بــا ڕابــردو بــە نــەوەی نــوێێ بـنـاسـێـنـیـن،  مەلا برایم مەجید پوور

من زۆر وێنە و نوسراوان لە سەر فەیسبوکەکەم بڵاو دەکەمـەوە نەک هەر ئیخۆم بەڵکوو ئی هەرکەس کە پێم وابێ قازانجێکی بۆخەباتی گەل و شۆڕش هەیە،

دەمەوێ نەوەی نوێ کە زۆربەیان خوێندەوارن بە سرنجەوە لێێ بڕوانن، هەم لێیان فێر بن، ئەگەر هەڵەیەکیشیان بەرچاو کەوت بیناسن و ئەوان دوپاتی نەکەنەوە. باوەڕم وایە هەرکەس ڕابردو نەناسێ خۆشی نەناسیوە، لەوە تێبگەن سەرەڕای هەموو کەم کوڕیەکان، ئەوەی پێشینانمان لە سەردەمی نەزانی و بێدەرەتانیدا کردویانە و کوتویانە چەنــدە بـایـخـدارن. تـەمـاشا کەن چـۆن نـیـشـتـمـانیان بە کچە حەیرانێک شباندوە، کە کاکەمەم هەتا مەرگ بە خۆشەویستیەکەی  وەفادار بووە. ڕابردو دوو دیوی هەیە یەکیان دەکرێ قسەی لێبکەی و لە سەری بنووسی، ئـەوتـریان وێنەیە دەبێ ژیرانە تەماشای بکەی. بەداخەوە زۆر لە خوێندەوارانی ئێمە، گەورە زانایان و قارەمانانی ئێمە لە خەڵکی دیکە بە کەمتر دەگرن، بەڵام سەیر کەن لە ڕۆژهەڵاتی کوردستان پێشەوا قازی و هاوڕێیانی لە ڕێبازی گەلدا لەدار دروان، کە لـە دنـیادا کەم وێـنـەیـە. سوڵـح و ئاشتی پـڕۆژەیـەکن، هـەمـوو ئـاگری شــەڕەکــانی دنــیــایـە ئەوان کۆژاندویانەتەوە قاسملوی ڕێبەری ڕۆژهـەڵات و کاک عەبـدوڵای قـادری لەو ڕێیەدا سەریان داناوە و لە سەر میزی وتووێژ تڕۆڕ کراون. تەنانەت لە وتووێژ دەگەڵ ئوپوزیسیۆنی ئێرانش، دکتور شەڕەفکەندی و کاک فەتاحی عەبدولی و کاک هومایەنی ئەردەڵان لە لایەن تڕۆڕیستەکانی ئاخوندەکان لە خوێن گەوزاون. نمونە زۆرن وەک دەکـوتــرێ مـن لـە (خـەلــوارێـک لاوێـچـێـکم هـێناوە) یەکێک لە تایبەتمەندیەکانی نەبەزی و نەترسی گەلی ئێمە ئەوەیە، سەرەڕای دوژمنی زۆر و جێنایەتکار و دور لە خەسڵەتی مـرۆڤـانـە و دۆستی ڕواڵـەتـی کە خەیـانـەتـیشیـان لێکردوین خەبات بەگەرمی بەردەوامە و حیزبەکەی قازی و شەهیدان هەروا  قورس و قایم لە گۆڕەپانەکەدا ڕاوەستاوە و کۆڵی نەداوە. ئەگەر چاوێکی هەق بینانە بە ڕابردوی گەلی ڕۆژهەڵاتی کوردستان بە ڕێبەری حیزبی دێمۆکڕات دا بخشێنن، دەزانن ڕەگ و ڕیشەی چەنـد بـەربـڵاوو قـوڵە و بە هێزە، کە هەموو کوردستانی داگرتوە، لێرەش لقێکی ببڕی لەو لایە دەیان لقی دیکە دەر دەکاتەوە، هاتنی چێنی لاوان شـایـەدی ئەو ئـیدعایەیـە. ئەگەر بمانەوێ لە رابـردو دەرس وەرگرین، نابێ خۆمان لە نەتەوەکانیتر بەکەمتر بزانین، بە تایبەتی ئەوانەی کوردستانیان داگیر کردوە. ئەوانە دوژمنی ئێمەن چۆن دەبێ سەریان بۆ نەوی و نۆکەریان بکەین؟! چۆن لە خۆمانیان بە زیاتر بزانین لای سەرەوە و پێشەوە بدەین بەوان؟! گەلی کورد مـێـژوی دورو درێـژی هـەیـە زۆر لە پێـشـەوەی نەتەوەکانیتر بووە، ئەوە من نایڵێم مێژویەک دەیڵێ کە دوژمنان دەستیان بەسەر داگرتوە .

