– لای هه‌موو که‌سێکی چاو کراوه ڕوونه، که کێشه و ململانه‌کان، قه‌یرانی ئابووری و مرۆیی، له چیه‌وه و بۆچی گه‌یشتووه‌ته ئه‌م ئاسته‌ی که ئه‌مڕۆ جیهانی ڕۆحی به خۆیه‌وه سه‌رقاڵ کردووه و ویژدانی هه‌موو مرۆڤێکی خاوه‌ن هه‌ستی هه‌ژاندووه!..
– به لای باوه‌ڕی منه‌وه، له‌و کاته‌وه‌ی ته‌ماحی داگیرکاری و بلۆکی ڕۆژئاوایی و ڕۆژهه‌ڵاتی هێنڕاونه‌ته ئاراوه و چه‌کل و پیکانی، به تایبه‌ت هه‌ردوو بلۆک ده‌ستی پێکردووه، ژیانی مرۆڤایه‌تی؛ – خۆشی و نا خۆشی، هه‌ژاری و ده‌وڵه‌مه‌ندی، به‌هێزی و بێهێزی، سه‌رده‌ستی و ژێرده‌ستی، به‌رزه‌فڕی و چاوه‌ژێری، کۆیله‌یی دۆلار و سالار؛ ئاغا و نۆکه‌ری، چینی هه‌ژار و بژار، ته‌به‌قه‌ی بان و خوار، دار و نه‌دار، رۆژگاری ئازار و نازار، بوون به دوو جه‌مسه‌ری ناته‌بای ڕاکێش و دژه یه‌کسانی و له هه‌مانکات گرێدراو به یه‌که‌وه!!…
– بلۆکی ڕۆژئاواو ڕۆژهه‌ڵات، سه‌دان ساڵه کاره‌سات خوڵقێنن… داگیرکاری و په‌لاماری هه‌ر چوارلای ئه‌م که‌ونه ئه‌ده‌ن… به ڕاست و چه‌پ و خوار و ژوور… خێرا خێرا هێرش ئه‌به‌ن.. کۆمه‌ڵکوژی و داپلۆسین و تاڵان کردن بووته پیشه و کاریان…
– بلۆکی ڕۆژئاوا و ڕۆژهه‌ڵات به‌رهه‌مهێنه‌ری چه‌کی سارد و گه‌رمی ژماره‌یی و کۆمه‌ڵکوژن، میقاز و میقاتن و بۆ بڕینی جه‌سته و ڕۆح؛ خاپور که‌رن، بێ شه‌رمن به، موو لاناده‌ن… ده‌یانساڵه هۆکارن بۆ ده‌سته‌مۆیی و ڕاوکردنی ناته‌ندروست…
– له نێوانی ئه‌م دوو بلۆکه‌دا؛ ناوه‌ڕاستێک سه‌دان ساڵه جێی به‌تالی تاقیکاری ئه‌و دوو هێزه‌ن… کێڵگه‌ی تۆوی ناته‌ندروستی ئه‌و دوانه‌ن… چۆنیان ویستبێ کردوویانه… ئه‌سپی بیر و هزری خۆیان، هه‌ست و نستی شه‌ڕه‌نگێزی و پاوانخوازی، تینوویی و برسێتی و چاو چنۆکی خۆیان له‌و ناوه‌نده نه‌رم و نۆڵه خرپ و خۆڵه بێ ساحیبه، تێر کردووه و پشوویی درێژیان تیاداوه..!
