ئه‌م دوو ڕۆژه له لایه‌ن حیزبی دیموكراتی كوردستانی ئێرانه‌وه دیاری كراون.
بێگومان دیاریكردنی ئه‌م دوو ڕۆژه ئه‌توانێ لێكدانه‌وه‌ی جیاوازی لێبكرێته‌وه به‌ڵام له یه‌ك وشه‌دا هه‌ر دوو ڕۆژ‌كه پیرۆزن و ئیتر لێكدانه‌وه‌كانیتر داده‌نێین بۆ كات و سه‌رده‌می خۆێی.
له ڕه‌وتی خه‌باتی ئازادیخۆازانه‌ی گه‌لی كوردا ژماره‌ی ئهو كه‌سانه‌ی بۆ ئازادی نیشتمانه‌كه‌یان گیانیان فیدا كردوه یه‌كجار زۆره، هه‌روه‌ها ئه‌وانه‌ی كه ئه‌ندام یان چه‌ند ئه‌ندامی له‌شی خۆێان پێشكه‌ش كردوه ژماره‌یان زۆره.
ناكرێ له یه‌ك نوسینا، له یه‌ك جێگا و له یه‌ك ده‌ربڕینا باسی ئهو هه‌مووە مێژووه خۆێناویه بگێڕینه‌وه، به‌ڵام ئه‌كرێ به گێڕانه‌وه‌یه‌كی كورت لاپه‌ڕه‌یه‌ك له‌و خۆێن و خه‌باته هه‌ڵده‌ینه‌وه و ڕێز له‌و كه‌سانه بگرین كه ته‌نیا كه‌س نه‌بوون به‌ڵكو گشت كه‌س بوون. دوست بوون، هاوڕێ بوون، هاوخه‌بات بوون، هه‌ڤاڵ بوون، خه‌مخۆر بوون و مروڤ بوون به واتای ڕاستینه‌ی مرۆڤ بوون.
كاتێك به سه‌رسامی له‌سه‌ر لوتكه‌ی به‌رزی بیره‌وه‌ریه‌كانا به‌سه‌ر هه‌موو ئه‌وانه دا دێمه‌وه كه هه‌بونیان هه‌بونێكی ڕاسته‌قینه‌ی ژیان و ژیانه‌وه‌ی مروڤایه‌تی بوو، به خۆم نیه، خه‌مێكی گه‌وره به گه‌وره‌یی ئه‌م كائیناته ده‌نیشێته سه‌ر دڵم و ئیتر هه‌ست ئه‌كه‌م ژیان ته‌نیا ئه‌وكاتانه خۆش بوو كه هه‌ڤاڵه پێشمه‌رگه جه‌سور و پڕ له جه‌ساره‌ته‌كه‌ت پێی ئه‌وتی: كاكه تۆ ئه‌مجاره مه‌یه، من ئه‌ڕۆم ئه‌گه‌ر كه‌مین بوو با ئێوه به سڵامه‌تی بپه‌ڕنه‌وه.
داخۆا خۆشترین كات ئه‌توانێ ئهو كاته پڕ كاته‌وه كه هاوڕێی پێشمه‌رگه‌كه‌ت به دڵێكی پڕ له خۆشه‌ویستیه‌وه به بێ خۆهه‌ڵكێشان و به بێ چاوه‌ڕوانی پاداش له‌ته نانه‌كه‌ی خۆی له به‌رده‌متا دائه‌نا و ئه‌یوت من تێرم ها بیخۆ، له كاتێكدا ئهو له من برسیتر بوو.
له ڕۆژی كه‌م ئه‌نداماندا ده‌یان كه‌س به به‌رچاوما ڕاده‌بورن، مروڤگه‌لێكی گه‌وره، گه‌وره‌تر له ئه‌ستێره‌كان. مرۆڤگه‌لێكی ساف و ساده و دڵ پڕ له حه‌ز و خۆشه‌ویستی، مروڤگه‌لێكی ئاشق و ئه‌ویندار، به‌ڵام بۆ نه‌ته‌وه و نیشتمان.
