ئاوڕێکی کورت لە ڕابردوو و بیرەوەرێکی شەڕی ناو خۆ، ئەبوبەکر سێوەتاڵی

 کاتێک بەقوڕگی مێژووی سەد ساڵەی گەلەکەم دا  ئەچمەخوار ، مەخابن  هەموو  کەڵێن و قوژبنێکی پڕن لەهەڵەو پەڵە!

مێژوو ی جوڵانەوەو تێکۆشانی مرۆڤی کورد نیشان دەدا که، کەسایەتی کورد  چەندەسەر گەردان و نادەربەست بووە لەئاقار  ئەرکەکانی سەر شانی لەناو  بازنەی جوڵانەوەی مافخوازانەی گەلەچەوساوەکەی دا !

 زۆر جار بۆ تەکلکەی نایارانی  گەلەکەی و  سەدان جاریش  بەسەقەتی بۆ تەچەقڵێک و لەجەستەی نەتەوەی کەی خۆی ڕۆچۆتەوە!

گەڵی کورد لەگەڵ  ئەوەی دا بێ خواستی خۆی بە سەر چوار  وەڵاتی  ئێران ، ئێراق ، تورکیەو سوریەدا  دابەشکرا و  چارەنووسی هەڵاوەسرا،  بەلام  هەر گیز  بەڕەسمی  نەچۆ تە ناو  بازنەی  یاسا و  ڕێسای ئەو  وەڵاتانەی کەبەسەریان دا دابەش کرواە!

مێژووی ئەو سەد ساڵەی ڕابردوو  نیشان دەدا  کە هەر چوار  حکومەتە مەرکەزیەکەی  کوردیان بەسەردا دابەش کراوه، لەبەر ئەوە دەسەڵا تەکەیان  لەدەرەوی  ویست و  ئیرادەی گەلی کورد بووە هەرگیز  نەیانتوانیوە ئەمن و ئەمان  و ئاسایشێک  لەناوچەکوردنشینەکان بۆ  دەسەڵاتی مەرکەزی خۆیان دابین بکەن !

هەر لە نەبوونی دەسەڵاتی  سنحەتی و مەکانیزە نەکردنی ناوچەکوردنشینەکان  هەڵاوەسانی  بەوێرانی،  بەڕوونی بۆ دەردەکەوێ کە چەندە نا سەرکەوتوو و  ناسەقامگیر بووە دەسڵاتی  ئەو حکومەتانەلەناوچەکوردنشینەکان دا .

کەسایەتی بێکەسی کورد چ بەشێوەی تاک و چ بەشێوەی گشتی و  ڕێکخراوەی  ئەگەرچی  ملیان بۆ دەسەڵات و  یاسا و رێسای  حکومەتەکانی مەرکەزی  نەداوە لەهەر چوار پارچەکه، خۆشیان  زاتیان نەکردووە یاساو  ڕێساێکی شیاو  و  سەردەمیانە لەدەرەوی  یاساو ڕێسای  حکومەتە مەرکەزیەکان  بۆ   گەلە  چەوساوە و  پەرتەوازەکەیان  بنووسنەوه.

ئێستا کەئاڵای کوردستان  بۆتە ڕەمزی  ێکڕیزی  و  پێناسەی  گەلێکی  ون،  زۆر  گرینگە خەمخۆڕانی کورد  بە تایبەتی  یاسا  ناس  و  ڕوناکبیرانی  بەلیمەتی  کورد  کار  بۆ  یاساو  و ڕێساێکی  مەدەنیانە و   سەردەمیانە و  پێشکەوتوو  و  شیاو  بکەن  کە خێری  کوردی تێدابێ ،  بەدوور  لە دەستێوەردانی  دەرەکی.

یاساێک کە ڕەشنووسەکەی بچیتە هەموو  ماڵێکی کورد، بۆ  ئەوەی  مرۆڤی  کورد بە ئەرک  و  وەزیفەکانی  تاک  و گشتی  ئاشنا  بێ.

