دواین دیدار له‌گه‌ل سایتی {ئازادی به‌یان (azadi-b.com)}، سەعی سەقزی

 به‌ڕێوبه‌رانی به‌ڕێزی{سایتی ئازادی به‌یان (www.azadi-b)} شادیتان ئاواتمه‌،‌ نامه‌وێ زۆر کاتی ئێوه‌ و کاک خالد به‌رپرسی سایته‌که‌‌ بگرم.

 ئه‌وه‌ی که‌ له‌ مانگه‌کانی پێشوودا سه‌ردێڕی ئه‌و بابه‌ته‌ (کوردی)یانه‌ که‌ بۆم ناردن کردتانه‌ به‌ (فارسی) زۆرم پێناخۆش بوو، زۆرم هه‌وڵدا و تکام لێکردن به‌ڵکو ئه‌و کاره‌ نه‌که‌ن، به‌ڵام به‌داخه‌وه‌  ئێوه‌ هه‌ر له‌سه‌ر کاره‌که‌ی خۆتان سوور بوون و ئه‌نجامتان ئه‌دا، به‌ داوای لێبوردن که‌ ئێژم:

ئێوه‌ وه‌ک خاوه‌نی سایته‌که‌ ئه‌و ده‌سه‌ڵاته‌تان هه‌یه‌.

منیش بێده‌سه‌ڵاتێک که‌ توانای زۆرانگرتن و زۆرئازمای و مقاومتکردنم نییه، به‌ڵکو بڕوام به‌ پره‌نسیب و مه‌نتق هه‌یه‌ و به‌س. ئه‌و کاره‌ی ئێوه‌ ئه‌و زیانانه‌ی بۆ من بووه‌:

 

1 – له‌ باری نووسینه‌وه‌ زۆر نادروسته‌، (سه‌ردێڕ) کلیلی نووسراوه‌یه‌، هه‌روه‌ها به‌شێکی گرنگی نووسراوه‌یه‌!

هه‌ر ئاڵوگۆڕک له‌ سه‌ردێڕدا بکرێ پێویسته‌ له‌ نووسراوه‌که‌یشدا ئه‌نجام بدرێ!

 

2 – له‌ باری ماف (حقوق) زۆر نادروسته‌، ده‌سدرێژی کردنه‌ بۆ سه‌ر مافی خاوه‌نه‌که‌ی. بۆ ئاگاداریتان له‌ ساڵی (1994)وه‌ نووسراوه‌م له‌ رۆژنامه‌، هه‌فته‌نامه‌ و مانگنامه‌ کوردییه‌کاندا چاپ بووه‌، له‌و نووسراوانه‌ وه‌ک دیکۆمێنت سوودم له‌ نووسراوه‌ی که‌سانی دیکه‌ وه‌رگرتووه‌، له‌باری (رێنووس) – (رێزمان) و (ناوه‌رۆک) به‌هیچ جۆرێ ده‌سکاریم نه‌کرده،‌ وه‌ک خۆیان نووسیومه‌ته‌وه‌!

 

ئه‌وه‌ی که‌ وا به‌ ئاسانی ئێوه‌ ده‌سکاری سه‌ردێڕه‌کانتان کرده‌ ریشه‌که‌ی له‌ لایه‌کی دیکه‌وه‌ سه‌رچاوه‌ی ئه‌گرێ، بۆ روونبوونه‌وه‌ی ئه‌و باسه‌ ناچارم بگه‌ڕێمه‌وه‌ بۆ ده‌ورانی پێش هاتنمان بۆ ئوروپا، بۆ ده‌ورانی ژیانی ناو {(کۆمه‌ڵه) رێکخراوه‌ی کوردستانی حیزبی کۆمۆنیستی ئیران} و چه‌ن نموونه‌ ده‌سنیشان ئه‌که‌م‌.

 

1 – به‌داخه‌وه‌ ساڵه‌که‌یم له‌ یاد نییه‌، په‌له‌ پێشمه‌رگه‌یه‌کی کۆمه‌ڵه‌ له‌ ناوچه‌ی سه‌قز بوو، تا ئه‌و جێگه‌ی له‌ یادم بێ به‌هار بوو، له‌ ده‌وروبه‌ری دێی (بۆبووکتان) بوین، هه‌موومانیان کۆکرده‌وه‌ په‌یامێکی بێسیمیان بۆ خوێندینه‌وه‌. به‌ داخه‌وه‌ له‌ یادم نییه‌‌ (فارسی) بوو یا به‌ (کوردی)، به‌ڵام ناوه‌رۆکی په‌یامه‌که به‌و جۆره‌ بوو:

(دوێنی به‌بۆنه‌ی یه‌کی مانگی مای (1 – ئایار) رۆژی جهانی (کرێکار) له‌ ئۆردووگای مه‌رکه‌زی به‌رنامه‌یه‌کی گه‌وره‌ به‌ڕێوه‌ برا، خه‌ڵک له‌ (سلێمانی) و (کارێزه)‌ هه‌روه‌ها له‌ گونده‌کانی (گاپیڵۆن، یاخسه‌مه‌ر، چۆخماخ …) هاتبوون و رفێق (خوسه‌ره‌و داوه‌ر) سخنرانییه‌کی باش و موفه‌سه‌ڵی بۆ کردن.

