نە فەیـلەسوفـم نـە پـڕۆفیسۆر. هـیچ قـوتابخانە و زانکۆیەکی ڕەسمیم نەدیوە. کوڕە کوردێکی دێهاتی بووم لەلای میرزا و مەلای ئاوەدانیان خوێندومە.
سەرەتـا فەقـێ و دوای ویش مەلا و سەرئەنجام پێشمەرگایەتیم کردوە. لە تەمەنی ١٠ ، ١٢ ساڵیم را دورو و نیزیک دەگەڵ مەسەلەی کوردایەتی سەروکارم هەبووە. پێشەوا و قاسملوو، شەرەفکەندی نمونەی هەڵـبـژێراوی مـن بـوون لە دیـن و سیـاسەت و مـودیریەتدا. ڕێبازی ئەوان بە قەدەر زانین و توانینم، سەرمەشقی ژیان و تێکۆشانم بووە و هەیە و دەبێ و تا نەفەسم بمێنێ لەو ڕێبازە لانادەم ، هەر چەنـد ڕەنگە شاگردێکی زۆر زیرەک نەبوبم و کەمیان لێی فێر بووبم .
مەبەست لەو وردە قسانە ئەوەیە کە بڵێم: لەو ماوەی کارمدا هـێندێک ئەزمونم کۆ کردۆتەوە، هێندێک ڕوداو و پێشهاتم هەڵسەنگاندون. ئـەوەی دەشی نـووسـم تـەنـیا بۆچونی خۆمە و پیوەندەی بە هیچ کەس و حیزبێکەوە نیە . ئـەوەی ئـەوڕۆ بـازاڕی سیـاسـەت و پڕوپاگەنـدەی گـەرم کردوە مەسـەلەی بڕیار و پەیامەکەی بەڕێز ئۆجەڵانە. ناوبراو زیاتر لە (٣٠ ) ساڵە لە بەندی تورکان دایە. پیوەندی دەگەڵ دنیای دەرەوە نەماوە. جاروبارە ئەگەر برا، یان کەسێکیتر چوبێتە لای بە توندی چاوەدێری لێکراوە. لەو کەش و هەوایەدا، بڕیارێکی قورس و گران دەردەکا وەک: چەک دانان و هەڵوەشاندنەوەی پ ک ک. کۆنگرەی نـائاساییش دەگرن و ئەویش فەرمانەکە پەسند دەکا. تا ئێستا لە لایەن حکومەتەوە شتێک لە وڵامی ئەو هەڵوێستە گەورە و ناخ هەژێنەدا نەکوتراوە یان باشتر بڵێم: مەسەلەکە ناڕونە. ئەوەی جێگای سرنجە ئەو دەنگ و باسانەن کە نە ئی ئۆجەڵان و نە ئی حکومەتی تورکن. زۆربەی کەسایەتی کورد پەیامەکە بە ئەرێنی دەزانن و دەڵێن ئاسایش و ئارامی دەگەڵ خۆی دێنێ! بێگومان بەلایەکدا ئەوە ڕاستە چونکە حیزبێکی وەک پ ک ک بەو هەموو گەریلایەوە و بەو هیزە زۆرە و بەو تـوانـای نـیـزامـیە، کە عامیلی ئەسڵی نائارامی تورکیە بوو، بۆ خۆێ بڵێی رابـردوم هەڵە بـووەوووئیترومن نیم وونەماوم، ئارامی مسۆگەرە ! ئیتر داوای ماف و ئازادی و شتی تر لەکولەکەی تەڕیشدا نەماوە. (قارداشین و زۆر باشین!) هەمویان تورکستانین و زمانیشیان تورکیە. من ئەوەی بە ئارامی و ئاسایش نازانم بە دڵێکی پڕ لە داخەوە دەڵێم خۆبەدەستەوەدان!
