بۆ کاک مەلا حەسەنی شیوەسەڵی یادی کارەساتێکی ڕەش، ئەحمەد کاکەمەمی

لە کولتوری سوێدی دا ژمارەی ١٧وەک ژمارەی١٣لە کولتوری کوردەواریدا نەحس و ناحەز و نەویستە .ئەگەر لە نەهاتێک  یا کەسێک تووڕە بن نەفرین و جنێو دژنێوی گرانیان  ١٧،خوتۆنە .

 سەیرە بۆ منی کورد ئێستا نەک هەر ژمارەی ١٧ و ١٣ بەڵکو ژمارە ١٦ شی هاتۆتەسەر. ئەم ژمارەی ١٧ و ١٦  لە ژمارە ١٣  نەک هەر نەحسترن. بەڵکو ناخۆشەویستترن، ڕەنجاوەرترن، دژن، دوژمنن،…  ١٧ی سێپتامبری ١٩٩٢ زایینی  ڕۆژی شەهیدکرانی ڕێبەری هەرە لێهاتوو و لێوەشاوەی کورد دوکتور سادقی شەرەفکەندی و هەفاڵانییەتی لە  بەرلین.   ١٧ ی ١٣٩٧ هەتاوی ڕۆژی هێرش دەکرێتە سەر  پۆلێک لە کادر و پێشمەرگەکانی حیزبی دێمۆکراتی کوردستانی ئێرانە لە دەروازەی شاری کۆیە.   لەم ڕۆژە دا لە جەنگەی نیوەڕۆدا خوێن دەبێت بە ئاو و دۆست بە نەیار و برا بە دوژمن و بە بەرچاوی خەڵکی شارێکەوە شەهید دەکرێن. …  ١٦ی ئۆکتوبێری ٢٠١٧ کارەساتی  شەهیدکرانی جەستەی دایکی نیشتمان و  بە دەستەوەدانی  یەک لە سێی   خاک و خەڵک لە باشوور کوردستان. کارەساتێک کە بوو بە زامێکی قووڵی نیشتمانی و ڕووشان و خرۆشانی هەست و نەستی نەتەوەیی.  نەنگێکی نەتەوەیی بە گرانی سەنگیی زەوی و مانگ و ئەستێران، ئازارێکی هەزار ساڵەی خاک و پاک و ئاو و ماوی هەموو بست بە بستی نیشتمان  و هەموو تاکێکی کورد.  ١٦ی دێسامبری ١٩٨٧( ۱٦ی سەرماوەزی ۱۳٦٦ی هەتاوی) ڕۆڵەی نەسرەتوو و پێشمەرگەی هەمیشە سەرکەوتوو کاک مەلا حەسەن شیوەسەڵی هێرشی تێڕۆری دەکرێتەسەر و ئەوە  ٣٠ ساڵە هەموو چرکەی کاتژمێران، هەموو کاتژمێرانی شەو و ڕۆژان، هەموو ڕۆژانی هەفتە، هەمووهەفتەی مانگان، هەموو مانگی  هەموو ساڵان و ساڵان بە سی… شەهید دەکرێت و زیندوو دەبێتەوە… شەهیدێکی زیندوو، زیندوویەکی شەهید…  بەڵام  بۆتە قارەمانێکی ڕاستەقینەی ئازا و شیاوترو سەربەرز و ئینسانیتر… لە هەموو قاڕەمانە ڕاستەقینە و ئەفسانەکانی نەتەوەکانی جیهان کە بوونەتە سێمبولی لێهاتووی نەتەوەی خۆیان و جیهان. ئەمڕۆکە هەموو ئەو بوونەوەر دوو پێیەی کە ناوی ئینسانی لەسەرە  چ مردوو و نووستوو و چ زیندووی ئەم جیهانە  دەزانن شەهیدەکان هەر هەمان کەس و هی هەمان نیشتمانن و بکوژەکەش هەر هەمان بکوژە! 

شیوەسەڵی! تۆ! ئازای ئازایان ئێرەییت پێ دەبەن، ئەوەندە شەهید بووی شەهادەت شەرمەزارتە. ئەوەندەت ئازار کێشاوە ئازاریشت بەزاندوە و لە دەستت بێزارە . تۆ هەر زیندووی، هەر ماوی و هەر دەمێنێ…

2017/12/13