له بیرمه كاتێك برا و دوست و ره‌فیق و هه‌ڤاڵی ئازیزم حامید درودی قاچی له‌به‌ر نه‌بونی ده‌رمان و ئیمكانات چڵكی كرد و ئیتر كه‌ڵكی نه‌مابوو، پێده‌كه‌نی و ئه‌یوت وا تێمه‌گه‌ن به یه‌ك قاچ ناتوانم بێمه‌وه.
له بیرمه كاتێك خه‌لیل بیاری كه‌وته سه‌ر مینا و له‌به‌ر ئه‌وه‌ی هه‌ڤاڵه‌كانی توشی مه‌ترسی نه‌بنه‌وه، چونكه زۆر له دوژمنه‌وه نێزیك بوون، هه‌موو ئازاره‌كانی له ده‌رونیدا سه‌ركوت كرد و به بێده‌نگی تا ئهو كاتانه‌ی به ته‌ورێكی تیژ قاچێان لێكرده‌وه مه‌ته‌قی لێوه نه‌هات.
ئه‌مانه چێرۆك نین، به‌ڵكو بیره‌ورین، له‌وانه‌یه وه‌ك ئه‌وی هه‌بووه نه‌توانم باسی بكه‌م به‌ڵام كه‌م ده‌ڵیم و ڕاستی ده‌ڵێم.
عه‌بدوڵا خاتری ناسراو به عه‌به شامراد مروڤێكی تایبه‌ت بوو، تایبه‌ت وه‌ك ئه‌وه‌ی، هاوژین و منداڵه‌كانی به هه‌ژاری به جێهێشت و چه‌كی پاراستنی نیشتمانی له شان كرد، له به‌رخوه‌دانی ئازادی دا یه‌كه‌م سه‌نگه‌ری هه‌ڵده‌بژارد، له پاداشا دواین كه‌س بوو له ڕیزدا . بریندار ببوو، قاچێكی وه‌ك پێویست كاری نه‌ده‌كرد، ده‌شه‌لی. شه‌لینێكی وا كه جوانتر ئه‌هاته پێشچاو، شه‌لینه‌كه‌ی به‌ڵگه‌ی ئازایه‌تی بوو، بویه كاتێك به شه‌له شه‌ل ڕێگای ده‌بڕی مرۆڤ هه‌ستی ده‌كرد كه ژیان، سروشت و كۆمه‌ڵگا قه‌رزداری ئه‌ون. ئازاری هه‌بوو، به‌ڵێ ئازار، ئازاری زۆری هه‌بوو، كه‌چی، بزه بێ گزه‌كه‌ی سه‌ر لێوانی ئه‌وه‌نده گه‌وره‌ی نیشان ئه‌دا وه‌ك ئه‌وه‌ی ئه‌وه مروڤێكی برینداری كه‌م ئه‌ندام نیه به‌ڵكو چیایه‌كه و له جوڵه دایه.
ئهو ئێواره‌مه قه‌ت له بیر ناچێ، ئێواره نه‌بوو، لای عه‌سر و خۆر ئاوا بوو، پێشمه‌رگه‌كان ڕۆشتن و له پڕێكا ئه‌ویش وه‌ك ئه‌وه‌ی سواری با بوو بێ به لامان ڕویشت، كاك شاپور فیروزی بانگی كرد عه‌به بۆ كۆێ، وه‌ره شێته تۆ نابێ بچی، تۆ لاقێكت نیه. به‌ڵام ئهو ئاوڕی نه‌دایه و به ده‌م هه‌ڵهاتنێكی تایبه‌ت به خۆیه‌وه به‌و لاقه برینداره‌یه‌وه كه كورت ببویه‌وه بێ ئه‌وه‌ی ئاوڕ بداته‌وه وتی: ئه‌م شه‌و ئاگر ده‌بارێ، من ئه‌چم بۆ خه‌نه‌به‌ندانی ئه‌ستێره‌كان. ڕۆژی دوایی كاك سالار كه به برینداری گه‌ڕایه‌وه وتی: عه‌به شامراو یه‌كه‌م ئارپیجی ته‌قاند، دووهه‌م گولله‌ی له ئارپیچیه‌كه هاویشت و ویستی دوژمن بكاته هه‌ده‌ف، گولله‌یه‌ك به‌ر ناوچاوانی كه‌وت و ئیتر بێده‌نگ له‌سه‌ر عه‌رزه‌كه درێژ بویه‌وه و نه‌مانتوانی بیگه‌ینێ. له‌و رۆژه‌وه له هه‌موو درێژ كێشانێكا بیر له‌وه ده‌كه‌مه‌وه بۆ ده‌بێ عه‌به شامراد له‌سه‌ر ته‌ختی نه‌خۆشخانه‌یك درێژ بایه و به چه‌ند عه‌مه‌لیاتێك لاقیان بۆ چاك كردایه‌وه‌ته و ئه‌ویش به بێ ئازار منداڵه بێ نازه‌كانی له باوه‌ش گرتایه.
