به‌یانی ڕۆژی ٣⁄٤⁄١٣۶٤ سه‌عات یانزده گه‌یشتینه (کانیشه‌کرێ).
ئێمه به ماوه‌ی پینج رۆژ له کانی مێوێوه گه‌یشتینه کانیشه‌کر جه‌لب بوو ده‌بوو به زوترین کات بگینه وێ !
کانیشه‌کر : شوێنێک بوو که گه‌وره ترین مه‌رکه‌زی نیشته‌جێ بوونی پێشمه‌رگه‌کانی کۆمه‌ڵه بوو له باشووری ڕۆژهه‌ڵاتی کوردستان، ئه‌و شوێنه له ناوه‌ندی ئاژوانی حیزبی دێمۆکڕاتی کوردستانی ئێران نزیک بوو ، هه ر له وێوه بۆ ێه‌که‌م پیلانی ده‌ست به‌سه‌ر داگرتنی ناوه‌ندی ئاژوانی حیزبی دێمۆکڕات داڕژابوو ، کۆمه‌ڵه هه‌موو هێزی خۆی له وێ کۆ کردبۆوه هه‌تا خه‌نده‌کی زۆر گه‌وره‌ی دیفاعیان له چیایه‌که لێدابوو !
کاتێک کۆمه‌ڵه‌کان بۆ ێکه‌م جار ده‌ستیان به سه‌ر ناوه‌ندی ئاژوان داگرت، حیزبی دێمۆکڕاتی کورستانی ئێران بۆ تۆڵه ستاندنه‌وه هێزێکی زۆر پێشمه‌رگه نارده ئهوێ، دوای چه‌ند ڕۆژ شه‌ڕ توانی کۆمه‌ڵه له هه‌موو ناوچه‌که ڕاو نێ هه‌تا خاکی کورساتانی باشوور.
شاخ و ته پۆلکه و شیو دۆڵه‌کان شاهیدی زه‌ره‌رو زیانی زۆری کۆمه‌ڵه بوون، ئه‌وان هێزێکی زۆریان له ده‌ست دابوو و هه‌موو بن دار و ده‌وه‌نه‌که گۆڕستان بوون!
که‌تێک گه‌یشتینه وێ پێشمه‌رگه‌کانی هێزی موعێنی به‌فه‌رمه‌نده‌ی کاک مه‌لا حه‌سه‌نی شیوه‌سه‌ڵی له‌وێ بوون، دیاره خۆیان پێچابۆوه چاوه‌ڕوانی ئێمه‌یان ده‌کرد بگه‌ینه‌وێ ئه‌وانیش بڕۆن .
کاک مه‌لا حه‌سه‌ن به په‌له کۆبوونه‌وه‌ی پێ کردین، بۆی باسی گرینگی ناوچه‌که کردین، باسی ئه‌رکی ئێمه کرد له ناوچه‌که، که ده‌بێ چۆن هه‌ڵسوکه‌وت بکه‌ین، چۆن وریا بین و زه ربه نه‌خۆین.
ئه‌وان دوای کۆبوونه‌وه‌که، ماڵ ئاوایان کرد و گه‌ڕانه‌وه بۆ ناوچه‌ی بانه.
ڕۆژی ٨⁄٤⁄١٣۶٤ سه‌عاتی پێنجی سه‌ر له به‌یانی ئاگادار کراین، که تاقمێک چه‌کدار لهو نزیکانه‌ی ئێمه‌ن! له کانیشه‌کرێ میرزا عه‌وڵا بڕیاری دا که له چه‌ند لاوه بۆیان بچین، شه‌ڕ ده‌ستی پێکرد، به‌ڵام هه‌ر زوو یه‌کێک له پێشمه‌رگه‌کانی هێزی بێستوون به هه‌ڵه نارنجه‌کێکی خسته ئه‌و دۆڵه‌ی که کاک میرزا عه‌وڵا و هاورێیه‌کانی سه‌نگه‌ریان لێگردبووه، زۆر به‌داخه‌وه کاک میرزا عه‌وڵا زۆر به سه‌ختی بریندار بوو، دوای چوار سه‌عات به‌ربه‌ره‌کانی له گه‌ڵ مه‌رگ دا چاوی له سه‌ریه‌ک دانا و چۆ ناو کاروانی پڕله شانازی شه‌هیدان.
که‌م و کوڕیه‌که وابوو، له‌وێ بریندارێکی ساده‌ش نه‌ده‌گه‌یشته هیچ شوێنێک! داوده‌رمانی پێویست و برین پێچی شاره‌زا نه‌بوو.
شه‌هید میرزا عه‌وڵا چوار سه‌عات ژیا، پێویستی به حه‌مه‌لی جه‌ڕاحی فه‌وری هه‌بوو بۆ ئه‌وه‌ی ژیانی بۆ بگه‌ڕێته‌وه، له برین پێچه‌کانی ئێمه که‌س ئه‌و ده‌سه‌ڵاته‌ی نه‌بوو، نه ئیمکاناتی پێویستیشیان له ده‌ست دابوو .
ئه‌و چواو سه‌عاته‌ی که له ژیاند دا مابوو هه‌تا هێنامانه‌وه (کانیشه‌کرێ) زۆر هاواری کرد ده‌یگووت:״دامنێن نۆێژ ده‌که‌م ! ئه‌وه بۆ دام نانێن؟ ده‌‌ڵێم به‌رم ده‌ن! ده‌ست نوێژ هه‌ڵده‌گرم ! یان به توندی هاواری ده‌کرد.” سه‌عات دوو و هه‌ژده ده قیقه ی دوانیوه ڕۆ گیانی شیرینی به خاکی پیرۆزی کوردستان سپارد. هه‌زاران سڵاو له گیانی پاکی شه‌هید میرزا عه‌وڵای نێشکۆڵان ئه‌و قاره‌‌مانه‌ی که هه‌ر ڕۆی و ڕۆی نه‌گه‌ڕایه‌وه بۆ ئهوێ بۆ جێی جاران.
ڕۆژی ١١⁄٤⁄١٣۶٤دووبار تاقمێک پێشمه‌رگه‌ی کۆمه‌ڵه له سه نگه‌ره‌‌کانی پێشمه‌رگه‌کانی هێزی موعێنی له (کانیشه‌کرێ) نزیک بوونه‌وه، به نیازی زه‌ربه وه‌شاندن له پێشمه‌رگه‌کانی هێزی موعێنی به‌ڵام دوای نیو ساعات شه‌ڕ ڕایان کرد و شوێنه‌که‌یان چوڵ کرد.
ئه‌وی ڕۆژانه‌ی که ئێمه و کۆمه‌ڵه، له کوێستانه‌کانی کانیشه‌کر و ئاژوان به دوا که‌لله‌ی سه‌ری ێه‌ک دا ده‌گه‌ڕاین، به‌رز و نه‌وی و شیو و دۆڵمان ده پشکنی، مه‌رگی زۆرمان بینی باوه‌شیان به خاک دا کردبوو تا فرمێسکیان بسڕێ! خاک نزیکترین که‌سیان بوو، توند ده‌باوه‌شی گردبوون تاکو ئارام بگرن. له بن دارێکێ کۆن کۆن که‌س ته‌مه‌نی ئه‌و ی نه‌بوو! کیژێکم بینی له سه‌ر ته‌نیشت ڕاکشابوو خاکی ماچ ده‌کرد، ببۆ به ده‌زگیرانی ڕومه‌تی خۆی هه‌موو ڕنی بوو، پرچه‌کانی ئاڵۆزکا بوون و تێکه‌ڵ به گه‌ڵای دار و قژی ده‌ور و به‌ر ببون.
کاتێک وام دی به‌کوڵ گریام که‌س نه‌یزانی، هه‌ر ئه‌وه‌نده‌ش بوو ده سه‌ڵاتم، گه‌ر قه‌بووڵی کا خه‌ڵاتم.
له به‌رزای چیای کانیشه‌کر شوێنێکی زۆر به‌رز بوو، چینی سه‌رێی هه‌ڵچنارا بوو به که‌لله‌ی سه‌ری پێشمه‌رگه کاتێک به‌رز ده‌بوویته‌وه پاشماوه خۆره‌کان گازیان لێده‌گرتی، هێنده تامه‌زرۆی گۆشتی مڕۆف بوون که پێشتر له‌وێ خوارد بوویان !
