کۆ مێتە ی نە خشی جوانە مەرگ و گوندی نەڵۆس . مەلا برایم مەجید پوور

                       لە ژیانی مرۆڤدا ڕوداوو ڕۆژانێک هەن کە ڕەنگبێ بەلای کەس یان کەسانێکەوە گرینگ نەبن ، بەلام وەها لە ناخو مێشکی کەس یان کەسانێکیتر دا جێدەگرن کە تێپەڕبونی زەمان و چەرمەسەری ژیانیش لە بیریان نابااتەوە ! مەرج نیە ئە و روداوانە زۆر گەورەو سەیرو سەمەرەبن ، بەڵام دەبنە ئیلهام دەرو ڕێنوێنی ئەم کەسانە .

ئەوەی من باسی دەکەم یەکێکە لەو شتانە. لە ئاخرو ئۆخری سەرماوەز یان نیوەی هە وەڵی بەفرانباری ساڵی ١٣٥٨ ی هەتاوی  لە یەکەمین  کۆنفەڕانسی بەرینی حیزبی دا بە شداریم دە کرد. لە کومێتەی خە لیفە لیان کە بۆخۆی کومێتەی هە بو  من و هاوڕێیە کیتر کە ناوی نابەم بانگکرابوین بۆ ئە و کۆنفەڕانسە کە لە گوندی { نە ڵۆس}  کە گۆیا ئێستا بۆتە شارۆچکە گیرا. بە شدارا نی ئە و کۆنفەڕانسە برێتی بون لە نوێنەرانی کۆ مێتە کا نی { نە غە دە ، خانێ و شنۆ} جیا لە وانە ش هێندێک لە ئە ندامانی ڕیبە رایە تی حیزب و میوانانیتر  وەک: دە ستە یە ک لە خوێند کارانی زانکۆی { ئە بو رەیحانی بێرونی تاران} ئە و دە ستە یە تێکە ڵاوێک بون  لە ڕاست و چە پو مە زهەبی و لامە زە بی و کچ و کوڕ.

پێش ئە وەی بچمە سەر بابە تەکە جێی خۆیە تی کورت بڵێێم نە ڵۆسم چۆن هاتە بە ر چاو یەکە م جارە ئە و گوندە دەبینم ، بە ڵام هەر کە چومە ناوی وە بە ردڵم کە وت دەتکوت کۆنە ئاشنایە. ئەو گوندە سەر بەشاری {شنۆ} یەو سەربە  پاڕێزگای ورمێیە،{ بۆیە ناڵێم ئازەر بایجانی ڕۆژ ئاوا } چونکە بەباوەڕی من ئەو پارێزگایە کوردستانە نەک ئازەر بایجان ! گوندێکی گە لێک جوانم هاتە بە رچاو، خە ڵکێکم دیت دڵفراوان و میوانگر سەرە ڕای ئە وەی میوانێکی زۆر رویان تێکردبو هیچ ئاڵۆزیەکی پێوە نە دەبیندرا، زۆر خۆ ماڵیانە میوانداریان دە کرد، هە ر دە تکوت ئەوانەی لە لاوە ڕا هاتون بێگانە نین و خۆ ماڵین، یان باشتر بڵێم وەک ئە وە دە چو خە ڵکە کە و میوانە کان هە مویان ئەندامی حیزبن و لە ساڵۆنێکی حیزبی کۆ بونە وە! کو مێتە ی نەخش لەو گوندە لەدایک بوە.    ئەوە ی من لە دەستم دێو بە ئەرکی دەزانم، دە بێ پڕ بە دڵ سوپاسیان بکە م و ئە و میوانداریە خۆماڵیانە یان لە بیر نە بە مە وە.

