کاک کەریم حاجی رەسوڵی ناسراو بە کەریم زێڕە، هێرشێکی توندی کردۆتە سەر مامۆستا حەسەنزادە و کاک حەسەنی شەڕەفی

پێشمەرگەکان: کاک کەریم زێڕە ئەندامی بەڕێوەبەری و چالاکی کۆمیتەی یەکبوونەوەی حیزبی دێمۆکڕات بە بەرپرسایەتی کاک باباعەلی مێهرپەروەر، لە بابەتێک دا بە ناوی با به‌س‌بێ ده‌تانناسم! ،

 مامۆستا حەسەنزادە، رێبەری سەرەکی هاوڕێیانی پێشوو،  بە گۆڕینی بڕیاراتی حیزبی بە قازانجی دۆستانی خۆی و شکاندنی کەسایەتیەکان تاوانبار دەکا، ماموستاهه‌میشه‌ هه‌وڵی داوه‌ له‌زمانی فریودان و قانیع کردن بۆخۆی وپێگه‌ی خۆی که‌ڵک وه‌ربگرێ وته‌نانه‌ت نه‌ک ده‌ورووبه‌ری، له‌گه‌ڵ خۆشی سیاسه‌ت ده‌کات .

هەروەها هێرش بۆ سەر کاک حەسەن شەڕەفی، جێگری سکرتێری گشتی حیزبی دێمۆکڕات دەکا و ئەو بە ناڕاستگۆ و دەڵێ هیچی پێ عەیب نیە، هەوڵی دۆزینەوە زەعفی دۆستانی دەدات.

هەروەها کاک کەریم دەڵێ: ، زۆر جاران به خاتری خۆشه‌ویستی حیزب‌ به‌ هه‌ڵه‌ چووم و له‌ حه‌ددی پێویست، زیاتر باوه‌رم پێیان بووه.

دەقی نووسینەکەی کاک کەریم  حاجی رەسوڵی ( کەریم زێڕە)

با به‌س‌بێ ده‌تانناسم! م ـ زێڕه‌

به‌رله‌وه‌ی بچمه‌ سه‌ر ئه‌سڵی باسه‌که‌م، له‌وه‌ی که‌ ئه‌و دوو به‌ڕێزم خستۆته‌ تای ته‌رازوو و له‌ په‌نا یه‌کم دا ناون داوای لێبوردن له ‌ئه‌ندامان و دۆستانی حیزب له‌ هه‌ر دووک به‌ش ده‌که‌م چوونکه‌  زۆر چاک ده‌زانم که ‌دۆستان و ناسیاوانی حیزب هه‌رکام به ‌شێوه‌ی خۆی یه‌کیان پێ له‌ویتر باشتره‌ و پێیان کفره‌ ئه‌گه‌ر وه‌ک یه‌ک هه‌ڵیان بسه‌نگێنین و چاو له‌ کرده‌وه‌ و قسه‌یان بکه‌ین.

کورد ده‌ڵێ: ئه‌گه‌ر تف هه‌ڵاوێی به‌ره‌و رووی خۆت ده‌گه‌ڕێته‌وه‌، منیش وه‌ک خه‌ڵکانی تر زۆرم چه‌پڵه‌ بۆ قسه‌ی ئه‌و به‌ڕێزانه‌ لێ داوه‌ که‌ هه‌ر دوو به‌ڕێز له‌ قسه‌دا وه‌ستاو له‌ مودیرییه‌تدا شاگردیش نین، زۆر جاران به خاتری خۆشه‌ویستی حیزب‌ به‌ هه‌ڵه‌ چووم وله‌ حه‌ددی پێویست، زیاتر باوه‌رم پێیان بووه.