زرزی باڕنه‌کانی ئهوێ پڕ بوون له توکی سه‌ر و که‌لله‌ی هاڕدراوی پێشمه‌رگه!
له‌وێ که‌س بۆ که‌س نه‌ده‌گریا، ڕوحم و حاتیفه له بیر چوو بۆوه، بوغز و کینه جێگه‌ی گردبۆوه، خۆشترین هه‌واڵ هاڕینی سه‌ر بوو! بۆ ئه‌وان ئێمه‌و بۆ ئێمه‌ش ئه‌و بوون!
بیـری وه‌تـه‌نم له‌وێ کرده‌وه که تـه‌رمی خۆیـان بۆ ده‌برده‌وه!
به‌ڵام مه‌خابن تازه دره‌نگ بوو، کوا ده‌توانن ئه‌و که‌ڵێنه پڕ که‌نه‌وه!
دوای به سه‌ر کردنه‌وه‌ی شوێنی شه‌ڕه‌کان ڕۆژی ١٤⁄٤⁄١٣۶٤ پێشمه‌رگه‌کانی هێزی موعێنی به رزایه‌کانی کانیشه‌کرێمان به‌جێ هێشت و به‌ره‌و (ناوه‌ندی ئاژوان) وه‌رێکه‌وتین.
لهو ماوه‌ی ئێمه له کانیشه‌کر بووین ۹ پێشمه‌رگه‌ی کۆمه‌ڵه تێدا چوون له ئێمه ته‌نیا کاک میرزا عه‌وڵای نێشکۆڵان که به ئیشتیبای پێشمهرگهێکی هێزی بێستوونی ئه وکات شه‌هید بوو.
کاتێک ناوی ئاژوانم بیست خه‌یاڵم ده‌کرد گوندێک بێ، به پێیان زۆر دوور بوو له کانیشه‌کرێوه، دوانیوه ڕۆ گه‌یشتینه دۆڵێک پشته‌وه‌ی چیا و ڕوته‌ن بوو، دامێنه‌که‌شی لێڕه‌وارێکی چڕ، گووتیان ئێره ناوه‌ندی ئاژوانه !
پیشمه‌رگه‌کانی ئاژوانی له‌وێ بوون، شوێنه‌که به داری چنار ده‌وره‌ی درابوو، له‌بن قه‌دی چناره‌کان ئاوێک هه‌بوو.
ناوه‌ندی ئاژوان تازه ئه‌و ناوه‌نده ئاژوانه‌ی پێشو نه‌بوو، کاتێک ێکه‌م جار کۆمه‌ڵه ده‌ستی به سه‌ر داگرتبوو ! هه‌ر چه‌ند من پێشتر ناوه‌ندی ئاژوانم نه بینیبوو به‌لام فکر ناکه‌م زۆر جیاوزتر بووبێ، به‌ڵکو به شێوه‌ێکی سه‌یاری بوو، بنکه ێکی سابیتی نه به‌بوو هه‌تا که‌پرێکیشیان نه‌بوو ! ده‌مان توانی هه‌موو کاتێک کۆڵه پشتیه‌کان به کۆڵ دادین و شوێنه‌که‌مان چۆڵ که‌ین، ڕۆژانه دوو بارمان خۆراک بۆ ده‌هات له گونده‌کان ڕا ئه‌ویش به زه‌حمه‌تێکی زۆر، زۆر جار هیچمان نه‌بوو .
دیاره ناوه‌ندی ئاژوان گرینگی خۆی هه‌بوو: وه‌ک بێسیمی ڕاکاڵی لێبوو پیوه‌ندی به ده‌فته‌ری سیاسی و هێزه‌کانی تره‌وه بوو، ئه‌وجا گه‌نجانی کورد له باشووری ڕۆژهه‌ڵاتی کوردستانه‌وه کاتێک به نیازی پێشمه‌رگایه‌تی دهاتنه ناو ڕیزه‌کانی حیزب نزیکترین مه‌رکه‌زی حیزب بوو بۆ ئه‌وان، ئه‌وجا بۆ کاری ته‌شکیلاتی و هه‌ره‌وه‌ها کۆ کردنه‌وه‌ی یارمه‌تیه‌کانی خه‌ڵک بۆ حیزب له وێنده ری سوودی زۆری هه‌بوو .
گرینگی ناوه‌ندی ئاژوان بۆ حیزب له‌وه دابوو، که بتوانێ تێکۆشانی هه‌بێ وه‌ک پردێک له نێوان خه ڵک و حیزب دا له باشووری ڕۆژهه‌ڵاتی کوردستان.
به‌ڵام به‌و پێکهاته و تێکۆشانه‌ی ئه‌و کات که ئێمه چووین هه‌یبوو نا! به‌ڕاستی ئه‌و کات ناوی گه‌وره و شاری وێران و هیچ خێری بۆ حیزب نه‌بوو!
گرفتێکی تری ناوه‌ندی ئاژوان دابین کردنی خۆراک بوو، که نه‌یان ده‌توانی دابینی که‌ن،
ئه‌وه‌ی لێشی بوو پێشمه‌رگه‌ێه‌ک لێیده‌نا وابزانم ناوی سه‌عید بوو، ئه‌و ده‌سه‌ڵاتی دووهه‌م بوو له ناوه‌ندی ئاژوان!
کاتێک ئێمه گه‌یشتینه وێ ڕه‌نگه ۶٥ که‌سی لێبوون به بریندار و که‌م ئه‌ندام و تازه هاتوانه‌وه، ڕه‌نگه ۱۶۰ نه‌فه‌ر ده‌بووین به هه‌موومان، دیاره بۆ ئه‌و مه‌سه‌له حیزب باشتر ده‌زانێ، که چه‌ند نه‌فه‌ری لێبوون.
به‌ڵام ئه‌وه‌ی سه‌رێ نه‌زه‌ری خۆمه چه‌ند بریندارێکیشی لێبوون له گه‌ڵ چه‌ند نه‌فه‌رێکی پیر و به ساڵدا چوو، دوو کچ وکورێکی تازه هاتووشی لێبوون.
هه‌موو ئه‌وانه له‌بن چناره‌کانی نزیک ئاوه‌که، جێو بانی خۆیان خۆش کردبوو، بن قه‌دی یه‌کێک له چناره گه‌وره‌کانیان کۆڵێ بوو، ده‌یانگووت کاک بابه عه‌لی ده‌وێداییه!
ئێمه چه‌ند مترێک له‌وان دوورتر هه‌ر دوو نه‌فه‌ر و سێ نه‌فه‌ر شوێنێکمان بۆ خۆمان ته‌خت کردبوو و لێی دا ده‌نیشتین.
شه‌وانه هه‌موومان ده‌چووینه به‌رزایه‌کانی پشتی ئاژوان، له‌وێ نیگابانیمان ده‌دا هه‌تا به‌یانی، پێش ڕۆژ هه‌ڵاتن ده‌گه‌ڕاینه‌وه بن سێبه‌ری چناره‌کان، چه‌ند ڕۆژێک هاتو ڕۆی به‌و شێوه‌یه، هێشتا له هیچ شوێنێک له ده‌ور و به‌ری ناوه‌ندی ئاژوان سه‌نگه‌رێک لێ نه‌درابوو!
تفه‌نگێکی دۆشکه‌ی لێبوو، ئیواره‌یه‌ک بردمان چه‌ورمان کرد و له سه‌ر ته‌پۆلکه شاخێک دامان به‌ست و هێندێک ته‌قه‌شمان پێکرد.
هێزی موعێنی چه‌کی باشی٣ ئارپی جی،١قه‌نناسه‌ی دووربیندار، پێبوو ، ناوه‌ندی ئاژوانیش ته‌نها ١ دۆشکه، ١ تفه‌نگی بیکه‌یسی، ۲ ئار پی جی، باقی تر هه‌مووی کلاشیکۆف بوو.
چه‌ند ڕۆژێک پێچوو پێشمه‌رگه‌کانیان به سه‌ر ئه‌و چه‌ند ته‌پۆلکه‌ی پشتی ئاژوانی دا دابه‌ش کرد. هه‌ر ته‌پۆلکه کام ده سته یان په‌له‌‌ی بۆ ده‌چێ، له بیرمان نه‌چێ ئه‌و دابه‌ش کردنه ته‌نیا بۆ شه‌وانه بوو. به‌رزایه‌که دابه‌شکران به سه‌ر چوار که‌مین دا، هه‌ر که‌مینه‌ی پانزده تا بیست پێشمه‌رگه‌ی لێ بوو.
