەی کە لە ئارایە و ئاوا پەرە بسەنێت و ئەو بایە‌ی کە لەو کونەوە دێت ئاوا بێت، ئەوا دەبێت بڵێین کە تەواوی عێراق بەرەو کارەساتەکان دەڕوات و دیسانەکە خەڵکی عێراق و کوردستان توش بە نا ئارامی و ناڕەوایی و گیرو گرفتەکانی وەک ساڵانی ڕابوردووی ڕژێمی بەعسی عێراقی لێ دێتەوە و گەلێ کارەساتی خەراپتر ڕوو دەدەنەو و کوردستانیش تا ڕادەیەکی زۆر توش بە نا ئارامی و گیرو گرفتەکانی زیاتر دەبێتەوە و ئەم ئاسایش و ئارامیانەی کە ئەمڕۆ لە کوردستانەوە هەیە بە تەواوی پێشێل دەکرێتن، دیارە کە جەنابی مالکی لە هەولی گەڕانەوەی ڕژێمێکی دکتاتۆرانەی تازە و نوێی دایە کە دەیەوێت وەدی بێنتەوە و، لە سەر زەمنینی عێراقدا تەواوی جەماوەری ئەم وەڵاتە دیسانەکە  توش بە نا ئارامی و ناڕەوایی و کارەساتە تاڵ و ناخۆشەکانی خەراپتر لە ڕابوردوو بکاتەوە، ئەمڕۆ خەڵکی عێراق بە تێکڕایی لە دوای سالەها ماڵوێرانی و خاپور کردنی کوردستان و عێراقدا پێویستی بە کەسانی دیموکراتخوازو ئازادو نیشتمانپەروەری پیشکەوتوو و دوور لە هەموو هەستێکی دکتاتۆرانەو شۆڤێنیانە و ناڕەوایانە دژ بە گەلانی عێراقی تازەوە هەیە، کە ئەو ڕژێمە بکارێت تەواوی عێراق بە هۆی سیاسەتی ڕاست و ڕەوا و پڕ لە خۆشەویستی هەموو خەڵکی عێراق ونیشتمانەوەر و دیموکراتخوازو باوەڕبوون بە دەستوری عێراقی تازەوە هەیە کە عێراق بەرەو سەرکەوتنەکان بەرێت و، هەموو هەنگاوەکانی ئەو ڕژێمە تازەیە هەولی کەم کردنەوەی هەستی ڕق لە یەکبوون بدات و لە پێناوی پتەو کردنی هەستی برایەتی و خۆشەویستی نیشتمانەوە بە ڕاستی کار بکات و، جارێکی تر هەستی پیشێل کردنی هەموو مافە ڕەواکانی گەلی کورد قاو بدات و دان  بە هەموو ویست و خواستی جەماوەرەوە بنێت و ڕای  زۆرینە قەبوول بکات و یاسای بڕیار لە سەردراوی لە سەدا هەشتای خەڵکی عێراق بە شانازیوە قەبول بکات، کە دەبێت ڕژێژیمی ئەمڕۆی عێراق پەند لە هەست و بیرە کۆنەکانی سەدامیان و دکتاتۆری و خەراپەکاریەکانی کە لە ماوەی رژێمە یەک لە دوا یەکەکانی ڕابوردووی عێراق کە زۆردارانە بە سەر هەموو خەڵکی عێراق داسەپاو بوون پەندوەربگرێت و ڕێز لە هەموو بیرو ڕای جیا جیا و بگرێت و بە هەند وەرگرتنی هەستی خۆشەویستی یەکتر و باوەڕ بوون بە چارەسەریەکانی کە تا ئەمڕۆ نەکراون و دەبێت ب کرێن، بە تەواوی و دڵسۆزانە هەولی لە ناو بردنی هەموو گەندەڵی و پێشێلکاریەکان و فەسادی ئیداری  کە لە لایەن گەل کەسانی خەراپەوە دەکرێن،ڕاوەساتن دژ بە هەستی  شۆڤێنیەکان و پیاو خەراپانی عێراقی کە لە زۆر لاوە دەردەکەون، دژایەتی کردنی خەراپکاری و ئاژاوە نانەوە کەلە هەر لایەنێکەوە بن بکرێت و لێ نەگەڕێن کە جارێکی تر ئەوان کارەساتە نالەبار ودژ بە مرۆڤایەتیانەی کە دژ بە گەلانی عێراق ڕویان داوە بگەڕێتەوە سەر خاکی عێراق!! دەبێ ڕژێمێ عێراقی ئەمڕۆ دڵسۆزانە  هەموو دارایی و سامان و نەوت و کانی عێراق بە تێکڕایی لە پێناوی عێراقیان و جوان کردن و چاکسازی و پێشخستن و ئاوەدان کردنەوەی زیاتری عێراقەوە بە کار بهێندرێت و ئەوانەی کە بە هەستی نالەبار و دکتاتۆرانە‌وە گێرەشێوێنانە و خەراپکارانە کاردەکەن و دژ بە خەڵکی عێراق ڕەفتار دەکەن، دەبێ پیاو خەاراپانی هۆکاری کارەساتان لە هەموو بەرپرسیاریەتیەکەوە ڕووت بکرێنەوە و دوور بخرێنەوە لە ناو دەزگاو وەزارەتەکان و شوێنە گرنگەکانەوە، تا نەتوان ئاژاوە بگێڕن وجارێکی تر کارەساتەکان دژ بە یەکترو کوشتن و بڕین و ترۆرەوە لە عێراق درێژە پێ بدەن و دژایەتی دڵسۆزان و پێشکەوتنخوازانەوە بکەنە‌وە، دەبێ ڕژێمی عێراقی هەولێ هەموو چاکسازیەک بە کردەوە بدات  و هەموو گرفت و کیشەکانی گەلی کوردی ستەمدیدە بە هەستێکی دیموکراتیانەو پێشکەوتوانە و گەڕانەوەی هەموو ناوچە دابڕاوەکانی کوردستان و خۆ دوور خستن لە هەموو دەست تێوەردانێکی دەرەکی و بەگوێ نەکردنی  هەموو ئەوان کارانەی کە لەو دیو مەرزەوە دژ بە گەلانی عێراقەوە بەرنامە ڕیزی بۆ دەکرێت و  دژایەتی هەموو ئەوانەوە بکەن کە دەیانەوێت  خەڵکی عێراق هەرگیز ئارامی و ئاسایشی بە خۆیەوە نەبینێت و، ئەو ڕژێمەی عێراقی ئەمڕۆ دەبێت خۆی زۆر دوور بگرێت لەوان ڕەفتارانەی کە لەم چەند ماوەی دوایی دا دژ بە لایەن و کاسانی تر و خەڵکی کورد ئەنجام دەدرێت و تۆمەتی ناڕەواو  ناڕاستیان دژ دەسازن،کە دەبێ بە هەست وبیری نیشتمانپەروەرانە و دیموکراتیانە و دڵسۆزانە کار بۆ سەرکەوتنەکانی بەیەکەوە ژیان و دوور خستنەوەی عێراق لە هەموو ماڵویرانەیکانەوە ئەنجام بدرێت، خۆ ئەگەر وا نەکرێت و هەر ئاوا بڕاوت ئەوا ئاشکرایە کە ئەم جۆرە سیاسەتەی ئەمڕۆی وەک سیاسەتی مالکی شکەست بە عێراق دەدات و تەواوی خەڵکی عێراق بە کوردستانەوە بەرەو کارەسات و گرفتەکانی زیاتر لە ڕابوردو دەباتەوە.

19.12.2011{jcomments off}