سەدان  ساڵە دوژمنان و  نەیارانی کورد  کار لە سەر  ون  کردنی  پێناسەی  کورد  دەکەن،  بۆ  ئەو   مەبەستەش  پارەێکی  زۆریان  سەرف کردووە و  هەموو  پیلانێکیان  تاقی کردۆتەوە و سەرکەوتوو  نەبوون  وەک:  دەرکردنی کورد لەسەر زێدەی  باب  و  بابیرانی و کۆچ  پێکردنی بەزۆرەملی  بۆ  شارەتورک نشینەکان وەک (ئەستەمبۆڵ) و  شارەکانی دەوروبەری، بۆ شارەعەرب نەشینەکانی خوارووی عێراق،  بۆ چولگەکانی خوڕاسانی ئێران لەساڵی ١٠٠۶ هیجری قەمەری بەدەستی (شاەعباسی صفوی) .

وێران  کردنی  هەزاران  گوندی کوردنشین  لە سەر  هەر  چواری  پارچەی  کوردستان، بەدوای ئەو  زوڵم  و  زۆرییەدا،  قەتڵی حامی  هەزاران  کوردی  دێرسیم  و شار گوندەکانی تر و   فتوای  جیهادی  خومینی  بۆ  سەر  گیانی کورد و  کارەساتی شوومی (قارنەو قەڵاتان) و دەیان گوندی تری لێدەکەوێتەوە.

ئەو جا  نۆ رەی (ئەنفالی) سەدام حوسێن دێ کە زیاتر (١٨۲٠٠) کورد لە پیر و جوان و  ژن و پیاو  منداڵی سەر بێشکەلەگەڵ خۆی ئەبا بۆ بن گڵ،  سەدام حوسێن ئەو نۆرە ئاقڵی لەدەست دەدا و  بە ئەنفال  کردنی  کورد ئۆقرە ناگرێ  پەنا  بۆ  چەکی بایلۆجی  و کیمیای  دەبا  و  بەسەر کورد  دا هەڵیدەڕێژێ، بەو کارەشی  دەسەڵاتی سەدام  حوسێن کارەساتێکی تر بەسەر کورد دەهێنێ.

ئەو کارەساتە بێجگەلەکوشتنی زیاتر لە(٥٠٠)  هەزار کوردی لێدەکەوێتەوە  بۆ هەتا هەتاێش ئاسەواری ناشیاو  لەسەر   وەچەی  کورد  بەجێ  دەهێڵێ.

لەو لایتر حکومەتی بەعسی سوریا دەیان ساڵە کوردەکانی  ئەو  بەشەی ڕۆژئاوای کوردستانی  هەڵپەساردووە و لەهەموو  پێناسەێکی هەقوقی بێ بەشی کردوون!  بەو کارەش وای کردووە کە کوردەکان  نەتوانن  داوای  هیچ  مافێکی  ڕەوای  خۆیان  بکەن  و  هەتا  بەشی  زۆری  منداڵەکانیشیان  ناتوانن  بچنە فێرگە.

ئەوەی لەسەرێ باسم کرد،  چاو  خشاندنێک  یان  بیرهێنانەوەێکی  کرچ و کاڵه،  بەڵام  مرۆڤی کورد  نابێ  ئەو   مێژوەتاڵانەی  لە بیر  بچێتەوە.    

 بێجگە لەو   هەموو  نەهامەتییانەی  دوژمن  بە سەر  کوردی  هێناوه،  نەهامەتێکی تر  و گەورەتر  لە هی  دوژمن،  کە کورد  خۆی  بەسەر  خۆی  هێناوە  شەڕی  ناو  خۆییه.

توێ  توێ  مێژووی  کورد  بگەڕێ،  پڕە  لەم  نەهامەتییانە:   هەر  لە کێشەی  بنەماڵەوە  بگرەهەتا  دەگاته،  خزمێنه،  تایفه،  عەشیره،  ناوچێنه،  ئەو  جا  ئاینەکانیش  هەر ێکە بەنۆرەی  خۆی کلکەی  گێرە شێوێنەکە بوون !   بەداوی  ئەوانە دا  پارتێنە و  حیزبێنه.  هەموو   ئەوانەکاریان  لە سەر  دەکرێ  و  پارەیان  بۆ  سەرف  دەکرێ  و   ڕەواجیان  پێدەدرێ،  بەڵام   بۆ  ێکڕیزی  و  ێکیەتی  کورد  و  داهاتووێکی  ڕوون  بۆ  کورد  هیچ  ناکرێ!