– له هه‌ر کوێیه‌ک بارگه‌و بنه‌یان لێداوه، نۆکه‌رێکی گوێ له مشتیان تیا داناوه! کردویانه به نوێنه‌ری ئاڵقه له گوێی پارێزه‌ری به‌رژه‌وه‌ندی داو و پیلانه‌کانی خۆیان… کام وڵاته به ناو وڵات نه خاوه‌نی که‌رامه‌تی خۆیه‌تی و نه ئه‌توانێ به بێ ئه‌و دوانه ده‌نگی ببێ!.. ده‌یان ساڵه بۆ پاراستنی به‌رژه‌وه‌ندیه‌کانی خۆیان و ته‌ڕاتێنی بێ سنووری ئاره‌زوومه‌ندانه چیان ویستبێ به نۆکه‌رانیان جێبه‌جێیان کردووه… هه‌رچی که‌سێک و ده‌سته‌یه‌ک وه به‌ر خۆ هاتبن و ده‌نگیان به نیشانه‌ی ناڕازی به‌رز کردبێته‌وه به پیلانی بلۆکه‌کان سه‌رکوت کراون و له ناو چوون…
– ئه‌گه‌ر چاوێک به هه‌موو به ناو ده‌سه‌ڵات و حکومه‌ت و ئیماره‌ته‌کاندا، تا به ئه‌مڕۆ بخشێنین به تایبه‌ت له ڕۆژهه‌ڵاتی ناوه‌ڕاستدا، ده‌بینین که هیچ، واته هیچ لایه‌ک سه‌ر به خۆ نه‌بوون و بێگومان ئه‌و دوو بلۆکه گاریگه‌ری ته‌واویان به سه‌ریاندا هه‌بووه و سیاسه‌تی ده‌وڵه‌تداری و ئابوری، ته‌نانه‌ت کولتوری فه‌رهه‌نگیشیان هه‌ر له به‌رژه‌وه‌ندی هه‌ردوو بلۆکدا بووگه و به‌رده‌وام تا ئیستاشی له ته‌کدا بێ درێژه‌ی هه‌یه…
– شه‌ڕه‌کانی جیهانی و په‌لاماره یه‌ک له دوای یه‌که‌کانی هه‌زاره‌ی یه‌که‌م تا ده‌گاته ئه‌سکه‌نده‌ره‌کان و قه‌یسه‌ره‌کان، مه‌غول و تاتاره‌کان… تا و تا… شه‌ره‌کانی یه‌که‌م و دووه‌م، دواتر دانانی سنوور و سیاسه‌تی به ده‌وڵه‌ت بوون و به‌رژه‌وه‌ندی ئابووری و نه‌وت و کارگه و سوته‌مه‌نی و چه‌ک و چۆڵ و بازگانی و حه‌په لوش کردن له‌و ناوچه‌یه، تا ئیستاش بووه‌ته مۆته‌که‌یه‌کی هه‌ژار کوژ و وڵات و ئه‌رز هه‌ژێن که ئاسایی بووه‌ته بۆ هه‌ر تاکێکی ئه‌و به‌شه‌ی زه‌ویه و ته‌سلیمی بووه…!
– له‌و ده‌ڤه‌ره خاوه‌ن ماڵ بووته قه‌ره‌ج و سه‌یار، و به‌رده‌وام له سه‌ر ئاو و ئه‌رزی خۆی نامۆیه و بێگانه!… ده‌گیرێ، کۆیله ئه‌کرێ، ده‌کۆژرێ، قه‌تل و عام ئه‌بێ، ئه‌نفال ئه‌کرێ، به چه‌کی کیمیایی و بۆمب و ناپاڵم له ناو ئه‌چێ، وڵاتی لێ مینڕێژ ئه‌کرێ، شارستانی لێ تێک ئه‌درێ، دێ و شار و وڵاتی لێ ئه‌بێته کونه مشک، شاخ و دۆڵ و کانیاوی لی قاچاخ ئه‌کرێ،…
– ده‌یانساڵه هه‌ر کام له‌و به ناو وڵاتانه دیکتاتۆرێکی گه‌وره و بچوکی ده‌ستی به تایبه‌ت بلۆکی ڕۆژئاوا حوکمی کردووه و حوکم ئه‌کات و ده‌سه‌ڵاتی ده‌ساو ده‌س ئه‌بێت له باوکه وه بۆ کوڕ و نه‌وه و نه‌تیجه‌ی ئه‌و توخمه نامۆ و ناڕه‌سانه‌نه‌ی که وڵات و گه‌ل و که‌رامه‌تیان به لاوه گرنگ نیه و بۆ مانه‌وه و ده‌سه‌ڵاتی گه‌نده‌ڵی و مشه خۆری چیان بوێ ئه‌ربابه‌کانیا بۆیان ئه‌نجام ئه‌ده‌ن و له کۆتاییدا که بوونه کارتی سوتا و کاریا پێیان نه‌ما فڕه ئه‌درێن و ئه‌چنه زبڵدانی مێژووه و هی تر ئه‌خه‌نه شوێنیانه‌وه…ئه‌و ڕه‌وته به داخه‌وه هه‌ر درێژه‌ی هه‌یه… – نمونه؛ ئێران و ئه‌فغانستان له ڕابردوو ئیستا،… دوڕگه‌ی عه‌ره‌بی، عێراق، میسر، لیبی، یه‌من، تونس، سوریا، تورکیه، کوردستانی خۆمان…
– به‌هارێکی به ناو به‌هاری عه‌ره‌بی که ده‌کرێ ناوی لێ بنرێ؛ کاره‌سات و مه‌رگه‌سات، پاشا گه‌ردانی و هه‌رج و مه‌رج، چه‌ند ساڵێکه به ڕێوه‌یه، نه‌ک هه‌ر هێشتا له دایک نه‌بووه، به‌ڵکو وا پێچی خواردووه پزدانی ملی گوێره‌که‌که‌ی خنکاندووه و مانگاکه‌ش بۆ خۆی خه‌ریکه ئه‌مرێ!.