خوار ئاژوانی خڕو دۆڵ و لێڕه‌وارێکی چڕ بوو، هێچ که‌مینێکی بۆ دیاری نه‌کرابوو! به‌ڵام سه‌نگه‌ری دۆشکه‌که‌ی ده‌سته‌ی ۲ی لکی٣ سه‌یته‌ر بوو به سه‌ر دۆڵه‌که دا، ئه‌و ته‌پۆلکانه‌ی که دیاری کرابوون بۆ که‌مینه‌کان هیچیان به‌رزترین ته‌پۆلکه نه‌بوون!
له پشت ئه‌وانیشه‌وه زنجیره چیای به‌رزتر هه‌بوو ته‌پۆلکه‌ی یه‌که‌م شوێنی دۆشکه‌که بوو، که به سه‌ر ئاژوانی و دۆڵی خواری دا ده‌ڕوانی، ده‌سته‌ی ۲ی لکی٣ بۆ ئهوێ دیاری کرابوو، به فه‌رمه‌نده‌ی: کاک حه‌مه‌ده‌مینی بناوێ، کاک عومه‌ری قادری سنجوێ.
ته‌پۆلکه‌ی دووهه‌م ده‌سته یه‌ک له پێشمه‌رگه‌کانی ناوه‌ندی ئاژوانی لێبوون. ته‌پۆلکه‌ی سێهه‌م ده سته‌ی ٤ی لکی٣ لێبوون، به فه‌رمه‌نده‌ی: شه‌هید حه‌مه عه‌زیزی عه‌زیزی، کاک ڕه‌حمان ماره‌غانی و کاک ئه‌حمه‌د خانزاد.
ته‌پۆلکه‌ی چواره‌م له ده‌ستی چه‌پی ئاژوانی بوو، ده‌سته‌ی ١ی لکی٣ی لێبوون، به‌فه‌رمه‌نده‌ی: کاک سمکۆ، کاک محه‌مه‌دی ئه‌حمه‌دپوور، کاک خدری سه‌داقه‌ت، من له ده‌سته‌ی١بووم.
کاتێک (کانیشه‌کرمان) چۆڵ کرد، کۆمه‌ڵه هیزه‌کانی خۆیانی گێڕایه‌وه بۆ ئهوێ.
ماوه‌یه‌ک بوو، هه‌ستمان پێکرد بوو که کۆمه‌له هه‌رچێ هیزی هه‌یه‌تی له کانیشه‌کرێ کۆ کردۆته‌وه!
ئه‌وان ماوه‌ی دوو حه‌وتوو بوو سه‌ر گه‌رمی دارشتنی پیلانێکی نوێ بوون بۆ سه‌ر ناوه‌ندی ئاژوان.
جموجۆڵی ئێمه‌یان له ژێر چاوه‌دێری دابوو زۆر ئاسان بوو، بۆ ئه‌وان به که‌ڵک وه‌رگرتن لهو لێڕه‌وار و مێشه‌ڵانه چره‌ی ده‌ور و به‌ری ئاژوان که له دوو سه‌د میری پێش خۆت نه‌ده‌بینی!
ئه‌وجا شاره‌زای هێزه‌کانی کۆمه‌ڵه، که زۆربه‌ی هه‌رێ زۆریان خه‌ڵکی ناوچه‌که بوون گرینگێکی تایبه تی به هێز و توانای پێشمه‌رگه‌کانیان ده‌به‌خشی ئه‌وه‌ش بۆ خۆی سه‌رکه‌وتنی هێزه‌کانی کۆمه‌ڵه‌ی مسۆگه‌رتر ده‌کرد له میدانی شه ڕ دا.
له‌گه‌ڵ ئه‌وش دا کۆمه‌ڵه چه‌کی باشی شه‌ڕی پێ بوو وه‌ک: (بیکه‌ی سی) زیاتر له بیست تفه‌نگی (بیکه‌ی سییان) پێ بوو، که ێکلاکه‌ره‌وه‌ی شه‌ڕه‌که بوون، سه‌ره‌ڕای هێزی زۆری کۆمه‌ڵه که زیاتر له ٥٠٠⁄ که‌س بوون.
ئه‌و بێسیمانه‌ی ئه‌و کات به کۆمه‌ڵه بوو، به هیچ هێزێکی کورد نه‌بوون !
هێزه‌که‌ی ئێمه له ناوه‌ندی ئاژوان نزیکه‌ی١۶٠⁄ که‌س بووین .
لهو هێزه‌ی ئێمه به شێکیان بریندار و که‌م ئه‌ندام بوون، به‌شێکیان به ساڵداچوو بوون که جارێ ده‌رفه‌تیان نه‌بوو بگه‌نه ئاسایشگای حیزب، دوو کچ و کوڕێک تازه هاتبوون چه‌کیان پێ نه‌بوو .
چه‌که‌کانی ئێمه به گشتی: ٥ (ئار پی جی) ١تفه‌نگی(بیکه‌سی) که پێشتر له شه‌ره‌کانی کۆمه‌ڵه گیرابوو،۲ قه‌ناسه‌ی دوربیندار، یک کالیبڕی پنجا٬ که شه‌وی شه‌ڕه‌که فیشه‌کێکی نه‌ته‌قاند !
باقی تر هه‌مووی کلاشیکۆف بوون، له فیشه‌کی خه‌شابه‌کان زیاتر یه‌ک فیشه‌کی زیاده‌مان پێ نه‌بوو! ٣ بێسیمی(پی ئار سی ̶ ٧٧) مان پێ بوو، که دانه‌ێکیان شه‌وی شه‌ڕه‌که به کۆڵی منه‌وه بوو .
چه‌ند ڕۆژێک بوو کۆمه‌ڵه‌کان له ناوه‌ندی ئاژوان نزیک ببوونه‌وه هه‌تا دۆشکه‌یان له نزیک و به‌رامبه‌ر دوشکه‌که‌ی ئێمه دابه ستبوو، شتێک که مابوو بیزانن شوێنی که‌مینه‌کانی ئێمه بوو، بۆ ئه‌و مه‌به‌سته‌ش شه‌وی٣٠⁄٤⁄١٣۶٤سه‌عات سێی شه‌و چه‌ند نه‌فه‌رێکیان به ناو لێڕه‌واره‌که دا هاتبوونه خوار ئاژوانی، له وێرا دوو موشه‌کی(ئارپی جیان) هاویشته ناوه‌ندی ئاژوان و ڕایان کرد، که‌مێک ته‌قه‌مه‌نیشیان لێ به‌جێ مابوو.
له گه‌ڵ ئه‌و ته‌قه کردنه دا، له چه‌ند شوێنێکی تر ڕا چاوه‌دێری ده‌ور و به‌ری ناوه‌ندی ئاژوانیان ده‌کرد تا بۆ یان ده‌رکه‌وێ له چه‌ند شوێن ڕا یان له چ شوێنێک ڕا ته‌قه‌یان لێده‌کرێته‌وه!
ئه‌وان زۆر به د‌یقه‌ت کاریان له سه‌ر ئه‌و تاکتیکانه ده‌کرد، هه‌ڵه‌ێکی که پێشمه‌رگه‌کانی ئاژوان ئهوێ شه‌وێ کردیان هه‌ڵکردنی ئاگرێکی بڵێسه‌دار بوو له شوێنی که‌مینه‌کان!
دیاره هه‌وا سارد بوو، به‌ڵام نه‌ده‌بوو به‌و شێوه ئاگر بکرێته‌وه له شوێنی که‌مینه‌کان.
ئه‌و ئاگره هێزه‌کانی کۆمه‌ڵه‌ی دڵنیا کرده‌وه له شوێنی که‌مینی پێشمه‌رگه‌کانی ئاژوان.
هیچ به‌رپرسێک هه ستی به‌و ڕاستیه نه‌کرد!
هه‌ده‌فی دووهه‌میشیان ئه‌وه بوو که پێشمه‌رگه‌کانی ئاژوانی زۆر ئه‌همیه‌ت به به‌رزایه‌کانی پشتی ئاژوان نه‌ده‌ن و که‌مینه‌کانیان بێنه خوار ئاژوان.
ده‌رکه‌وت که کۆمه‌ڵه‌کان پیلانه‌که‌یان وا داڕشتبێ، که له به‌رزایه‌کان ڕا هێرش بکه‌نه سه‌ر ئاژوان، هه‌ر واشیان کرد.