 کومێتەی نە خش پێک هاتبو لە پیتە کانی هە وە ڵی وشە ی { ن = نە غە دە   خ = خانێ. ش =  شنۆ } وابزانم کومێتە یە کی هاو بە شی ئە و سێ شارانە بو بۆ کارو باری حیزبی  .   ئە نداما نی بە ڕ ێوە بە ری ئە و کۆنفە ڕانسە برێتی بون لە : شە هیدان { سە ید رە سوڵ دهقان[ بابی گە ورە] نە بی قادری } و بەڕێز مە لا{ محە ممەدی جوانڕۆ ئەو شەهید نەبوە} لێرە دا پێم  بە جێیە بڵێم: هەر کە س لە ڕێگای خە بات بۆ ڕزگاری نە تە وە ی کوردو زێدە کە ی کوردستان گیانی بەخت کردبێ و توشی دە ر بە دەریو ئاوارەیی بوبێ لە کوێی و بە هە ر شکڵو شێوە یە ک بمرێ شە هیدە و گە ڵ دە بێ ڕێزی بۆ دانێ و خواش پاداشی شە هیدی دە داتە وە. ئە گەر ڕونتر بڵێم: مافی ژیان و پاراستنی نیشتمان خوا بە گشت کەسی داوە،  بەرگری لە مافی رەواش ئەرکی خواییە و ڕەوایە. ئە و چە شنە بەرگریە هە ر تایبەت بە موسوڵمانان نیە ، بە ڵکو ئی هە مو مرۆفە کانە بە بی وە بەر چاو گرتنی ئیدە و ئایین و  ڕەنگ و نە تە وەو زمان.

شە هید قاسملو وتار بێژی ئە سڵی کۆ بونە وە کە بو ، شوێنە کە ی مزگە وتی ماڵی خوا بو کە گە ورە ترین هۆدە ی هەر ئاواییە کە . مە لا کانیان لە شانێکی مێحڕابێ دانابون لە شانیتری بەر پرسانو پیاو ماقوڵان دانیشتبون. من هەر چە ند مە لا بوم بە ڵام چونکە نەیان دە ناسیم و لە نیشانەی مە لا یە تیش هە ر پێچێکی سپی ڕیشو دارم لە سەر بو، جبە و عە بام لە بە ردا نە بو کە س خولقیشی نە کردم بۆ ڕیزی مە لا کان ! پێم وایە هۆیە کە ش هەر نە بونی جل و بەرگی مە لایانە بو. لە بە ر ئە وەی کاک دوکتۆر بە چە پە ڕێگایان دا هاتبو  تۆزێک درەنگتر گە یشتێ. کۆنفە ڕانس دە ستی پێکرد. ئە و بە ڕێزانە ی لە سە رە وە باسمکردن هە تا کاک دکتۆر گە یشتی هە رکامە یان بابە تێکیان بە کورتی باسکرد شە هید قاسملۆ بە درێژی لە سە ر  وەزعی ئێران ،  جیهان  و کوردستان و ئەرکی خەڵک و ئەندامانو لایە نگرانی حیزبی زۆر بە وردی باسیکرد وزۆر زانایانه شیکردە وە، ئە وجار نۆرە گە یشتە بە شی قسە ی ئە وانە ی ناویان نوسیبو دە گە ل ڕەخنە و پێشنیار . لە پێشدا نۆرە ی خوێند کاره کان بو ، دوای ئە وان نۆرە دە گە یشتە من. ئە وەندەی لە بیرم مابێ زۆر بە ی قسە کانیان  لە دە وری ڕەحمەتی ئیمام و تە واویەتی خاکی ئێران و دروست کردنی  مزگەوتو پە رە پێدانی ئایینی پیرۆزی ئیسلام و شتی لەو با به ته بون! من تە مە نم له ٧٠ تێپە ڕیوە ، هە ر چە ند جاری وەک کوردێک دە گە ڵ فارسێک باسی سیاسیم کردبێ هەر هه مویان مە سە له ی ته واوه تی عه رزیان هێناوه ته گۆڕێ! هەر ئە وە ش بە درێژایی مێژوه کە مان بەڵگە ی سەرکوتو قه ڵاچۆ کردنمان بوە.

کاتێ چومە پشتی میکڕۆفۆن کاک نەبی كوتی: کاک مە لا ده بێ بە فارسی قسە بکەی؟ کوتم: بەڵی کاکە دە زانم کوردی نازانن! بزە یە کی هاتێ و کوتی فە رمو . بە شی زۆری قسە کانی من لە سە ر قسە ی خوێندکارە کان بو کە لە تاران ڕا هاتبون و مزگێنی مزگه وت دروست کردنیان بۆ هێنابوین!! دیارە دەقی قسە کانم لە بیر نە ماوه بە ڵام مە بە ستە کەم باش لە بیرە و کوتم: بە شدارا نی به ڕێز و میوانانی ئازیز وەک دەزانن لە ئێراندا شۆڕشێکی مە زن کراوه ڕێژیمێکی هارو دڕنده  بۆ نێو زبڵدانی مێژو فڕێدراوه، گە لی کوردیش وەک هە مو گالانی تری ئێران چالاکانه بە شداری کردوە و قوربانی داوه ئە و به شداری قوربانیکردنە هە ر بۆ مزگە وت دروست کردن نە بوە بە ڵكو بۆ وەدست هێنانی مافی نە تە وایە تی و بە شە خوراوە کانیە تی ! کورد لە باری ئایینی نە پێشی لێگیراوە و نە که می هێناوە، لە سە دی نه وه دو نۆش زیاتر گونده کانی مە لاومزگەوتیان هە یه ، لە زۆر گوندیش حوجره بۆ فە قێیان هە یە و هە مو پێداویستی مە لا و فە قێ و حوجره ش لە لایە ن خە ڵکی ئاوایی دابین کراوە.

