له‌یلا: ده‌مه‌وێت به ده‌نگی به‌رز باسی تاوانه‌كانی داعش بۆ دنیا بكه‌م 
ڕیساله شاركانی
چیرۆكی له‌یلا. چیرۆكی ئازاره بێكۆتاكانی شێره‌ژنێكی كوردی ئێزدییه كه ئێستێ پاش ئه‌و هه‌موو ئازاره گوێی لێ ده‌گریت، هیوایه‌كی زۆرت به ژیان و داهاتووی كورد و ئێزدی و كوردستان لا دروست ده‌بێت.
ئازار و ژانه‌كانی خاتوو له‌یلا، له‌گه‌ڵ ئه‌وه‌ی بۆ هه‌موومان كه گوێی لێ ده‌گرین سه‌رمان له دڕندایه‌تیی داعشییه‌كان و ئازایه‌تی ئه‌م سوڕ ده‌مێنێت، وه‌لێ كه‌سایه‌تی و خه‌م و هیواكانی له‌یلا جیاوازن. له‌گه‌ڵ ئه‌وه‌ی بارودۆخی سه‌ختی ژیانی شنگال ده‌رفه‌تی ئه‌وه‌ی نه‌داوه‌تێ، خوێندن ته‌واو بكات، وه‌لێ كه گوێ له له‌یلا ده‌گریت، ده‌زانیت ئافره‌تێكی هۆشیاره، سه‌رباری ئه‌و هه‌موو مه‌ینه‌تییه، به‌وره‌یه. خه‌می گشتیی له خه‌مه‌كانی خۆی زۆرترن، له‌گه‌ڵ ئه‌وه‌ی هاوسه‌ره‌كه‌ی و براكانی و كه‌سوكارێكی زۆری تا ئه‌مڕۆ له چنگی داعشدان، كه‌چی هیواكانی به ژیان و داهاتوو له‌بن نایه‌ن.
سه‌ره‌تای دیلێتی
لێمپرسی: ده‌زانم برینه‌كانت ده‌كولێنمه‌وه، به‌ڵام ده‌توانیت به وردی چیرۆكی دیلێتی خۆتمان بۆ بگێڕێته‌وه؟ وه‌ك له كه‌سێكی وه‌ك خاتوو له‌یلام چاوه‌ڕێ ده‌كرد، به وره‌یه‌كی به‌رز و ده‌نگێكی دلێره‌وه گوتی، به‌ڵێ، ئه‌سڵه‌ن من تامه‌زرۆی ئه‌وه‌م باسی ئازاره‌كانی خۆمان و بێئه‌خلاقی و تاوانه‌كانی داعش بكه‌م، من ده‌مه‌وێت به هه‌موو دنیا بڵێم: ئێزدی و كورد و كوردستان به‌م بێئه‌ده‌بانه كۆتاییان نایه‌ت.
ماڵی ئێمه كه بریتی بووین له شه‌ش حه‌وت ماڵ و دانیشتووی شاری شنگال بووین، سه‌رله‌به‌یانی ڕۆژی كاره‌ساته‌كه، گوێمان له ده‌نگی ته‌قه‌یه‌كی زۆر و نێزیك بوو، كاتێك له ده‌وروبه‌رمان بووه هه‌ڵا، چییه؟ گوتیان داعش كه‌وته ده‌وروبه‌ری شاره‌وه. ده‌ستوبرد خۆمان كۆ كرده‌وه و ئۆتۆمبیلێكی پیكابی گه‌وره‌مان هه‌بوو، هه‌مووان سه‌ركه‌وتین به‌ره‌و چیا. كاتێك گه‌یشتینه لۆفه‌كانی دامێنی چیا، چی ببینین، هه‌موو شنگال به پێ و به ئۆتۆمبێل به‌ڕێوه‌ن و شار جێ دێڵن. له‌ناكاو له بێبه‌ختیی ئێمه له‌نێو ئه‌و قه‌ره‌باڵغییه‌دا، ئۆتۆمبێله‌كه‌مان په‌كی كه‌وت. چه‌ندی خه‌ریك بوون چاك نه‌بووه‌وه. خه‌ڵكێكی زۆر ڕۆیشتن، وه‌لێ خه‌ڵكێكی زۆریش لای ئێمه و له خواره‌وه گیریان خواردبوو. هه‌ر هێنده‌مان زانی، چوار پیكابی پڕ له چه‌كداری جلكڕه‌شی ڕیشدار به‌لای ئێمه‌دا سه‌ركه‌وتن و تا