کورد هه‌ر کورد و داگیرکه‌ر هه‌ر داگیرکه‌ره‌

ئێمه‌ی کورد به‌ درێژایی خه‌باتی چه‌ند ساڵی ڕابردوومان به‌ تایبه‌ت له‌ دوای هاتنی ڕژیمی کۆماری ئیسلامی ئێران ،  به‌رده‌وام شایه‌دی تیرۆری سه‌رکرده‌ و سیاسه‌تمه‌داران و چالاکوانانمان بووین,

 هێشتا زامی برینێکمان خۆش نابێته‌وه‌ قتماغه‌ی ببرینه‌که‌مان لێ هه‌ڵده‌ده‌نه‌وه‌ و زامێکی دیکه‌ ده‌نێنه‌ سه‌ر دڵمان . ئێمه‌ش هه‌ر وه‌ک ئه‌وه‌ی زۆرمان بۆ گرینگ نه‌بووبێت و له‌گه‌ڵی ڕاهاتبێتین ، له‌ ماوه‌ی ئه‌و هه‌موو تیرورانه‌دا هیچ هه‌وڵێکی جیدیمان نه‌داوه‌ بۆ خۆپاراستن و ئه‌زمونێکی ئه‌وتۆمان لێ وه‌رنه‌گرتووه‌ .

 دوژمنانیش به‌داخه‌وه‌ تا ئێستا له‌ کوشتنمان ماندوو نه‌بوون ، جار له‌گه‌ڵ جار به‌ پلانێکی تۆکمه‌تره‌وه‌ تیرۆرمان ده‌که‌ن و هه‌زاره‌ی بۆ ده‌که‌ن و شوێنهه‌ڵگرتنیان ئاڵۆزتر ده‌بێت . زۆر جاریش هیچ ،  ئامانجه‌ بنه‌ره‌تیه‌که‌ی خۆیان که‌ ئێمه‌ین وه‌کو کورد ده‌پێکن ، له‌ لایه‌کی دیکه‌شه‌وه‌ له‌ گه‌مه‌ سیاسیه‌ هه‌رێمیه‌کانیشدا قازانجی خۆیانی لێ ده‌که‌ن .

 به‌شێکی زۆری ئاسانکاری ئه‌م گورزه‌ کاریگه‌رانه‌ش که‌ له‌ جه‌سته‌ی ئێمه‌ی کورد ده‌که‌وێ، ده‌گه‌ڕێته‌وه‌ بۆ ئه‌وه‌ی که‌ ، لای ئێمه‌ی کورد وه‌ک بنه‌مایه‌ک به‌ کرده‌وه‌  ناڕوانرێته‌ ده‌سته‌واژه‌ی ” له‌هه‌رکوێیه‌ک بێت کورد هه‌ر کورد و داگیرکه‌ر هه‌ر داگیرکه‌ره ” و ئه‌و ده‌سته‌واژه‌مان نکردوه‌ته‌ بنه‌مایک بۆ خه‌باتی ڕزگاری نه‌ته‌وه‌ییمان .

به‌ڵام لای دوژمنانمان،  لایه‌نی کورد هه‌رکورده‌که‌ی چه‌سپێندراو، وه‌ک بنه‌مایه‌کی کارپێکراو و له‌ مێژودا به‌رده‌وام دژی ئێمه‌ پێڕه‌ویان کردوه‌ . بۆیه‌ به‌ نیسبه‌ت پرسی کورده‌وه‌ له‌ خراپترین قۆناغیشدا ئه‌و ده‌سته‌واژه‌یان کردوه‌ته‌‌ هه‌وێنی یه‌کگرتنیان له‌ پێناو پاکتاو کردنی ئێمه‌دا و له‌ لایه‌کی دیکه‌شه‌وه‌ توانیویانه‌ ئاوا به‌ هاسانی له‌ قۆناغه‌ هه‌ستیاره‌کاندا که‌ ئێمه‌ له‌ باتی به‌ هوشیاریه‌وه‌ مامه‌ڵه‌ له‌گه‌ڵ کردنیان لێیان بێخه‌م ده‌بین ، برینی ئاوا کاریگه‌ر بخه‌نه‌ جه‌سته‌مان، زامه‌کامنان بکولێنه‌وه‌ و مێژومان بۆ چه‌ندین جار لێ دوپات بکه‌نه‌وه‌ .

