دەسەڵاتی فەرمانڕەوایی فارس مەترسیدارترین دوژمنی هاوچەرخی سیاسی کوردە!، محمد سلێمانی

دەسەڵاتی فەرمانڕەوایی فارس مەترسیدارترین دوژمنی کورد و ئامانجە سیاسی و نیشتیمانیەکانبووە و لەهەر کات و زەمەنێکی مێژوویدا بۆیان لوابێ بە ڕێگای فێڵ و تەڵەکە و قەول و بەڵێنی بەدرۆ،

سەرکردە سیاسی و نیشتیمانیەکانی کوردیان لە سەر مێزی وتووێژی ئاشتی لە نێوبردوە بۆ ئەوەی لەو ڕێگایەوە زیان بە جووڵانەوەی ئازادیخوازی کورد بگەیەنن لە خۆرهەڵاتی کوردستاندا. هەر بۆیە باوەڕکردن بە دەسەڵاتی فارس و گفتوو و بەڵێنیەکانیان تێرۆری ” سمکۆی شکاك و دکتۆر قاسملوو و شەرەفکەندی” و هید مان بیردەخاتەوە. بۆچوونێکی هەڵەیە ئەگەر بێت و کەسێك یان لایەنێکی سیاسی لە ڕۆژهەڵاتی کوردستان پێیوابێ لە نیو قۆڵە دژبەیەکەکانی حکوومەتی ئاخوندی ئێراندا لایەنی ڕیفۆرمخواز بوونی هەیە و بە پێچەوانەی سیاسەتی دیاریکراوی ڕێژیم حەمەل دەکات. ئەگەر مرۆڤ بەوردی دێراسەی کارنامەی حوکمڕانی بە ناوپۆستەجادوویەکانی سەرکۆماری لە ” رەفسەنجانی یەوەبیگرە هەتا وەکوو دەگاتە حەسەن رووحانی” بکا و لێکدانەوە و توێژینەوەی بۆبکا، دەبینی هەر هەموویان پەێرەوەیان لە سیاسەتێك کردوە کە نیزامی ئاخوندی لە سەر دامەزراوە و لەو سیستمە سیاسی و مەزهەبییەشدا بابەتێك بە نێوی ئازادی سیاسی و نەتەوەیی بوونی نیە و لە ژێرناوی ئۆمەی ئیسلامدا دەچەوسێندرێنەوە، کە ئەو بیرکردنەوەیە هەتا ئێستاش حوکمی وڵات دەکا. بە هۆی ئەو ڕێژیمەوە جیاوازی سیاسی و نەتەوەیی و ئابووری و ئاینیی لە لوتکەی بەرزی خۆیدایە و مەجالی هیچ جۆرە تێکۆشانێکی ڕێکخراوەی و مەدەنی کە دووربێت لە بیروباوەڕی دەسەڵاتدارانی دەوڵەت لە کٶمەلگای ئێراندا بوونییە و بگرە ئازادیخوازان و جیابیران کە لایەنگری ژینگەی ئازادی سیاسی و ڕادەربرین دەکەن، بە بەردەوامی لە ژێر گوشار و هەڕەشەی گرتن و لە نێوبردندان.
حکوومەتی ئاخوندی ئێران پاش بەدەسەڵات گەیشتنی دژیایەتی و دوژمنایەتی گەلی کوردی کردوە و بە دڕندانەترین شێوە بەرەورووی مافخوازی بزووتنەوەی سیاسی و نیشتیمانی کوردستان بۆتەوە و لە جیاتی ئاوردانەوە بە ویست و ئامانجی نەتەوەیی کورد و سەلماندنی مافەکەیان، بە درێژایی مێژووی ئەو حاکمیەتە ناشەرحی و کۆنەپەرستیەوە، بەئاگر و ئاسن وڵامی داونەتەوە. زیندان و ئیعدامی بە کۆمەڵی لاوانی کورد بۆتە سیاسەتی ڕۆژانەی کاربەدەستانی ئێران و لەوەیش زیاتر ئەو کوردانەی کە دانیشتووی ناوچە سنووریەکانی کوردستانن و بەهۆی نالەباری ژیان و گوزەرانی رۆژانەی بنەماڵەکانیان کاری تاقەت پڕوکێنی” کۆلبەر”ی دەکەن. بەڵام لەلایەن هێزە نیزامیەکانی ڕێژیمەوە ڕیگریان لێدەکرێ و زۆرجار بەهۆی دەست ڕێژی تەقەی ئەوانەوە کۆڵبەری کورد دەکوژرێت. هەموو لایەك دەزانن کە ئەو کۆڵبەرانەی دەکرێنە ئامانجی هێزە دژی گەلیەکانی حاکمانی تاران، جیا لە گواستنەوەی شتیپێویستی ڕۆژانەی خەڵك، شتێکی تر نیە. هاوشێوەی ناوچە سنوورییە فارس نیشینەکان، ماددەی هۆشبەر هاوردەی وڵات ناکەن.
