هەر لە یەکەم ڕۆژەکانی هاتنە سەرکاری داعشی شێعە لە ئێران کورد نەک هەر نەچووە ژێرباری داعشەکان بەڵکوو دژی کۆنەپەرستی ڕاپەڕی و بۆ چەندین ساڵ تەنگی بە کۆماری سێدارە هەڵچنی!
هەر چەندە خەباتی کورد لە دۆخێکی نسکۆدایە بەڵام لە گەڵ ئەوەی کە وڵاتانی جیهان بە ئەمریکا و ڕووسیا و ئورووپاوە پشتی کوردیان وەک پێویست نەگرت و بە هەر جۆرێک بێت ئەوڕۆکە لە دوایی چەندین ساڵ بار و دۆخێکی تازە هاتووەتە ئاراوە و لە ئێستادا لەوانەیە بۆ هەموو جیهان ڕۆژئاوا و ڕۆژهەڵاتەوە دەرکەوتبێت کە تەنیا کوردە کە دەکرێت لە ناوچەکەدا جێگەی بڕوا بێت و ئەوەتا لە دوای ئەو هەموو شەڕەی کە کورد دژی داعشەکان کردی دەرکەوت کە نە ئێران و نە تورکیا لەو جۆرە دەسەڵاتانە نین کە ببنە جێگەی باوەڕ!
هەر دووکیان بە جۆرێک و هەر یەکەیان بەشێوازێک دژی ئازادی و مافی مرۆڤ و دێمۆکراسین!
لە دوایین ڕووداوی خستنەخوارەوەی فڕۆکەی ڕووسیا لە لایەن ئەردۆغانەی دەمامکدارەوە دەرکەوت کە هەتا کوێ ئەمانە لە نێو زۆنگاوی خەیانەتدا ڕۆچوون!
ئەوڕۆکە ئیتر پشتیوانی کردنی تورکیا لە داعش بۆ کەس شاراوە نییە و ئیتر پێویستە کە هەموو وڵاتانی جیهان بە خۆیاندا بچنەوە و سیاسەتەکانی تورک لە هەمبەر کورد شەرمەزار بکەن!
دەرکەوت کێ ترۆریستە!
دەرکەوت کێ دژی داعش شەڕ دەکات و کێش پشتیوانی لە داعش دەکات!
ماوە ئەوە بڵێم کە ئێستا کە دەموچاوی ڕاستەقینەی تورکیاتان بۆ دەرکەوت ئیتر ناسینەوەیە داعش و هاوبیرەکانی لەوانەیە زۆر زەحمەت نەبێت!
ئێران لە گەڵ ئەوەی لە زۆر شتدا لە گەڵ تورکیا جیاوازی ڕوانگەیان هەیە و بووە بەڵام لە بەرانبەر کێشەی کورد خاوەنی یەک ڕوانگەن!!
ئایاکوو دەکرێت ئێران لە لایەکەوە لە بەرەی دژی داعشدا بێت و لە لایەکی‌ترەوە لە گەڵ تورکیا دژی کورد بوەستێتەوە لە کاتێکدا ئەوەی وا بە کردەوە دژی داعش شەڕی کردووە، قوربانی داوە و وڵاتی لێ وێران بووە تەنیا کوردە، هەر ئەمە دەری دەخات کە ئێران لە گەڵ داعش هاوپەیمانە هەر وەک چۆن تورکیا هەیە!
ئێران هەتا ئێستاکەش نە لە عێراق و نە لە سووریا شەڕی داعشی نەکردووە و بەڵام لە ڕێگەی مالکییەکانەوە و لە ڕێگەی دەسەڵاتی بەغداوە کەمتر لە داعش دژی کورد لە باشوور نەبووە!
هەر بە ئەمری ئێران بوو کە مالکی مووچەی لە کورد بڕی، هەر بە ئەمری ئێران بوو کە سروود و پاڕلمان و هەموو سەروەرییەکانی حکوومەتی هەرێمی کوردستان سووک کران!!
ئایەکوو لە کاتێکدا کورد شەڕی لە گەڵ داعش دەکرد ئەم زەختانە جگە لە دژایەتی کورد، پشتیوانی کردن لە داعش نەبوو؟!
هەر کە شەنگاڵ گیرا خێرا حەشدی وەحشی واتە لفە دوانەکەی داعش لە خورماتوو تەپیان دایە سەرماڵ و مڵکی کورد و دەستیان بە کوشت و بڕی خەڵکی شارەکە کرد، ئایەکوو ئەمە مانای چی دەگەیەنێ جگە لە پشتیوانی کردن لە داعش!!
کورت و کورمانجی تورکیا واتە داعش و ئێرانیش یانی حەشدی وەحشی هەر وەک داعش و حەشدی وەحشی لفەو دوانەن، کۆماری سێدارە و تورکیاش لفەو دوانەی ناو دەمامکدارەکانن!!
ڕەوف گوڵبەدەن
26.11.2015 ز