….
شه‌ڕ له ڕۆژهه‌ڵات و له باشورا گه‌رم بوو، كورده‌كان به بێ ده‌نگی كۆمه‌ڵكۆژ ده‌كران، ئێمه له ده‌ڤه‌ری باشوری كوردستان له ناوبه‌ری شه‌ڕی یه‌كیه‌تی نیشتمانی و حكومه‌تی عێراقا خۆمان ئاماده‌ی گه‌ڕانه‌وه بۆ رۆژهه‌ڵات ئه‌كرد. جێگایه‌كی تایبه‌تی حیزب هه‌بوو ناوی نرا بوو ئاسایشگا و له نێزیك گوندی گه‌ڕه‌دێ بوو. ئه‌وانه‌ی كه بریندار ده‌بوون و له نه‌خوشخانه ئیزن ئه‌دران تا ئهو كاته‌ی ماوه‌ی عیلاجه‌كه‌یان ته‌واو ده‌بوو له‌ۆێ ده‌مانه‌وه. ئیتر هه‌ر كه مروڤ ده‌چووه ئاسایشگا تێكڵاوی هه‌موو ڕۆژهه‌ڵاتی كوردستان له كرماشانه‌وه تا ماكۆ ده‌بوو. ئهو سه‌رده‌مانه شه‌ڕ له هه‌موو كوردستانا گه‌رم بوو، ئهو بریندارانه‌ی كه ژیانیان ڕزگار ده‌بوو و به هه‌وڵ و هیمه‌تی هه‌ڤاڵه‌كانیان ده‌گیه‌ندرانه نه‌خوشخانه‌ی بیست وپنجی گه‌لاوێژ ئیتر خه‌ونه‌كانیان گه‌وره‌تر ده‌بوو، چونكه ئهو نه‌خوشخانه‌یه له لایه‌ن دوكتورانی بێسنووری فه‌رانسه‌ویه‌وه به هۆی به‌رزی و به‌ڕێزی كه‌سایه‌تی دوكتور قاسملووه هاتبوون و خزمه‌تی بریندارانی شه‌ڕی ئازادی كوردستانیان ده‌كرد. ئهو كاته وه‌ك ئێسته ده‌سه‌ڵات و پاره و پۆست وپله شوڕشگێڕانی كوردستانی گه‌نده‌ڵ و ڕه‌زیل و بچوك نه‌كردبویه‌وه، بۆیه له‌و نه‌خوشخانه‌یه‌دا پێشمهرگهكانی هه‌ر دوو به‌شی كوردستانی رۆژهه‌ڵات و باشور وه‌ك یه‌ك تیمار ده‌كران و كه‌س جیاوازی نه‌ده‌كردن و ئه‌وه له كاتێكی ئه‌وه‌نده هه‌ستیار دا بوو ئه‌گه‌ر ئاشكرا بایه پێشمه‌رگه‌ی یه‌كیه‌تی نیشتمانی له‌و نه‌خوشخانه‌یه‌دا تیمار وه‌رده‌گرن ئه‌وا خوا و حیزب و نه‌خوشخانه‌كه پێكه‌وه ته‌خت ده‌كران. ته‌نانه‌ت شه‌وێكی دره‌نگان مام جه‌لال تاڵه‌بانیان هێنایه نه‌خوشخانه و كاك دوكتور قاسملو و كاك دوكتور سه‌عید به په‌له هاتنه نه‌خوشخانه و تا ڕویشتنی مام جه‌لال له‌وێ مانه‌وه چونكه ئه‌یانزانی ئه‌گه‌ر شتێك له مام جه‌لال بێت ئه‌وان ئازار ده‌چێژن و دوژمن قسه‌ی ناڕاستیان پێده‌بێژن.