کۆمه‌ڵه‌کان چه‌ند ڕۆژێک بوو له ده‌ور و به‌ری ئاژوان بوون، له خڕ و دۆڵه‌کاندا جموجۆڵی ته‌واوی ئاژوانیان خستبۆ ژێر چاوه‌دێری خۆیان!
دوو ڕۆژ پێش ئه‌وه‌ی کۆمه‌ڵه هێرش بکاته سه‌ر ئاژوان، فرمه‌نده‌رانی پێشمه‌رگه چل نه‌فه‌ریان له پێشمه‌رگه هه‌ڵسوڕاوه‌کان هه‌ڵبژارد بوو، بۆ ئه‌وه‌ی شه‌وانه گه‌شت بکه‌ن بۆ سه‌ر ئه‌و ڕێگا گشتیانه‌ی که بۆ ئاژوان دێن.
شه‌وی٣١⁄٤⁄١٣۶٤سه‌عات دووی شه‌و کۆمه‌ڵه هێرشه‌که‌ی به هاویشتنی سێ موشه‌کی(ئار پی جی) بۆ سه‌نگه‌ری دۆشکه‌که‌ی ئاژوان ده‌ست پێکرد.
ئه‌وجا کۆمه‌له به دۆشکه‌ی خۆیان که هه‌ر ئه‌و ئێواره له به‌رامبه‌ر دۆشکه‌که‌ی ئێمه دایان به‌ستبوو ته‌قه‌یان له سه‌نگه‌ری دۆشکه‌ی ئێمه ده‌کرد.
ده‌سته‌ی۲ی لکی٣ له شه‌ڕگه‌ی یه‌که‌م بوون، زۆر بێسیمان بۆ کردن که‌س جوابی نه‌داوه! سه‌عات دوو و چاره‌گ، شه‌ڕ له شه‌ڕگه‌ی دووهه‌م ده‌ستی پێکرد، شه‌ڕگه‌ی دووهه‌م، پێشمه‌رگه‌کانی ناوه‌ندی ئاژوانی لێبوون.
شه‌ڕ زۆر به‌گه‌رمی درێژه‌ی هه‌بوو له هه‌ر دووک شه‌ڕگه دا، سه‌عات دوو و نیوی شه‌و کۆمه‌ڵه‌کان گه‌یشتنه که‌مینی ئێمه له ده‌سته‌ی١ی لکی٣ شوێنه‌که زۆر ته‌لان بوو، ته‌لانه‌که‌ش گه‌ڵا ڕێواسێکی وشکی لێبوو، هه‌ر له دووری ڕا که وه‌نێوی ده‌که‌وتن خشه‌ی ده‌هات.
کۆمه‌ڵه‌کان له ئێمه نزیک بوونه‌وه تا ده‌رکه‌وتن، ئه‌و کات له هه‌موو لاێکه‌وه ته‌قه‌یان لێکرا .
له ێکه‌م ته‌قه دا فه‌رمه‌نده‌رێکی لک به ناوی(خه لیل) له میدانی شه‌ڕه‌که دا به کوژراوی به‌جی مابوو، تفه‌نگ و بێسیم و دووربین و که‌ل و په‌له‌کانی که‌وتبۆ ده‌ست پێشمه‌رگه‌کان.
سه‌عات سێی شه‌و شه‌ڕ له شه‌ڕ گه‌ی سێ ده‌ستی پێکرد، شه‌ڕگه‌ی سێهه‌م هه‌ڵکه‌وتبوو له پشتی ئاژوانی که پێشمه‌رگه‌کانی ده‌سته‌ی ٤ی لکی٣ لێبوون.
سه‌عات سێ و نیوی شه‌و، که شه‌ڕ له هه‌موو شه‌ڕگه‌کان به گه‌رمی درێژه‌ی هه‌بوو، له گه‌ڵ کاک محه‌مه‌دی ئه‌حمه‌دپور بێسیمان کرد، بۆ شه‌ڕگه‌ی یه‌که‌م که دۆشکه‌که‌ی لێبوو، جوابیان داینه‌وه خێرا جنێویان دان !
گووتیان: وه‌رن بۆ عه‌ڵی ئیران نه‌ژاد! که‌مێک قسه‌مان له گه‌ڵیاندا کرد، به‌لام هه‌ر قسه‌ی ناشیرینیان ده‌کرد و هه‌ڕه‌شه‌ی کوشت و بڕیان بوو !
هه‌وڵماندا زیاتر قسه‌یان له گه‌ڵ دا بکه‌ین، به‌ڵام پیوه‌ندیه‌که‌یان له گه‌ڵدا پچڕاندین.
بۆمان ده‌رکه‌وت که سه‌نگه‌ری دۆشکه‌که که‌وتۆته ده‌ست کۆمه‌ڵه‌کان و به‌داخه‌وه کاک عه‌لی ئیران نه‌ژاد شه‌هید بووه.
ئێمه ئه‌و بێسیمه‌ی که له کۆمه‌ڵه‌کانمان گردبوو، ناردمان بۆ کاک بابه‌عه‌لی بۆ ئه‌وه‌ی ئاگای له جموجۆڵی کۆمه‌ڵه‌کان بێ.
کۆمه‌ڵه‌کان نه‌یان زانی بوو که بێسیمێکیان که‌وتۆته ده‌ست ئێمه، به‌و ده‌لیله که کۆمه‌ڵه‌کان فڕه کانسی بێسیمه‌کانیان نه‌گۆڕی بوو، ئێمه گوێمان له هه‌موو هه‌ڵسوکه‌وتی ئه‌وان بوو.
له شه‌ڕگه‌ی چوار که ئێمه‌ی لێبووین شه‌ڕ به‌رده‌وام بوو، سه‌عات شه‌ش و نیوی به‌یانی کاک محه مه‌دی ئه‌حمه‌دپور هات گووتی: هه‌مزی پاپیر زاده بریندار بووه !
من و کاک خدر له گه‌ڵی دا ده‌ڕۆین، ئێوه لێره وریا بن.
من و کاک دلێر شڵماشی له یه‌ک سه‌نگه‌ر دابووین، شه‌ڕ به گه‌رمی درێژه‌ی هه بوو هه‌تا سه‌عاتی نۆ، شه‌هید برایم زیبڕ که(ئارپی جی) پێ بوو یه‌ک گولله‌ی پێ نه‌مابوو، هه‌ر هه‌ڵده‌خولا به ده‌وری سه‌نگه‌ره‌کان دا.
ئه‌کسه‌ری پێشمه‌رگه‌کان فیشه‌که‌کانیان به‌ره‌و کۆتای ده‌چوو، له هیچ شوێنێک ڕا ته‌قه‌مه‌نیمان پێ نه‌ده‌گه‌یشت !
هه‌ر چه‌ند پێشمهرگهێکی سادی وه‌ک من ئاگای له نه‌هێنیه‌کانی ناو ئاژوان نه‌بوو، به‌ڵام فکر ده‌که‌م ته‌قه‌مه‌نێکی وای لێ نه‌بوو شایانی باس بێ.
ئه‌و چل پێشمه‌رگه‌ی ئهوێ ئێوارێ رۆێشتن بۆ گه‌شت کردن کاک سمکۆ و چه‌ند که‌سێکی تر گه ڕانه‌وه بۆ سه‌نگه‌ره‌کانی ئێمه باش بوو گوڕو تینێک پیدا بۆوه به‌ڵام دره‌نگ ببوو!
هه‌تا سه‌عات هه‌شت که هه‌وا به ته‌واوی ڕووناک بوو، شه‌ڕگه‌ی ١، ۲، ٣، کۆتایان پێ هاتبوو، کۆمه‌ڵه ده‌ستی به سه‌ر به‌رزایه‌کان داگرد بوو .
شه‌ڕگه‌ی ئێمه مابوو، که ئاخرین شه‌ڕگه بوو، ورده ورده کۆمه‌ڵه‌کان ئاگری شه‌ڕه‌که‌یان بۆ سه‌ر ئێمه توندتر ده‌کرد.
ئه‌وان قه‌وه‌تیان زۆر بوو، له گه‌ڵ ئه‌وه‌ش دا چه‌کی باشیان پێ بوو، له سه‌عات دوو و نیوی شه‌و ڕا هه‌تا ده‌ی پێش نیوه‌ڕۆ شه‌ڕگه‌که‌مان چۆڵ نه‌کرد، به‌ڵام نه‌فیشه‌ک نه نارنجۆک هیچمان پێ نه‌مابوو، هه‌ر بۆێ ڕایانگه‌یان که دوو دوو شوێنه‌کانی خۆمان چۆڵ که‌ین .