مـاوەی 45 ساڵـە کـۆمـاری ئـیـسلامـی لـێـمان دەگرێ، دەکوژێ، لە دارمان دەدا و ئاوارە و دەربەدەرمان دەکا کەس نازانێ بۆ!! ئاخر ئێمەش مرۆڤین، نەتەوەیەکین پێی دەڵـێـن کورد، زمـانـێـکمـان هـەیە کوردیە، زێدێکمان هەیە ناوی کوردستانە. کورد نە فارسە، نەتورکە، نە عەڕەبە، هەموو شتێکی نەتەوەیی جیاوازە لە ئی ئەوانە. وەک گشت گەلانی جـیـهـان مـافی دیـاری کردنی چارەی خۆ نوسینی هەیە . ئەو دەسەڵاتە داگیرکەرانە ئەگەر ئیمانـدارن دەبێ ڕیز لە برواکەی ئەوانیش بگرن، ئەگەر مرۆڤن، کوردیش بەشی بە مـرۆڤایـەتیەوە هەیە، ئەگەر خۆ بە ڕوناکبیر و ئازادیخواز دەزانن، لە بەر ڕوناکی عەقڵ و مەندتیق بیر بکەنەوە و لەوە تێبگەن ئازادی بەشی هەموو مرۆڤەکانە و بۆ ئەوان قورغ نەکراوە! ئەگەر واقع بینن، تەماشاکەن منیش هەم، بۆ نام بینن؟! بەکورتی بە هـیچ پێوەرێکی عەقڵی، مەنتیقی ، زانستی، مرۆیی هیچت لە من زیاتە نیە. بـۆ هەمو شتێک ئی تۆیە و من بەشم پێوەی نیە؟! باش بزانن بە زۆر خۆسەپانـدن دژکردەوە و بەرەنگار بونەوەی هەیە، خۆ سەپێن حەیوانێکی دڕندەیە، بەڵام کورد کوتویانە (هەر زاڵمێک زەواڵێکی هەیە) . لە هەموو سەردەمێکدا سۆڕشگێڕان و لە خـۆبـردوەکان بەرەنگاری ملهوڕان و زۆر داران بونەتەوە، بێگومان ئەو بەرهەڵستیەش هـەم قـورسە هـەم مەترسیدارە کە بوێری و گیان بەخت کردنی زۆری دەوێ. بـەبێی دەمـارگرژی کورد بـە زیادەوە ئەوانەی هەیە.