لۆفه‌ی سه‌روو ئێمه‌ش چوون و یه‌كسه‌ری به‌رده‌میان له خه‌ڵكه‌كه گرت. چه‌كداره‌كان دابه‌زین و چه‌كیان ڕاكێشا، چه‌ند چه‌كدارێك بۆ لای ئێمه داگه‌ڕان. ده‌وره‌یان گرتین. له‌و كاته‌دا، ده‌نگی ده‌ستڕێژی گووله له‌ولا ئێمه‌وه هه‌ستا. به چاوی خۆم بینیم پیاوێكی به‌ته‌مه‌ن و دوو كوڕی گه‌نجیان له‌سه‌ر چه‌قی ڕێگه‌كه و به به‌رچاوی منداڵه‌كانیانه‌وه كوشت. ئه‌وانه‌ی ده‌وری ئێمه‌یان دا، هاواریان كرد هه‌مووان ده‌ست به‌رز كه‌نه‌وه، هه‌ر یه‌كه‌و كه‌وته پشكنینی هه‌ندێكمان. پاره، زێڕ، مۆبایل و ئه‌وراقی هه‌مووانیان برد. من خێرا مۆبایله‌كه‌م شارده‌وه. داعشه‌كه‌ی منی پشكنی گوتی كوا مۆبایله‌كه‌ت؟ گوتم ئه‌و براده‌ره‌ی دیكه‌ت پێش تۆ منی پشكنی و لێی وه‌رگرتم، باوه‌ڕی كرد و وازی لێ هێنام. دواتر هه‌مووانیان به ئۆتۆمبێلێكی ئیسعاف له‌گه‌ڵ چه‌ندین ئۆتۆمبێلی دیكه گێڕایانینه‌وه به‌ره‌و شنگال. له‌وێ له‌گه‌ڵ سه‌تان خێزانی دیكه‌دا كردیانینه نێو دایره‌ی نفووسی شنگاله‌وه. تا ئێواره به برسێتی و تێنوێتی ماینه‌وه، گه‌رماش له‌ولاوه بوه‌ستێت. ئێواره‌كه‌ی چه‌ته‌وه‌ڵه‌كانی داعش كه‌وتنه ناومان، هه‌رچی كچی جوان و ئافره‌تی به‌رچاو بوو، بردیانن و ئیدی نه‌مانبینینه‌وه. ئه‌ڵبه‌ت دیمه‌نی ئه‌و منداڵ و دایك و باوك و هاوسه‌رانه‌ی دایك و كچ و بووك و خوشك و هاوسه‌ره‌كانیان بردن، دیمه‌نێكه تا ماوم بیرم ناچێته‌وه. كاتێك كه‌سوكاره‌كانیان هاواریان ده‌كرد به داعشه‌كانیان ده‌گوت: بۆ كوێیان ده‌به‌ن؟ داعشه‌كان ده‌یانگوت: ئه‌مانه سه‌بییه‌ن… خودێ سه‌بییه چییه! یه‌ك له ئێمه ئه‌م ناوه‌ی نه‌بیستبوو. بیرم نه‌چێتـ ئه‌و ئافره‌تانه‌ی وه‌ك من نه‌بران، وێنه‌یان گرتین. ئه‌و داعشانه‌ی ئێمه‌یان گرت، به شێوه‌زاره‌كه‌یاندا دیار بوو، عه‌ره‌به‌كانی ده‌وری شنگال بوون. تا هه‌شتی ئێواره له نفووسی شنگال هێشتیانینه‌وه، له‌وه به‌دواوه ترۆمبێلی گه‌وره‌یان هێنا هه‌موو ژن و منداڵیان سوار كرد. كاتێكمان زانی گه‌یشتینه به‌عاج. ئه‌و پێنج ڕۆژه‌ی له‌وێ ماینه‌وه، له برسان و له ترسان و له گه‌رمان، هه‌ر چركه‌یه‌كی به ساڵێك بوو. سه‌ربار، ڕۆژانه ئه‌میرێكی داعش ده‌هات و پزیشكێكی ژنی له‌گه‌ڵدا بوو، یه‌ك یه‌ك ئافره‌ته‌كانی ده‌پشكنی ئاخۆ كێ ژنه و كێ كچه و ناونووسیان ده‌كردین. ئه‌ڵبه‌ت ڕۆژانه‌ش ئه‌م داعشه دڕندانه ده‌هاتن پۆست پۆست هه‌ر كچ و ژنێكیان به‌دڵ بووایه ده‌یانبردن.