له‌کاتی چۆڵ کردن دا، شوێنه‌که وا هه‌ڵکه‌وتبوو ده‌که‌وتییه ڕووته‌نێک، کۆمه‌ڵه‌کان هه‌تا ڕه‌د ده‌بووی ته‌قه‌یان لێده‌کردی!
به‌داخه‌وه لهو کاته دا سالح قازانی که‌وته به‌رگولله‌ی کۆمه‌ڵه‌کان و شه‌هید بوو.
سه‌عات ده پێشمه‌رگه‌کان شه‌ڕگه‌که‌یان چۆڵ کرد، شێرکۆی محه‌مه‌دیم بینی که ڕای کرد، ته‌قه‌یان زۆر لێکرد به خوشیه‌وه نه‌یان پێکا ده‌رچوو .
کاک که‌ریم فه‌رخه‌پوور هاته سه‌ر سه‌نگه‌ره‌که‌ی من گووتی: ئه‌و لای که‌سی لێ نه‌ماوه هه‌موو به‌و دیوی دا چوونه خوار!
من ئاوا ده‌چمه خوار تۆش به دوای من دا وه‌ره، ئه‌و ڕۆی من ئاگام له‌وی نه‌ما، من له سه‌نگه‌ره‌که هاتمه‌در چه‌ند میترێک له سه‌ر سینگ چوومه خوار هه‌تا نزیک شاخه‌که له‌وێوه خۆم هه‌ڵدا به سه‌ر شاخه‌که دا لاقیشم وه‌رگه‌را بوو ئازارم زۆر بوو .
له پاش شاخه‌که دا چه‌ند پێشمه‌رگه‌یه‌کی بنکه‌ی ئاژوانی لێبوون، پێشمه‌رگه‌ێکیان له گه‌ڵدا بوو، زۆر به خۆوه و ئازا بوو، به‌داخه‌وه ناوه‌که‌م له بیر نه‌ماوه بیکه‌یسیه‌که به ئه‌و بوو گووتم بۆ ته‌قه ناکه‌ی ؟
گووتی زنجیرێکی سه‌د فیشه‌کیم پێماوه پێویستم ده‌بن !
من له گه‌ڵ ئه‌وان چوومه خوار به دۆڵه‌که دا، کۆمه‌ڵه‌کان زۆر به چڕی ته‌قه‌یان له ناو لێڕه‌واره‌کان ده‌کرد به بیکه‌یسی و کالیبڕ پنجایه‌که‌ی ئێمه که که‌وت بۆ ده‌ستیان.
ئێمه زۆر چووینه خوارێ به ناو لێڕه‌واره‌که دا، گه‌یشتینه دوو کچ و کورێکی پێشمه‌رگه، هیچان تفه‌نگیان پێ نه‌بوو، ئه‌وان تازه هاتبوون بۆ ناوه‌ندی ئاژوان.
له‌وێ ێکترمان گرته‌وه و به ناو لێڕه‌واره‌که دا ڕۆیشتین، تاوێک پێ چوو گوێمان له ده‌نگێک بوو !
بۆلای ده‌نگه‌که چووین، لهو به‌ری دۆڵه‌که چاومان پێکه‌وتن کاک بابه‌عه‌لی و سێ پێشمه‌رگه‌ی له گه‌ڵدا بوون، یه‌کێک له پێشمه‌رگه‌کان که ته‌مه‌نێکی هه‌بوو، گولله‌یه‌ک له پشتێوه به سووکی پێکا بووی ده‌رمانیان ده‌کرد.
کاک بابه عه‌لی چاوی به ئێمه که‌وت و گووتی: ڕامه‌وه‌ستن بڕۆن بۆ سه‌رێ له‌وێ کۆ ده‌بینه‌وه و یه کده گرینه‌وه.
له لایه‌کی تر کاک بابه عه‌ڵی بێسیمه‌که‌ی به گوێوه بوو و گوێی له قسه و باسی کۆمه‌ڵه‌کان ده‌گرد.
کاک بابه عه‌لی که به‌رپرسی ێه‌کم بوو ته‌واوێک کوت بۆ ته‌نگانه‌وه، ئه‌و هه‌وڵی خۆی دا که ئهوێ ڕۆژێ دووباره ده‌رگیر نه‌بینه‌وه .
له به‌ر ئه‌وه نه ته‌قه‌مه‌نیمان پێ مابوو، نه هیچ خۆراکێک، هه‌ر بۆێ ئه‌گه‌ر شتێکی وا هاتبایه پێش دوو قات زه‌ره‌رمان ده‌کرد.
دۆڵاو دۆڵ ڕۆیشتین گه‌یشتینه پێشمه‌رگه‌کان، له‌وێ هه‌م برینداره‌کانیان ده‌رمان ده‌کرد و هه‌م سه‌ر ژمێری پێشمه‌رگه‌کانیان ده‌کرد.
هێزی موعێنی پێنچ پێشمه‌رگه قاره‌مانی شه‌هید ببوون به ناوه‌کانی: ساڵحی عه‌لیپور، ئه‌بوبه‌کر محه‌مه‌دی، که‌ماڵ شێخی، عه‌لی ئێران نه‌ژاد، مام حه‌مه‌ده‌مینی شێرانیه.
سێ پێشمه‌رگه‌ی بریندار ببوون به ناوه‌کانی: هه‌مزه‌ی باپیرزاده، کاک قه‌ره‌نی، کاک حه‌مه‌ده‌منی بناوێ که سه‌ر په‌ل بوو.
کاک حه‌مه‌ده‌مین به هۆی سه‌ختی برینه‌که‌ی به‌جێ ده‌مێنێ! به‌لام کاک سالحی که‌ریمی که له گه‌ڵی دا ده‌بێ ناتوانێ به ته‌نیا ڕایگوێزێ ئه‌ویشی له گه‌ڵ به‌جێ ده‌مێنێ، دوای ته‌واو بوونی شه‌ڕه که هه‌ر دووکیان ده‌که‌ونه ده‌ست کۆمه‌ڵه.
پێشمه‌رگه‌یه‌کی ناوه‌ندی ئاژوان به سووکی بریندار ببوو، دوو پێشمه‌رگه‌ی ناوه‌ندی ئاژوانیش به دیل که‌وتبوونه ده‌ست کۆمه‌ڵه، که ێکیان ژن و ناوی لیلا بوو، ئه‌وه‌ی تریش که‌م ئه‌ندامێک بوو نازانم ناوی چ بوو .
کۆمه‌ڵه‌ش فه‌رمه‌نده‌رێکی لک و چوار پێشمه‌رگه‌ی تری تێدا چوون.
کاتێک هه‌موو پێشمه‌رگه‌کان ێه‌کمان گرته‌وه برینداره‌کانمان سواری ئه‌سپان کردو وه‌رێکه‌وتین به ڕێگایه‌کی دوور و درێژدا، کۆمه‌ڵه‌کانیش کێوا و کێو به دوومانه‌وه ده‌هاتن هه‌وڵیان ده‌دا تووشی شه ڕمان که‌نه‌وه !
سه‌عات حه‌وتی ئێوارێ گه‌یشتینه نزیک گوندێک پێش ئه‌وه‌ی بچینه ناو گونده‌که هه‌رله گونده‌که ڕا ته‌قه‌یان لێکردین!
کۆمه‌ڵه‌کان باش ده‌یانـزانی که له سه‌عات دووی شه‌وه‌وه شه‌ڕ بووه، ئێمه نه ته‌قه‌مه‌نیمان پێ یه و نه خواردن، هه‌موو برسی هیلاک ماندوو، ئه‌و پێشمه‌رگانه‌ی کۆمه‌ڵه که له گونده‌که دامه‌زرا بوون، ڕه‌نگه چه‌ند که‌سێک بوون هه‌ر بۆێ له دوور ڕا ته‌قه‌یان لێکردین، ئه‌ویش به خێر ته‌واو بوو !
ئه‌گینا ئێمه نه‌مانده‌زانی که گونده‌که پێشمه‌رگه‌ی کۆمه‌ڵه‌ی لێ یه، بۆ ئه‌وێش ده‌چووین!