 بـەداخەوە دوو شت زیـانی زۆریـان لیداویـن. (١) سەداقت و ڕاستی، هێندە سادق و دڵپاکین ناتـوانین تەسەوری ئـەوە بکەیـن ئەگەر کەسێک یان حیزبێک بە قسە کوتی دۆستی تـۆم بـڕوا دەکەیـن و لـە سەریشی ڕادەوەستین. ئەویش لە بنەوە خەریکە سات و سەودامان پێدەکا، پێمان وایە ئەو دۆستە ڕواڵەتیە خەیانەتمان پێناکا و دەبێ لەسەر بەڵێنیەکانمان سور بێن. لە حاڵێکدا جارێ وا هەیە بۆیە دەبێتە دۆستت تا دەرفـەتی بـۆ بـڕەخسی زەربـەیەکت لێبدا. نمونەی تێڕۆڕی شەهید قاسملوو کاک عەبدوڵا. دوژمن بە ناوی وتووێژ تێڕۆڕی کردن!! ( ٢ ) ئێمە هێندێک پـێـوەنـدی سیـاسی وەک پـێوەندی عورفی چاو لێدەکەین، لە سیاسەت دا بەرژەوەندی حیزبی یان تاکی لە سەرەوەی هەموانە، بۆ خیچاندنی تەڕەفەکەیە، وەک (زۆرەبـانی ) هەردوک لا دەیـانـەوێ لایەنەکەیتر لە عەرزێ بدا . ئێمەی کورد بەهێزین بەڵام فەنن و فوتەکەی باش نازانین. بۆیە دوژمنان فێڵمان لێدەکەن. بۆ وێنە مێژو نیشانی داوە، فارس و تورک و عەرەب قـەت بەراستی دۆستی کـورد نەبون و ناشبن، جگە لە نۆکەری یان نەمان هیچ مافێکی پێی ڕەوا نابین، کەچی هەر دەڵێین برا فارس و تورک و عەڕەبەکان!! هەر ئەو برایانە دەمانکوژن، تاڵانمان دەکەن دەمان سوتێنن، بەکافرمان لە قەڵەم دەدەن و حوکمی جـیـهادمان بە سەردا دەدەن، شیمیابارانمان دەکەن گوڵە زەتونمان بۆدەنیڕن !! بۆیە دەبێ لەو قومارانەی دوڕانـدومـانـن و نـەمـان بـردۆتـەوە یـان دەست هـەڵگـریـن یــان ڕێــگەی دوپـات نەبونەوەی بـۆ بدۆزینەوە. بە باوەڕی من ڕێگای مەنتیقی ئەوەیە لە پێشدا دۆست دوژمن لێک کەینەوە، لە سەداقەت وپاکی دۆست دڵنیا بین، جا ئەوجار پرێسکەی دڵمانی بۆ بکەینەوە. با سەر نەکەوتـن بکەیـنـە دەرس لێیان فێر بین بزانین چۆن دەڕۆین تا توشیان نەبینەوە. ئەگەر خۆی لێی گێل نەکەین هەموو زیانە قورسەکانمان هەر لە دڵنیابوون و پشت بەستن بە دوژمنان و دۆستە ڕواڵەتەیەکان لێکەوتووە.

بـا نـەوەی نـوێی فـێـرکەین نـەبـێـتە مـۆرە و بـڵـیـنـدگۆی پڕوپاگەندەی نادروستی سەرۆک و حیزبیش، بەڵکوو بیکەینە حیزبێکی دڵسۆز و بوێر کە بتوانێ قسەی خۆی بکاو نە چێتە ژێـر کاریـگەری سـەرۆکایـەتـی و ڕەفـاقـەت و نـاوچـەگرایی و هـیتر، ڕاستیەکان چۆنن ئاوایان بڵێێ، هـەڵـە و خەتـاکان چی بـوون و چـۆن ئەنـجام دران، قـامکیان لەسەر دابنێ و بەرژەوەندی گەل بە قوربانی بەرژەوەنـدی تاک و ڕەفیق نەکا جا هەرک کەس بن . لە ڕەخنە باکی نەبێ و هەوڵ بدا چـۆن ڕاستـە شتەکان ئاوا نیشان بدا. لە گشتیدا حیزب ناوچەیی نیە و کوردستانیە، مڵکی کەس و کەسانێک نیە ئی هەمـوو کوردستانـیـانـە هـەرکەس بـۆی هـەیـە مـەڵبەندی لە دایکبونی خۆی خۆش بوێێ بە مەرجێک کە مەڵبەندەکانـیتری بـەقـوربـان نەکا. ئێمە ئـەوانـەمـان هەموو دیون،  هـەسـتـمـان بـە زەرەر و زیـانـەکانـیشی کردوە، نـمـونەی باشوری کوردستانیشمان لـەبـەر چاوە، مـەڵـبـەنـد گرایی خـەریـکە ڕیسەکەیان لێدەکاتەوە خوری!!

  براتان مەلا ئیبڕاهیمی مەجید پور ١ گەلاوێژی ٢٧٢٤ کوردی

       ٢٢ / ٧ / ٢٠٢٤ زایینی