خۆشترین ماڵی ئاوایی ماڵی  خوایە،ئەو شوێنە ی ئێستا لێی کۆ بوینە وە ماڵی خوایە، ڕیزیی پێشه وه ش کە ده بینن  ئی مامۆستایانە ، ئە وە نیشانە ی ڕێزو حورمە ته بۆ دینه کە. ئە وه ی کورد به دوای داوێڵە و لێی داگیر کراوە مافی نە ته وایه تی و ئینسانیە  لە کە مترین ئاستیدا داوای دە کا کە خود موختاریه. ئێوە کە گە ڕانه وه عه رزی ئیمام بکەن و بڵێن : زۆرینه ی نیزیک  بە تە واوی خە ڵکی کورد موسوڵمانە ، لە هه ر ئاواییە کی کوردان مزگه وت هەیەو ئاوەدانە. کوردان دەیانەوێی ڕێگەیان بدرێی بەزمانی خۆیان بخوێنن و هەر بەو زمانەش داوا لەخوابکەن زاڵم زۆرداران لە ناوبەرێی و دەرەتانیان بۆ بڕە خسی زاڵم و زۆرداران لە ناو بەرن و مافی زەوت کراوی خۆیان وە دەست بێننەوە.

            بە کورتی بە قسه و چە پڵەی به شداران دیار بو قسە کانم  باشبون.

 لە بیرمە کاک دکتۆر کوتی: برایان ئێرە کۆنفەڕانسی حیزبە ،ئێوە دەتوانن زۆر بەڕاشکاوی و بێتە قیە ڕاو بۆچونو ڕەخنە و پێشنیارەکانتان بڵێن ، ئێوە زۆرتان کۆبونەوەی حیزبیتان نەدیوە ، کۆبونەوەکانی ئێمە دەبێ نمونەی فێرکردنی ئازادی و دێمۆکڕاسی بن، ئێوە دەبێ ئوسولو پڕنسیپو شێوەکاری حیزبی لە و چەشنە کپبونەوانەدا فێر بن.  دوای تەواو بونی قسەکانم دەستی لەناو دەستی نام و کوتی: مەلای ؟ بەڵێ مەلام. ئەدی بۆ لەڕیزی مەلایان دانی ؟ کوتم: کاک دکتۆر من مەلای گەلم و خۆیان لێجیا نکەمەوە . کوتی : دە بڵێێ مەلای حیزبیم.

بە هەق دەتوانم بڵێم هەر کەس هەرچی هەیبو و بەبیری دا دەهات زۆر راشکاوانە دەری دەبڕی، رەخنەی دەگرت ، هێرشی زۆر توندی رەخنەیی دەکرا سەر بەرپرسان. سرنج ڕاکێش ئەوە بو کاک دکتۆر زۆر وەستایانە وڵامی راستی دەدادانەوە دەقاودەق شتەکانی شیدە کردنەوە و راستیەکانی دەر دەبڕین ، نەک بڵێی بیهەوێ خاوەنی پرسیارەکان رازی بکا.