– قه‌یرانی سوریه و ئه‌سه‌د و به‌شاره نا به‌شاره‌کان، به حکومه‌ت و ئوپۆزیسیون و ئیسلامی و توند ئاژۆکانه‌وه، که هه‌موویان ده‌سکردی ده‌ره‌کی و بلۆکی خوار و ژوورن؛ بوونه‌ته هۆکار و کاره‌ساتێکی وا مه‌زن که مێژوو شه‌رم ئه‌کا له گێڕانه‌وه‌یان!…
– بۆ هه‌موو که‌سێک ئاشکرایه که ده‌وڵه‌تی به‌شار و حیزبی به‌عسی سوریه‌ش هه‌ر به چرا سه‌وز و سوره‌کانی خوار و ژووری ئه‌ربابه‌کانیان تا ئیستاش ماوه‌ته‌وه و بووه‌ته مۆته‌که‌ی مه‌رگ و نه‌مان و کۆمه‌ڵکوژی له‌و ناوچه‌یه و، ڕۆژانه کاره‌سات و مه‌رگه‌سات وای لێهاتووه بوونه‌ته شتێکی ئاسایی…!
– ئه‌وانه‌ی که تازه فام و هۆشیان له سه‌ره‌تای ژیانی پڕ له چه‌رمه‌سه‌ری ته‌مه‌نیادایه و لاوی بێ به‌ختی ژێرهه‌ره‌س و کاره‌ساتی ئه‌و ده‌ڤه‌ره‌ن و چرای مێرمنداڵیان له وه‌ختی ناوه‌ختی ئه‌م چه‌رخه دایساوه، پێیان وایه ژیان هه‌ر وا بووه و شتێکی ئاساییه کوشتن و کۆمه‌ڵ کوژی..!! پێیان وایه؛ قات و قڕی و برسێتی و ڕه‌و و ده‌ربه‌ده‌ری و هه‌ڕه‌شه، ڕاکردن و ماڵ و سامان به هه‌ده‌ردان، وڵات و ماوا جێهێشتن، هه‌ر ڕۆژ و شه‌و له بن به‌رد و ئه‌شکه‌وت مانه‌وه، برسێتی و تینویه‌تی، سه‌رما و گه‌رما، شه‌و و ڕۆژ به پێخاوسی ڕۆیشتن و به ناو شاخ و شێو دۆڵ و هه‌ردی وڵات و سه‌ر سنوور و ژێری سیمی دڕکدار، ڕاکردن له ده‌ستی پاسه‌وانانی سه‌ر سنوور، ڕاو کردن به ده‌ستی پۆلیس و جه‌نده‌رمه‌ی نا ڕه‌سه‌ن و ئه‌شکه‌نجه‌دانیان؛ لایان وایه شتێکی ئاساییه!!…
– لای ئه‌و منال و مێر مناڵ و ژن و ئافره‌ته ده‌م و دڵ گه‌نج و ته‌ڕانه، که هێشتا تامیان له ژیان نه‌چێشتووه و به شوین که‌نارێکی ئارام و ئاسوده‌دا ده‌گه‌ڕێن؛ مانه‌وه‌ی دوور و درێژ و چاوه‌ڕوانی بێ کۆتایی ناو که‌مپه زۆره ملیه‌کان، خۆ به ده‌ستی قه‌زا و قه‌ده‌ر سپاردن و ملی ڕێگای نادیار و پڕ خه‌ته‌رگرتن، ده‌ساو ده‌س کردنی قاچاخچی نا پیا و بێ ئه‌خلاق و پوڵپه‌ره‌ست و هه‌وه‌س باز؛… به‌له‌م و لاستیکی شه‌ق و شڕی په‌ڕینه‌وه‌ی ناو ده‌ریا و زه‌ریا بێ بن و له چاو، ئارام و بێ ده‌نگ؛ به‌ڵام خنکێنه‌ر و هه‌ڵلوشه‌کان، بێ خه‌به‌رن و ناشاره‌زا، لایان وایه ژیان هه‌روا بووه و هه‌روا ئڕوا…!!!
– کۆچبه‌رانی ماندوو شه‌که‌ت و بێ په‌نا و چاو به مۆله‌ق، قوتی ده‌می خۆیان و ماڵ و مناڵیان کردووه‌ته چه‌ند سه‌د دۆلارێکی ئه‌مریکی؛ و خۆیان و گیان شه‌ره‌ف و ناموسیان داوه‌ته ده‌ستی که‌سانێکی قۆڵدڕ و ناپیاو و گیرفان و چاوبرسی و به‌ره‌و هه‌وارگه‌ی نادیار به ڕێیان ده‌که‌ن و ده‌یانسپێرن به ده‌ریا و زه‌ریا بێ په‌یه‌کان و له چاو ون ئه‌بن…!!