من له ئاسایشكا گه‌لێ كه‌سم ناسی، عه‌باس یاری، كاك عه‌باس یاری مروڤ نیه، فریشته‌یه، فریشته‌یه‌كی بێده‌نگ و ڕه‌نگ، ئارام و ئازا، بێده‌نگ و جه‌سور، مروڤێكی تایبه‌ت كه ده‌ست وپه‌نجه‌ی من ته‌وانایی نوسینه‌وه‌ی وشه‌كانی باسكردنی نیه و چیرۆكێكه و ده‌بێ به تایبه‌ت بنوسرێته‌وه.
هه‌ر له‌و ئاسایشگایه ده‌یان كه‌سی له‌و چه‌شنه‌م ناسی و هیچكات له بیریان ناكه‌م، له‌وانه‌یه ناویانم له‌بیر نه‌مابێ به‌ڵام هه‌ڵس وكه‌وت و كه‌سایه‌تیان هه‌روا له سه‌ر كه‌سایه‌تیم كاریگه‌رن و هیچكات له بیریان ناكه‌م.
له‌وێ حه‌سه‌ن سه‌لبیم ناسی. حه‌سه‌ن برای عه‌بدوڵا یان عه‌به سه‌لبی بوو. عه‌به سه‌لبی یه‌كێك له پێشمه‌رگه، فه‌رمانده و فیداكاره‌كانی ده‌ڤه‌ری هه‌وشار بوو. پێشمهرگهكانی هه‌وشار زیاتر وه‌ك ئه‌فسانه ده‌چوون. ترس له مه‌رامیانا نه‌بوو. یه‌ك پێشمه‌رگه‌ی هه‌وشارت له‌گه‌ل بایه وات ئه‌زانی له‌شكرێك پالپشتیت ئه‌كه‌ن. عه‌به سه‌لبێ داگیركه‌رانی ئێرانی وه‌زاڵه هینابوو، به‌ڵام به‌داخه‌وه له هێرشێكی پێشمهرگهكانی كۆمه‌ڵه له ناوچه‌ی سه‌قز دا شه‌هید بوو.
حه‌سه‌نیش بریندار بوو، برینه‌كه‌ی قورس بوو، شانی شكا بوو، دوای ماوه‌یه‌كی زۆر له نه‌خوشخانه و ده‌رمان و چاره‌سه‌ری، شانی لای ڕاستی خۆار ببوو. كه له دورەوە سه‌یرت ئه‌كرد وات ئه‌زانی به لاشانا دانیشتووه چونكه ته‌نیا شانێكی دیار بوو. به‌ڵام كه لێی نێزیك ده‌بویته‌وه، هه‌ستت ئه‌كرد ئه‌وه نه‌ك هه‌ر شانێك به‌ڵكو چوار شان و چوار ده‌ست و چوار چاو و چوار زمان و چوار گیانی هه‌یه. پڕ له جوڵه ، پر له ئێنرژی، پر له قسه‌ی خۆش و پڕ له هیوای گه‌ش بوو.
نازانم چ كاتێكی ڕۆژ بوو، به‌ڵام له بیرمه یه‌كه‌م مانگی به‌هار بوو، له‌و كاته‌دا كۆمیسیونی سیاسی نیزامی ده‌هاته ئاسایشگا و ناوی ئه‌وانه‌یان ئه‌نوسی كه باش ببونه‌وه و به گوێره‌ی بڕیاری دوكتوره‌كان توانایی گه‌ڕانه‌وه‌یان بۆ مه‌ته‌رێزی شه‌ڕ و به‌رخوه‌دان هه‌یه. هه‌ر له‌وكاته دا ناوی ئه‌وانه‌شیان ڕاده‌گه‌یاند كه وه‌ك كه‌م ئه‌ندام ناسراون و حیزب ده‌یه‌وێ بیانێری بۆ دەرەوەی وڵات.