هه‌رچه‌ند جارێ به‌ ورد بینی یه‌وه‌ بیر له‌ کرده‌وه‌یان ده‌رحه‌ق به ‌ئه‌ندامی حیزبی ده‌که‌مه‌وه‌ مچورکم به‌ به‌ده‌نیدا دێ له‌ به‌ر ‌ساده‌یی خۆمان و هه‌موو جارێ له ‌خۆم ده‌پرسم ئایه‌ به‌راستی له‌ راستای خۆشه‌ویستی حیزب و خۆ بۆ فیداکردنی ده‌بێ ئاوا نوقمی نه‌زانین و بیر نه‌کرده‌وه‌ بین؟. زۆرن ئه‌و دڵسۆزانه‌ی که له‌ من زیاتر ته‌جروبه‌ی حیزبی یان له‌ لایه ‌و له‌ به‌ر گه‌وره‌یی حیزب ئاماده‌ نین به ‌ده‌یان و سه‌دان کرده‌وه‌ی که‌ ده‌بێ باس بکرێ  باس ناکرێن و ناکوترێن نه‌ درکاندنیان بۆته‌ گرێی کۆێره‌ و موو خۆره‌ی نێو حیزب و ئه‌و به‌رێزانه‌ که‌ ده‌بینن خۆیان یه‌که‌ تازی مه‌یدانن به‌ ده‌یان و سه‌دان کادر و پێشمه‌رگه‌یان به‌دنێو و به بیانووی جۆراوجۆر به ‌هۆی ده‌ست و په‌یوه‌ندییه‌کانیانه‌وه‌ له ‌ریزه‌کانی حیزب ده‌رکرد ، ده‌رکردن، ئه‌وانه‌ که‌ ده‌سه‌ڵاتیان هه‌بووه‌ قه‌ت توانای ئه‌وه‌یان نه‌بووه‌ ‌نه‌زه‌ری دژبه‌ری خۆیان قه‌بووڵ بکه‌ن. مێژووی تێکۆشانی ئه‌و به‌ڕێزانه‌ له‌ حیزبدا له‌ پێش چاوی هه‌موو ئه‌و کادر و پێشمه‌رگانه‌یه‌ که‌ کاریان له‌ گه‌ڵ کردوون .

زۆرجاران گوتراوه‌ که‌ ماموستا به‌ زانایی خۆی زۆر هەقی کردوون به‌ نا هه‌ق و به‌ پێچه‌وانه‌شه‌وه‌ زۆر ناهه‌قیشی کردوون‌ به‌ هه‌ق، ئه‌وه‌ به ‌و ماناییه‌، بۆ هه‌ر کارێکی که‌ کردوویه‌تی له ‌نه‌بوونی رێبه‌رانی شه‌هید دا ده‌لیلێکی ئیقناعی له‌ خه‌ڵکانیتر زیاتر پێ بووه‌. ماموستا هه‌میشه‌ هه‌وڵی داوه‌ بریاره‌کان وا بدرێن که ‌ئه‌و پێی سه‌ڵاحه‌ و ئه‌گه‌ر له‌ ئۆڕگانێکیشدا بریارێک درابێ و زۆربه‌ی له‌ گه‌ڵ نه‌زه‌ری ئه‌و نه‌بوو بن هه‌میشه‌ هه‌وڵی داوه‌ کۆسپ بخاته ‌سه‌ر رێگای جێ به‌ جێ بوونی بریاره‌که و هه‌موو ئه‌و که‌سانه‌ی که‌ له‌ گه‌ڵ خۆی بوون خۆشه‌ویستر بوون له‌وانیتر و هه‌ر که‌سیش که‌ له‌ گه‌ڵ بڕیار و نه‌زه‌ری نه‌بووبن گرینگ نیه‌ کێیه‌ و هه‌تا ئه‌و جێگایه‌ی بتوانێ هه‌وڵ ده‌دات بیشکێنێ.

هه‌ر وه‌ک له لاپه‌ره‌ی ٣٠ ی کتێبی ژان و ژیان و وڵامی ره‌خنه‌گرانه  له ‌نووسینی: دوکتور حوسێن خه‌لیقی دا،  ده‌ستخه‌تی ناوبراو هاتووه‌. ماموستا هه‌میشه‌ به ‌حوورمه‌ته‌وه‌ باسی گه‌ورەیی دوکتور قاسملووی کردووه و هه‌تا پێش کۆنگره‌ی ١٣ ش خۆشترین وشه‌ی سه‌رزاری ماموستا خوشکه ‌نه‌سرین قاسملوو بووه‌، که‌چی ئێستا چوون خوشکه‌ نه‌سرین ماموستاو نزیکانی ته‌ئیید ناکات له‌ وتوێژی چه‌ند رۆژ له‌وه ‌پێشی له‌گه‌ڵ رووداو تی ڤی دا ده‌فه‌رموێ: خانمه‌که‌ی دوکتور قاسملوو، لێره‌دایه‌ ده‌بێ لێی بپرسین ئه‌دی ماموستا خوشکه‌ نه‌سرینی جارانت چی به‌سه‌ر هات؟ ماموستا هه‌میشه‌ هه‌وڵی داوه‌ له ‌زمانی فریودان و قانیع کردن بۆ خۆی و پێگه‌ی خۆی که‌ڵک وه‌ر بگرێ و ته‌نانه‌ت نه‌ک ده‌ورووبه‌ری، له‌ گه‌ڵ خۆشی سیاسه‌ت ده‌کات .

