پرسۆس"، فه‌تحی میرزائیان‌

ئه‌ورۆ حوشترێکی  

مێشک کرمه‌ژن که‌   

که‌وهانه‌که‌ی پڕ کردبوو   

له‌ باڕووتی کینه و جه‌هل!

ڕه‌شۆکه‌ی له‌ ده‌ست

جه‌ندرمه‌ی تورک

به‌ر بوو و خۆی کرد به‌

ناوه‌ندی هونه‌ردا

له‌ پرسۆس!

پرسۆس!

به‌ خوێن سور بوو و

بوو به تابلۆیکی ریئالی

دیکه‌ له‌ ناوه‌ندی هونه‌ر و

له‌ موزه‌خانه‌یه‌کی کۆنی

دیوار په رش و گوله گازی

سه‌ر جوغرافیایه‌کی

چوار شه ق كراويى به‌رشه‌ق دراو

دانرا و بوو به‌ تابلۆیه‌کی

هه‌ره‌ به نرخی ئینتزاعی

بۆ ئه‌کته‌ره سیاسیه‌کانی جیهان

له‌ ته‌نیشت مۆزه‌خانه‌ی

ڕێویه‌ کلک نه‌وتینه‌کانه‌وه‌،

نرخی ئه‌م تابلۆیه‌

به‌ ئه‌ژمار نایه‌ت و

به‌ هیچ کولکسیونێرێکى

 مووزه‌ی جه‌نگ ناکڕدرێت

له‌ به‌ر ئه‌وه‌ی داری ئه‌و فڵچانه‌ی

که‌ ئه‌م تابلۆیانه کێشاوه‌

له‌ دار به‌ڕۆی قه‌ندیلى پڕ له‌ چیرۆکه‌ و

مووه كانى له‌ زڵفی كيژانى کۆبانیه‌!

که‌نویسى ئه‌م تابلۆیه

له کۆته‌و جامانه‌ی

پێشمه‌رگه‌ و به‌رگی پتوورکاوی

ئه‌نفال کراوانه!

ڕه‌نگه‌ کانی ئه‌م تابلۆیه

له‌ خۆێن و فرمێسک و سورمه‌ و

لێشاوی زام و زه‌ردیی ديمه نى

منداڵانی چیای شه‌نگاڵ و

ژاری ڕه‌شی تێکه‌ڵ به‌ڕه‌نگی

به‌هاری هه‌ڵه‌بجه‌یه‌!

ئه‌م تابلۆیه‌

واژووی سوری پڕ له شانازى

کوردستانی له‌سه‌ره و

پێشکه‌ش كراوه به‌

داگیرکه‌ره‌ به‌رچاوته‌نگه‌کانى

خاكى كورد و کارمه‌نده‌ ده‌سه‌ڵات

که‌له‌مچه‌ کراوه‌کانی مافی مرۆڤ و

زلهێزه‌ ئیراده‌ بچووکه‌کانی شه‌ڕی

ده‌وڵتی ئیسلامی و کورد.

 

فه‌تحی میرزائیان‌