شێوه ی قسه کردن و به ڕێوه بردن و زاڵبون به سه ر که شو هه وای کۆ نفه ڕانسه که ی کاک دکتۆر به ته واوی کاری تێکردم ، چرایەکی هیوای لە ده روندا هه ڵکردم کە تا ئێستاش نه کوژاوه ته وه و نە کز بوه ، له وێدا هه قانیه تی داوا ڕه واکانی گه لی کوردم  له دڵه وه بۆ سه لمێندرا، هه رلە وێشڕابو بڕیاری به ر ده وامی هه تا مانم دا. له وێبو من نمو نه ی به رزی هیواو ، سور بون و لێبڕاویم له کاک دکتۆر دا دیتو گومانم نه ما له وه دا کە که سایه تیه کی ئاوا مه زن و زانا ، به و هه مو زانست و پله و پایه وه وە شوێن  شتی خه یاڵی و بێبنه ما ناکه وێی و واز له هه مو شتێکی خۆی نا هێنێ و هه مو شتێکی به قوربانی گه لو نیشتمانه که ی نا کا. بڕوام به وە هێنا که مافی گه لو ڕزگاری نیشتمان ئه وه نده به نرخو بایخداره که بۆیه ده بێ خۆشه ویستترین شت که گیانه به قور بانی بکه ی.

کار تێکه ری ئه و کۆ نفه رانسە تا ئێستاش له سه رمن ماوه ، بۆیه ڕێبازی ئە  شه هیده مه زنانه نم به ر نه داوە. بۆیه له بیرم ناچێو یادی ده که م چو نکه هه ستی نه ته وایه تیم له وێڕا بوژاوه، بڕیاری به ر ده وامیم له وێداوه ، هه ر چه ند کومێته که نه ما و جوانە مەرگ بو، به ڵام شێوازی کاری له مه ڵبه نده کانی ئه وڕۆی حیزبیدا له ڕوانگه ی منه وه ده بندرێ. به داخه وه له یاد داشته کانم دا به ته واوی وە ک خۆی نوسیبوم کە وەک زۆر بیرە وە ری تر جه بر پێی ژێر خاک کردم . ئێستا که پیرم لە مێشکم دا زۆر شت شۆراونه وه، ئەوانەش کە ده یان نوسم وە ک خە ون وە بیرم دێنه وه و به په له ده یان نوسم هه ر بۆیە ڕە نگه هه ڵه و په ڵه یان تێدا بێ، بە ڵام به دڵنیایی و به ر پرسایە تیه وه ئه سڵی شته که هه بوه و ڕویداوه و له به رانبه ریاندا خۆم به به ر پرسیار ده زانم.

ئە وه ی من نوسیومە شتێکە تا ئێستا نە لە ڕۆژنامه یه کی حیزبیدا خوێندومه ته وه ونە لە وتارێک دا بیستومه.ئە وه  ی هانی دام بینوسم [٣] شت بون [١] ئه و کۆنفه ڕانسه یەکێک  لە بناغە کانی بە نرخی کاری حیزبی بو بۆ من ، شێوه ی به شداریکردنو ، قسە و ره خنە و پێشنار و وڵام دانە وه و زۆر شتیتری لێفێربوم، هە وە ڵین جارم بو له کۆنفه ڕانسێکی حیزبی بە به شداری سکرتێرو پیاوانی گه وره ی حیزب قسه ی سیاسیم ده کرد، یه که م جار بو کاری سیاسی گشتیم ده دیت.

[٢] ئە وە یەکە م جار بو ده مد یت ئە ندامێکی ساده ڕه خنه له به ر پرسێکی گه وره ده گرێی و ئه ویش زۆر به دڵفراوانی و دۆستانه وڵامی ده داته وه ، دیارە زاڵبونی شاره زا یانە و لێزانانه ی کاک دکتۆر یش ڕواڵه تێکی تایبه تی دابو به کۆنفه ڕاسه که .

[٣] پێزانینێکه بۆ خه ڵکی ئه و ئاواییه که ئاوا به گه رمی و خۆماڵیانه میواندار یان کرد. دیارە له خۆ بردویی و قوربانیدانی خە ڵکی کوردستان نە لە نوسین دێی و نە هیچ نوسە رێک ده توانێ هه قی خۆی بداتێ و هێنده ش زۆرن کە ته نیا به بڕوای من ئاڕشیوی حیزب دە توانێ هه مویان کۆ کاته وه بۆیه من ئه وه نده م لە دە ست دێێ بڵێم : حیزب و سازمانه کانی کوردی ئە گه ر حە زیان لە هە رمانی سە رکە وتوانه یه نا بی گە لیان لە بیر بچێته وه ، چو نکه قاره مانی ڕاسته قینه هه ر گه له.

              به هیوای سه ر که وتنی گه لو ڕزگاری نیشتمان.

                               

                                 ڕێکەوتی ٣ / ١١ / ٢٠١٢        هولەند{jcomments off}