له وتوێژی رووداودا ده‌فه‌رموێ که‌١٩  ئه‌ندامی یه‌کێتی پارێزگاریان له‌ کاک دوکتور کردووه!! باشه‌ کوا له‌ کوێن کادره‌ نزیکه‌کانی ماموستا؟  بۆ لێی ناپرسن و داوای روونکردنه‌وه‌ی لێ ناکه‌ن چۆن پاش ٢٤ ساڵ، ئه‌ندامی حیزبی و خه‌ڵکی چاک و خراپ  به ‌دوژمنیشه‌وه هاوکات ده‌بێ ئه‌و مه‌سه‌له‌یه‌ بزانن. بۆچی بۆ یه‌ک جاریش له‌گه‌ڵ به‌ده‌نه‌ی حیزبه‌که‌ت باستان نه‌کردوه‌؟

کاک حه‌سه‌ن شه‌ڕه‌فی له‌ شێواندن و تێک داندا هەمیشه‌ ماشه‌ڵڵای لێ بێ که‌س پێی ناگات، قه‌ت خاوه‌نی نه‌زه‌ری خۆی نه‌بووه‌ و قه‌ت بۆ حیزب و بریاری هه‌تا پاش کۆنگره‌ی ١٣ دڵی که‌سی له‌ خۆی نه‌ئێشاندووه‌ و ئێستاش مشاره‌که‌ی کۆنگره‌ی ١٠ ی ناوبراو له‌ مه‌جلیسان باس ده‌کرێ که‌ فه‌رموویانه‌ وه‌ڵڵا کاکه‌ گیان هه‌ر دووکتان راست ده‌که‌ن! واته‌ دارێک له ‌ناوه‌راسته‌وه‌ به‌ سانتیمیتر و به ‌مشار بێ که‌م و زیاد بببرنه‌وه‌. ئه‌و که‌سانه‌ی ناوبراو ده‌ناسن ده‌زانن به‌رزترین خسله‌تی ئه‌وه‌یه‌ که ‌حه‌ز ناکات هیچ که‌سێکی له‌ خۆی مێژوو پاکتر له ‌حیزبدا هه‌بێ و دایم پێی خۆشه‌ زه‌عفی خه‌ڵکانی به‌ ده‌سته‌وه‌ بێ، بۆ ئه‌وه‌ی خۆی حاکم و بریارده‌ر بێ، له‌ درووستکردنی بوختان هه‌ڵبه‌ستن و ناراستگۆیدا هیچی پێ عه‌یب نیه، که‌ به‌ داخه‌وه ئه‌و ناراستگۆییه‌‌ له‌ شه‌ڕڕه ‌مستی حه‌سه‌نه‌کانی ده‌فته‌ری سیاسی دا(حەسەن رستگار و حەسەن شەڕەفی) حیزبی دێمۆکڕاتی کرد به‌ دوو به‌شه‌وه‌ و به‌ده‌نه‌ش ئاگادار نیه‌ که‌ به‌ڕێز کاک حه‌سه‌ن چه‌ند زیره‌کانه‌ ئه‌و کاره‌ی کردووه،  بۆ له‌ سه‌ر رێ لابردنی ئه‌و کادره ‌کۆنانه‌ی که‌ مێژوویان له‌و پاکتره‌.

له‌ پێش چاوی ده‌یان کامێرا ده‌ستی ‌له‌ ده‌ستی ماموستا نا و ئه‌م لاو ئه‌ولای  یەکتریان ماچ کرد که‌ چی رۆژی دواتر فه‌رموویان به‌ سه‌ردا که‌وتم و پێیان کردم، وا دیاره‌ رووح خۆشه‌ویسته!‌ وێده‌چێ به ‌ده‌یان بی کی سی ی له‌ سه‌ر ڕاگیرا بێ، یان له ‌بن داری ئێعدام ڕایان گرتبێ و ده‌بێ یه‌کیان هه‌لبژێرێ! ، به ‌ده‌یان ئه‌ندامی حیزب له ‌چاڵه‌ ڕه‌شه‌کانی دوژمندا ئاماده‌ی گیان به‌خشینن، به‌ڵام بریارو گه‌وره‌یی حیزب ناشکێنن، که‌چی وته‌ بێژ و جێگری سکرتێر ئه‌وه‌ی بۆی گرینگ نه‌بێ پاراستنی گه‌وره‌یی و ده‌وڵه‌مه‌ندی حیزبه!. که‌ڵکی خراپ وه‌رگرتن له‌ به‌رپرسیاره‌تی حیزب (سواستفاده‌) ده‌رکردنی یه‌ک به‌دوای یه‌کی ئه‌و کادرانه‌ی که‌ به‌رژه‌وه‌ندی و گه‌وره‌ی حیزب له ‌وه‌سێتی پێشه‌واو دیالۆگی د. قاسملوودا ده‌بینن، هه‌ر هه‌مووی کاری به‌ڕێز کاک حه‌سه‌ن شه‌ره‌فی‌یه‌ و خۆی گوته‌نی به ‌نرخێکی که‌م پاکسازی نه‌کراوه‌ و یه‌کگرتنه‌وه‌ش خه‌ون و خه‌یاڵه‌.

