ساڵی ٢٠١٤ ، ئه‌حمه‌د ده‌شتی

ئه‌وا  رۆیی  کۆنه‌  ساڵمان
وا هه‌ته‌ جێی ساڵی نوێمان
ساڵی    تازه‌    هاوڕێمانه‌
گه‌لی  هیوا   له‌     دڵمانه‌

سه‌دان‌خه‌م وئازارمان  دی
له‌سالی چوو ژیانمان ‌نه‌دی
به‌ نامرادی  زۆر   ماینه‌وه‌
هه‌رغه‌ریب و چه‌وساینه‌وه‌
ئه‌وه‌ی  ئه‌مرۆ که  هه‌مانه‌
هیوای   شادی   سبه‌یمانه‌
کوردیش وه‌کوهه‌مو گه‌لان
سه‌ربه‌خۆ بێ نه‌کرێ تاڵان
هه‌لده‌ین‌ئاڵای‌ده‌وله‌تی‌‌کورد
له‌‌ناوخاکی‌یه‌کپارچه‌ی‌‌‌کورد
تازی وڕۆمی‌عه‌جه‌م‌ بڕۆن
سامانی ‌کو‌رد‌  چیترنه‌خۆن
کوردپێشکه‌وێ‌به‌سه‌روه‌تی
به‌یه‌کگرتن و  به‌  هێمه‌تی
ده‌ستی  ته‌ره‌س   ببڕێته‌وه‌
ئاڵای کوردم     بشه‌کێته‌وه‌
ساڵی نومان لێ  پیرۆزبێت
کوردستانمان‌‌دور ئازاربێت
کێ دڵسۆزه‌ بۆ  کوردستان
سه‌رکه‌وتو بێ دژ  نه‌یاران
پڕله‌ شادی ویه‌کگرتووبین
خاوه‌ن‌خاکی‌کوردستان بین

    سعات 0 -1-1 یه‌کی 2014  هه‌نده‌ران