شه‌وێكیان سه‌عات دووی نیوه شه‌و هاتن و سواری ترۆمبێلیان كردین به‌ره‌و ته‌له‌عفه‌ر. چوار ڕۆژی برسێتی و تینوێتی و سووكایه‌تی ئه‌وێشمان بینی و شه‌وله‌ناو بردیانین بۆ سجنی به‌دناوی بادووش. ئه‌وه‌ی باش بوو، له‌وێ، براژنه‌كه‌م، عه‌مشێ، كه له شنگال لێیان جیا كردینه‌وه بینیمه‌وه. مۆبایله‌كه‌م لێ وه‌رگرته‌وه كه ئێواره‌ی یه‌كه‌م دابوومێ. له بادووش برسێتی و تینووێتی گه‌رما و ئیهانه و كچ و ژن بردن به‌رده‌وام بوو. هه‌ر له بادووش به‌دزییه‌وه قسه‌م له‌گه‌ڵ خالیدی برام كرد. پێم گوت: ئێمه له بادووشین (خاتوو له‌یلا، خوشكی نووسه‌ر و ڤه‌كۆڵه‌ری ناسراوی شنگالی، خالید ته‌علۆیه). فڕۆكه ده‌ستیان به بۆردومان كرد. له‌گه‌ڵ گرمه‌ی هه‌ر بۆمبێكدا، خه‌ریك بوو جه‌رگمان ده‌هاته ده‌ره‌وه، به‌ڵام ڕاستتان ده‌وێت، چونكه ده‌مانزانی له داعش ده‌ده‌ن، دڵمان پێ ده‌كرایه‌وه و وره‌مان به‌رز ده‌بووه‌وه. دوای ده ڕۆژ، دیسان شه‌وێك گێڕایانینه‌وه بۆ ته‌له‌عفه‌ر. ئینجا هاتنه سه‌رمان و پێیان گوتین ده‌بێت ئایینی خۆتان واز لێ بێنن و ببنه موسڵمان، ئه‌وه‌ی نه‌بێت، سه‌ری ده‌بڕین. ئێمه له ترساندا گوتمان باشه. گوتیان مادام موسڵمان بوون، مێرده‌كانتان بۆ ده‌هێنینه‌وه، پاش چه‌ند ڕۆژێك ئه‌و پیاوانه‌یان هێنایه‌وه كه ژنه‌كانیان له‌وێ بوون. كه له ته‌له‌عفه‌ر بووین، شه‌وێك پیره‌مێردێكی ئێزدی، به مۆبایل قسه‌ی له‌گه‌ڵ كه‌سوكاره‌كه‌ی كردبوو دیاره داعشه‌كان پێیانزانی، باوه‌ڕ بكه‌ن ده‌موده‌ست به به‌رچاوی خه‌ڵكه‌وه كوشتیان. دوای ئه‌وه، كه‌وتنه پشكنینی ماڵه‌كان و بۆ مۆبایل ده‌گه‌ڕان. زانیبوویان من مۆبایلم هه‌یه، نیوه‌شه‌وێك هاتنه ژووره‌وه و چه‌كیان له‌سه‌ر سه‌رم دانا: یان مۆبایله‌كه‌ت یان ده‌تكوژین… ناچار مۆبایله‌كه‌م ته‌سلیم كردن. هه‌شت مانگ له‌وێ ماینه‌وه، خزمه‌تكاری داعشییه‌كان بووین، فه‌لاحه‌ت، مه‌ڕوماڵات به‌خێوكردن، هه‌موو ئیشه‌كانیان به ئێمه ده‌كرد. ڕۆژێك نه‌خۆش كه‌وتم، ده‌بوا پیاوه‌كه‌م یان براكه‌م بچێت مۆڵه‌ت وه‌رگرێت تا بمبات بۆ نه‌خۆشخانه، ئه‌وه‌بوو پیاوه‌كه‌م و ئازادی برازام، چوون و چه‌ند چاوه‌ڕێ بووین نه‌هاتنه‌وه، ناچار ده‌خیلی برام چوو تاقیبی ئه‌وان بكات، ئه‌ویش نه‌هاته‌وه، ئه‌وجا سه‌عدی برام، دواجار برازایه‌كی دیكه‌م چوو، نه‌خێر