له‌وكاته‌دا به منیان وت له‌وانه‌یه ئه‌مساڵ نه‌توانی بگه‌ڕیته‌وه و منیش زۆر خه‌مبار ببووم و ویستم بچم پیاسه‌یه‌ك بكەم. حه‌سه‌ن سه‌لبێ وه‌ك جاره‌كانیتر به پێكه‌نینه‌وه بانگی كردم و به هه‌ڵهاتن هات بۆ لام و وتی: كۆره خوام نه‌ماوه ئێژن ئه‌تنێرین بۆ خاریج، ئاخر چۆن ئه‌چم بۆ خاریج، من ته‌نیا شانێكم شكاوه خۆ ئه‌ویتریان كار ئه‌كا. من پێشنیارم كردوه تۆ له جیاتی من بنێرن. وتم من خۆ كه‌م ئه‌ندام نیم برینه‌كه‌م خه‌ریكه ساڕێژ ئه‌بێ، تۆ ده‌ستێك و شانت له كار كه‌وتووه.
پێكه‌نی و وتی: كه‌یفی خۆته من ئه‌مساڵ ئه‌گه‌ر به دزی حیزبیشه‌وه بووه ئه‌گه‌ڕێمه‌وه و ئه‌مه‌ۆێ جارێكیتر بچمه سه‌ر گۆڕی كاكه عه‌به‌م.
هه‌ر ئهو ساڵه له سه‌ر پێداگریمان هه‌ردووكمان گه‌ڕاینه‌وه ناوچه. حه‌سه‌ن نه‌یده‌هێشت له پێشمه‌رگه‌كانیتر جیای بكه‌نه‌وه، نیگابانی ئه‌دا، ئه‌چوو بۆ كه‌مین، ئه‌بوو به تیمی كه‌مینشكێن و له هیچ كارێك كه كه‌سێكی ئاساێی ئه‌یكرد خۆی نه‌ده‌بوارد و واینیشان ئه‌دا كه كێشه‌ی ته‌ندروستی نیه. به‌ڵام زۆرجار كه پێكه‌وه ئه‌بووین و له‌به‌ر ئه‌وه‌ی له‌گه‌ل منا شه‌رم و شاراوه‌ییی نه‌بوو ئه‌یوت ئازارم زۆره و ده‌رمانه‌كانیش كاریگه‌ریان نه‌ماوه.
به‌ره‌به‌ێانێكی هاوین بوو، ڕۆژ و مانگه‌كەیم له‌بیر نه‌ماوه، به‌ڵام جێگاكه‌یم له‌بیره. له نێزیك شاری سه‌قز بووین، له نێوان كێوی وه‌نه‌وشه و كێوه‌كانی پشت ته‌مۆغه. وه‌ك هه‌موو جاره‌كانیتر كه‌مینه‌كان به‌ره‌باینێكی زوو به‌ڕێكران بۆ سه‌ر شاخه‌كانی ده‌و‌روبه‌ر. من له په‌نا كاك حه‌مه‌نه‌زیف قادری و كاك شارۆخ مورادیه‌وه بووم. به ده‌نگی بێسیمه‌كان به‌خه‌ر بومه‌وه. دوژمن به‌ره‌و به‌رزایه‌كان كه‌وتبووه ڕێ، پێشمه‌رگه‌كان زووتر گه‌یشتبوون و خۆیان له دوژمن بێده‌نگ كردبوو. له‌وكاته‌دا پێشمه‌رگه‌كانیتر له خه‌و هه‌ستان. حه‌سه‌ن سه‌لبێ وه‌ك بروسكه‌یه‌كی خێرا، له‌به‌ر چاوان ون بوو، نازانم چۆن گه‌یشته سه‌ر لوتكه‌ی چیاكه و یه‌كه‌م ده‌سڕێژی له دوژمن كرد. شه‌ڕ گه‌رم بوو، هه‌تاو گه‌یشته ناوه‌ڕاستی ئاسمانی سه‌ر سه‌رمان، 3 جه‌نازه‌یان هێنایه‌وه، ئێمه له ڕێگه‌ی بێسیمه‌كا‌نه‌وه ئاگاداری گه‌رمی شه‌ڕه‌كه بووین، دوژمن كوژراوی زوری هه‌بوو، تێك شكا بوو، له پێگه‌كانی ده‌روبه‌ره‌وه ئهو ناوه‌ی توپباران ده‌كرد، به ڕه‌مز گوترابوو كه چه‌ند شه‌هید و بریندارێكمان هه‌یه، به‌ڵام ژماره‌ی زۆری كوژراوی دوژمن ڕوحی شه‌هیده‌كانی شاد كردوه.