شەڕەکانی ناو خۆ  فایروسێک  بوون  جستەی  کوردیان  کڕمۆڵ کرد،  چارەنووسی کوردیان  دەیان  ساڵ  دواخست ،  تۆوی ناکۆکی و دووبەرەکی و دوژمنکاری لەناو  بنەماڵی  کورد  دا چاند، ئاسەواری شەڕی  ناو  خۆ  لە سەر جەستەی کورد  هێندە زۆرن لەژمار ناێن!

من ناگەڕێمەوە بۆ  نەهامەتیەکۆنەکانی ناو خۆی گەڵی کورد،  ئەوە کاری  من  نی یە و  دەرەقەتی ناێم .

بیرەوەریەتاڵەکەی  من  لەو شەڕانەی لەنێوان حیزبی دێمۆکڕاتی کوردستانی ئێران و کۆمەڵەی زەحمەتکێشانی  کوردستان  ئێران دا  ڕوویان داوه،  تەنیا  باسی  یەک  ڕۆژ  شەڕ  دەکا  لەنێوان  ئەو  دوو  هێزەدا  لە ناوچەی  مەریوان .

دوای شۆڕشی گەڵانی ئێران لە۲۲⁄١١⁄١٣۵٧ بەدژی حکومەتی نەگریسی محەمەد  ڕەزاشای پەهلەوی،  کوردستانی  ڕۆژهەڵات  هەناسێکی ئازادی هەڵکێشایەوه،  حیزبی دێمۆکڕاتی کوردستانی ئێران  لەمیتینگێکی  بەرین  دا  لە شاری  مەهاباد  سەر  لە نوێ  ژیانەوەی  خۆی  ڕاگەیاند.

بەدوای  ئەو  دا، هەر ئەوێ  ساڵێ چەند  کەسێکی  خوێندەوار  و کۆنەکار لە فارس  و  کورد بوونی خۆیان بەناوی (کۆمەڵەی  زحمەتکێشانی کوردستانی ئێران)  ڕادەگەێنن، کەخۆیان  درێژەدەری  تێزەکانی  (مائۆیست) لەقەڵەم دەدەن. 

لەو دەرفەتەی کە ئەو  کات  بۆ  کورد  پێک  هاتبوو،  ڕوناکبیری کورد  ئەوەی  ئاقڵی  پێ نەشکاو  هەرگیز  بیریشی  لێ نەکردەوە ێەکیەتی  و   ێکڕیزی  و  چارەنووسی گەلی کورد  بووە!  ڕوناکبیری  کورد  لە باتی  ئەوەی  چوار چێوەی  ێەکیەتی  مەسلەحەتی  کورد  داڕێژێ  و پتەوی  بکا  و   یاساو  و  ڕێسای  ماقوڵی  بۆ  بنووسێتەوه،  کەوتە دوا  مەسڵەحەتە شەخسیەکان  و  بیرۆکەی  کوردایەتی  و  کورد  بوونی  وەلا نا !

مایەپووچ  سەرگەردان  سەریان بەهەموو  شوێنێک  دا کردووەو  کات  و  ساتی  خۆیان  بۆ خوێندنەوەی  کتێبە کۆن  و   پڕ پووتەکانی  مێژووی سەد  ساڵی  کۆن تەرخان  کردوه، تا بتوانن گەنجی  خێر  لە خۆ  نەدیوی  کورد  تەفرە و  سەرگەردان  کەن و  خەیاڵێکی  دوور  و   وەدی  نەهاتووی  لە مێشکی  دا بچێنن.