ئێستاش که‌ سێ ژنه‌ سیاسه‌تمه‌داری دیکه‌ی نه‌ته‌وه‌که‌مان جارێکی تر بوونه‌وه‌ قوربانی پلانی قیزه‌ونی داگیرکه‌ران و له‌ ‘پاریس’ ی به‌ناو لانکه‌ی دیموکراسی و مافی مرۆڤ و هێمنی و سه‌قامگیریدا تیرۆر ده‌کرێن و تیروریسته‌کانیش وه‌ک به‌رزی بانان بێ هیچ جێپێیه‌ک بۆی درباز ده‌بن . له‌گه‌ڵ ئه‌وه‌یدا که‌ ئه‌گه‌ری کرده‌وه‌ی لایه‌نی فاشیستی تورک بێت زۆره‌ و هوموومان ده‌زانین ڕژیمی و ده‌سه‌ڵاتی تورکیش یه‌کده‌ست نیه‌.  زۆرێک له‌ سۆڤێنیسته‌کانی تورک دژی پرۆسه‌ی دانیشتنه‌کانی تورکیا و پ ک ک “به‌ڕێز ئوجالان”ن و نایانهه‌وێت به‌ ئامانج بگات و چاوی دیتنی بچوکترین مافی کوردیان نیه‌ ، هه‌وڵه‌کانیان بۆ ئه‌و ئامانجه‌ چڕ کردبێته‌وه‌ و هه‌موو ڕێگایه‌کیان گرتبێته‌ به‌ر بۆ له‌بار بردنی ئه‌و پڕۆسه‌یه‌ و ئه‌و پڕۆسه‌یه‌ به‌ هه‌ڕه‌شه‌ له‌ یه‌کپارچه‌یی تورکیا بزانن .

له‌ لایاکی دیکه‌ش ئاشکرایه‌ که‌ له‌ کرده‌وه‌ تیروریستیه‌کانی ده‌ره‌وه‌ی وڵاتدا ، ڕژیمی ئێران وه‌ک لانکه‌ی په‌روه‌رده‌ کردنی تیرۆر ڕۆلی سه‌ره‌کی گێڕاوه‌ . هه‌رکات قیرانێکی جیددی به‌ر بینگی پێگرتبێ بۆ ده‌رباز کردنی خۆی له‌ قه‌یرانه‌کان ئه‌م ڕێوشوێنانه‌ی گرتوه‌ته‌به‌ر .

له‌م قۆناغه‌ی ئێستاشدا رژیم و حوکمڕانی ئێران له‌ هه‌موو لایه‌که‌وه‌ قه‌یران به‌رۆکی پێ گرتوون و له‌ پروسه‌ی ڕوخانی ڕێژیمه‌ دیکتاتۆره‌کانی هه‌رێمه‌که‌دا خۆیان له‌ نۆبه‌ی دوای رژیمه‌که‌ی ئه‌سه‌د ده‌بینن  . ڕوخان و له‌ده‌ستدانی  مۆره‌ ئه‌ساسیه‌کان وه‌ک حکوموته‌که‌ی به‌شار ئه‌سه‌د ، ده‌ست به‌ربوونیان له‌ حیزبوللای لوبنان و کهمڕه‌نگ بونه‌وه‌ی هه‌ڕه‌شه‌کانی له‌ سه‌ر وڵاتانی خوراوا ، گرینگیه‌کی تایبه‌تی و حه‌یاتی هه‌یه‌ بۆ کۆماری ئیسلامی ئێران .

 بۆپاراستنی ئه‌و به‌رژه‌وه‌ندیانه‌ و مانه‌وه‌ی حوکمه‌که‌ی به‌شار ئه‌سه‌د تا ئێستا چه‌ندین جار له‌ زاری کاربه‌ده‌ستانی کۆماری ئیسلامی ئێرانه‌وه‌ ڕاگه‌یه‌ندراوه‌ که‌  ئاماده‌ی هه‌مووجۆره‌ یارمه‌تی و هاوکاریه‌که‌ هه‌ر له‌ یارمه‌تی سه‌ربازی ماڵی و لۆجیستیکی تا ئه‌و تیرۆرانه‌ش که‌ ئێستا بۆی ده‌کات بۆ دژایه‌تی کردنی نه‌یارانی ئه‌سه‌ده‌ . له‌به‌ر ئه‌وه‌ی ئه‌م ئاڵوگۆڕانه‌ی ئێستای ڕۆژهه‌ڵاتی ناوه‌ڕاست ، و هه‌تا مانه‌وه‌ی کۆماری ئیسلامی ئێرانیش تا ڕاده‌یه‌کی زۆر به‌ستراوه‌ته‌وه‌ به‌ یه‌کلایی بوونه‌وه‌ی حوکم له‌ سوریادا .

 هه‌رچه‌ند پێوه‌ندی و دیپلوماتیه‌تی  ئێران و تورکیا به‌ڕواڵه‌ت تا ئێستا باشه‌ و به‌رده‌وامه‌ ،به‌ڵام ئێران ڕق و کینه‌ی خۆی به‌رانبه‌ر به‌ تورکیا ڕۆژ له‌گه‌ڵ ڕۆژ زیاد کردوه‌ ، له‌ پێوه‌ندی له‌گه‌ڵ هه‌ڵوێسته‌کانی تورکیا له‌ پاڵ یه‌کیه‌تی ئه‌وروپا و ولایه‌ته‌ یه‌کگرتوه‌کانی ئه‌مریکا  به‌ نیسبه‌ت سوریاوه .‌ تورکیا تا ئێستاش به‌ گه‌وره‌ترین فاکته‌ری یه‌کلاکه‌ره‌وه‌ ده‌زانرێت له‌و مه‌سه‌له‌دا .