له جه‌نازه‌ی شه‌هیده‌كان نێزیك بومه‌وه، حه‌سه‌نم بینی، چاوه‌كانی كراوه بوون، شانێكی داكشابوو و ده‌ستی به‌رز كردبویه‌وه، لێوه‌كانی وشك ببوون، دیاره تینوی بوو، بزه‌یه‌كی تێكه‌ڵ به گریان له‌سه‌ر لێوه‌كانی بوو. نازانم به چی پێده‌كه‌نی و بۆ چی خه‌مبار بوو.
بڕیار بوو له‌و سه‌فه‌ره‌دا و له حه‌و‌توی داهاتو دا بچینه سه‌ر گوڕی شه‌هید عه‌به سه‌لبێی برای.
گۆڕی ئهو پۆله شه‌هیده ته‌نیا، سه‌ید ئه‌حمه‌د حوسه‌ینی، كاك ڕه‌حمان ئاخكه‌ندی و كاك عه‌لی كه‌سنه‌زانی پێیان ئه‌زانی.
كه چاوه كراوه چاوه‌ڕوانه‌كانی حه‌سه‌نم بینی به خۆم نه‌بوو، ده‌ڵم داخۆرپا و كه‌وتمه بیری خه‌یاڵه به‌هاریه‌كه‌ی حه‌سه‌ن بۆ دیداری براكه‌ی. له پێشدا ده‌ڵته‌نگ بووم و دواتر ڕوم له كاك حه‌مه‌نه‌زیف قادری به‌رپرسی مه‌ڵبه‌ند و كاك شارۆخ مورادی فه‌رمانده هێز كرد و وتم، باشتره شه‌هیده‌كان بنێژین، ئه‌وانیش وتیان كارێكی به جێیه و له‌گه‌ڵ چه‌ند پێشمه‌رگه‌یه‌كا ئاودڕێكمان هه‌ڵكه‌ند و جه‌نازه‌كانمان تێدا شارده‌وه، به‌ڵام به ئاشكرا دیار بوون و له‌وكاته‌دا هێڕشی دوژمن زیادی كرد، پۆلێكیتر له پێشمه‌رگه‌كان چوون و ئێمه ژماره‌مان كه‌متر بوو نه‌مانتوانی به باشی بیانشارینه‌وه و رۆژی دواتر خاوه‌ن مه‌زراكه تاقه داری سه‌ر كانی مه‌زراكه‌ی بڕیبویه‌وه و به‌سه‌ر گوڕه بێنازه‌كه‌ی ئهو شه‌هیدانه‌یدا دادابوو بۆ ئه‌وه‌ی دوژمن نه‌یاندۆزێته‌وه.
ئێستاش كه بیر له‌و ڕۆژه و له‌و نواڕینه‌ی حه‌سه‌ن سه‌لبێ ده‌كه‌مه‌وه، له واتای مروڤبون تێده‌گه‌م، مروڤبونێك كه ته‌نیا له‌و كه‌سانه‌دا به‌رته‌سك بوه‌ته‌وه و باوه‌ڕ ناكه‌م دووباره بێته‌وه.
