سەر بەخۆیی جەوهـەری بونی مرۆڤە ،لە تاکڕا بگرە تا دەگاتە کۆمەڵگا و حیزب و سازمان و هیتر. هەرکەس سەربەخویی نەبێ ناتوانێ بڕیاری خۆی بدا و ڕاو بۆچوwنی خۆی دەر ببڕێ.
ناتوانێ کارەکانی بە دڵخوازی خۆی بکا، ناتوانێ خۆی هەڵبژێرێ و خەت و ڕێـبـازی خـۆی دیـاری بکا. باشتر بڵێم: خۆی نیە و کەسێکیترە . کوردانەش بڵێم: یـان نەزان و دیل و یەخسیرە، یان چاوچنۆک و ترسنۆک و هەلپەرستە. بڵێندگۆیەکە بێژەر چی دەوێ و چیدەڵێ ئەوەی بڵاو دەکاتەوە .
سەربەخۆیی چەمکێکە کەڕامەت و غـیرەت و بڕوا بەخۆ بوون لە مرۆڤدا دروست و بەهێز دەکا. ناڵێم لە کەسانیتر شت فێر مەبن و بە ڕێگای کەسدا مەڕۆن، دەڵــێـم: ئـەو ڕێگایـە بگرن کە تاقـیـتـان کردۆتـەوە و هـەڵـتـان بژاردوە. ناڵێم :وەدوای کەس مەکەون ، دەڵێم وەدوای ئەوکەسانە بکەون کە لە خۆتان شارەزاترو بڕوا پێکراوتـرن .هـەرچەنـد خۆت بە گەورەو لێزان بزانی مادام سەربەخۆ نەبوی هەر چوکە و چاو لەدەست و گوێی لە مستی .مادام خاوەنی کەسایەتی خۆت نەبوی بە سوک تەماشآ دەکرێی و پەستی . سەربەخۆ بون پیرۆزەو زێدەبەشیەکی خواییەو بەهەمو کەس نەدراوە، لە هەمانکاتیشدا ڕاگرتـن و کار پـێکردنیـشی قـورس و گـرانە. کەسی سەربەخۆ ڕەنگە توشی گیروگرفت وتەنگ و چەڵەمە بێی ، بەڵام لـە هـەرحاڵـەتـێـکدا سەرکەوتـووسەربـەرزە. هـێـنـدێـک دەڵـێـن :حیزبی دێمۆکڕات سەربەخۆیی ناوێی ، ئەوەنیە داوای خود موختاری و فدڕالی و شتی وا دەکا ! ئەو کوتن و بۆچونە ڕاست نیە و بە هەڵە تێگەیشتن یان بیانو گرتن و بەلاڕێدا ڕۆیشتن و خەڵک هەتڵە کردنە . حێزبێکی سیاسی بۆ بەڕێوە بردنی کارەکانی و گەیشتن بە ئامانجەکانی ستـڕاتـیژی و تاک تیکی هەیە، بۆ بەرنامەکانی هەلو مەرجوکات وسات لەبەرچاو دەگرێی. حیزبێکی سیاسی دەبێی دوژمنەکەیو بەرنامەکان بناسێ جا بەرەوڕویـان بێتەوە ، گەلەکەشی خۆش بوێو لـە هەر حاڵەتـێـکدا ئـەوەندەی دەگونجێی پاراستنی گیان و مـاڵـیـان لـە بـەرنامەی کاریـدا پـێـی لـە سەر داگیرابێ، بە لێورد بونەوەو هەڵسنگاندی لـێـزانـانـە هـەنگاو هـەڵـێـنـێتەوە .ئامانجی بنەڕەتیشی هەر وە دەست هێنانەوەی مافە داگیر کراوەکان بێی . بێغەرەزانە بڕوانن حیزبێکی لە نالەبارترین کات و سات وکەش وهەوادا لە بەشێکی بەرتەسکی ڕۆژهەڵاتی کوردستاندا کۆماری کوردستان پێک دێنێ و ڕای دەگەێینێ و ڕێبەرانیشی سەری لەپیناو دەنین، ئامانجی تەنیا خود موختاری یان فدڕاڵیەکی وەک باشورە؟! ئەزمونی لانیکەم سەدساڵ خەباتی خوێناوی گەلی کوردوهەڵس وکەوتو پڕۆسە و بەرنـامەی داگیـر کەرانی کوردستان نیشانی داوە کە تەنیا ڕێگای یەک لابونـەوەی کێشەی کورد دەگەڵ داگیرکەران سەربـە خۆیـیـە وبـەس . گومــان لـەوە دانـیــە ئەرکێکی قورس و گرانە ، بـەڵام گومانـیش هـەڵـنـاگرێێ لەوە قورستر نابێی کە تا ئێستا هەر لەسەر شانمانە . سەربەخۆیی چەمـکێکە دوژمن دەتۆقێنێ، ئاواتی دوژمنان لەناو دەباو دەـمرێـنێ. دوایی بـە فـرتو فێڵ و پیلانگێڕی دوژمنان دێنێ .
