بۆ قاسملووکوتری ئاشتی، سمکۆ بێکه‌س

شەوی یەلدایە ئەم شەو     

درێژترین شەوی ساڵە     

ئەم شەو بۆ یادی تۆ مومەکان هەڵ دەکەم       

بۆ رۆژی لە دایک بونت

رۆژێک کە زریکەی لە دایک بوونی تۆ

مژدەی بوونی سەرکردەیەکی مێژوویی بە گوێی دنیا گەیاند

ئەم شەو بیر لەو کاتانە دەکەمەوە کە تۆ ماموستاو و رێبەرمان بوویی

ئیستاش وشەکانت لە بیرمان دایە

تۆ فێری خۆ راگری و بەرگریت کردین

تۆ فێری خەبات و شورشت کردین

ئەو کاتانەی کە وانەکانت بوونە

رۆناکی رێگامان. ئەو رێگایەی کە تا ئێستاش هەر لە سەر رێبازی تۆدا بەردەوامە

چونکە تۆ بە حەق چرا بووی بۆ رێگەی خەبات و شورش

بۆیە قاسملوو

ئەی کوتری سپی ئاشتی  تا مێژوو بمێنێ

ناوی تۆ و یادی تۆ و رێبازی تۆ  هەر دەمێنێ

هاورێ یانت هاو بیرانت هاو سەنگەرانت

بێگومان هەرگیز رێبازی تۆ و هەموو شەهیدانی گەلەکەمان ون ناکەن

تا کەشتی خەبات لە بەندەری ئارامی رزگاری گەل دا لەنگەر بگرێ

تا مژدەی سەرکەوتن و ئازادی بۆ دایکی شەهیدان ببرێ

تا ئاڵای کوردستان لە سەر ئاسمانی رۆژ هەڵاتی کوردستانم هەڵ بکرێ

ئەو کاتەیە کە دڵی هەموو کوردان بە یەکجاری ئارام دەگرێ

سمکۆ بێ کەس. نۆرویژ{jcomments off}