هیچیان نه‌هاتنه‌وه. تا نیوه‌شه‌و هه‌ر دانیشتین و هیچ هه‌واڵێكیان نه‌بوو. پاش نیوه‌شه‌و كاتێكمان زانی ده‌وری ماڵیان گرتین، به‌زۆر هه‌مووانیان برده ماڵێكی تاریك و نووته‌ك، له‌وێ به لایتی ده‌ستی هه‌رچی كچی منداڵ و جوان هه‌بوو بردیانن. بۆ به‌یانی هه‌ر نه‌خۆش بووم له به‌رپرسه‌كه‌مان كه ناوی ئه‌بو فه‌یسه‌ڵ بوو، پرسیم: كوا پیاوه‌كانمان گوتی: باسیان مه‌كه‌ن و مه‌وزوعه‌كه داخه‌ن و له ده‌ستی ئێمه‌ش نه‌ماوه. كردمان به گریان و هاوار هیچ سوودی نه‌بوو. له‌و ڕۆژه‌وه پیاوه‌كه‌م و برا و برازاكانم نه‌بینیوه‌ته‌وه. دوو داعش هاتن، ئه‌بو عه‌لی و دكتۆرێكی داعشی موسڵاویی له‌گه‌ڵدا بوو، هاتن به گاڵته‌پێكردنه‌وه پێیان گوتین مادام هێنده حه‌زتان له كوردستانه ده‌تانبه‌ین بۆ كوردستان، كه‌چی هه‌ر له‌وێ كۆمه‌ڵێك منداڵی كوڕ و كچی دیكه‌یان برد و نه‌مانبینینه‌وه. بۆ ڕۆژی دوایی ئه‌میرێكی زۆر بێنامووسى خه‌ڵكی ته‌له‌عفه‌ر ناوی حاجی مه‌هدی بوو ، كۆمه‌ڵه پاسێكی هێنا و گوتی سه‌ركه‌ون بۆ ڕه‌ققه، به‌ڵام ئه‌گه‌ر هه‌ركامێكتان شوو به چه‌كدارێكی ئێره ده‌كه‌ن نایبه‌ین. هیچمان ڕازی نه‌بووین، بۆیه به لێدان و داركاری و سووكایه‌تی سواریان كردین. بۆ به‌ره‌به‌یانی رۆژی دواتر گه‌یشتینه ڕه‌ققه.
ڕه‌ققه و ئازاره‌كانی كڕین فرۆشتن
ئه‌ڵبه‌ت ئۆتۆمبێله‌كان زوو زوو له ڕێگا ده‌وه‌ستان و ئه‌م داعشه پیسه بێئه‌خلاقانه سه‌رده‌كه‌وتن و كام ئافره‌تیان به‌دڵ بوایه ده‌ستیان ده‌گرت و ده‌یانبرد. كاتێك گه‌یشتینه ڕه‌ققه، هه‌مووانیان خزاندینه ژێرزه‌مینی به‌نزینخانه‌یه‌كه‌وه، باوه‌ڕتان بێت ئه‌وه هیچ بۆگه‌ن و گاز خه‌ریك بوو ده‌یكوشتین، ڕۆژانه یه‌كی یه‌ك سه‌موون و دانه‌یه‌ك په‌نیری سێگۆشه‌یان ده‌داینێ، ده‌زانی له تینوواندا، بۆریی ئاوی بویله‌ر له‌و ژێرزه‌مینه‌دا هه‌بوو، قه‌فیسه‌كانمان شكان و ئاوی بویله‌ره‌كه‌مان ده‌خوارده‌وه. پاش هه‌فته‌یه‌ك گواستیانینه‌وه بۆ ئۆردوگایه‌ك له ناوچه‌یه‌كی كشتوكاڵی و له‌وێ 40 ڕۆژ هێشتیانینه‌وه و شه‌یمای برازام كه ته‌مه‌نی نۆ ساڵان بوو بردیان. ئه‌ڵبه‌ت ناونووس كرابووین، به‌رپرسی سجنه‌كه‌مان داعشێكی سعوودی بوو، تا بڵێی بێویژدان و بێبه‌زه‌یی بوو. پاش 40 ڕۆژ ناوی من و هیامی هاوڕێم هاته‌وه و گوتیان وه‌رنه حه‌وشه‌كه. له‌وێ بازرگان