له‌ پاڵ ئه‌وه‌شدا له‌ چه‌ند رۆژی ڕابردودا “عه‌بدوللا گول” سه‌روک کۆماری تورکیا ڕایگه‌یاند که‌ تورکیا به‌ هیچ شێوه‌یه‌ک ڕازی نابێت که‌ له‌ ناوچه‌که‌دا و وڵاتێکی دراوسێ خاوه‌نی چه‌کێک بێت که‌ تورکیا نیه‌تی ئێرانیش هاتوه‌ته‌ سه‌ر ئه‌و بڕوایه‌ که‌ ئه‌م وتانه‌ی گول ، دژایه‌تی کردنی زۆر جیددی ڕژیمی ئێرانه‌ له‌ پێوه‌ندی له‌گه‌ڵ دۆسیه‌ی چه‌کی ناوه‌کی ئێران و تورکیا هاتوه‌ته‌ سه‌ر ئه‌و قه‌ناعه‌ته‌ی که‌ تورکیا یارمه‌تی ئه‌مریکا بدات له‌ ئه‌گه‌ری له‌ ناوبردنی چه‌کی ناوه‌کی ئێران.  ئه‌وه‌ش دیسان ڕۆڵێکی حه‌یاتی هه‌یه‌ له‌ مانه‌وه‌ی کۆماری ئیسلامی ئێراندا .

ئه‌مانه‌ هه‌موو وای کردوه‌ که‌ کۆماری ئیسلامی ئێران وه‌ک پشیله‌یه‌ک که‌ ته‌نگی پێهه‌ڵچنرابێت و ڕێگای ده‌ربازبوونی نه‌بێت پشت له‌ دیوار خۆی کووڕ کردوه‌ و چنگ له‌ هه‌موو لایه‌کک ده‌کوتێت بۆ ڕزگار کردنی خۆی .

هه‌روه‌ها به‌م تیرۆره‌ ده‌یهه‌وێت به‌ تورکیا بسه‌لمێنێت له‌ به‌رانبه‌ر هه‌ڵوێسته‌کانی  تورکیا شه‌ڕێ دیپله‌ماتی  له‌گه‌ڵ سوریا و به‌رژه‌وه‌ندیه‌کانی ئه‌ودا ، ئه‌میش له‌ده‌ستی دێت هتا هه‌تایه‌ ناکۆکی ، ناته‌بایی و ناسه‌قامگیری له‌ وڵاته‌که‌یدا بهێڵێته‌وه‌  و به‌ کرده‌وه‌ وابکات که‌  ڕه‌وتی دانوسانه‌کانی تورکیا له‌گه‌ڵ پ ک ک و به‌ڕێز ئوجالاندا په‌ک پێبخات و جاه‌ێکی دیکه‌ ئاگری شه‌رێکی ده‌ێژخایه‌نی تر بڵێسه‌ بستێنێته‌وه‌ .

له‌ لایه‌کی دیکه‌شه‌وه‌ ئه‌گه‌ر سه‌یری ڕابردو و سیاسه‌ت و سیسته‌می به‌ره‌وڕو بوونه‌وه‌ی داگیرکه‌رانی کوردستان به‌رانبه‌ر به‌رهه‌ڵستکارانیان ببنه‌وه‌ ده‌بینین که‌ هه‌ریه‌که‌ هه‌ریه‌که‌ سیسته‌م و ڕێوشوێنێکی تایبه‌تیان پێڕه‌و کردوه‌ ، تورکیا خاوه‌نی تاریکستانی نه‌ندیخانه‌ پر ئه‌شکه‌نجه‌ و ئازاره‌کان و زیاتر ڕه‌شبگیری و بێسه‌رو شوێن کردن له‌ ناوخۆدا بوه‌ . ئه‌وه‌ کۆماری ئیسلامی ئێران بووه‌ که‌ تیرۆری زنجیره‌یی له‌ ده‌ره‌وه‌ی وڵاتی کردوه‌ته‌ پیشه‌ و سیاسه‌تی ڕوون و ئاشکرای له‌ ماوی چه‌ند ساڵی ڕابردوودا .

ئه‌مانه‌ هه‌موو وامان لێده‌کات که‌ گومانی سه‌ره‌کیمان به‌ نیسبه‌ت تیرۆری پاریسه‌وه‌ بچێته‌ سه‌ر کۆماری ئیسلامی ئێران به‌ یارمه‌تی داروده‌سته‌ لوبنانیه‌کا‌نی، هه‌ر وه‌ک له‌ چه‌ند ساڵی ڕابردوو له‌ به‌ڕلین و جێگاکانی دیکه‌ش کردیان و ئه‌زموونی زۆریان له‌و کاره‌دا هه‌یه‌ .

سه‌لاح سوڵتانپه‌نا

16.01.2012

 {jcomments off}