– ساڵانێکه له ڕێگای میدیاکانه‌وه، ئه‌و میدیایانه‌ی که هه‌م زیان هێنه‌رن و هه‌واڵی دڵته‌زێن و جه‌رگ بڕ، به خێرایی چرکه ئه‌گوازنه‌وه؛ هه‌م ڕێگای کوشه‌نده‌ن و ڕێ خۆشکه‌ر بۆ کاره‌سات و مه‌رگه‌ساته‌کان؛… تا هه‌واڵێکی خۆشی لێ ئه‌بیستین، چرکه به چرکه هه‌واڵی دڵته‌زێن، دڵ و ڕۆحمان ئه‌ته‌زێنێ و فرمێسک به خۆڕ له چاوانمان ده‌ڕژێته خوار…!!
– هه‌ر چه‌ند کاره‌ساته‌کان هه‌موویان تاڵ و به ژانن، به‌ڵام مه‌رگه‌کان، جه‌سته‌کان، که‌سه‌کان، بنه‌ماڵه‌کان، هه‌رکام ژان و برینی خۆی هه‌یه و هندێک به ڕاده‌یه‌ک به ژانه که زمان و دڵ و مێشک و هۆش بۆ ساتێک ڕاده‌وه‌ستێ.!!..
– مه‌رگی ئه‌و مناڵه کۆرپانه‌ی که هێشتا نازانن بۆ ده‌بێ ئه‌وه چاره‌نوسیان بێ، ئه‌و دایکه‌ی مه‌رگی مناڵه‌کانی چه‌ند ساتێک پێش مه‌رگی خۆی دێت و دواتر ڕۆح ئه‌سپێرێ، له‌و چرکه ساته چۆن بیر ئه‌کاته‌وه‌و چی به مێشک و خه‌یاڵیدا دێت؟!! ئاخۆ ئه‌و جۆره مردنه‌ی پێ باشتره یان مردنی ڕه‌زاله‌تی و بێ ژیانی و ئه‌تک کردن..؟! یا خۆ برسێتی هه‌ژاری و ڕه‌ق و ڕووتی مناڵه بێ تاوان و بێ ژیانه‌کانی!؟.. باوکی پشت شکاو و سه‌ر و ماڵ له ده‌س دراو، ماڵ ویران و مناڵ و ژن خنکاو، خۆی به نیوه گیانێکه‌وه چۆنین ژیانی به‌رده‌وام بێت و دیسان بتوانێ له سه‌ر پێ ڕاوه‌ستێ!..؟؟ واتای ئه‌و مانه‌وه‌یه چی ده‌بێ بۆ ئه‌و و ئه‌وانه‌ی ئه‌و کاره‌ساته‌یان به سه‌ر دێ؟! من هه‌ر کات ئه‌و جۆره ڕووداوانه ئه‌بینم خۆم ده‌بینمه‌وه، و وا هه‌ست ئه‌که‌م ئه‌گه‌ر من بم ئه‌و که‌س، یان ئه‌وه مناڵی من بێ، یان خۆ ئه‌و خێزانه هی من بن و ئه‌و جۆره کاره‌ساته‌یان به سه‌ر بێ، ده‌بێ حاڵم چۆن بێ؟!! نازانم وه‌ک شێت ده‌نوسم…زمانم ڕێگای ده‌ستم نادات…؟؟!!
– پرسیاره‌کان لێره‌دا خۆیان به‌رجه‌سته ئه‌که‌ن؟: ئاخۆ کێیه هۆکاری سه‌ره‌کی ئه‌و ڕووداوانه؟؟!! من پێم وایه هه‌موو لایه‌ک له‌و ڕووداوه به‌ر پرسیاره واته هه‌موو ئه‌وانه‌ی به جۆرێک شتێکیان له ده‌س دێت… ده‌کرێن به چه‌ند به‌شه‌وه: سه‌ره‌تا ئه‌و کۆمه‌ڵگه‌یه‌ی که خاوه‌نی کاره‌ساته‌کانن و… دووه‌م، ده‌سه‌ڵاتدارانی حاکم… سێیه‌م: خودی به‌رپرسی ئه‌و که‌س و بنه‌ماڵه‌یه که کاره‌ساته‌که‌ی لێ ڕوو ئه‌دا… بۆچی کۆمه‌ڵگه؟: چونکی کۆمه‌ڵگه نه‌یتوانیوه به‌ر پرسایه‌تی خۆی له ده‌سه‌ڵات و کار و چالاکی و حکومه‌تداری، هزر و داهێنان و سیسته‌می له بار، زانست و زانیاری، و تێکۆشان و به‌شداری له هه‌ره‌وه‌زی بۆ چاک کردنی ده‌ورو به‌ر، و ده‌سنه‌گرتن به‌كڵاوی خۆوه که با نه‌یبا، و که چی نه‌ک با هی ده‌وروبه‌ری برد به‌ڵکو هی خۆیشی به جۆرێکی خێراتر فڕاند!!..
