بە نێو دارستاندا ، رەحمان سوفی

 شوێنێک هەیە پێی دەڵێن زۆنگی یاقوب

ڕۆژی هاوین ژێرزەمینە

لە وێ ڕووناکی دەترشێ، و

دەبێتە خواردنەوەیک، کە

تامی کۆنی و وێرانی ئەدا

لە کەمیندان دێوی بێ بایەخ

چڕی یەکدی ڕاوێستاون

هیچ شتێک ناتوانێ دەربازبێ

ئەوسپیدار تێکشکاوە لەوێ دڕزێ

وەک هەڵوێستی باوەڕدارێک

لە تەختی دارستانەوە سەردەکەوم

ڕووناکی لە نێوان دارەکانەوە دەردەکەوێ

باران سەربانم دادەگرێ

هەوای لێواری دارستان شلەتێنە

ڕەشەکاژی ئەستووری وەرگەڕاو،

لمۆز شاردراوە لە نەرمەخاکا

لە سێبەری باراندا تێرئاو دەبێ.

 

خەزەڵوەری کاڵ

لە ئاڵوگۆڕی خەزەڵوەردا

بەرگە بەرگنی ئەسڵ پڕبەها یە

وایە کە ئاسمان زۆر دڵتەنگە

زەوی خۆی ڕووناکی پێک دێنێ

سەوزە مێرگ بە شەرمەوە، جیرانی کێلگەێکە

بەهرەی نانەڕەشەی بە خوێن کراوە پتر نییە.

کادێن هەیە دیوارەکانی سوورە

خاکی ژێر ئاویش هەیە،

لە – ئاسیا- شاڵیزارە و بریقە ئەداتەوە

خاسخاسە بیریان دێتەوە و

بۆ چینەکردن لە وێ دەنیشنەوە.

لە نێوەڕاستی دارستاندا،

تەمومژ و نامۆیی، لە سەرخۆ،

بۆ یەکدی دەزرنگێنەوە

سرووشی نەهێنی لە زەیندا

وەکو«نیلس داکە» یاغی لە جەنگەڵدا ڕادەکا

 

شێعری تۆماس تڕانستڕۆمێر‌= Tomas Tranströmer

وەرگێڕان لە سوێدیوە: ڕەحمان سۆفی / سوێد