رۆژ درەنگە، ژیار سەفەری

رۆژ درەنگەو 

خۆر خەریکە هێدی هێدی مال ئاوایی لە دۆل و قەد پالی چیا دەکاو 

شنەی بای خۆشەویستی لە پێ دەشتی سەر سەوزەوە

ئارام ئارام باوەشێنی کاکۆلی تۆز گرتوی ئەویندارانی وڵات دەکا

ئەوە ئەوینی نیشتمانە ڕێگەی هەورازمان بۆ هەموارتر دەکا

کاروانەکەمان لە ڕێ بەرەو ئاسۆ هەورازەکان بە دووی خوی دەدا

دەنگی هەنگاوەکان

هەر وەک ترپەی دڵەکان بە ‌هێواشی شەو لە نیوە تێپەر دەکا

دەنگێ بەر گوێم کەوت

بە ئارامی وتی پشوێکی کورت

بەردێکم کردە تەکیەگاو

پالم دا بە کۆلەپشتیەکەمەوە

ڕۆم کردە ئاسمان

بە چاوی ڕوحمەوە

بۆ نیگاێ ئەستێرەکان دەگەرام

بە دوی مانگە هەنگاوم دەنا

ئەستێرەکان درەوشاوەتر

لە گەران دا بۆن

لە هەستمەوە پرسیم

ئێمە ئشقی نیشتمانە

لە سەرماو سۆلی دا

چیا و دۆڵ ودەشت

رێگەی بێ پسانەوەی

شەوە تاریک دەپێوین

ئێوە بە دوی چیا وێلین؟؟؟

ئێمە ،

ئەستێرەکان درەوشاوەتر

لە گەران دا بۆین

 تا بەرزترین و جوانترین وشە

وەک هونراوە بەهونینەوە

بۆ گەردنی ئەو کەسانەی

بە عشقەوە لە سەر پێ

لە گەڵ مانگا وا بە ڕێوەن

لە گەڵ چیاێە بە پێوەن

ژیار سەفەری