ئاوێنــــــــــــــــــــــــــــــــــــە، ئاکۆ ئەلیاسی

بۆ یەکەمجار،      

کە تۆم بینی       

وەکوو پرشە بەفری سپیی سەر لووتکەی شاخ،

بەدەم نەرمە شەماڵی عەشق، هەڵپڕژام بە ڕوومەتتدا،

بە خۆم نەبوو،

دڵۆپ …دڵۆپ

هەرلەوێ دا

لە نێو تۆدا توامەوە

پاش تەمەنێک… دابڕان و دووری لە تۆ

ئێستاکەش کە …. جاروبارە نیگای تیژی پڕ خەیاڵم،

دەبێتەوە بە میوانی ئەو زەمەنە،

لە ئاوێنەی ئەو یادەدا، بە کۆمە….کۆم…. ڕائەپسکێم….

وەکوو جاران ئەژێمەوە!

ئاکۆ ئەلیاسی

2012-08-16

{jcomments off}