دووه‌م. بۆ چی ده‌سه‌ڵات: ئاشکرایه که ده‌سه‌ڵات له خه‌ڵکی وشیار و زانا و دانا پێک دیت و سیسته‌می گونجاو خه‌ڵکی داده‌مه‌زرینن و وشیاری به کۆمه‌ڵگه ئه‌ده‌نه‌وه… ئه‌گه‌ر سیسته‌م خه‌ڵکیی نه‌بێت و گه‌ل به‌شداری یه‌کسانی له هه‌ڵبژاردن نه‌بێ دیکتاتۆری دروست ئه‌بێت و کاره‌ساته‌کان به‌و جۆره چاوه‌ڕوان کراو ئه‌بن که ڕوو ده‌ده‌ن…بۆچی خودی خۆی و خاوه‌ن کاره‌ساته‌که تاوانباره؟: چونکی ئه‌ویش چاو لێکه‌ری ئه‌کات و باوه‌ڕی به خۆی نیه و ناتوانێت به‌ربه‌ره‌کانی ژیان بکات، یان خۆی به قه‌زاو قه‌ده‌ر ئه‌سپێری و ئێژێ منیش وه‌ک ئه‌و خه‌ڵکه…..
– مه‌به‌ستی سه‌ره‌کی من له‌م باسه‌دا وێڕای هاو ویژدان و هاوخه‌می خۆم له‌و هه‌موو ڕووداوه و کاره‌ساتانه؛ هۆکاری سه‌ره‌کی ئه‌و هه‌موو کاره‌ساته مرۆیی و ماڵییه؛ هه‌ردوو بلۆکی به‌شی خۆرئاوا و خۆرهه‌ڵات به‌رپرسیارن… که له سه‌ره‌وه به شێوه‌یه‌کی به‌رچاو ڕوونی باسم لێوه کردوون… به کورتی هه‌موو کێشه و ئاڵۆزیه‌کانی جیهان و به تایبه‌ت ڕۆژهه‌ڵاتی ناوین؛ ده‌ستی ڕۆژئاوای تیدایه و هیچ وڵات و هێز و لایه‌نێک شک نابه‌م که به جۆرێک له جۆره‌کان چ ده‌سه‌ڵاتدار و حاکم چ ئوپۆزیسیون و ئیسلامی، به سارد و گه‌رمیانه‌وه، سه‌ر به بلۆکێک نه‌بن؛!… باوه‌ڕم وایه ده‌یانتوانی نه‌یه‌ڵن ئه‌و کاره‌ساتانه روو بده‌ن، وه یان ده‌توانن به زووترین کات کۆنترۆڵیان بکه‌ن و گۆڕانکاری له هه‌ر لا که مه‌به‌ستیان بێت پێک بهێنن… به‌ڵام نایهێنن و بۆ خۆیان ده‌زانن به‌رژه‌وه‌ندییان له کوێدایه….
– ڕۆژئاوا به‌رهه‌م هێنه‌ری زانستی وشکی سارد و گه‌رمی ژماره‌یی و پێوانه‌ییه، ده‌مێکه سواری ئه‌سپی تیژپه‌ڕی خۆی بووه و به‌رزه فڕی باڵانوێنی به‌رده‌وام په‌ره پێده‌دا و خۆی ئاخنیوه‌ته ناو جه‌سته و ڕۆحی زۆربه‌ی تاکه‌کانی جیهانه‌وه… بێگومان ئه‌م زانست و زانیاریانه که باشی و خرابی خۆیان هه‌یه و دوو دیوی ده‌می یه‌ک مقه‌ستن بۆ بڕینی پارچه‌ی جه‌سته و ڕۆح به پێی لێزانی ژیری بکه‌ره‌که‌ی؛ یا خۆ، وه‌ک ده‌رمانی نه‌خۆشیه‌ک وایه که گه‌ر ژیرانه به کار نه‌برێت ده‌بێته هۆکاری مه‌رگ و کاره‌ساتی جه‌سته و ڕۆح… سه‌رجه‌م ئه‌و به‌رهه‌مه رۆژئاواییانه ئه‌گه‌ر به وریایی و ژیریه‌وه مامه‌ڵه‌یان له ته‌کدا نه‌کرێ، ده‌بنه هۆکاری وشک کردن و سارد کردنه‌وه‌ی به‌شێکی زۆر له هه‌ست و به‌ها ڕۆحیه‌کان، که بێگۆمان ماوه‌یه‌که دیارده‌کانی ده‌رکه‌وتوون… هه‌ر به پێی ئه‌و زانسته پێشکه‌وتوانه‌ی خۆیان که ده‌توانن گۆڕانکاری خێرا پێک بهێنن و ئاگادار بنه‌وه له هه‌موو جۆره ڕووداوێک، که چی خه‌مساردی زۆریان پێوه دیاره، و ئه‌وانیش چاوه‌ڕێ قه‌زاو قه‌ده‌ر ئه‌که‌ن بزانن چۆن گوێیان به هه‌واڵی سه‌یر سه‌یری تۆڕه کۆمه‌ڵایه‌تێه زوو گه‌یه‌نه‌ره‌کان پڕ و پاراو ئه‌بێ…!