و داعشی زۆر هاتبوون تا پاش بینینمان بمانكڕن. له‌وێ له‌چكیان پێ لاده‌بردین تا چاك بمانبینن. داعشێك به ناوی ئه‌بو ئه‌نه‌س سووری منی كڕی. پاش سێ ڕۆژ به دیاری منی دا به داعشێكی دیكه ناوی ئه‌بو سەیف ئه‌لعێراقی بوو، موسڵاوی بوو. هه‌ردووكیان زۆر پیس و بێڕه‌وشت بوون و هه‌رچی ناشێ و به‌رانبه‌رم كردیان. بوو به ڕه‌مه‌زان، گوتی: ده‌بێت به‌ڕۆژوو بیت، گوتم: تۆ گوایه له خوا ده‌ترسی؟ ئه‌و هه‌موو زوڵم و بێئه‌خلاقییه ده‌كه‌یت ئێستا داوای ڕۆژوو له من ده‌كه‌ی؟ دوای ڕه‌مه‌زان ئه‌بو سه‌یف، منی به هه‌دیه دا به دكتۆرێكی به‌غدایی داعش به ناوی دكتۆر عه‌بدڵڵا هاشمی. به حسێب دكتۆر بوو، وه‌لێ مرۆڤی وا ئاستنزم و بێبه‌زه‌ییم نه‌بینیوه، هه‌شت مانگ ئه‌شكه‌نجه‌ی خۆم و منداڵه‌كانمی دا. نازانم چۆن نه‌مردم، ئه‌وه‌ی خۆڕاگری و ئۆقره‌ی پێ ده‌به‌خشیم، منداڵه‌كانم بوون: (سالار)ی شه‌ش ساڵان و (سارا)ی چوار ساڵان. ئه‌م دكتۆره‌ش ڕۆژ تا ئێواره ئه‌شكه‌نجه‌ی ئه‌و منداڵانه و خۆمی ده‌دا، كه‌چی ده‌یگوت ده‌بێ نوێژ بكه‌یت گوناحه. دوای هه‌شت مانگ، فرۆشتمی به ئه‌بو جیهادی جه‌زراوی كه سعوودی بوو. هێنده نه‌مامه‌وه، فرۆشتمی به ئه‌بو حه‌مزه جه‌زراوی. هه‌شت مانگیش لای ئه‌مه‌یان مامه‌وه، تا دنیا دنیایه كه‌سی وا بێئه‌خلاق و بێویژدان نابێته‌وه. هه‌شت مانگ نه‌یهێشت له‌گه‌ڵ منداڵه‌كانم بخه‌وم، پێم ده‌گووت بۆ ناهێڵی، ده‌یگوت ئاخر تۆ و منداڵه‌كان بۆ ساتێكیش بێت دڵخۆش ده‌بن. ده‌زانن، سارای چوار ساڵانی كچمی ده‌برده حه‌وشه به‌و زستانه سارده به‌فراوی ده‌كرد به‌سه‌ردا و به‌جێی ده‌هێشت و نه‌یده‌هێشت بچم به‌لایدا، ده‌مگوت ئه‌و منداڵه گوناحی چییه؟ ده‌یگوت هه‌ر بۆ ئه‌وه‌مه تۆ داخ بخۆی. ئه‌م بێویژدانه سێ ژنی هه‌بوو: ئێزدییه‌ك، سعوودییه‌ك و قامیشلۆییه‌ك. دواتر فرۆشتمییه سعوودییه‌كی دیكه به ناوی ئه‌بو جه‌عفه‌ر. چه‌ند مانگێكیش لای ئه‌و مامه‌وه، پیاوێكی به‌ته‌مه‌ن بوو. داوام لێ كرد، بمبات بۆ مه‌كته‌بی ئینته‌رنێت و ته‌له‌فۆنات تا قسه له‌گه‌ڵ كه‌سوكاره‌كه‌م بكه‌م. نازانم چۆن دڵی نه‌رم بوو چه‌ند جارێك بردمی. دوایی گوتی: ئیدی ناتبه‌م، ده‌ترسێم بزانن منیش ده‌كوژن. به‌هه‌رحاڵ به‌و ته‌له‌فۆنانه ماڵی خۆمان و خالیدی برام هێنده‌ی پاره‌یان بۆ ناردم تا هیامی