ساڵیادی هه‌ڵه‌بجه له شاری ڤێستێرۆس ڕێزی لێگیرا.

ڕێكه‌وتی 2012-03-16ی زایینی “كۆمه‌ڵه‌ی كوردی” له شاری ڤێستێرۆس مه‌راسیمی 24 ساڵه‌ی كاره‌ساتی شیمیابارانی هه‌ڵه‌بجه‌ی ڕێز لێگرت. سه‌ره‌تای كۆره‌ یاده‌كه له لایه‌ن پێشكه‌شكاری به‌رنامه خاتوو ئاره‌زوو حیسامی به‌خێرهاتنی به‌شداران كراو خولەکێک بێده‌نگی ڕاگیرا. پاشان ئه‌م په‌یام و بروسكانەی خوارەوە پێشكه‌ش كران.  

ـ په‌یامی كۆمه‌ڵه‌ی كوردی له لایه‌ن كاك “هێرش”

ـ په‌یامی پێشمه‌رگه دێرینه‌كانی كوردستان له لایه‌ن كاك “سه‌لاح حازی حوسه‌ین”

ـ بروسكه‌ی ماته‌مین له لایه‌ن كۆمیته‌ی حیزبی دێمۆكراتی كوردستانی ئێران له شاری ڤێستێرۆس

ـ بروسكه‌ی هاوبه‌شی یه‌كێتییەکانی لاوان و  ژنانی دێمۆكراتی كوردستانی ئێران

ـ بروسكه‌ی كه‌رتی ڕێكخستنی یه‌كێتی نیشتیمانی له شاری ڤێستێرۆس

ـ بروسكه‌ی پارتیدێمۆكراتی كوردستان لقی ڤێستێرۆس

ـ بروسكه‌ی گۆڕان لقی ڤێستێرۆس

پاشان ئەم به‌ڕیزانە وەک شاهیدحاڵی کارەساتی هەڵەبجە بیرەوەریان پێشکەش کرد. بەڕێز “حه‌مه‌ده‌مین كه‌ریمیان”، به‌ڕێز “مامۆستا سه‌ركۆ” ناوبراوان جه‌ختیان لەسه‌ر گرینگی دان به یادی كاره‌ساتی هه‌ڵه‌بجه و به‌رنامه دانان بۆ چاكسازی له شاری هه‌ڵه‌بجه کرد.

جێی ئاماژه پێكردنه كه له ناوئاخنی كۆڕەكەدا ژماره‌یه‌كی به‌رچاو له به‌شداربووان به وتار و شێعر و په‌خشان بەشداری به‌رنامه‌كه‌ بوون. لاوای ده‌ست و په‌نجه ره‌نگین “د‌ێنی دڵشاد” خه‌ڵكی هه‌ڵه‌بجه به چەند پارچە موسیقا له درێژای كۆڕه‌كه‌دا هه‌ستی به‌شداربووانی خستە جۆش و خرۆش. کۆڕەکە پاش دوو كاتژمێر كۆتایی پێ هات.

كۆمه‌ڵه‌ی كوردی ” ڤێستێرۆس”

{jcomments off}