هەر  وەک  بینیمان  زۆری پێ  نەچوو  دەیان  حیزب  و   ڕێکخراوەی  جۆرا و  جۆر  هەر  ێکەی بە ئیدولۆژیای  جیاواز  و  خەیاڵ  و  پڵاوی  جیاوازەوە سەری  هەڵدا  و  ئەسپی  خۆی  لینگ دا.

ێک  بوو  بە جوتیار،   ێک  بوو  بە کرێکار،  ێک  بوو   بەڕەنج  دەر،  ێک  بوو   بەڕەنج  بەر،  لەم چروش  و  مێشەڵانەیە دا   دەیان  گەرای  جۆرا و  جۆریان  لە ناو  جەستەی   وەچەی   کورد دا ناشت،  تاکو   فڕێیاندا و  کردیانە پاشماوەی  ڕۆژگار .

بەم  جۆرە کوردستانی  ڕۆژهەڵاتیان  کردە بەحرێکی  قووڵ  کە هەر کەس  مەلوان  نەبا  بەردی بن  گۆم  بوو !

لەسەرەتای دروست بوونی کۆمەڵه،  هیچ  کێشەێک  لە نێوان  حیزبی  دێموکڕات  و  کۆمەڵەدا  نەبوو،   ساڵەکانی  ۵٨⁄۵۹  هەتاوی  لە ێک سەنگەر  دا  بە دژی   ڕێژیمی  ئاخوندی  شەڕیان  دەکرد.

لەوە بەدوا  کێشەێکی  لاوەکی  لەنێوان  حیزب  و  کۆمەڵەدا  دروست بوو !

حیزبی دێمۆکڕاتی کوردستان  ئێران  پشتی بە ڕابردووی خەبات و تێکۆشانی خۆ  بەستبوو  و خاتر جەم  بوو  لەوە کە ێەکم  دەسەڵاتی  بە هێزی  سیاسی یە لە ڕۆژ هەڵاتی  کوردستان . خۆی بە حیزبێکی میللی دێمۆکڕاتیک  ناساند  بوو،  بەشی هەر زۆری  چین و توێژەکانی  کۆمەڵی کوردەواری  لە دەوری خۆ  کۆ  کردبوونەوە.

هەر چی  کۆمەڵە بوو ،  پێشینەێکی  کۆنی  نەبوو  و  تازە نەش  و  نەمای  دەکرد.

ناوچەی  دەسەڵات  و   زۆری  نەفوزی  ئەو  بە شێوەێکی  بەرچاو  لە باشووری  ڕۆژهەڵاتی کوردستان بوو.

بەڵام  کۆمەڵە بەشێوەێکی  بەر چاو  لە گەشەستاندن  دا بوو  و پەل و پۆی داویشت  بۆ  تەواوی شار و گوندەکانی  ڕۆژهەڵاتی کوردستان  ئەوان  بیر و بۆ چوونی حیزبەکەیان تەبلیغ  دەکرد و  بە شێوەێکی  سەر نج  ڕاکێش خۆیان  لەخەڵک  نزیک  دەکردەوە نیشانیان دەدا و ڕایاندەگەیاند کە هێزێکی  ڕووناکبیر  و  بەسەقافەتن  و  دەتوانن داهێنەر بن !

ئەوان  سەڕەڕای  خەباتی  چەکدارەنەیان  کە شان بەشانی  هێزەسیاسیەکانی  تری ڕۆژهەڵاتی کوردستان  بە دژی  ڕێژیمی  ئاخوندی  شەڕیان  دەکرد،  کاتێکی  زۆریشیان  تەرخان دەکرد  بۆ  تێکۆشانی  ناو خۆی حیزبەکەیان:  پەروەردە کردن  و  باسەواد کردنی پێشمەرگەکانیان،  پڕوپاگەندە کردن  لە سەر  مافەکانی  تاک و  کۆمەڵ لە دەرەوەی حیزب  و  لە ناوەوەی  حیزب،  خوێندنەوە و  لەبەر کردنی  تێزەکانی (مارکس) و (لینین) و (انگلس)  بەبوو بەخۆراکی  ڕۆژانەی  تەبلیغاتی  کۆمەڵەی  زەحمەتکێشانی کوردستان.