هاوڕێم كه بووبووه ئافره‌تێكی ئازاد و به‌پێی شه‌رعی ئه‌وان ده‌یتوانی من بكڕێته‌وه. هیام منی كڕییه‌وه. هه‌ر به‌پێی شه‌رعی ئه‌وان هیام ده‌یتوانی منیش ئازاد بكات و ئازادی كردم. به‌ڵام نه‌ده‌بوو له ماڵه‌كه‌یدا بمێنمه‌وه، بۆیه ناچار په‌نام بۆ داعشێكی ناسراو برد ناوی ئه‌بو ئوسامه ئه‌مریكی بوو. گوتی وه‌ره بۆ لام كه چووم گوتی له ماڵی مندا بمێنه‌وه، به‌ڵام ئێستێ تۆ ئافره‌تێكی موسڵمانی ئازادی، ده‌بێ شوو بكه‌یت. پاش بیستوپێنج ڕۆژ منی فرۆشته داعشێكی لوبنانی به ناوی ئه‌بو هانی. هه‌ر ئه‌وه‌نده‌ی ئه‌بو هانی منی برده دادگای شه‌رعی و ماره‌ی كردم به شه‌رعی ئه‌وان، ئیدی به ته‌واوی ئازاد بووم و ترسم نه‌ما، یه‌ك مه‌رجی هه‌بوو كه ته‌له‌فۆن بۆ كه‌سوكارم نه‌كه‌م، منیش گوتم باش، به‌ڵام من ئیشی خۆم ده‌كرد. ئه‌م ئه‌بو هانییه، ژنێكی دیكه‌شی هه‌بوو جنسیه‌ی هۆڵه‌ندی بوو و پێیان ده‌گوت (أم البرا‌و). هێنده‌ی نه‌برد، ئه‌بو هانی لوبنانی چوو بۆ شه‌ڕ، منیش فورسه‌تم هێنا و له‌گه‌ڵ منداڵه‌كانم براژنه‌كه‌م و هاوڕێكه‌م و دوو ژنی عه‌ره‌بی ڕه‌ققه، شه‌وێك هه‌ڵاتین و پاش چه‌ند ڕۆژێك خۆری ئازادیم لێ هه‌ڵهات.
لێم پرسی: دوا په‌یڤت چییه؟ له وه‌ڵامدا خاتوو له‌یلا شنگالی گوتی: ئه‌وه‌ی به‌سه‌ر من و ئافره‌تانی دیكه‌ی ئێزدیی هاتووه، هه‌ر ئازار و مه‌ینه‌تی ئێمه‌ی ئێزدییان نییه، ئه‌وه برینێكه به جه‌سته‌ی كوردستانه‌وه، من، دانانیشم و ته‌سلیم نابم، ده‌بێ ئه‌م موعاناته بگاته گوێی هه‌موو كوردستان و هه‌موو دنیا، ده‌بێ هه‌موو دنیا بزانن، ئه‌ركی هه‌مووانه ڕووبه‌ڕووی داعش ببنه‌وه، خه‌می من ته‌نیا بۆ ئێزدییان نییه، خه‌می من بۆ كوردستان و بۆ هه‌موو قوربانیانی ده‌ستی داعشه.
سەرچاوە: باس نیوز
لە گەرمەی هێرش و شەڕی نێوان ئیسرائیل و ئێران، کتێبێک لەسەر پێوەندییەکانی ئەو دوو وڵاتە چاپ و بڵاو بۆوە
هێرشی ئاسمانی ئێران بۆ سەر ئیسرایل، عوسمان کەوکەبیشاد
ڕەنووی منداڵێکی ساوا، دڵکەش قادر
پیاسە تسکە، ئیلهام موڕادی
مەتەڵى پەیوەندى و ناکۆکیى ئێران و ئیسرائیل، عارف قوربانی
خەڵاتگـرانی خەڵاتی نـۆبـڵی منـداڵان لە ساڵی ٢٠٢٤.. رەزا شـوان
ئەنفال، ئێرەبوو دوا ویزگەی ژیانت “گەردە مامە حەمە “، عەلی مەحمود
14-4 كێ كردی بە ڕۆژی ئەنفال ؟، عەلی مەحمود