– تازه به‌رپرسان و سیاسه‌توانانی ڕۆژئاوا له لایه‌که‌وه بانگه‌شه‌ی وه‌ر گرتنی په‌نابه‌ر ئه‌که‌ن و له لایه‌که‌وه به‌ربه‌ست دروست ئه‌که‌ن، له لایه‌که‌وه تانه ئه‌ده‌ن له میلله‌تان و وڵاتانی ڕۆژهه‌ڵاتی ده‌سنشانده‌ی خۆیان؛ ڕۆژانه به سه‌دانهه‌زار ئاواره و کۆچبه‌ر ده‌بینن و به ده‌یان مناڵ و ژن به خنکاوی له ناو ده‌ریا و زه‌ریاکان وڵاتانی ده‌وروبه‌ری خۆیان له ناو کامیون و ماشینی ده‌ر و سه‌ر به‌ستراوی گۆشتی یه‌خچاڵی ئه‌بینن، ناتوانن بڕیارێکی دروست و کاریگه‌ر بده‌ن و ڕێگای دروستتر هه‌ڵبژێرن؛! که چی خۆیانی لێ ئه‌دزنه‌وه و جارجارێک بۆ خۆڵ له چاوکردنی خه‌ڵک هه‌ستی خۆیان له میدیاکان پیشان ئه‌ده‌ن و هاوخه‌می ده‌ر ئه‌بڕن..
– هیوادارم که چیتر ئه‌جۆره سیاسه‌ته، و بازرگانی کردن به گه‌ل و خاک و وڵاته‌وه کۆتای بێت و هاوکاری گه‌لانی ڕۆژهه‌ڵات ناوه‌ڕاست بن بۆ چاکسازی پاکسازی گشت ئه‌و گه‌نده‌ڵ و حاکمه دیکتاتۆر و ده‌سنیشاندانه‌ی که ده‌یانساڵه گیان و ماڵیان به تاڵان بردووه و بازرگانی به جه‌سته‌ی وڵات و ڕۆحی مرۆڤه‌وه ئه‌که‌ن… که یه‌ک له‌وانه گه‌لی کورده سه‌دانساڵه له ژێر باری قورسی گران و تاقه‌ت بڕی سیاسه‌تی ده‌ره‌کی ڕۆژئاوایی و ڕۆژهه‌ڵاتی و هه‌روه‌ها ناوخۆیی ئه‌چه‌وسێته‌وه، ئه‌کوژرێت، ماڵ و سامان و جه‌سته و ڕۆحی به تاڵان ئه‌برێت و ده‌ربه‌ده‌ر ئه‌کرێت… کورد شایسته‌ی ژیانێکی باشتر و سه‌رفرازتره له‌وه‌ی که ده‌وروبه‌ری هه‌یانه… به هیوای ژیانێکی ئاسوده و ئارام بۆ گشت لایه‌ک و به تایبه‌ت بۆ کورد که له نێوان چه‌ند داشه‌به‌ردێکدا ده‌یانساڵه ئه‌سوێ و ئه‌وتوویته‌وه، ئه‌و داشه‌به‌ردانه شه‌ق به‌رن و لێکبترازێن و کوردیش گره‌وی له ته‌سکی و خنکاوی و لاره‌ملی ڕاست بێته‌وه و بچێته ڕیزی خوا پێداوانه‌وه… به هیوای ئه‌و ڕۆژه ئیتر که‌س به کۆچبه‌ری و خنکاوی له ده‌ریا و زه‌ریاکان نه‌بینینه‌وه…
مه‌جید کاکه‌وه‌یسی
4/09/2015ز
بابەتی پەیوەندی دار
وردترین زانیاری له‌سه‌ر كاره‌ساتی خنكانی ئایلان
کاک فەتاح ئەمیری “روماننووسی بە توانا” کۆچی دوایی کرد.