پێکهاتێکی  سەرەنج  ڕاکێشی  ڕیزەکانی کۆمەڵه،  کۆ  کردنەوەی  کچان  و  ژنانی  کوردستان  بوو  بە شێوەی  ێکسان  لە دەورەی  خۆی .

بێگومان  گونجاندن و  ڕێکخستنی  ئەو  شێوە خەباتەی ژن  و  پیاو  لە ێک  سەنگەر دا،  گوڕ و تینی  زیاتر  بە درەوشانەوە بەرەو پێشەوە چوونی  تێکۆشانی  حیزبی و  هەروەها  گەشە کردنی  کۆمەڵ  دەبەخشێ .

ئەو  کات  کە کۆمەڵەی  زەحمەتکێشانی کوردستان  گەشەی  دەکرد و  پڕوپاگەندەی  خۆی دەگەیاندە شار  و  گوندەکان،  ڕێزەکانی حیزبی دێمۆکڕاتی کوردستانی ئێران  پڕ  بوون، لەپیاو ماقوڵ و  ڕیش  سپی و کوێخا و  ئاغا  و  مەلا  و  سەرۆک عەشیرە!  ئەوان  نەک  هەر هیچ  بەرنامەیان نەبوو  بۆ  پەروەردە کردن  و  پتەو  کردنی  ڕیزەکانی حیزبی  دێمۆکڕات  بەڵکو  کێشەی زۆریشیان  بوو،   لەسەر سەرپەل و بن پەلان!

کادیرانی  ئەو کاتی  حیزبی دێمۆکڕاتی کوردستانی ئێران  بە پۆل دەگەڕان  بە شار و  گوندەکانەوە و دەعوەتیان  دەخواردن،  زۆر جاریش  بێ  بەرنامەزەکاتیان لەخەڵک وەردەگرد!

بەشێکی تر  لە کادرەکانی حیزبی دێمۆکڕات  کە خۆیان  بە موسە قەف  و خوێندەوار  پێشکەوتوو   دەزانی  بەداخەوە هەر  نانیان لە سەر  سفرەی  حیزب  دەخوارد،  ئەگینا  تۆسقاڵێک  ئیمانیان  بەکار  و  بار  و  سیاسەت  و  بەرنامەی حیزب  نەبوو   هەر کاریشیان  بۆ  نەدەکرد !

ئەوان  لە باتی  پلان  دانان  بۆ  کار  و  تێکۆشانی  حیزب  و  داڕشتن  و داهێنانی  بەرنامەی  نوێ بۆ  کاری  نوێ،  لافی  تودەی  بوونیان لێدەدا و  شەو  و  ڕۆژیان  خستبوونەوە سەر یەک  بۆ  ئەوەی  لە خوێندنەوەی  کتێبەکۆن  پاشماوەکان  دوا نەکەون !

فەرمەندەرانی  پێشمەرگەی  حیزبی  دێمۆکڕاتی کوردستانی  ئێران،  کە بەشی  هەرەزۆریان  ڕۆژێکیش  نەچوبوونە فێرگه،  کێ بەر کێیان  بوو  داخوا  کێ  ێەکم  مۆڵگەی  دوژمن  دەگرێ،  یەکم  ماشێن  دەسووتێنێ  یا ن  یەکەم  تفەنگ دەگرێ !

حیزبی دێمۆکڕاتی کوردستانی ئێران  هێزێکی  زۆری  پێشمەرگەی  پاڵەوانی  هەبوو،  کات  و ساتێکی  زۆریشی  لە ساڵ دا  بۆ  کاری  نیزامی تەرخان کردبوو   زەربەی  بەژانیشی لەپیکەری  ڕێژیمی  ئاخوندی  دەوەشاند ،  بەڵام  نەیتوانی  کات  و  سات بۆ  پەر وەردەکردن و بار  هێنانی   پێشمەرگە تەرخان  بکات !   تا پێشمەرگەش  بتوانێ  گیانێکی  ئازاد  و  سەر بە خۆی  فیکری  هەبێ  و  نەبێتەدیلی  فکر  و  زکری  بەرپرسێک  یا کەسێک !