بۆچی هێرشی بەربڵاوی مووشەکی و دڕۆنی کۆماری ئیسلامی لە دژی ئیسرائیل سەرکەوتوو نەبوو؟، شاهۆ فەرازمەند
ویدیوی سخنگوی ارتش دفاعی اسرائیل و فەرماندهان سپاە و ارتش ایران
یەکەم هێرشی راستەوخۆی کۆماری ئیسلامی ئێران بۆ سەر ئیسرائیل
بڕیاری مێژوویی، ڕۆژی ١٠ی ئاوریلی ١٩٩٧ی زایینی کۆماری ئیسلامی مەحکوم کرا، شەماڵ تەرغیبی
گـرنگـییەکانی چـیرۆک لە گـۆڤـارەکانی منـداڵان.. رەزا شـوان
لە بیرەوەریی پێشمەرگەیەکدا”بەشی چوارەم”، عەزیم ئەلیاسی
ئازاری ژن بوون لەتێکۆشانی کۆمەڵەو پەکەکەدا، غازی حەسەن- ئیرادەی گەل، عوسمان کەوکەبیشاد
(وتار – وتارۆکه – نامیلکه) له پهراوێزی هۆنراوهی (مهولهوی)دا ؟!، سەعی سەقزی
ڕاگەیەندراوەی هەنگاو لەسەر هەڕەشەی کوشتنی ئەندامەکانی لەلایەن ناوەندە ئەمنییەکانی کۆماری ئیسلامیی ئێرانەوە
خالد عزیزی در کنفرانس جمهوری خواهی در سالگرد اعلام همگامی برای جمهوری سکولار دموکرات در ایران در کلن – آلمان
لە بیرەوەریی پێشمەرگەیەکدا، بەشی سێهەم.، عەزیم ئەلیاسی
ڕاگەیەندراوی ناوەندی بەڕێوەبەریی حیزبی دێموکرات بەبۆنەی: کۆچی دوایی کاک هاشم کەریمی
مۆنـۆلـۆگ و مۆنـۆلـۆگی منـداڵان.. رەزا شـوان
هەڵبژاردنەکانی خۆجەیی لە تورکیا، عوسمان کەوکەبیشاد
دوو هەڵکەوت لە دوو ڕۆژی مێژوویی، عەلی هاشمی 
ڕاســـــتـــــــی تــــاڵـــــــــە، مەلا ئیبڕاهیمی مەجید پور
رۆژی جیهـانی کـتـێـبی منـداڵان.. رەزا شـوان
عێراق پاسپۆرتی سهركرده و ئهندامانی حیزبه كوردییهكانی ئۆپۆزسیۆنی ئێران پوچهڵ دهكاتهوه
یادێک لە رۆژی شەهیدانی کوردستان، عوسمان کەوکەبی شاد
ڕێزگرتن لە شەهیدان، وەفاداریە، نەك دواکەوتوویی و لادان لە ڕێبازی سیاسی، محمد سلێمانی
ئەدەب و رەخـنە دوو رووی دراوێـکـن.. رەزا شـوان
صدای امریکا، اختصاصی: افشای پرونده‌های جدید فساد چندین میلیارد دلاری؛ «خودی‌ها» علیه «خودی‌ها»؟- دکتر انوشه و در حسرت سماق بدون (ق) برای سفره هفت سین، سەعی سەقزی
شۆڕشی ژیان و ڕێگای کۆمەڵگەی کوردی بۆ ڕزگاری، حەسەن قارەمانی
گوشه نگاهی به سریال سنجرخان، اردلان بهروزی
خوێندنەوە کتێب: ناسیۆنالیزمی کوردی، لە ڕوانگەی کۆمەڵێک توێژەرەوە، بەرگی دووەم ، هەڵۆ بەرزنجەیی
ابعاد تازه از زمین‌خواری امام جمعه تهران؛ صدیقی باغ اُزگُل را ۱۵۰ برابر زیر قیمت منطقه به نام خودش زد.