بیـرۆکە لە چـیرۆکی منـداڵان.. رەزا شـوان
سوریه و رۆژئاوا؛ چه سرنوشتی خواهند داشت؟ با نگاهی به تاریخ سوریه، از تاسیس تا امروز
وتووێژی من ساڵە نەڵۆسی لە بەرنامەی وێژمان، کوردکاناڵ
شەڕی ئێدە و ئایین ناکەین، مەلا برایمی مەجید پور 
بۆچی رووخانی رژێمی ئەسەد و سووریام پێخۆشە!؟..، هەڵۆ بەرزنجەیی 
وال‌استریت ژورنال: ترامپ در حال بررسی حمله به تاسیسات هسته‌ای ایران است.
ڕوانگەی ناوەندی بەڕێوەبەریی حیزبی دێموکرات لەبارەی ڕووداوەکانی سووریە
گـرنگـیـیەکانی کـنجکاوی بۆ منـداڵان.. رەزا شـوان
روخانی رژێمی بەعسی سوریا، عوسمان کەوکەبیشاد
9 دیسەمبەر رۆژی قەدەغەكردنی جینۆسایدو رێزگرتن لە قوربانیانە
کۆڕیادی هاوڕێ قاسم قارەمانی ، وێنە و فیلم
دیکتاتۆری 53 ساڵەی بنەماڵەی ئەسەد کۆتایی هات و پیرۆزبایی لە گەلی سوریا دەکەین
بیرەوەری:هەڵوێستێکی جوانمێرانە بۆ پووچەڵکردنەوەی پلانێکی زیانباری کۆماری ئێسلامی، بە بۆنەی ڕۆژی پێشمەرگە،سەدیق باباییی
بە خاکسپاردنی هاوڕێ قاسم قارەمانی لە شاری ڤیسترۆسی سوید
ڕژێمی ئەسەد کۆتایی پێدێت؟ کورد لە ڕۆژئاوا چی بکات و چی نەکات؟، د. خالید خەیاتی
پێشهاتەکانی سووریا و لێکەوتە ناوخۆیی و هەرێمییەکانی، شێرکۆ کرمانج
فەهمی کاکەیی: ساڵی رابردوو 7 هەزار منداڵی کورد لە سوێد زمانی کوردییان دەخوێند
پرویز ناتل خانلری و {شعر عقاب (پوشکین)، سەعی سەقزی
سمینارێك لەسەر جینۆسایدی كورد لە كۆنگرەی 23 ی دادگای تاوانی نێودەوڵەتی لە شاری لاهای هۆڵەندا
دەتەوێت ڕۆژئاوای کوردستان بپارێزی؟ دەبێت لە حەلەب شەڕی خۆت بکەی، مەیسەم مورادی
چەند هەواڵێک و کورتە فیلم لە سەر ئالۆزیەکانی سوریە
کۆچی دوایی هاوڕێ قاسم قارەمانی و ئاگاداری بەخاکسپاردن و یاد کردنەوە
نایلا خەڵاتگری خەڵاتی ئاشتیی نیودەوڵەتی منـداڵان.. رەزا شـوان- ئێمە هەر بەیەک چاو دەبینین !، مەلا برایم مەجید پوور
یادێک لە سێ شەهید، کە یەکیان هەرگیز نەگەڕایەوە، عەلی هاشمی
هۆرامان / شاهۆ/ شاوە/ ئەشاوەهوو، سدێق بابایی
رەهەنـدی نەتەوەیی و نیشـتمانی لە هـۆنـراوەی منداڵان.. رەزا شـوان
نتانیاهو: اسرائیل به برنامه هسته‌ای حکومت ایران ضربه زد
هــــــــــــــاڵ؛ ڕۆمان ، سدێق بابایی
كەركووك لە نێوان هەردوو ئاماری 1947-1957، عەلی مەحمود محەمەد
گەشەكردنی كەركووك لە قەبارەو ژمارەی دانیشتوان ، عەلی مەحمود محەمەد
بۆ کێ دەنووسی؟!، برایم فەڕشی 
لە خۆم دەگەڕێم، برایم فەڕشی
پرونده ۵۴ هزار صفحه‌ای فساد ۵۲ مقام ارشد جمهوری اسلامی
تایبەتمەنـدییەکانی پاڵەوان لە چـیرۆکی منـداڵان.. رەزا شـوان
هەڵبژاردنی پارلەمانی کوردستان، عوسمان کەوکەبی شاد
” هەتا ئێستاش رۆژ نییە تاوێک بۆ دایک و باوکم نەگریم” سالۆ مولەر ، و. هەڵۆ بەرزنجەیی
عصیان آهو؛ بازپس‌گیری زنانه بدن
یادێک لە شەهیدی فەرماندە جەعفەر بایەزیدی (چەعفەر کۆمەڵە)، عەلی هاشمی