**

ئه‌و کاته‌ و ئێستایش بیر له‌وه‌ ئه‌که‌مه‌وه‌، ئاخر ئه‌و که‌سانه‌ که‌ له‌ (سلێمانی) و (کارێزه)‌ و (گاپیڵۆن، یاخسه‌مه‌ر، چۆخماخ …) چوون بۆ ئه‌و به‌رنامه‌ چه‌نه‌ فارسییان زانیوه‌ که‌ (خوسره‌و داوه‌ر) قسه‌یان بۆ بکات یا (خوسره‌و داوه‌ر) چه‌نه‌ کوردی زانیوه‌ تا به‌ کوردی ‌بۆ ئه‌و خه‌ڵکه‌ قسه بکات!

 

2 – له‌ ئوردووگا و …. که‌ کۆبوونه‌ ئه‌بوو، له‌ناو دیوه‌کان، له‌ناو چادره‌کان به‌ کوردی قسه‌یان ئه‌کرد، به‌ڵام له‌ پشت درگاکه‌ ئه‌یان نووسی: (رفقا جلسه‌ داریم!).

 

3 – {ده‌وڵه‌تی تورکییه‌ به‌پێی ریکه‌وتن له‌گه‌ڵ ده‌وڵه‌تی ئێران (106) که‌س که‌ (95%)یان کورد بوون و زۆربه‌یشیان پێشمه‌رگه‌ی {(کۆمه‌ڵه) رێکخراوه‌ی کوردستانی حیزبی کۆمۆنیستی ئیران} بداته‌وه‌ به‌ ده‌وڵه‌تی ئێران، به‌ڵام خه‌ڵکی شارێ به‌ ناوی (اوزالب – ئوزالب) که‌ (کورد)ن پێش به‌و به‌رنامه‌ی‌ ده‌وڵه‌تانی تورکییه‌ و ئێران ئه‌گرن و ئه‌و که‌سانه‌ له‌ ده‌س پۆلیستی تورکییه‌ ده‌ربان ئه‌که‌ن و له‌ ماڵه‌کانی خۆیاندا په‌نایان ئه‌ده‌ن تا…..}

سه‌باره‌ت به‌و رووداوه‌ با له‌و چه‌ن دێڕه‌ بڕوانین:

 

{داستان نجات 106 پناهنده‌ ایرانی از زبان خودشان:

اوزالب کجا واقع شده‌ و در آنجا چه‌ اتفاقی افتاد؟

اوزالب در 30 کیلومتری مرز ایران است…. هنگام وارد شدن به‌ اوزالب اتوبوس ما توقف کرد که‌ اتوبوس دیگر برسد. در آن هنگام مردم زیاد دور اتوبوس جمع شدند. اهالی آنجا کرد زبان بودند و اکثر ما هم کردی بلد بودیم. همین موضوع باعث شد که‌ بفهمیم در حال دیپورت شدن هستیم.

نشریه‌ {همبستگی، شماره‌ (27) سال (1992)}.

 

جارێ له‌ پێشدا بۆ ئه‌و که‌سه‌ ئه‌سه‌ف ئه‌خۆم که‌ ناوی خۆی له‌ ژێر ئه‌و نووسراوه‌دا نه‌نووسیوه‌‌!

خه‌ڵکی ئه‌و شاره‌ ئه‌و که‌سه‌ و 105 که‌سه‌که‌ی تریان له‌ ده‌س پۆلیس ده‌رهێناوه‌ و نووسه‌ره‌که‌یش ناوی خۆی هیچ که‌ نانووسێ، ئه‌نووسێ: (اهالی آنجا کرد زبان بودند و اکثر ما هم کردی بلد بودیم.)

لێره‌دا ئه‌بێ به‌و نووسه‌ره‌ مه‌زنه‌ بێژین: (اهالی آنجا (کرد) بودند و اکثر شما هم (کرد) بودید.).

 

ئه‌وه‌ ئه‌و فه‌رهه‌نگه‌ دواکه‌وتوویانه‌ که‌ خۆی به‌ ئینسان (مرۆڤێکی) ده‌سی دوو ئه‌زانێ و پێ شه‌رمه‌ خۆی وه‌ک خۆیی پێناسه‌ بکات.

 

نموونه‌ی دیکه‌ له‌و بابه‌ته‌ (زۆره‌) و نامه‌وێ له‌وه‌ زیاتر کاتتان بگرم له‌ ژێر سێبه‌ری سایتی (ئازادی به‌یان)دا به‌ ئازادی بگه‌م.

 

به‌ سپاسه‌ سه‌عی سه‌قزی.

6/5/2019

sai.saqzi@gmail.com   

ئه‌م چه‌ن دێڕه‌ بۆ سایتی ئازادی به‌یان ره‌وانه‌ کراوه‌.