چـیرۆک بـۆ منـداڵان، کامـەرانی ئـازادیخـواز .. رەزا شـوان
جەژنی نەورۆزی ٢٧٢٤ ی کوردی پیرۆز بێت، عوسمان کەوکەبی شاد
لە تیرۆرکردنی کولتوری کوردی بۆ تیرۆرکردنی نەورۆز، هانا چۆمانی
شەڕی سایبەری و شەڕی ئەلیکترۆنی چییە؟ هەژار برینجی
کۆماری ئێسلامی و قڕ کردنی هەڵەبجــە، سدێق بابایی
لە ئێران هەژاری چۆن بە مەبەست جێبەجێ کرا!، کاک سەیدە
چەند وشەیەک بۆ مەرگی (پۆڵا نانەوازادە)ی شاعیر، هەڵۆ بەرزنجەیی
وازهێنانی ئەردۆغان لەنێوان ڕاستی و تاکتیک دا؟!!، و. هەڵۆ بەرزنجەیی- تــــێــــــشــــوی ڕەمـــــەزان ، مەلا برایم مەجید پوور
هەڵبژاردن، هەڵبژاردە ، هەڵبژێرەر و خۆهەڵبژاردە!؟، برایم فەڕشی
بۆ هەشتی مارس، سوهەیلا مێهەمی
یادێک لە نەسرین قاسملوو ” هلێنا قاسملوو” لە ساڵڕۆژی مەرگیدا- چاوم تاسەمەندی بەژنی دولبەر، ئیلهام موڕادی
پەیامی ناوەندی بەڕێوەبەریی حیزبی دێموکراتی کوردستانی ئێران بەبۆنەی ٨ی مارس، ڕۆژی جیهانیی ژنەوە
ئەرێ راپەڕین ئەندازیاری هەبوو؟، عەلی مەحمود
زمانی کوردی ناسڕدرێتەوە، ئا: ئیدریس هاشمی
گهشتێ به (سێبهری قهلهبهرد)دا، بهشی شەشەم، سەعی سەقزی
اختصاصی؛ افشای اختلاس ده‌ها میلیون دلاری با استفاده از «سوئیفت‌های صوری» در قرارگاه خاتم سپاه
ناوەندی بەڕێوەبەریی حیزب: دیسانەکەش دەنگی بەرزی “نا”ی خەڵک بەسەر تەواوەتیی ئیرادە و دەسەڵاتی ڕێژیمدا سەرکەوتەوە
انتخابات در ارومیه و بررسی چند احتمال، هێمن سەیدی
رۆژهەڵاتی کوردستان، بایکۆتی هەڵبژاردنیان کرد- گهشتێ به (سێبهری قهلهبهرد)دا، بهشی پێنجەم، سەعی سەقزی
کۆچی دوایی پۆڵا نانەوازادەی شاعیر و شۆرشگێڕ
یادێک لە قارەمانەکانی لکی١ی هێزی ئاوارە(قەندیل)، عەلی هاشمی
راوێژکارێکی بافڵ تاڵەبانی: مامەڵەکردن لەگەڵ کامپی ئازادیی کۆیە پەیوەستە بە رێککەوتنی بەغدا و تاران
دەربـارەی رۆمـان و رۆمـانی هـەرزەکاران.. رەزا شـوان
ڕۆ گەردوونی زوانی ئەڎایی جە گردلایەتا پیرۆز بۆ، موختار کەریمی- گهشتێ به (سێبهری قهلهبهرد)دا، بهشی چوارەم، سەعی سەقزی
“خەندەق”، شوورە یان شوورەیی!، قادر لوقمان خورشید
شانۆی هەڵبژاردن، مەلا برایم مەجید پوور
درهو: یهكێتیی لهرێگای كۆمپانیایهكهوه دهیهوێت دیوارێك به ده‌وری قهڵای دیموكراتدا له كۆیه دروستبكات.
شەڕی ڕاستەوخۆی ئێران و ئامریکا چەندە ئیمکانی هەیە؟! ، ئاسۆ ساڵح- یەکگرتوویی و بوێری لە شانۆی هەڵبژاردنەکادا، حەسەن قارەمانی
کوردستانیانی هێژا، هاونیشتمانییانی خۆشەویست، سەلیم حەقیقی
کاتی لێدانی ئێرانە
بیلسترۆم (وەزیری دەرەوەی سوید)، لەسێدارەدانی کوردان لە ئێران مەحکووم بکە، نەرگس و ئیدریس هاشمی
خوێندنەوەیەک بۆ کتێب: پرۆژەی لەچاپدانەوەی بڵاوکراوەکانی پاسۆک، هەڵۆ بەرزنجەیی
دەنگ نادەین بە بکوژانی ڕۆڵەکانمان!، ئیدریس هاشمی
شەهیدانمان رێبەرن ، (وێنەی شەهیدان) سەربەست ئورمیە
دوکێومێنتاری” دیکتاتۆرییەت لە ئێـران”
سـلـێمانی له ئەفـسانەی نیشـتـمان پەروەرێـكـدا.. سـەردار قـادر
چەكداركردنی منداڵان وەك تاوانی جەنگ- گهشتێ به (سێبهری قهلهبهرد)دا، بهشی سێیهم، سەعی سەقزی
ویژه برنامه: مستند «دفاع از کرامت» کولبران
