بۆ ئەوەی جینۆساید دووبارە نبێتەوە ‎، عەلی مەحموود

لە یادی 26 ساڵەی دامەزراندنی دادگای دادی تاوانكاری نێودەوڵەتی  ICC, رێكەوتی 17-7-2024 لە شارەكانی سلێمانی , كەركوك, هەولێر, چەمچەماڵ , هەڵەبجە,

 ناحیەی رزگاری گەرمیان لە گۆڕستانی   ئەنفالكراوانی گەرمیان , چەندی گردبونەوەو كۆڕو سمینار ئەنجامدرا, بە بەشداری دەیان كەناڵی ناوخۆیی و بیانی ,  داواكرا عێراق ببێتە ئەندامی دادگاكە بۆ ئەوەی تاوانەكانی جینۆساید و كیمیاباران, هەڵەبجەو ئەنفال دووبارە نەبنەوە.

لە سەرجەم گردبونەوەكان  ئەم داواكارییانە خرانە روو:

لە یادی 26 ساڵەی بڕیاری پێكهێنانی دادگاكەو 22 ساڵەی دەست بەكار بونی ئەو دادگایە و رۆژی  دادپەروەری جیهانی, وەك گەلی كوردستان بە هەموو پێكهاتەكانییەوە, لە هەموو گەلانی دیكە زیاتر پێویستمان بە دادگایەكی جیهانی وا هەیە, بۆیە  داواكارین:

– عێراق پەیماننامەی رۆما واژۆ بكات و بە زووترین كات  پەیوەست بوونی خۆی بە دادگای تاوانی نێودەوڵەتی  رابگەیەنێت, بۆ ئەوەی دڵنەواییمان بداتێ عێراقی ئەمڕۆ و ئایندە جیایە لە عێراقی تاوان و جینۆسایدی پێشوو, بۆ ئەم  مەبەستە پێویستە پەرلەمانی عێراق بە رۆڵی خۆی هەڵبستێت.

– حكومەتی عێراق و پەرلەمانی عێراق  فشار بخەنە  سەر حكومەتی كوردستان 258  تۆمەتباری ئەنفال وەك تاوانبار سەیر بكەن و  دادگایی بكرێن.

– حكومەتی عێراقی هەموو ئەوانەی وەك تۆمەتبار ناویان لە كەیسەكانی جینۆسایدی خەڵكی كوردستان هاتووە دادگایی بكات.

– حكومەتی عێراقی قەرەبووی مادی و مەعنەوی قوربانیانی رژێمی پێشوو بكاتەوە بێ جیاوازی, لە داوای لێبوردن كردن لێیان و قەرەبووی مادییان تا گەڕانەوەی روفاتی ئازیزانیان.

– حكومەتی عێراقی پێشوازی لە هیچ كەسێك نەكات لە لایەن دادگای تاوانی نێودەوڵەتییەوە داواكراو بێت , یان گومان لێكراوبێت بەو تاوانانەی لە تایبەتمەندی دادگای ناوبراوە.

– پەلە بكرێت لە هێنانەوەی روفاتی قوربانیان و پشكنینیان بۆ بكرێت.

– قەرەبووی مادی و مەعنەوەی  قوربانیانی تاوانەكانی جینۆساید, تاوانی دژ بە مرۆڤایەتی و جەنگ لە عێرقدا بكرێتەوەو تاوانباران لە سزا رزگاریان نەبێت.

– سەربازگەی تۆبزاوا بپارێزرێت, بۆ بەرز راگرتنی قوربانیان بكرێت بە مۆنمێنتێكی شایستە بۆ ئازیزانی ئەنفالكراومان.