‎كوردانی ڕۆژهەلات چی بكەن؟، کوردستان ئەحمەد

‎حدك و حدكا و ڕامین كە هەرسێكیان هەڵقوڵاوی بیری نەتەوەیی كوردانی ڕۆژهەڵاتن و پەروەردەی فەلسەفەی كورد بوونن و لە چوارچێوەی خەباتی نەتەوەیی بیری چەپگەرای دوكتور قاسملۆن، ئێستا ڕۆژهەڵاتی كوردستانیان خرۆشاندووە.

‎پرسەكە گەیشتوەتە ڕادەیەك کە تەنانەت خەڵكانی ڕەش و ڕووت و برسی و ماندووی ڕۆژهەڵاتیش باكیان لە ترس و تۆقاندنە وێرانكەر و ترسناكەكەی دەوڵەتی ویلایەتی فەقێ نییە، هەرچەندە زۆر كەس پێی وابو حدك و حدكا و حیزبەکانی تر، ناتوانن شەقامی ڕۆژهەڵات بجووڵێنن، بەڵام ئەم بۆچوونە كە دوای بانگەوازیی مانگرتنی سەرتاسەری لە ڕۆژهەڵاتی كوردستان و بەدەمەوەهاتنی ئەم بانگەوازە، سەلماندیان كە ئەو بۆ چونە هەڵەیە و بەڵێ دەتوانن شەقام بجوڵێنن.

‎پرسیارەكە ئەوەیە، شەقام چۆن بجوڵێنرێت؟ بەرەو كوێوە ئاراستە بكرێت؟ كێ كاری بۆ بكات؟ چۆن ڕووبەڕووی ستەمی تۆقێنەر ببنەوە؟ كێ ئاراستەیان بكات؟ ئەركی گەل چییە؟ لە بەرامبەردا ئەركی  سیاسیەكان چیە؟

‎یەكەم:

‎ئەوەی كەبارودۆخی نێودەوڵەتیی ئێران بۆ هەر جموجۆڵێك لەبارە كە پشتیوانیی نێودەوڵەتی وەربگرێت ئەمە بۆخۆی كارێكی گرنگ و بایەخدارە، چونكە ئەوكاتە ترسی دروستكردنی لۆبیمان نابێت.

‎لەلایەكی تریش هەلومەرجی ناوخۆی ڕۆژهەڵات بە هێرشە موشەكیەكان و لە سێدارەدانی ڕامین و زانیارو لوقمان، شەقام بەتەواوەتی ئامادەكراوە .

‎ئێستا پێوییستە ئۆپۆزسیۆنی ئێرانی بەحدك و حدكا و پژاك و تەواوی هێزەكانی ڕۆژهەڵات پلنیۆمێكی گرنگ و بەپەلە ببەستن كە تێیدا جەخت لەسەر سێ خاڵ بكەنەوە:

‎١–بەرەسمی ڕایبگەیەنن كە سیاسیەكانی ڕۆژهەڵات بە یەكدەنگ لەگەڵ ئەو مانگرتنەن و بەرنامەو پلانی خۆیانەو خۆڕسكە و لە چیاكانەوە سەری هەڵداوە و دەستبەرداری نابن و  پشتیوای لێدەكەن و دەچنە ناو شارەوە.

‎٢–پلانێكی ستراتیژیی بەهێز و تۆكمە دابرێژرێت كە شەقام ئاراستە بكات لە مارش لە بەرنامە لە پلانی سیاسی و سەربازی بۆ ئەوەی ڕووبەرووی هەموو ناشیاویەكان ببنەوە

‎٣–بەبەردەوامی پشتیوانیی نێودەوڵەتی بۆ پرسی مافەكانی كورد پەیدابكەن و بەزوترین كات لە ئەمریكا و ئەوروپا كۆبوونەوەی ناچاری بە كۆنگرێس و بە یەكێتیی ئەوروپا بكەن

‎دوویەم : ئەركی گەل لە ڕۆژهەڵات چیە؟

‎گەلی كورد لە ڕۆژهەڵاتی كوردستان نزیک بە ١٠ تا ١٢ملیۆن جەماوەری لەكۆی ٨٠ملیۆن جەماوەری ئێران پێكدەهێنێت،  دابەشبوون بەچەند بەرەو بەچەند شارێكی گەورەو ستراتیژی ئێراندا  ئەركی ئەوانە كە:

‎١–سەركردایەتیی سیاسیی كورد هەر بریارێكی دا یەکسەر جێبەجێی بكات و لە قوربانی دان نەترسێت، تەنانەت ئەگەر هەر ١٠ملیۆن جەماوەرەکەش لە سێدارەبدرێن

‎٢–كومیتەی ڕێكخستنی مەدەنیی شارەكان دروست بكرێت. وەك تۆڕی جاڵجاڵۆكەیی كە ئاگاداری یەكتر بن و گەڵاڵە و بەرنامەی شاخ بڵاو بكەنەوە و بەوردی ئەو كەسانە دەستنیشان بكەن كە جاش و خۆفرۆشن و یارمەتیی دەسەڵات دەدەن.