ڕه‌نگه ئه‌گه‌ر ئه‌و ته‌قه کردنه نه‌بواییه له ناو گونده‌که شه‌هیدمان ده‌بوو .
ئێمه له ته‌قه‌ی ئه‌وان ڕا خۆمان ده‌دۆڵه‌که‌ی خوار گونده‌که هاویشت، ئه‌و پێشمه‌رگه ئازایه‌ی ناوه‌ندی ئاژوان که بیکه‌یسیه‌که‌ی پێ بوو، هێندێک فیشه‌کی پێمابوون هه‌تا پێشمه‌رگه‌کان ڕه‌د بوون له گونده‌که ته‌قه‌ی لێکردنه‌وه.
دیار بوو کۆمه‌ڵه‌کان ئه‌و گونده‌شیان لێگردبووین، هه‌تا خواردن و پشوومان ده‌ست نه‌که‌وێ،
ئه‌و ته‌قه وایکرد که به‌شێک له پێشمه‌رگه‌کان نه‌توانن به‌دوا ئێمه دا بێنه خوار و هه‌ر له کوێستانه‌که لایاندا و به‌شوێنێکی تر دا ڕۆیشتن و لێک دابڕاین، ئه‌وجا نه‌مان توانی بچینه ناو گونده‌که و ڕێگاکه‌ما ن دوور و دوورتر که‌وته‌وه.
هه‌تا سه‌عات سێی شه‌و ڕۆیشتن به برسیایه‌تی، به هیلاکی هه‌تا ئاوی خواردنه‌وه شمان ده‌ست نه‌ده‌که‌وت !
گه‌یشتینه گوندێکی هه‌شت ماڵی له‌وێ ماینه‌وه هه‌تا ئێواره‌ی ڕۆژی ١⁄٥⁄١٣۶٤ ئه‌و پێشمه‌رگانه‌ی که ئێواره‌که لێمان هه‌ڵبڕان بۆ نیوه‌ڕۆ گه‌یشتنه‌وه ئێمه له وێ تێکه‌ڵ بووینه‌وه.
ئێواره‌که وه‌ڕێکه‌وتین به‌ره‌و گوندی (حه‌وت ئاشان) زۆر دوور بوو هه‌تا سه‌عات دووی شه‌و هه‌ر ڕۆیشتین نه‌گه‌یشتین، ئیتر توانایمان نه‌ما بڕۆین له سه‌ر چیایه‌کی به‌رز لێی نووستین هه‌تا سه‌عات چوار و نیوی به‌یانی .
هه‌وایه‌کی زۆر ساردی هه‌بوو، که هه‌ستاین ئاوه‌نگمان له سه‌ر له‌شی که‌وتبوو !
له‌وێش ڕا وه‌ڕێکه‌وتین سه‌عات ده‌ی پێش نیوه‌ڕۆ، گه‌یشتینه گوندی حه‌وت ئاشان.
له گوندی حه‌وت ئاشان شه‌وێک ماینه‌وه و بۆ سپه‌ی دوا دوانیوه‌ڕۆ وه‌ڕێکه‌وتین به‌ره‌و بانه، له ڕێگادا که ده‌هاتین به‌ره‌و بانه نازانم چۆن بوو کاک بابه عه‌لی و پێشمه‌رگه‌کانی ناوه‌ندی ئاژوان له پێشمه‌رگه‌کانی لکی ٣ی هێزی موعینی جیابوونه‌وه و له‌وێ مانه‌وه ته‌نیا لکی٣ گه‌ڕاینوه به‌ره‌و سه‌رده‌شت .
ڕۆژ ٤ی گه‌ڵاوێژ سه‌عات نۆ گه یشتینه گوندی (وشتر ملی و ناوه) ئهوێ ڕۆژێ له‌وێ ماینه‌وه هه‌تا ئێوارێ هه‌موو خه‌ڵکه‌که باسی شه‌ڕه‌که‌ی۱۰ی پووشپه‌ڕیان بۆ ده‌کردین، که له نزیک گونده‌که ڕووی دابوو .
به‌داخه‌وه لهو شه‌ڕه دا سه‌رگورد که‌ریمی عه‌لیار و ئه‌بو سه‌قزی و سڵێمانی مام پیرۆتی شه‌هید ببوون، هه‌روه‌ها به‌ڕێز کاک مه‌ڵا حه‌سه‌ن شیوه‌سه‌ڵی فه‌رمه‌نده‌ی هێزی موعێنی و چه‌ند پێشمه‌رگه‌یه‌کی تر لهو شه‌ڕه دا بریندار ببوون.
هه‌رچی خه‌ڵکه‌که بوو باسی قاره‌مانه‌تی ئه‌و پێشمه‌رگانه‌یان ده‌کرد، که چۆن به‌ره‌نگاری ئه‌و هه‌موو جاش و پاسدارانه بوونه‌وه و باشترین قاره‌مانه‌تیان له خۆنیشان داو‌ه!
ئهوێ ڕۆژێ هه‌تا ئێوارێ له ناو گوندی وشتر ملی ماینه‌وه، سه‌ردانی شوێنی شه‌ڕه‌که‌شمان کرد ئه‌و شوێنه‌ی که پێشمه‌رگه‌کانی لێ شه‌هید ببوو هه‌ر هه‌موویان پێ نیشان داین.
ئێواره‌ی ئهوێ ڕۆژێ له گوندی وشترمله‌وه به‌ره‌و ناوچه‌ی سه‌رده‌شت وه‌ڕیکه‌وتین، بۆ شه‌وی۶ی گه‌ڵاوێژ گه‌یشتینه ده‌وروبه‌ری گوندی (ئاڵوه‌ت) سه‌عات دوانزده‌ی شه‌و له چه‌می گروێس په‌ڕینه‌وه و لهو که‌ژانه‌ی پشتی (شێخه سوور) ماینه‌وه .
به‌یانی ڕۆژی ٧ی گه‌لاوێژی ١٣۶٤ بۆ نان خواردنی نیوه‌ڕۆ چووینه گوندی (ڕه‌زگه‌ی) و (شڵماشان) سه‌عات چواری پاش نیوه‌ڕۆ گه‌ێشتینه گوندی (قازانی) له‌وێ نان و چامان خوارد.
هه‌روه‌ها سه‌ردانی بنه‌ماڵه‌ی شه‌هید ساڵحیمان کرد، و چۆ نیه‌تی شه‌هید بوونه‌که‌مان بۆ باس کردن.
بۆ ڕۆژی دوای چووینه (باژار) سێ ڕۆژ له باژاڕی ماینه‌وه، له‌وێ خۆمان شت هه‌موو جڵک و به‌رگه‌کانمان شت هێندێک خزم و دۆستمان بۆڵا هاتن به‌خێرهاتنه‌وه‌یان پێ گووتین. خزمێکی منیش له سه‌رده‌شته‌وه هاتبوو بۆ سه‌ردانم ڕۆژێک له لامان بوو هه‌تا ئێوارێ، کاک محه‌مه‌دی براشم قاتێکی به ئه‌و دا بۆ نارد بووم .
ئێواره‌ی ڕۆژی ١٠⁄٥⁄١٣۶٤ ده‌گه‌ڕاینه‌وه بۆ بنکه‌کانمان له (گه‌ڵاڵێ) ده‌بوو ئێواره دره‌نگانێک بڕۆین بۆوه‌ی عه‌سکه‌ره‌کانی ئێراق که له قشڵی (گه‌ناو) بوون، نه‌مان بین و ته‌قه‌مان ڵێ بکه‌ن، ئه‌و کات کاک محه‌مه‌دی ئه‌حمه‌دپور و کاک ڕه‌حمانه شۆکه و شه‌هید حه‌مه عه‌زیزی عه‌زیزی هه‌ر ێه‌که ئه‌سپێکیان کڕیبوو له ناوچه‌ی بانه بۆ سواری.
به سه‌ڵاحیان زانی ئه‌سپه‌کان زوتر بڕۆن له پێشه‌وه تا پێشمه‌رگه‌کان کۆ ده‌بنه‌وه، واهات قاته‌کم له گه‌ڵ هێندێک فیشه‌ک و نارنجۆک خسته ناو تێڕه‌ی ئه‌سپه‌که‌ی کاک محه‌مه‌دی ئه‌حمه‌دپور، کاک خدر ئه‌حمه‌د پوور سواری ئه‌سپه‌که بوو پێشمه‌رگه‌یه‌کیش له گه‌ڵدا، ئه‌وان به لای (سه‌ردۆڵێ) دا وه‌ڕێکه‌وتن .