کەمتەر خەمی  ئەو  کات  بوو،  ئەمڕۆی  حیزبی دێمۆکڕاتی کوردستانی  ئێرانی  لەت و پەت کرد .

کاتێک  حکومەتی  شای  ئێران  تێکەوە پێچرا  و  ڕەپێنرا ، خەڵکی  بەستەزمانی  ڕۆژهەڵاتی کوردستان  کە تەجروبەی   هیچ  حکومدارێکیان  نەبوو،  دەسەڵاتەکە کەوتەدەست حیزبەکان ، ئەوان دەسەڵات و  خەلکەکیان  بەسەر خۆ دا دابەش کرد،  شۆڕای  شار  و  گوندەکانیش  دەبوو  لەهەر دووک  لا  بێ   دێمۆکڕات و  کۆمەڵه،  ئەو  کات  شعور  وا بوو  پێیان وابوو  وا دروستە،  فکری  گێڕانەوەی  دەسەڵات  بۆ  خەڵک  بە بیری  کەم  کەس  دا  دەهات   ئەوان بەو شێوە جۆگاکەیان  هەڵبەست  و ئێستاش هەر درێژکەی دەدەن !   

لە ماوەی  سێ  ساڵی  پێش  هەڵگریسانی  شەڕی ناو خۆ   نەیان  توانی  کەمترین  ئاڵو گۆڕ چ لەناو  خۆی حیزبەکان و  چ  لەناو خەڵک  بەدی بێنن  وەکو  داهێنان  و  خزمەتێکی دیار  بۆ  خۆیان  و  بۆ  خەڵک   لە  بەر  شەڕە دنووکەی .

بیرم  دێ  پاییزی  ساڵی ١٣۶۲  حکومەت هێرشی  دەکرد  بۆ  سەر  گوندەکان ،  ئێمەش شەڕمان لە گەڵدا  دەکرد ، خەڵکانێکم  دەبینی  بزەی لێویان بوو !  پێیان خۆش  بوو  حکومەت  بێتەوە ناو  گوندەکانیان  دەیانگووت:  حکومەت  نان  و  ئاو   و  کارەبا  و  جادەمان  بۆ  دێنێ !  ئێمەش   لێومان  لێدەکڕۆشتن  .

 ساڵی ١٣۶١  ̶ ١٣۶۲ ی هەتای  کۆمەڵەی  رحمەتکێشانی کوردستانی ئێران  بە چەند  هەنگاوێک  بنکەکانی خۆی هێنا  بۆ  ئەو  گوندانەی کە تا  ئەو کات  بنکەی  کۆمەڵەی  لێ  نەبوو!

کۆمەڵەلەزۆر  گوندی  ڕۆژهەڵاتی  کوردستان  بە تایبەتی  لە باکوڕ  هەر ئەندامێک  یان پێشمەرگەێکشی نەبوو!  بەڵام  هەقی خۆی  بوو،  کەبنکەی  پێشمەرگەلەهەر شوێنک کەحەزیان لێیە بیکەنەوه.   ئەو  کوردستانە ئازادە موڵکی  وانیش  بوو،  ئەوانیش کوڕی کورد و خەڵکی کوردستان بوون.

 ئەندامان و لاێنگرانی حیزبی دێمۆکڕاتی کوردستانی ئێران  و  بەشێکی  زۆر  پێشمەرگەش،  بە نزیک  بوونەوەی  بنکەکانی  کۆمەڵە لەم  گوند و  ناوچانەی کە لە ژێر  نەفووزی حیزبی دێمۆکڕات دابوون  نیگەران  بوون!

ئەوە وای کرد کە حیزبی دێمۆکڕات  پێچەوانە بجوڵێتەوە!  هانی  لاێنگرانی  دا،   کە نەهێڵن کۆمەڵە بنکەلە گوندەکەیان  دابنێ !   وای کرد  کەخەڵک  نانیان  نەداتێ  و  دەرگایان  لێ نەکەنەوه.