بۆیەش بەداخەوە چونکە من کوردی خراپیشم پێێ لە دوژمنی داگیرکەر باشترە گوێم لە دەنگی هـێـنـدێـک کوردی بـاشورو ڕۆژ هەڵات دەبـێ دەڵێی قسەکەری ئـۆجەڵانن و بـە هـێـزەوە خـەریـکـن ئـەو خەسـارە، یـان ئەو قومارە مەترسیدارە ( ڕەشەرعی دەخەن) بە دەسکەوتی مێژوویی لە قـەڵـەم دەدەن! مـنیش دەڵێم: ئەوە دەسکەوت نیە بەڵکوو زەبرێکی گرچو بـڕی مێـژوییە لـە جەستـەی کورد دراوە و هـەناوی دافەتاندوە. بەداخەوە سیاسەتوانانی کورد ئێستاش مەسەلـەی خەبـات بـۆ ڕزگـاری نیشتمان وئازادی و مافی نەتەوایەتی گەلیان دەگەڵ خەبات بـۆ ئایین یان ئیدەیەک لێک نەکردۆتەوە،کورد فرە دین و فرە ئیدە و مەڕامن بەڵام هەموو کوردن. هەرچەند ناوی دێمۆکڕاسی و شتی واش دێـنـن، بـەڵام کورد لـە هـەمـوو بـەشـە داگیــرکراوەکانی کەمـیـنـەیـە و کەمـیـنەش پەیـڕەوی زۆرینەیە!! لە دێمۆکڕاسیدا دەنـگی زۆرینەی خەڵک دەیباتەوە و بەڕێوە دەبا، بە هەموو جیاوازیەکانـەوە. بـەڵام لە خەبات بۆ مافی نەتەوایەتی هەر نەتەوە بەشخوراوەکە تێدەکۆشێ و مافی خۆی داوا دەکا. بەدیوەکەی دیکەی دا نە فارس و نە تورک و نە عەڕەب ئامادە نەبوون و نابن، لە خەبات بـۆ دابـین کردنی مافی نەتەوەی کورد نەک بەشدار نابن بگرە بە توندیش دژایەتی دەکەن و کردویانە.
ئـەوەشـمـان دیتوە و جـارێک نـا سەد جار. هـەشـن داوای مـافـی نەتەوایەتی بە داوایەکی دواکەوتوانە دەزانن. هەشن دەبنە جاش و خۆفرۆش، هەموی ئەوانە و زۆریتریش سەلماندویانە داوای مافی نەتەوە لە چوارچێوەی سۆسیالیزم و کمونیزم و ئیسلامیزم و شتی لەو بابەتە نایخوێنێتەوە.’ بڕوانن ئەوانەی بە دروشمی چەور و شیرن هاتنە مەیدان و دەسەڵاتیشیان بە دەستەوە گرت و مـاوەیەکی زۆریش حکـومـەتـیان کرد سەرئەنجام هەڵوەشانەوە و لە ناو چوون. بۆ وێنە حیزبی کمونیستی شۆرەوی پێشوو نـیـزیکەی زیـاتـر لــە ٨٠ ساڵ دەسـەڵاتی بـەدەستەوە بـوو کەچی سـەرئـەنـجـام سکرتـێـرەکەی خۆی (گۆڕباچۆڤ) هەڵوەشاوەی راگەیاند. حیزبی تودەی ئێران، چریکی فیدایی، تاقمی ٧ کەسی ، ئەوەتا پ ک ک و هـیـتریـش لـە کوردەواریدا دەڵێن ئەگەر ڕێگەت هەتڵەکرد تووشی هەڵدیر دەبی و ناگەیتە مەبەست.
