یادێک لە شەهیدانی ۱۷ ی سەڕماوەز، تەیموور مستەفایی

کۆتا پلینۆمی کومیتەی ناوەندی پێش کونگرەی یازدەهەم بوو، سکرتاریا نامەیەکی لە ڕێگای ئازادی عەلی بالەوە کە کادرێکی جێگای بڕوایان بوو ،بۆهاوڕێیان: مەنسورفەتاحی، مەنسورناسری، ساماڵ ئیسماعیلزادە بەرپرسانی حیزبی نیشتە جێی ناوچەی سلێمانی دەنێرێ تا لەو پلینۆمەدا بەشداری بکەن.

ئەم ھاوڕێیانە لە ڕۆژی۱۷ی سەرماوەز بەو مەبەستە بەرەو کۆیە وەڕێ دەکەون، کاتژمێر نزیک ٩ی سەر لە بەیانی لە پێچەکانی شارۆچکەی دووکان دەکەونە بۆسەی بەکرێگیراوانی کۆماری ئیسلامییەوەو تەقە لە نێوانیاندا ڕوو دەدات ، لە ماوەیەکی کورتدا بەکرێگیراوانی کۆماری ئیسلامی تێک دەشکێن وسەر شۆڕانە هەڵدێن و پێشمەرگەکان وەدوایان دەکەون، بەڵام ھەر لە دەستپێکی تەقەکەدا کاک مەنسوور فەتاحی بەرپرسی کومیتە شارستانی پاوە  و کاک شوانە عەتایی پێشمەرگە بریندار دەبن  کە برینی کاک مەنسوور فەتاحی زۆر سەخت دەبێ ،هەر دوو بریندار .بە ماشینێکی بە دەسکەوت گیراوی تێروریستەکان لەو بەرنگارییە قارەمانانەیەدا  بەهۆی یەکێک لە پێشمەرگەکانی هاوڕێی ئەو کاروانەوە بە زوترین کات و هەر لە گەرمەی تێکشکاندنی تێروریستانی کۆماری ئیسلامیدا  دەگەیەندرێنە نەخۆشخانەی حیزب لە کۆیە ،کە بەداخەوە  کاک  مەنسوورفەتاحی ڕێبەر و فەرماندە  بە ھۆی سەختی برینەکەیەوەشەھید دەبێت. کاک شوانەش  بەخۆشییەوە برینەکەی چارەسەر دەکرێ و ئێستا لە دەرەوەی وەڵاتە و، هەروا یەکێک لەئەندامە دڵسۆزەکانی حیزبە و لە کاری حیزبیدا  زۆر چالاکە کە هیوای تەمەن درێژی بۆ دەخوازم.

لە کاتی پشکنینی ماشینە بە دەسکەوتگیراوەکەدا نەوارێکی سەوتی دەبینرێتەوە کە لەودا دەر دەکەوێ کە ئازادی عەلی بالە سیخوڕی ڕێژیم بووە و، ئەو ڕێژیمی لە کات و مەسیری هاتنی ھاوڕییان ئاگادار کردووەتەوە. باقی تیمەکە پاش تێکشکاندن و ڕاودونانی بەکرێگیراوانی ڕێژیم بەرەو کۆیەدرێژە بە ڕێگاکەیان دەدەن. لە بازگەی ئاسایشی دەروازەی کۆیە بە بێ هۆ و زۆر دڕندانە دەکەونە بەر دەستڕێژی گولەی چەکدارانی ئەو بازگەیە و ،بە داخەوە ھەموویان کە چوار کەس بوون، شەھید دەکرێن کە بریتی دەبن لە:

۱-مەنسوور ناسری،  ئەندامی جێگری کومیتەی ناوەندی و بەرپرسی پەیوەندییەکانی حیزب لە سلێمانیُ.

،۲-ساماڵ ئیسماعیلزادە بەرپرسی کومیتەی بانە .

.۳- ڕەفعەت حوسەینی پێشمەرگە

٤- یەدوڵڵا شیرین سوخەن پێشمەرگە

ئازادی عەلی بالەش بە ئاگادار بونی لەو بەڵگەیە کە کەوتبووە دەست حیزب هەڵدێت و دەگەڕێتەوە بۆ مەهاباد.

پاش ماوەیەکی کورت ئازادی عەلی بالە لە نێوخۆی وڵات لە لایەن دوو کوڕی شۆڕشگێڕی مەھابادییەوە بە پێی پلانێکی ورد و ھەڵسەنگێندراو بە سزای خەیانەتەکەی دەگات و دەکوژرێت. ئەو دوو لاوە شۆڕشگێڕە بە کوشتنی ئەو خائینە، بنەماڵەی ئەو شەھیدانە وهەموو خەباتگێڕانی حیزبی دیموکراتیان دڵخۆش کرد. با ئەوە دەرسێک بێ بۆ خائینان و بە کرێگیراوانی ڕێژیمی کۆنەپەرەست و جینایەتکاری کۆماری ئیسلامی ئێران، کە گەل لە تاوانەکانیان خۆش نابێ .

لە کۆتاییدا دەڵێم، ئەو ڕۆژە دور نییە کەهەمووئەوانەی لە درێژەی شۆڕشی کوردستاندا تاوانیان دژی خەڵک و خەباتگێڕانی ڕێگای ئازادی ئەنجامداوەبە سزای تاوانەکانیان بگەن.

سڵاو لە گیانی هەرگیزنەمری شەهیدانی ۱۷ی سەرماوەز

سەرچاوە: لاپەڕەی نووسەر

بابەتەکانی پەیوەندی دار

وتووێژێکی دەنگی کوردی ئەمریکا لە سەر شەهیدانی ١٧ی سەرماوەزی دەروازەی کۆیەی حیزبی دێموکرات

17ی سەرماوەز، جینایەتێکی لە بیر نەکراو، کۆ کراوەی چەند بابەت

سکاڵای هاوسه‌ری شه‌هید سه‌ید مه‌نسووری ناسری