هه‌موو که‌س ده‌زانێ که‌ خۆپێشاندانی فینلاند کاری کومیته‌ فه‌رعی و مه‌ده‌نی یه‌کان بووه،‌ که‌چی دوو رۆژ پێش خۆپێشاندان به‌ڕێز کاک مه‌جیدحه‌قی ته‌وبیخ ده‌کرێ، و چه‌ند رۆژ دواتر ئه‌وانیتریش به‌دوایدا سزا و ناچار کردن به‌ واز هێنان، بۆ؟ له ‌سه‌رچی؟ بۆچی دوو ڕێیانه‌ بۆ کاک مه‌جیده‌کان دیاری ده‌کرێ؟ له ‌به‌رژه‌وه‌ندی کێ دایه‌؟ ئه‌گه‌ر‌ باسی دروشمی ئاشتی و یه‌کگرتنه‌وه‌ دێته‌ گۆڕێ به‌ڕێزان ماموستا و کاک حه‌سه‌ن له ‌پێش هه‌موو که‌سه‌وه‌ن و که‌ کاتی کرده‌وه‌ش دێته‌ گۆڕێ دیسان ناوبراوان پێش هه‌موو که‌س هه‌ڵوێستی به‌ دژی ده‌گرن.  ئه‌م بانێک (باندێک) و دوو هه‌وایه‌ بۆچی؟ لێره‌دایه‌ پێتان ده‌ڵێم به‌سه‌ باشتان ده‌ناسم و به‌ده‌نه‌ش تووره‌یی ده‌گاته‌ ترۆپک وئییدی لێتان قه‌بووڵ ناکا هه‌ر فریویان بده‌ن، ده‌ست هه‌ڵگرن له‌ دوبه‌ره‌کی دروستکردن، ئێوه‌ حیزبتان وێران کرد، دۆست و دژمنتان به‌ حیزب خۆش کرد. ئێوه‌ تۆویی تیرۆری شه‌خسییه‌تی ئه‌ندامی حیزب و  ئه‌ندامانی رێبه‌ریتان له‌ حیزبدا چاند، ئه‌م کادرو پێشمه‌رگانه‌ کۆنانه‌ی که‌ ده‌رده‌کرێن و کۆنه ته‌سلیمی یه‌کان (باشه‌کان ناڵێم) و چه‌کداره‌کانی حامید به‌گیان له ‌جێگا داده‌نێن و ده‌یانکه‌ن به‌ خاوه‌ن مێژووی زێڕینی حیزب و بونه‌ته‌‌ بڵێندگۆی پاراستنی کورسی یه‌کانتان، به‌ بێ شک ئێمه‌ بێده‌نگ نابین.

به‌ڕێز کاک مسته‌فا هیجری ده‌بوو زیاتر هه‌ستی به‌ به‌رپرسیاره‌تی کردبا و له‌ گه‌ڵ پارێزگاری کردنی به‌رنامه‌ و په‌یره‌ویی نێوخۆ، خۆی به‌ سکرتێری هه‌مووی حیزب حیساب  کردبایه‌  و چاره‌سه‌ری ئه‌و گرفته‌ی له ‌یه‌کگرتنه‌وه‌دا، وه‌ک مزگێنی به‌خه‌ڵکی کوردستان و دۆستانی دێمۆکرات بدایه‌ نه‌ک داوه‌ری بێده‌نگی ده‌رکردنی یه‌ک به‌ دوای یه‌کی کادر و پێشمه‌رگه کۆنه‌‌کانی خاوه‌ن نه‌زه‌ری نێو ریزه‌کانی حیزبی دێمۆکڕات.

سوئێد م زێڕه‌   ٢٠/٧/٢٠١٣

 له‌مه‌به‌دوا به‌ زنجیره‌ وتاری ( ئیمزاکانی کاک چیاخۆیان ده‌دوێن~ ئه‌ندامی ده‌فته‌ری سیاسی~)  درێژه‌ به‌م باسه‌ده‌ده‌م‌‌‌‌‌‌‌‌‌‌