قه‌رار بوو ئێمه‌ش که‌مێک دره‌نگتر دوای ئه‌وان بڕۆین.
نیو سه‌عات پێ چوو که ده‌نگی ته‌قه‌ی چه‌ند تفه‌نگێک هات له دووری! ئێمه‌ش کۆ ببووینه‌وه له نزیک (کونه پێستێ) ئیتر له نه‌کاو کاک خدر پیدا بووه به هه‌را هه‌را گووتی: بۆ نه‌هاتن! عه‌جه‌مان ته‌قه‌یان لێکردین له سه‌ردۆڵێ ئه‌سپه‌که‌شیان برد !
ئیتر ڕامانکرد به دوویان دا، به‌ڵام تازه دره‌نگ ببوو ده‌فریایان نه‌که‌وتین ئه‌وان گیبوونه‌وه نزیک مۆڵگه‌کانیان.
کاک محه‌مه‌د ئه‌سپه‌که‌ی چوو، منیش قاته‌که‌م چوو له گه‌ڵ فیشه‌که و نارنجۆکه‌کان.
ئه‌وه‌ی ماوه بگووترێ ئه مڕۆ ۲۹ ساڵ به سه‌ر ئه‌وه شه‌ر ماڵوێرانکه‌ره‌ی ناو خۆی کۆمه‌ڵه و حیزبی دێمۆکڕاتی کوردستانی ئێران دا تێده‌په‌ڕێ، به‌داخه‌وه له کاتی خۆی دا نه‌مان بینی حیزبی دێمۆکڕات و کۆمه‌ڵه به به‌ر چاوی خه‌ڵک و بنه‌ماڵه‌ی شه‌هیدانه‌وه په‌یامی ئاشتی ڕابگێنن! ئێستا که زروف قۆناغی پێکردن و سه‌ری پێ به‌ماڵی ێه‌کتر داکردن، زۆر به‌جێیه په‌رپرسانه و ده‌ربه‌ستانه ڕاگیندراوی ئاشته‌وای ڕابگێنن و داوای لێبوردنیش له بنه‌ماڵه‌ی شه‌هیدان و بریداره‌کانی شه‌ڕی ناوخۆ و هێزی پێشمه‌رگه بکه‌ن.
خۆتان ده‌زانن ئه‌و زروفه‌ی ئێوه‌ی گۆڕی کۆمه‌ڵگاشی گۆڕیوه، ڕه‌وڕه‌وه‌ی گه‌شه و بیری نوێ به‌ره‌و پێشه‌وه ده‌وری هه‌ڵگرتووه، خێرای گه‌شه‌ی ته‌کنۆلۆجیا مڕۆڤی قه‌تیس کردووه!
ئه‌مڕۆ مرۆڤ ئه‌توانێ ته‌نیا جرکه‌ێک دا ده‌ستی به هه‌موو زانیارێک ڕابگا و ئاگاداری ئاڵوگۆڕه‌کانی دنیا بێ، ئه‌وه وایکردووه که ڕۆڵه‌کانی گه‌لی چه‌وساوه‌ی ئێمه‌ش لهو به‌هره‌ییه بێبه‌ش نه‌بن، ئه‌وانیش ئه‌مڕۆ شانبه شان له گه‌ڵ گه‌شه‌ی جیهانگیر و بیری ئازادی و سه‌ربه‌خۆی ده‌چنه پێش .
له هه‌موو کون و قوژبنێکی ئه‌م جیهانه دا گه‌نجی کورد هه‌ڵسوڕاو و فه‌حاله به دوا چاره‌نووسی گه‌له‌که‌ی دا،
لهو دا هه‌ستی کوردایه‌تی خۆشه‌ویستی بۆ گه‌له چه‌وساوه‌که‌ی ئه‌سڵه! ئه‌و تێده‌کۆشی بێناسه‌ی خۆی وه‌دۆزێ و به دنیاش بیناسێنێ.
بۆێ ئه‌مڕۆ خێر له‌وه داییه که که‌سی کورد به لێپرسراویه‌وه هه‌لسوکه‌وت به‌کات و جوابگۆی رووداوه‌کان بێ.
گه‌نجی ئاقڵ و ژیری کورد بیری کوردایه‌تی و سه‌ربه‌خۆی و ئازادی بۆ گه‌له‌که‌ی له مێشکی دا زۆر گه‌شه‌ی کردووه، جوڵه‌ی حیزبه‌کان و جۆڵه‌ی گشتی له ژێر هه‌ر ناوێک و نیشانێک دابێ ئه‌گه‌ر خێری کوردی تێدا نه‌بێ دوای ناکه‌وێ!
ئه‌و شیعارانه‌ی که درێژه ده‌ری شه‌ڕی ناو خۆ بوون وه‌ک: (بۆرژوازی) و (کۆمۆنیستی) ئێستا ئه‌وانه کاڵ بوونه‌وه و پوڵێکی قه‌ڵب ناکه‌ن و بازاڕیان نه‌ماوه!
ئه‌و شیعارانه زۆر دوور بوون و دوورن له ماف و داخوازیه‌کانی گه‌لی کورد، هه‌تا ئه‌و وه‌ڵاتانه‌ی که ئه‌و ئایدیولۆژیانه‌یان گه‌شه پێده‌دا و پاره‌ێکیان لێده‌خوارد، ئه‌مڕۆ هه‌رخۆیان هیکه‌لی داڕێژه‌رانی ئه‌و ئایدیۆلۆژیانه‌یان له میدانه‌کان هێنایه خوار و له‌ت و په‌تیان کردن و فڕێاندانه زبڵدانی مێژووه‌وه.
هیوادارم حیزبه خۆشه‌ویسته‌کانی ئێمه له‌وه زیاتر دوا نه‌که‌ون، بیرو هزری خۆتان کۆ بکه‌نه‌وه ئاوێک به ئاگری دووبه‌ره‌که‌ی و ناوچه‌گه‌ری و خزمێنه دا بکه‌ن و واز له مه‌سڵه‌حه‌تی شه‌خسی و بیری به‌رته‌سکی حیزبی بێنن، ئاڵای ێه‌کیه‌تی و ێه‌کڕیزی و گه‌ل دۆستی هه‌ڵکه‌ن، تا مێژوو و نه‌وه‌ی داهاتوو ئافه‌رینتان پێ بڵێن و نه‌فره‌تان لێنه‌که‌ن .