کریستینا هامۆک کۆچ دەبێتە یەکەم کەشتیوانی ژن بۆ سەر مانگ.. رەزا شـوان
مافی كەمایەتییەكان لە نێوان رەیان شارباژێڕی و مونا چۆمانی، عەلی مەحمود محەمەد
بەس نیە شەڕو دووبەرەکی ؟!، مەلا برایم مەجید پوور
یەکەم هێرشی ئاشکرای ئیسرائیل بە فڕۆکەی شەڕکەر بۆ سەر ئێران، بۆچوونی مەنسوور عەزیزی و عەلی جەوانمەردی
خەبات بۆ پاراستنی یەکڕیزیی هەرێمی کوردستان، د. سامان شاڵی- پارتی چەپی ئەڵمانی لە دووڕیانی: دەستپێکێکی نوێ و هەڵوەشانەوە دا، هەڵۆ بەرزنجەیی
ماسییه زیته، سەعی سەقزی
بە خاکسپاردنی هاوڕێ موتەلیب حەریقی لە ستۆکهۆلـم
خاتوو ریـپـین چـیرۆکنووسێکی ئـۆسترالـییە بۆ منـداڵان.. رەزا شـوان- دەڵێـێ بــەهــەشــتــی خــوایــە، مەلا برایم مەجید پوور
ئاگاداری/ مەڕاسیمی بەخاكسپاردنی خاڵ موتەلیب
خەڵاتی ئاشتی نۆبێل ٢٠٢٤، عوسمان کەوکەبی شاد
شیوەنی دوای هەڵبژاردن، عەلی مەحمود محەمەد- تانیشک بچووکترین وەرگری دکتۆرایە لە جیهـان.. رەزا شـوان
به نوشته‌ای از مترجم (محمد خاکی) بنگریم !، سه‌عی سه‌قزی
کۆچی دوایی موتەلیب حەریقی (خاڵە موتەلیب)
سهركهوتنی حهماس!، عهبدولهتیف ئهلمهناوی
چەند چالاكییەك لە رۆژی جیهانی دژ بە ئیعدام
ویرانکردن خاورمیانه و قتلعام مردم آن منطقه توسط دولتهای اسرائیل و ایران و امریکا!، سەعی سەقزی
چۆن وەک هەرێمی کوردستان لە جەنگی ئیسرائیل و بەرەی مقاوەمە بڕوانین؟، زوبێر رەسوڵ
ئیسرائیل و حیزبوڵا و لوبنان، مهریوان وریا قانع- فـانتـازیـا لە وێـژەی منـداڵان.. رەزا شـوان
- ئەخلاقی ئیسلامی و تایبەتمەندیەکانی ، مەلا برایم مەجیدپوور
- هێڕشی موشەکی ئێران بۆ سەر ئیسرائیل، عوسمان کەوکەبیشاد
کاریگەرییەکانی هێرشەکەی ئێران بۆ سەر ئیسرائیل لەسەر پرسی کورد!، شهریف عەلی
بۆچی چارەنووسی فەلەستینییەکان وەکو ئێمەی لێهات؟، موفید محەمەد نوری
سرویس امنیتی سوئد از «احتمال نقش ایران» در حملات نزدیک سفارت‌های اسرائیل در کپنهاگ و استکهلم خبر داد.
هێرشی ئێران بۆ سەر ئیسرائیل، ئەوە دوهەم هێرشی ئێرانە، وەک رێکەوتنی ژێر بە ژێر یان تەڵە دەچێ، ساڵە نەڵۆسی
حیزبوڵڵای لوبنان کوژرانی حەسەن نەسروڵڵای راگەیاند
به مناسبت دومین سالروز (جمعه سیاه) زاهدان ، سەعی سەقزی
بۆ هونەرمەندی نەمر فەتانە وەلیدی، سەعی سەقزی- لە جەنگی حیزبوڵا-ئیسرائیل، تا شەرەفکەندی و ڕیفراندۆمی باشوری کوردستان!، شهریف عەلی
هاو سەنگەری دێرین ” لە وڵامی پرسیارەکەت کە نووسی بووت دەبێ چ بکەین” ، مەلا برایم مەجید پوور- وێـژەی منـداڵان لە رووسـیا.. رەزا شـوان
ڕاگەیاندنی کۆمەڵە بە بۆنەی گیانبەختکردنی هاوڕێ ڕێبوار کەریمیان
هێرشی گەورەی مووساد بۆ سەر حیزبوڵا لە رێگای تەقینەوەی پەیجەر
یادێک لە کاک سەعیدی لێو بەبزە، سەید عەلی هاشمی
چارەنووسی نادیاری کوردی ڕۆژهەڵات له باشووری کوردستان؟، د. کامران ئەمینئاوە- بــاوەڕ ، مەلا برایم مەجید پوور
بەیانی باش ژینا- ژینانامە، برایم فەڕشی