من وەک خۆم پێموایە هەر حیزب و سازمانێک خاوەن بڕیاری خۆیەتی، ئەگەر لە ڕوانگەی من و تـۆشەوە توشی هەڵە و هەلدێریش بێ، بەڵام وەک کورد کە دەبینم حیزبێکی کوردی بە نیزیکە ٤٦ ساڵ هـەوڵ و تـێکۆشـان، کە هەزاران شەهید و برینداری داوە، زیان و خەسارێکی زۆری دیوە، هیچکام لەوانەی لە بەرچاو نیە و بە فەرمانی یەک کەس حاشا لە ڕابردوی دەکرێ، لانیکەم بـۆم هەیە پەروشی خۆم وەک ڕا دەربـڕم . ئـەو حیـزبـەی کە هــیـچکام لـە ئەحـزابی کـوردی قـبوڵ نەبوو، بە هەمو شیوەیەک دژایەتی دەکردن، هیچیانی بە دڵسۆزی کورد نەدەزانی، و لە پەلاماری چەکداریش دریغی نەدەکرد، خۆی تاکە خاوەنی کوردستان دەزانی، هەمو سنورەکانی حیزبایەتی دەبەزاند، وەک چەپـەکانی ئـیـران لـە دیـکتـاتــۆری پلوریتاری زیاتریان قبوڵ نەدەکرد . هەموو حیزبەکانی تریان بە بۆڕژواو نۆکەری ئیمپڕیالیست دەژمارد، وەک خۆیان ئیدعایان دەکرد جیـهان وەتـەنی بـوون . ئێستا ئەوانە گشتیان بـۆنـە قـوربـانی مـەرحەبـایـەکی(ئـەردۆغـان) ئەویش تەنیا لوتفی دەگەڵیان ئەوەیە کە دەڵێی: لە توریکیا نابێ تێڕۆڕیست بمێنی کە مەبەستی هەوەڵ و ئاخری پ ک ک یە. مەسەلەکە بە وتەی پ ک ک بەخێر گوزەراو تورک چیان ویست بە ڕێز ئۆجەڵان کردی! دەسکەوتە مـەزنەکەش ئەوەیـە دەتوانن وەک هاووڵاتی لە تورکیای ئەردۆغانی بمێننەوە!! هـێـنـدێک بە وشەی ئازادی و دێمۆکڕاسی خۆیان فریو داوە و دەدەن کە من دڵنیام لە قـامـوسی ( فارس و تورک و عەڕەبدا) بۆ کورد ئازادی و دێمۆکڕاسی ماناو ناوەرۆکی نەبووە و نابێ و نیە. لە نێو ئەو گشتە هەڵە و پەڵانەدا کێ وڵامی ئەو پرسیارە دەداتەوە، ( ئەرێ ئەو هەموو خوێن ڕژان و قوربانیدانە بۆ کراو بەرهەمەکەی چ بوو؟! ئەو حیزبەی ڕابردوی خۆی وەک نەبوو دەبینێ ، ئەو گشتە شەهید و قوربانیانە چۆن حیساب دەکا ؟! ئەو حیزبەی ٤٦ ساڵ نەزانێ چۆن حیزبەکەی ڕێبەری دەکا، داخوا دەتوانێ لە ژێر سێبەری ئەردۆغان شتێک بۆ کورد بکا ؟!) زۆر ئەرێی دیکەش هەن کە بێ وڵامن .
لێرەدا دەمەوێ بڵێم: هەر حیزب و کەسێکی ئازای سـیاسی ئـەوەیـە کە حـاشا لە ڕابردوی خۆی نەکا، بە چاک و خراپیەوە بە ئیخۆی بزانێ، هەڵەکان بە جورئەتەوە دەست نیشان بکا . پ ک ک بە خەیاڵی خۆی لە ڕابردو و ئێستاشی دا بە قازانجی کورد عەمەلی کردوە و دەکا. کەچی حـاشا کردن لـە ڕابـردو نـیشانـەی تـرسنۆکی و نەزانیە، هـیـچ قـازانجیـشی بـۆ کورد نـیـە. بە پێچەوانە ڕێز لە ڕابردوو دەست نیشان و قبوڵی هـەڵـەکان نـیـشانەی غیـرەت و لـێـزانـیـە. دوایـیـن قـسە ئـەوەیـە: سیاسەتوانەکان دەرس لە ڕابردو وەرگرن، بەکەس هەڵمەڵێن و لە خۆڕاش کەس خراپ مەکەن. ڕاستەقـیـنە چیە و چۆنە ئاوای باس بکەن، نەک بێکەنە کاڵایەک بازاڕی خۆیانی پێ گەرم بکەن. ڕاستە ڕێگا کەسی تـێـداون نـابێ لاڕێ بـــوون بەرەو نەدیار و هەڵدێرە!.
براتان مەلا برایمی مەجید پور ٣ جۆزەردانی ٢٧٢٥ کوردی
٢٤ / ٥ / ٢٠٢٥ زایینی
بابەتی پەیوەندی دار
پەکەکە ئاشبەتاڵی کرد، لە کۆنگرەی 12 بڕیاری چەکدانان و خۆهەڵوەشاندنەوەی دا