۲۹⁄١⁄۲٠١٣
ئه‌بوبه‌کر سێوه‌تاڵ
…
بابەتی پەیوەندیدار
سەرچاوە: پێشمەرگەکان
{jcomments off}
یادێک لە سێ شەهید، کە یەکیان هەرگیز نەگەڕایەوە، عەلی هاشمی
هۆرامان / شاهۆ/ شاوە/ ئەشاوەهوو، سدێق بابایی
رەهەنـدی نەتەوەیی و نیشـتمانی لە هـۆنـراوەی منداڵان.. رەزا شـوان
نتانیاهو: اسرائیل به برنامه هسته‌ای حکومت ایران ضربه زد
هــــــــــــــاڵ؛ ڕۆمان ، سدێق بابایی
كەركووك لە نێوان هەردوو ئاماری 1947-1957، عەلی مەحمود محەمەد
گەشەكردنی كەركووك لە قەبارەو ژمارەی دانیشتوان ، عەلی مەحمود محەمەد
بۆ کێ دەنووسی؟!، برایم فەڕشی 
لە خۆم دەگەڕێم، برایم فەڕشی
پرونده ۵۴ هزار صفحه‌ای فساد ۵۲ مقام ارشد جمهوری اسلامی
تایبەتمەنـدییەکانی پاڵەوان لە چـیرۆکی منـداڵان.. رەزا شـوان
هەڵبژاردنی پارلەمانی کوردستان، عوسمان کەوکەبی شاد
” هەتا ئێستاش رۆژ نییە تاوێک بۆ دایک و باوکم نەگریم” سالۆ مولەر ، و. هەڵۆ بەرزنجەیی
عصیان آهو؛ بازپس‌گیری زنانه بدن
یادێک لە شەهیدی فەرماندە جەعفەر بایەزیدی (چەعفەر کۆمەڵە)، عەلی هاشمی
کریستینا هامۆک کۆچ دەبێتە یەکەم کەشتیوانی ژن بۆ سەر مانگ.. رەزا شـوان
مافی كەمایەتییەكان لە نێوان رەیان شارباژێڕی و مونا چۆمانی، عەلی مەحمود محەمەد
بەس نیە شەڕو دووبەرەکی ؟!، مەلا برایم مەجید پوور
یەکەم هێرشی ئاشکرای ئیسرائیل بە فڕۆکەی شەڕکەر بۆ سەر ئێران، بۆچوونی مەنسوور عەزیزی و عەلی جەوانمەردی
خەبات بۆ پاراستنی یەکڕیزیی هەرێمی کوردستان، د. سامان شاڵی- پارتی چەپی ئەڵمانی لە دووڕیانی: دەستپێکێکی نوێ و هەڵوەشانەوە دا، هەڵۆ بەرزنجەیی
ماسییه زیته، سەعی سەقزی
بە خاکسپاردنی هاوڕێ موتەلیب حەریقی لە ستۆکهۆلـم
خاتوو ریـپـین چـیرۆکنووسێکی ئـۆسترالـییە بۆ منـداڵان.. رەزا شـوان
دەڵێـێ بــەهــەشــتــی خــوایــە، مەلا برایم مەجید پوور
ئاگاداری/ مەڕاسیمی بەخاكسپاردنی خاڵ موتەلیب
خەڵاتی ئاشتی نۆبێل ٢٠٢٤، عوسمان کەوکەبی شاد
شیوەنی دوای هەڵبژاردن، عەلی مەحمود محەمەد- تانیشک بچووکترین وەرگری دکتۆرایە لە جیهـان.. رەزا شـوان
به نوشته‌ای از مترجم (محمد خاکی) بنگریم !، سه‌عی سه‌قزی
کۆچی دوایی موتەلیب حەریقی (خاڵە موتەلیب)
سهركهوتنی حهماس!، عهبدولهتیف ئهلمهناوی
چەند چالاكییەك لە رۆژی جیهانی دژ بە ئیعدام
ویرانکردن خاورمیانه و قتلعام مردم آن منطقه توسط دولتهای اسرائیل و ایران و امریکا!، سەعی سەقزی
چۆن وەک هەرێمی کوردستان لە جەنگی ئیسرائیل و بەرەی مقاوەمە بڕوانین؟، زوبێر رەسوڵ
ئیسرائیل و حیزبوڵا و لوبنان، مهریوان وریا قانع- فـانتـازیـا لە وێـژەی منـداڵان.. رەزا شـوان
- ئەخلاقی ئیسلامی و تایبەتمەندیەکانی ، مەلا برایم مەجیدپوور
هێڕشی موشەکی ئێران بۆ سەر ئیسرائیل، عوسمان کەوکەبیشاد
کاریگەرییەکانی هێرشەکەی ئێران بۆ سەر ئیسرائیل لەسەر پرسی کورد!، شهریف عەلی
بۆچی چارەنووسی فەلەستینییەکان وەکو ئێمەی لێهات؟، موفید محەمەد نوری
سرویس امنیتی سوئد از «احتمال نقش ایران» در حملات نزدیک سفارت‌های اسرائیل در کپنهاگ و استکهلم خبر داد.
هێرشی ئێران بۆ سەر ئیسرائیل، ئەوە دوهەم هێرشی ئێرانە، وەک رێکەوتنی ژێر بە ژێر یان تەڵە دەچێ، ساڵە نەڵۆسی
حیزبوڵڵای لوبنان کوژرانی حەسەن نەسروڵڵای راگەیاند
به مناسبت دومین سالروز (جمعه سیاه) زاهدان ، سەعی سەقزی
بۆ هونەرمەندی نەمر فەتانە وەلیدی، سەعی سەقزی- لە جەنگی حیزبوڵا-ئیسرائیل، تا شەرەفکەندی و ڕیفراندۆمی باشوری کوردستان!، شهریف عەلی
هاو سەنگەری دێرین ” لە وڵامی پرسیارەکەت کە نووسی بووت دەبێ چ بکەین” ، مەلا برایم مەجید پوور- وێـژەی منـداڵان لە رووسـیا.. رەزا شـوان
ڕاگەیاندنی کۆمەڵە بە بۆنەی گیانبەختکردنی هاوڕێ ڕێبوار کەریمیان
هێرشی گەورەی مووساد بۆ سەر حیزبوڵا لە رێگای تەقینەوەی پەیجەر
یادێک لە کاک سەعیدی لێو بەبزە، سەید عەلی هاشمی
چارەنووسی نادیاری کوردی ڕۆژهەڵات له باشووری کوردستان؟، د. کامران ئەمینئاوە- بــاوەڕ ، مەلا برایم مەجید پوور
بەیانی باش ژینا- ژینانامە، برایم فەڕشی
مانگرتنی ٢٥ی خەرمانان دوهەمین ساڵڕۆژی شۆرشی ژینا
لە یادی 2 ساڵەی شۆڕشی ژینا، ئاستەنگییەکانی سەر خەباتی سیاسی. گرێدانی کۆنگرەی ڕاوئژی ڕۆژهەڵاتی کوردستان، عارف باوەجانی.
پەیامی ناوەندی بەڕێوەبەریی گشتیی حیزب بە بۆنەی دووهەمین ساڵوەگەڕی بزووتنەوەی ژینا
ببورن كوردانی رۆژهەڵات و باكوور
اقدام به خودسوزی یک پدر بلوچ، به‌دنبال رد ثبت نام فرزندش در زاهدان؛ سخنگوی وزارت آموزش و پرورش: «موضوع را نفی نمی‌کنیم»
ڕاگواستنی بارەگا و شوینی ژیانی ئەندام و بنەماڵەکانی کۆمەڵەکان له زڕگوێزەوە بۆ سورداش، کوردانی ئاڵمان- میا تالێریکۆ لە یانزە مانگیدا بوو بە ئەکتەرێکی ناسراو.. رەزا شـوان
بەیاننامەی ڕێكخراو و چالاكوانانی بواری جینۆساید تایبەت بە كاركردن لە گۆڕە بەكۆمەڵەكان
ئەنجوومەنی ئاسایشی هەرێمی کوردستان: یەکێتی بەهزاد خوسرەویی رادەستی ئێران کردووە
بنەماڵەی بێهزاد خەسرەوی: کوورەکەمان ئازاد نەکراوە و لە دەستبەسەرگەی ئیتلاعاتی سنە ناچار بە دانپێدانانی زۆرەملێ کراوە
بۆ خوشک و برایانی رۆژهەڵات، داوای لێبوردنتان لێ دەکەم. من بێبەریم لەوەی دژی ئێوە دەکرێت، ئاسۆس هەردی
حیزبی دێمۆكڕات لەبارەی گرتن و ڕادەستکردنی بێهزاد خوسرەوی راگەیەندراوێكی بڵاوكردەوە
ئاڵۆزییە نەناسراوەکانی کۆچبەری, حەسەن قارەمانی- جیا کردنەوەی دین لە سیاسەت، مەلا برایم مەجید پوور
ئاشـتـبوونەی رەنگـەکان.. رەزا شـوان
30ی ئاب رۆژی جیهانی بێسەرووشوێنكراوان
(زبان فارسی) زبان مشترک یا زبان تحمیلی؟، سه‌عی سه‌قزی
شەڕێکی قارەمانانە لە ڕۆژێکی وەک ئەوڕۆ، 6ی خەرمانانی 1361ی هەتاوی، عەلی هاشمی
فیلمی بە خاکسپاردنی خــــاڵە شێخ محەممەد بڵباسی”تەڵقینەکەی بەو زمانە نەبوو کە دایکی فێری کردبوو، مەلا برایم مەجید پوور 
هاوسەرگیریی منداڵ و پێنەگەیشتوو یان بەسەبایاكردن؟، د. ئادەم بێدار
لە یادی 18 ساڵەی دادگایی تاوانبارانی ئەنفال و رۆژی دادپەروەری كوردستاندا
کچۆڵە ئابیجیتا گوپتا بچووکترین نووسەری جیهانە.. رەزا شـوان- فیلمی بە خاکسپاردنی خاڵە شێخ محەممەد بڵباسی لە ساڵی 2009، ساڵە نەڵۆسی
- شەڕێک کە مرۆڤە دەمارگرژەکان هەڵیان گیرساندوە، مەلا برایم مەجید پوور
روداوەكان پشت هەڵبژاردنی پارێزگارە كوردەكەی كەركوك، عەلي مەحمود محەمەد