سەربەخۆیی گەلێک، یانی خوڵقاندنی بارو دۆخێک کە گەل بـتـوانێی لە ڕێگای هەڵبژاردنی ئازادو نەهێنی نـوێـنەرانی خۆیـان دیـاری بـکـەن و ئەوانیش زانستیانە قانونی بنەڕەتی وڵاتەکەیان دابـڕێـژن و گەل خـاوەنی ڕاو ڕێـبـەریـی و سـەروەری خـۆی بـێـی . بـۆوەدەست هـێـنـانی ئـەو سەربەخۆییەش، گرتنی هەمو ڕێگایەکی گونجـاو تـەنـانەت جم و جۆڵی چەکداریش ڕەوایە. دیارە وشەی سەربەخۆیی مـانـای زۆن و تـەفـسیری زۆری لێدراوەتەوە . بەڕای من کورت و پوختەکەی ئەوەیە : گەلێک بۆ خۆی چارەنوسی خۆی دیاری بکا وبەڕێوەی بەرێێ،کە هەمووبەشەکانی ئابوری ، سیاسی ، خۆبـەڕێـوەبـەری ، بـیـرکردنـەوە ، بڕیاردان و هیتر دەگرێتەوە. ڕاستی: سەربەخۆیی لە هەمو بوارەکانی ژیـانـدا هەر ئەوەیە کە بە زۆر بەسەرتدا نەسەپاندراببێی .واتە خۆت هەڵبژێری، بڕیار بدەی و بەڕێوەی بەری .هەموی ئەوانەو زۆریتریش تەنیا لە کەشو هەوایەکی ئازاد دا ئیمکانی گونجاندنیان هەیە .
ئێمە وەک کورد یەک گەلین و زۆرینەشمان باوەڕی ئایینیمان هـەیـە جا ئیسلام وچ ئەوانیتر، هەم دینەکە وهەم کلتورەکەمان لە بەرانبەر بە جێی هێنانی ئەرکەکەمان و هەم بـۆ قـازانـجی گەلـەکەمان حـوکمـمان پێدەکەن یەکگرتو بین خواش فەرمویە {ئەوە ئایینوڕێبازتانـە ،یەک خەتتان هەیە. لێی لامەدەن، هەرمن وەدیهێنەرتانم ،کڕنۆش هەربۆمن بەرنوبۆکەسیتر. لە جێگایەکیتر فەرمویە:ئەوە دینەکەتانە یەک دەستە بن.من وەدیهێنەرتانم کەوا بو سەر هەر بـۆ مـن نـەوێکەن لە من بترسنو لامەدەن } ناوەرۆکی ئەوئایەتانە وهیتریش پێمان دەڵێن:تەنیا ڕێگای ڕاست وکرداروهەڵوێستی دروست ئەوەیە بەو ڕێگایەدا بڕۆن کەمن بۆم دیاری کردون کە ئەویش خزمەتی گەل و نیشتمانە و هـیچیتر. نە منەتباری کەس بن و نە سەر بۆ کەس نەوی بکەن. گەلێکی سەر بەخۆ لە نیشتمانێکی ئـازاد دا دەتوانێ ڕێبازی ڕاستەقینەی خۆی بدۆزێتەوەو ڕێبواری بێی. بەهەموپێوەرەکانی ئایینی و ئینسانی وئەوەی پێی دەڵێن دێمۆکڕاسی ،ئازادی و سەربەخۆیی بناغەو ماکەی هەمو ئاکارە باشەکانە نـیشانـەی کەڕامـەت و شـەڕافـەتی گەلانە . بۆیە دەڵێم : تۆ بڵێی داوای سەربـەخۆیی گەلـێکی چـل میلیۆنیش تاوان بێێ ؟! من دەڵێم : نەخێر داوایەکی بەتەواوی لە جێدایە، خەبات بۆ وەدیهێنانی لە سەدا سەد ڕەوایە. بە هەمو پێوەرێکی ئایینی و ئینسانی وئیدەیی ، مرۆڤ مافی هەیە ، دەبێی کەڵکی لێوەرگری و بیپارێزێی . خۆ ئەوانەی جڵەوی خۆیان دەدەنە دەستی بێگانەو داگیر کەران ، هەر ڕواڵەتیان مرۆڤە ئەگینا جۆرێک حەیوانی بە شکڵی ئینسانن ،خاوەنەکەی چۆن و بۆ کوێێ لـێـخوڕی ، نـاتوانـێێ دەر بچێ لە ژێر ئەو فەرمانە، دوپاتی دەکەمەوە ئامانجی ئەسڵی و گرینگی گەلی کورد لە هەر چوار بەشەکەی دەبێی سەربەخۆیی بێێ جا ئەگەر نەشتوانن بەیەکەوە کار بکەن با هەر کامەیان بەڕێگای خۆیدا بڕوا بەڵام وێستگەی ئاخری ڕزگاری گەل و نیشتمانە. لەوە زیاتر خزمەتی بێگانانە.
براتان مەلا ئیبڕاهیمی مەجید پور 20 ڕێبەندانی ٢٧٢٣ کوردی
٩/ ٢ / ٢٠٢٤ زایینی