‎٣–بەبەردەوامی چالاكیی مەدەنی وەك مانگرتن و نەچوونە دادگا و نەچوونە بنكەسەربازیەكان و كوژاندنەوەی كارەبا و تەركی مزگەوت و نەكڕینی شتومەکی ئێرانی و هەروەها بایكۆتی بڕیارەكانی دەسەڵات بكەن.

‎٤–ئەو تۆڕە نهێنیە بەوردی كار لەسەر بەرنامە هاوچەرخەکان بكەن، ڤیدیۆ بەزمانەكانی ئێنگلیزی عەرەبی و زمانی دیکەش بڵاو بكەنەوە بۆ ئەوەی کە ڕای گشتیی جیهان بۆ لای خۆیان و داوا و هێزیان ڕابکێشن.

‎٥–پردێكی پەیوەندیی گەورە لە نێوان شار و شاخ دروست بكرێت، مامەڵەیەكی ستانداری نهێنی لە شێوەی تۆڕی تەونی بەیەك بگەیەنن.

‎٦–لە مەیدان و شوێنە گشتی و كۆڵانەكان و تۆڕی کۆمەڵایەتیی وەک تلگرام و فەیسبوك، مارشی نیشتیمانی بەرز بکەنەوەو ورەی خەڵك بەهێزتر بكەن تا ڕووبەروی ئاستەنگیەكان ببنەوە.

‎٧–پەیوەندیەكی پتەو لەگەڵ  كوردانی دەرەوە ساز بكەن تا سەرچاوی نێودەوڵەتی بۆ دۆزەكەیان پەیدابكەن.

‎سێیەم : ئەركی سیاسەكان و شاخ چییە؟

‎پێویستە سەرجەم پارتە سیاسەكانی ڕۆژهەڵاتی كوردستان لە دەوری یەك كۆببنەوە و چەند كارێكی گرنگ ئەنجام بدەن، بۆ وێنە:

‎١–هەموو هێزە سەربازیەكانیان بكەنە یەك هێز و یەك سیستەمی سەربازی و یەك جل و بەرگ و فەرماندەیەكی باڵایان بۆ دابنرێت

‎٢–پلنیۆمێكی گەورە بكەن بەهەر شێوەیەك بووە یەك بگرن و ببنە یەك دەست و یەك بیروو باوەڕ با لە ئەجەندای كاردا چەند خاڵێك بكەنە بەرنامەو کە هەموو لایەنێک پەیرەوی بكات

‎٣– بە وودی ئاگاداری ڕاپۆرتی ڕۆژانەی شار بن و شارەكان ئاراستە بكەن، هەموو شارەكان بجووڵێنن تەنانەت دەستیان بگاتە شارە بەلوچ و ئازەری و نەتەوەكانی دیكەش.

‎٤–بەرنامەیەكی تۆكمە دابنێن كە بە خەڵك، كۆماری ئیسلامی و وڵاتانی دراوسێ و ئەمەریكا و جیهان بڵێن ئێمە ئەمەمان دەوێت كە بریتی بێت لە مافی خەڵك، ئازادی و مافی چارەی خۆنوسین و…هتد

‎٤–تۆڕێكی نهێنیی گەورە دروست بكەن کە کاری ئەوە بێ کە ئەو كەسانە بدۆزێتەوە كە سیخوڕی دەرەكین و لەبەر چاوی هەموو دونیاوە سزای یاساییان بدەن بۆ ئەوەی سیخوڕەکاننەمێنن و پلانەكان دزەیان پێنەكرێت

‎٥–شاخ دەبێت لە چالاكیی سەربازی خۆی بەدرور بگرێت، چونكە سوپای دەوڵەت زۆر مەترسی ڕووبەروی ئەمە دەبنەوە بەڵام ئەمەش ناكاتە ئەوەی قبوڵی دەستدرێژیی دەوڵەت بكەن.

‎٦–تێمێكی سەربازیی تۆكمە دابنرێت كە جاش و بەکرێگیراوەکان بکوژێت و لەناویان ببات تا خەڵك فێر ببێت نانی مەردایەتی بخوات

‎٧–پەیوەندی لەگەڵ ئەمەرێكا و ئەوروپا بەهێز بكەن، سود لە چەك و ڕاهێنانی سەربازیی ستاندەری جیهانی وەربگرن، ئامادەكاری بۆ ڕووبەروبونەوەی هەموو كردەوەیەكی سەربازی بكەن.

‎٨–میدیایەكی بەهێز لە ئەوروپا دروست بكەن كەدەنگی هەموولایەك بێت و ڕووبەروی هەموو هێرش و دەستدرێژیە میدیاێەكان ببێتەوە.