بەڵام ئەو گروپەی کە ماددە هۆشبەرەکان لە ناوچەسنووریەکانی تری ئێران دەهێنە ناوەی ئێران ژیان و بوونیان لە ئاماندایە. بە پێچەوانەی خوێندنەوەیی ئەو بەڕیزانەی کە ئێستاش هیوایان لەسەر بەناو شاباڵی ڕیفۆرمخوازی لە ئێراندا هەڵچنیوە، لە ئێراندا جیا لە نەتەوەی باڵادەست(فارس) هیچ نەتەوەیەکی دیکە ڕێگای پێنادرێت بەشداری لە ئیدارەدانی وڵاتدا بکا. ڕەنگە باس لەوە بکرێ کە گوایە نوێنەرانی هەڵبژێردراوی کورد لە نێو دامودەزگای میریدا دەسەڵاتیان هەیە و بە شیوەی نیمچە ئازادی کارەکان ڕایدەکەن. ئەگەر بێت و بە قوڵی توێژینەوەی وردی پێك هاتەی جوگرافایی کوردستان لە گەڵ بەشە فارس نیشینەکە بکرێ ئەو کات زۆر بەروونی مرۆڤ هەست بە جیاوازی ئابووری و کۆمەڵایەتی و پیشەسازی دەکا و وڵامی زۆر بەی پرسیارەکانی لەو پەراوێزخستن و ستەمە سیاسی و نەتەوایەتیەی بۆ دەر بکەوێت. پرسیار ئەوەیە کام لە بەڵێندەرەکانی سەرکۆماری لە ئێراندا بەکردار گفتەکانی لە ئاستی گەلی کورد دا بە جێهێناوە؟ لە جیاتی پەرەپێدان و بووژانەوەی ژیرخانی ئابووری و کۆمەڵایەتی لە کوردستاندا، سیاسەتی دڕندانەیان بە شێوەی جۆربەجۆر بە دژی کورد بەڕێوەبردوە. لە دەسەڵاتێکی بە تەواوی پۆلیسی و دیکتاتۆری ئەو تۆ چۆن دەکرێت ئومێد بە دابینکردنی ئازادی سیاسی و نەتەوەیی لێ چاوەڕوانبکرێت.
دوژمنایەتی داگیرکەرانی کوردستان و لە نێویشیاندا حکوومەتی جادووی ئێران سەرەرایی دژایەتی و هەوڵدان بۆ لە نێوبردنی شۆڕشی خەڵکی کوردستانی رۆژهەڵات، بەڵام هەر بەوەندە نەوەستان و دژی هەر گەشەکردن و پێشوەچوونێکی خەباتی نیشتیمانی گەلی کوردستان دەکەن. پاش ئەوەی کوردەکانی باشوور ڕایانگەیاند کە دەیان هەوێت ڕیفراندۆم ئەنجامبدەن، کاربەدەستانی تاران ئاراو قارایان لێبڕاوە و هەوڵدەدەن بە ڕێگای جۆر بەجٶرەوە پێش بەو پرۆسە سیاسی و نەتەوەیە بگرن و پیلانی بەدژی دادەڕێژن. ڕێژیمی ئاخوندی و هاو پەیوەندەکانیان جۆرێك لە ژینگەی سیاسی و کۆمەڵایەتیان دەوێت کە لەوێدا باشتر بتوانن نیزامی خۆیان بەو شێوەی کەهەیە بپارێزن و سنووری قەڵمرەوی و داگیرکاریان هەروەك میراتی باوباپیرانیان چەند وڵاتێك بگرێتەوە، کە ئەمرۆ ئەو کارەیان بەکردەوە ئەنجامداوە. ئازادی سیاسی و نەتەوەیی بەلای کاربەدەستانی تارانەوە شتێکی قبووڵ نەکراو و نەگونجاوە و وەك دەڵێن ئەگەر بەڕاستی لە ئێراندا باڵی ڕیفۆرخواز بە مانای ڕاستەقینەیخۆی بوونی هەبێ، چۆنە سیاسەتی ڕێژیم لە پەیوەندی لە گەڵ مافی مرۆڤ و ئازادی سیاسی و ڕادەربریندا هیچ گەشەکردن و پێشووەچوونێکی بەخۆیەوە نەبینیوە. کەوابوو لێرەدا نەتیجەوەردەگرین و بەروونی نەبوونی هێزی کرداری ڕیفۆرمخواز شتێکی بێبنەما و نادیارە و تەنیا وەك تاکتیکی هەڵبژاردنەکان لە ئێراندا تەرح دەکرێ. باشە ئەگەر ئەو هێزە وەك فاکتەرێکی ڕێکخراو شکڵیگرتووە و باوەڕی بە چەکسازی و دابینکردنی مافی سیاسی گەلانی وڵات هێناوە، بۆ ئێستا هیچ دەنگیان لێوەنایەت و بەرنامەو پلانێکی روونیان ڕانەگەیاندوە! لە ئێرانی فرە نەتەوەیدا، جیا لە نەتەوەیی فەرمانڕەوای فارس، کورد و عەرەب و بەلوچ و ئازەری و کەمینەی تر بوونیان هەیە و هەموو پێوەرە مێژوویەکانی نەتەوەبوونیان تێدایە. بەڵام کامیان وەك نەتەوە مافی سیاسی و نەتەوەی و ڕۆشنبیری و کۆمەڵایەتیان لە چوارچێوەی یاسا گشتیەکانی ئەو رێژیمەدا پێڕەوا بینراوە و مافەکانیان سەلمێنراوە.
محمد سلێمانی