شۆڕش، ئاکۆ ئەلیاسی

زەریایەک بووم    

قووڵ و بێ بن،  

خۆر و نان و ئازادی گشت هەژارانیش، 

قیبلە نما ….

لووفەی نەهەنگ  ….هێند بچووک بوو …

بە نێو سینگما …

تەنیا وەکوو زرینگینەوەی

گوارەی گوێچکەی شەپۆلێکم …. گوێم بۆ دەگرت…

سەدان کانی و شاسەراوم  …. لە نێو خۆدا حەشاردا بوو….

بەڵام نها … چۆڕە… چۆڕی… ئاوی … لێڵی …  جۆگەیەکم …. لە نێو سینگی دەشتی قاقڕڕ،

دەڕۆم و لە … نیوەی ڕێدا… دەیمی هیجرەت … قووتم دەدا

مەڵاق ویشک و ماندووی ڕێگا…

بەو گشت گەورە و شکۆیەیەم … ناچارم کە،

بۆ سەرچاوەی … کانییەکی لێڵ و  لیخن ….

کەرامەتم بخەمە ژێر پرس و گومان …

لە بۆ قووتی  ئەمڕۆ و سبەم ….

زەبوونانە …

بێمە تکــــا!!