هەڵوێستی سیاسی حوکومەتی هەرێمی کوردستان و حیزبەکانی باشوری کوردوستان لەم بارو دۆخەدا، عینایەت دەشتی

بە داخەوە دەبێ بڵێین هەڵوێستی سیاسی کۆمەڵایەتیان نسبەت بە بارۆ دۆخی ڕۆژئاوای کوردوستان لاواز بوو.

هۆکاری لاواز بونیان نسبەت بە بەشەکانی دیکەی کوردستانی گەورە بەتایبەت ڕۆژئاوای کوردستان کە لە مەترسی ژێنوسایددایە.

ئەگەر لە بواری توانای سیاسی، ئابوری، ستراتیژی وهێز، لاواز بن!  کە لاواز نین و خاوەنی دەسەڵات و بڕیاری تەواون لە عێراقی فیدراڵدا و دو وڵاتی زلهێز بەوپەڕی تواناوە پشتیوانیان لێ دەکات بۆ وەر گرتینی مافی نەتەوەی کورد، کە واتە (ئیسرائیل و ئەمەریکا).

دەبینین جارێکی دیکە ژێنوساید باڵی کێشاوە بە سەر گەلی کوردا لە ڕۆژئاوای کوردوستان و وڵاتانی بێگانە لە هەوڵی چارەسەری کێشەی ڕۆژئاوای کوردوستاندان.

بە هۆی پێک هێنانی ڕیخراوێکی تیرۆریستی و دور لە ئاگاهی سیاسی و کۆمەڵایەتی  بە ناوی خەلافەتی ئیسلامی کە کورتکراوی دەبێت بە (داعش ) کە  بە زمانی ئنگلیزی بە (ئیسس) ناوی لێوە دەبرێت و لە لایەن وڵاتانی دیکتاتوری دراوسێوە پێک هاتون وهاوکاری دەکرێن بۆ نائارامی و تێکدانی بەرژەوەندی سیاسی گەلی کورد.

لەم بارو دۆخەدا بێدەنگی حوکومەتی هەرێمی کوردوستان و حیزب و ئوپوزێسیون و ڕێخراوەکان تەنها بەرژەوەندی و شەرت و شروتی نێو خۆ نەبێت هیچ بەر بەستێکی سیاسی نیە کە ڕێگەیان پێ نەدادت بۆ هاوکاری ڕۆژئاوای کوردوستان، بەم هۆیەوە ناتوانن یەک هەڵوێست بن نسبەت بە بریارێکی گشتی بۆ چارەسەری کێشەی کورد لە ڕۆژئاوادا، لە ململانێی سیاسی و دابەش کردنی دەسەڵات لە باشوری کوردوستان کە لە بازنەی حوکومەتێکی فیدراڵی لە وڵاتی عێراقدا پێک هاتوە دەبێ بە دوای کام بەرژەوەندی سیاسی و کام پوست و دەسەڵاتدا کە لە ژینوسایدی گەلی کورد گرینگترە بگەڕێن.

لە مێژوی دورو و درێژی خەباتی سیاسی و کۆمەڵایەتی حیزبەکانی کوردوستانی  گەورەدا نسبەت بە یەکتر، لە بواری سیاسیدا یەک دەنگی ، یەک هەڵویست و ڕچاوی سیاسەتێکی دروست و مۆدەڕن تاکو ئەمڕۆشی لە گەڵ بێت بە تایبەت لە باشوری کوردوستاندا کە خەباتی سیاسی بە شێوەیەکی دیکە بەربڵاو و  بە هێزترە لە بەشەکانی دیکەی کوردوستان، وجودی نیە و بە هیچ شیەوەیەک دان بە سیاسەت و بەرنامە و ئەساسنامەی یەکتردا نانێن و بداخەوە سیاسەت لە نێو نەتەوەی کورددا بە پێچەوانەوە کەڵکی لێ وەر دەگیرێت.

لێرەدا دەمەوێ ئاماژە بە دوخاڵێی ڕون و ئاشکرا بکەم.

١- هۆکاری دابەش بون و لەت لەت بونی حیزبەکان بە بێ ئەوەی هیچ پەیوەندیەکی بە بیر و بۆچونی نوێی سیاسیەوە هەبێت تەنها بۆ بەرژەوەندی تاکە شەخسی و دەسەڵاتە.

٢-داواکاری کۆبونەوەی نا یاسای لە گەڵ ولاتانی دیکتاتۆری دوژمنی لە مێزینەی گەلی کورد، ئێران، تورکیا، عێراق.

دەسەڵاتی کۆماری دیکتاتۆری ڕژێمی ئێران لە باشوری کوردوستان بە هۆی دەسەڵاتدارانی کورد لەو وڵاتە، کۆماری ئیسلامی ئێران بڕیار دەری سیاسیە نسبەت بە جارەسەری قەیرانی  نێو خۆی حیزبەکانی باشور،

گریبەستی ئەم دوایانەی یەکێتی نیشتیمانی کوردوستان لە گەڵ کۆماری دیکتاتۆری ڕژێمی ئێران نسبەت بە پرۆسەی  شاری پیشە سازی لە سلێمانی کە بە داخەوە بەم شێوەیە بڕیاریان لە سەر داو کە پانتایی جێ بە جێ کردنی ئەم پرۆژەیە ٣٠٠٠ هەزار دۆنمە، کە کۆماری دیکتاتۆری ئێران ١٠٠٠ دۆنمی بە ناوی خۆیەوە سەبت کردوە و ٢٤٠٠٠ هەزار کرێکار لە ئێرانەوە ئاودیوی کوردوستان بکات بۆ چی بە جێ کردنی پرۆژەکە،

 لێرەدا دەمەوێ ئەوە بڵێم کە لە باشوری کوردوستاندا  زیاتر لە %٧٠ لە سەدی خەڵکی کوردوستان هەر لە کرێکارێک تاکو دەگاتە موهەندیسێک بە دەست بێکاریەوە دەناڵێنن و لە هەمان کاتدا تەواوی کەرەستەکانی پێشەسازی بۆ ئەم پرۆژەیە لە نیوخۆی کوردوستاندا بەرهەم دیت و پێویستیان بە هاوکاری هیچ وڵاتێکی بە ناو دراوسی نیە.

بە هوی ئەم پرۆژەیەوە کۆماری ئیسلامی ئێران بە تەواوی زاڵ دەبێت بە سەر هەرێمی کوردوستاندا و دەبە بە خاونی تەواوی بڕیاراتی سیاسی کە ٢٤٠٠٠ هەزار کەسی بە ناوی کرێکاری پرۆژەوە هێناوەتە نیو خۆی کوردوستان و دەبێ بە هوی نائارامی و نائەمنی حیزبە سیاسی و دیموکراسی خوازەکانی ڕۆژهەڵاتی کوردوستان بە تایبەت حیزبی دیموکراتی کوردوستانی ئێران کە خاوەنی مێزویەکی سیاسی بە هێزە بۆ گەلی کورد.

 

عینایەت دەشتی

ڕێکەوتی١٩/١٠/٢٠١٤