 پڕوپاگەندەی  بە دژی  کۆمەڵە لە گوندەکان  وەڕێخست و  گووتی:  دژی  ئایین  و  فەساد بڵاو دەکەنەوە!  هەتا  مەلایەکانیش  و تاری  هەینیان  بە دژی  کۆمەڵە لە مزگەوتەکان  دەخوێندەوه.

وردە وردە بەهەر  دووک  لا  پوشیان بۆ   ئاگری  شەڕی  ناو  خۆ  کۆ  دەکرد.

کۆمەڵە شەڕەکەی  بردە ناو   ڕۆژنامەکان  و  حیزبی دێمۆکڕاتی تاوانبار کرد،  بە هاندانی  خەڵک دژی  کۆمەڵه،  هەروەها  هیرشی  کردە سەر  مەلای  مزگەوتەکان و گووتی: خوڕافات بڵاو دەکەنەوە.

پێشمەرگەکانی کۆمەڵەو  دێمۆکڕات لەگوندەکان دا،   زۆر جار  مۆڕەیان لەێکتر  دەکرد و  لەسەر شتێکی لاوەکی  و  زۆر جاریش  شەخسی  چەنگیان  دەبەرۆکی  یەکتر  دەنا و  مڕۆڤی  خێر خواز  بەریوانی  دەکردن  و  لە ێەکتری  دوور  دەخستنەوه.

هاوینی ساڵی ١٣۶۲  چەند جار  لەگوندی (بێژوێ) و (بێتوشی) ناوچەی ئالانی  سەردەشت  دەورەی  بنکەکانی  یەکتر یان  دەگرد و   هەر  جارە بە هاوکاری  مەلای گوند  و  ڕیش  سپی و مرۆڤی خێر خواز  ئاوێک بە ئاگرەکە دا دەکرا .

ئەو  کێ بەرکێ یە ناسالمە وای کرد، کە کەسی  یاخی لە حیزبی دێمۆکڕات  بچیتە لای کۆمەڵە و  هی  یاخی  لە کۆمەڵە بێتە لای  دێمۆکڕات !

بەوشێوە لاپەڕەی  ڕۆژنامەکانیان  پڕ  کرد لە پڕوپاگەندەی  ناسالم  و  نابەجێ  دژ  بە یەک   هەتا  زەمینە و  کەرەسەی  شەڕێکی  ماڵ  وێرانکەر  ئامادە بوو.

بەحەمەل  هەموو  شتێک  ئامادە بوو،  سەنگەریان  لە یەکتر  گردبوو،  کەسانی  زۆر  سادەلە ڕیزەکانی حیزبی دێمۆکڕات  و  کۆمەڵە دا  هەبوون  حەزیان  لە شەڕ  و  ملانەێک  بوو ،  بێ  ئەوەی  بیر  لە موسیبەتەکانی  شەڕ و  دوا  ڕۆژی  ماڵی  کورد  بکەنەوە!

سەرەنجام  سەرماوەزی  ساڵی ١٣۶٣ ی  هەتاوی  چەند  کەسێکی سادەکا ر و  نادەربەست  ئاگریان  بە پووشەکەوە ناو  هەڵیان کوتاییە سەر  بنکەکانی  ێەکتر  و خوێنی کوڕی  کوردیان  ڕشت .

سەر کردایەتی حیزبی دێمۆکڕات  و  کۆمەڵە زۆر  بە لاوازی  بە پیر  سوڵحەوە چوون،  یان  حەزیان  لێ  نەبوو  سوڵح  بکەن ! 

سەرکردایەتی  حیزبی  دێمۆکڕات  و  کۆمەڵە بە جێی  ئەوە بەپەلە بەێکەو دانیشن و  لیژنێک لەهەر دوو لا  ساز دەن  و  بەشوێن  ڕووداوەکەدا  بچن  و  سادقانە هۆی تێک هەڵچوونەکان  دەست نیشان  بکرێن و  تاوانبارانیش  لەهەر دوو ک لا  سەزا بدرێن،  ئەویان  نەکرد  و  بە ڵاشیدا  نەچوون  هەر  بۆێ  هیچی  لێ شین نەبۆوه،  لەسەر  شەڕ  کردن  لەگەڵ  ێەکدا سوور  بوون .

