سه‌ربه‌ستی‌ ، ئه‌حمه‌د ده‌شتی

که‌ ده‌بینم باڵنده‌کان له‌ ئاسمانان   

به‌ ئازدی په‌رواز ده‌که‌ن   

چه‌ند جوانن له‌و به‌رزاییه‌

ده‌نیشنه‌وه‌‌ و ژیان شاد ده‌که‌ن‌

 

 له‌و بڵنده‌ به‌ ‌ به‌سه‌ربه‌ستی‌

ده‌چڕ‌ن سرودی شادی‌ ژ‌یان

هه‌رده‌م  ده‌ژین  له‌ به‌رزایی

دوورله‌  نزمی و زام و گریان

 

ده‌ڵێم بریا   منیش    وا  بام

له‌ ناو لانه‌و كاشیانه‌ی‌ خۆم

به‌ ڕزگاری‌ و  سه‌ربه‌خۆ‌یی‌

بمدیبایه‌‌ سه‌ربه‌ستی‌   خۆم

 

به‌ڵام منی ئاواره‌ و دوور

بێ کیان و  به‌ نامرادی

له‌ مێژ‌ساڵه‌ ده‌خولێمه‌وه‌

نه‌م دی ساتێ قه‌ت ئازادی

 

ده‌ربه‌ده‌ر و  ئا‌واره‌ مام

له‌ لانه‌ی خۆم بێ ژین  کرام

وێرانه‌یه‌‌  هه‌واری‌  من

به‌ره‌و مه‌رگ و نه‌مان برام

 

 

نه‌م دی ساتێ بڵێم ئۆخه‌ی

دوور ئازارو گریانم   من

ناژیم  له‌ ناو  کاره‌ساتان

هاتۆته‌ دی گشت مافی من

 

منیش مرۆڤم خوێنم سوره‌

کوردێکم و  کوردستانم نیشتمانه‌

مافم نیه‌ سه‌ربه‌ست  بژیم

دور  ڕه‌هاییم   له‌م  ژیانه‌‌

 

له‌ ژێر ده‌ستی تورک و عاره‌ب

ساله‌هایه‌ چه‌وساوه‌مه‌

زه‌وتیان کردووه‌ گشت سامانم

بێ ده‌وله‌ت و بێ کیان و ئاواره‌مه‌

              *