 لەدەسپێکی  شەڕەکەوە حیزبی دێمۆکڕاتی کوردستان  بە هۆ ی  هێزی  زۆری  شەڕیەوه،  هەویستی  کۆمەڵە لە ڕۆژهەڵاتی کوردستان  دەرکا  یان  چەکی  کا  و  تەسلیمی خۆی  کا ،  یان   بە شەق سوڵح  و  قۆناغی پێ  بکا !

ئەو کات  کۆمەڵە هێزی  شەڕی  لە هی حیزبی دێمۆکڕات  کەمتر  بوو ،  بەڵام  ئەوان  خۆیان   قایم تر  و  ڕێکخڕاوتر  دەبینی  لە بواری  شەڕ دا ،  هەروەها  لە بواری  زانستی  سیاسی  و  خوێندەواری  و  موسەقەفیشەوە خۆیان  دە تەرازوی  حیزبی  دێمۆکڕات  نەدەهاویشت !

ئەو  هەموو  لوت  بەرزی  و  بە هەڵە دا چوونە ئاگری  شەڕی  درێژ  و  درێژتر  کردوەوه، لەولاشەوە دوژمنانی گەلی  کورد  بۆ   ڕاگرتنی   بڵانسی  شەڕەکە دەوری خۆیان  گێڕاو  و نەیان هێشت  هیچ  لاێکیان  بەرەندە و   بازەندەی  مەیدانەکە بن .

 هەڵگریسانی  شەڕی  کۆمەڵە و  دێمۆکڕات  هیچ  پیوەندی  بە کرێکار  بوونی کۆمەڵەو  بوروژوا  بوونی  دێموکڕاتەوە  نەبوو !  هەتا  لە شڕوڤە کردنی   زانستی  ئەو   چەمکانەش  زۆر  هەژار  بوون،  ئەم  شوعارەی  که،   کام   بورژوایە و  کام  کڕێکارە لە درێژەکێشانی  شەر  دا  پیدا  بوون.

کۆمەڵە و  حیزبی  دێمۆکڕات کوردستان  بۆ  درێژ  کردنەوەی  شەڕەکە و  بەقوڕ  گرتنی  ماڵی کورد و  کوڵاندنی  مەنجەڵی خەزەب   بۆ  سەر کوڕی  کورد،  سەریان  بە زبڵدانی  مێژوی کتێبەکۆن و  پڕپوتەکانی  دوو سەد  ساڵەی  کۆن  دا کرد،   تاکو  بتوانن  تێزە یاخیەکانی  کۆمۆنیستی  کۆن و  سەرمایەداری و  بۆروژوازی  نەگبەت   بکەنە سەر دێری  ئامانج  و  ستراتیژیکی  درێژ  کردنەوەی  شەڕی  ناو  خۆ ! 

لەو  بەستێنەی  پڕ هەوراز  و  نەشێو  و  هەڵەموتەی  شەڕی  ناو  خۆ ،  دەور  و  دەسەڵاتی  هێزی  پێشمەرگەی  هەر  دوو  لا  تەنها کلیلی  ڕۆبۆتێکی  دەستکرد  بوون،  ئەوان  مۆرەی شەترنج  و  پووشی سوتمانەکە بوون.

ئەگەر لەوە درێژتری  نەکەمەوە و  بەچمە سەر  ئەسڵی  بابەتەکەی  خۆم ، دەبێ  باسەکە بگێڕمەوە بۆ  هێزی  مۆعێنی  ئەو کات.

هێزی  مۆعێنی  ێەکێک  لەو  هێز  بە هێزانەی  حیزبی  دێمۆکڕاتی کوردستان  ئێران  بوو،  کەزۆرترین  جوڵەی  پێدەکرا  لە کاتی  شەڕی  ناو  خۆ  دا !

ئەبوبەر سێوەتاڵی  ۲٨⁄١⁄۲٠١٣

ئەو  بابەتە درێژەی هەیە…..

{jcomments off}