كه‌م ئه‌ندامانی شوڕشی به‌رخوه‌دانی كوردستان له هه‌موو قوناخه‌كانی ژیانا هه‌روا به وره و به جه‌ساره‌ت و به‌رپرسیارین. 30 ساڵی ڕه‌به‌قه كاك حوسین ئه‌حمه‌دی ناسراو به حوسه‌ین خان كه له ڕێگای ئازادی كوردستان و له ڕیزه‌كانی حیزبی دێموكراتی كوردستانی ئێرانا لاقێكی له‌ده‌ست داوه، بۆ یه‌ك رۆژیش ماندوو نه‌بووه و له هه‌مو ڕێپێوانه‌كانی شه‌قامه‌كانی ئه‌‌وروپا دا به‌شداره، بۆی گرینگ نه‌بووه كام به‌شی كوردستان پێویستی به پاڵپشتیه، هه‌ر كه بیستویه‌تی خۆپیشاندانه بۆ پاڵپستی كوردستان یه‌كه‌م كه‌س بووه له گوڕه‌پانه‌كه‌دا ئاماده بووه و به سه‌رما و گه‌رمادا خۆی به به‌رپرسیاری چاره‌نوسی گه‌له‌كه‌ی زانیوه.
…
ئهو كه‌م ئه‌ندامانه خاوه‌ن ئه‌ندامی به‌رپرسیاره‌تی به‌رز و پیرۆز‌ی مرۆڤبون و كورد بوونن. مروڤن گهورهن، گهورهن وه‌ك خه‌ونی به‌دیهاتنی ئازادی و به‌ڕێزن وه‌ك كار و كرده‌وه و تێكۆشانه‌كانیان.
بــا ڕابــردو بــە نــەوەی نــوێێ بـنـاسـێـنـیـن، مەلا برایم مەجید پوور
هـیرۆ باجەلان یەکەم باڵيۆزی ئەمریکی بە رەچەڵەک کورد.. رەزا شـوان
خەرمانی چاوەڕوانیمان، دڵکەش قادر
گەڕان، برایم فەڕشی
كچێك لە وەهم، هاوار تەیب
گوڵبژێرێک لە وتەکانی ناوداران دەربارەی ئازادی.. رەزا شـوان
بۆ باوەشت، ئیلهام موڕادی
مستند «رسیده و نرسیده»؛ در کردستان عراق بر پناهجویان ایرانی چه می‌گذرد؟
ئێمە هەڵەمان کردووە!! ، برایم فەڕشی
سێبەری تەنیاییمان، دڵکەش قادر
وێنەکان لە یادی 35 ساڵەی شەهید د.قاسملوو و کاک عەبدوڵای قادری ئازەر
ترسی ڕێژیم لە قاسملوو، هەردی سەلیمی
ڕاگەیەندراوی کۆمیتەی گشتیی حیزبی دێموکراتی کوردستانی ئێران لە ئاڵمان بەبۆنەی کۆچی دوایی هاوڕێی تێکۆشەر “ئەمیر خەیاتی”
بەیاننامەی ناوەندی بەڕێوەبەریی گشتیی حیزبی دێموکراتی کوردستانی ئێران بەبۆنەی تێپەڕینی ٣٥ساڵ بە سەر تێرۆری د. قاسملوودا
چۆن میراتی سیاسی و خەباتگێڕانەی قاسملوو بەرینە پێش؟، برایم لاجانی
مەسعودی پزشکیان سەر کۆماری تازە، مەلا ئیبڕاهیمی مەجید پور
قوتابخانەی ڕەخنەیی فرانکفۆرت، پوختەکەی: هەڵۆ بەرزنجەیی
دیده‌بان حقوق بشر: ماموران جمهوری اسلامی از «قوه قهریه کشنده» علیه کولبرها استفاده می‌کنند.
ئهفسهرهکهی سپیکانی، سهعی سهقزی
زیـرەکـتریـن منـداڵی جیهـان.. رەزا شـوان
نگاهی بر تاریخچه حکمرانی و یا کشورداری کوردی در کوردستان، آرام قلی‌زاده
بُرد بزرگ ملت ایران، شکست تحقیرآمیز جمهوری اسلامی؛ پس از این چه باید کرد؟، جمشید برزگر
دیبەیتی نێوان نەخۆش (بایدن) و شێتەکە (ترەمپ )، گۆران دوكانی
قاسمی سلێمانی شاری سەردەشتی بە كیمیابارانكردن دا ، بۆ حكومەتی عێراقی شاری سەردەشتی هەڵبژارد لەو كات و ساتەدا؟.عەلی مەحمود محەمەد- خۆشەویستی نێشتمان، مەلا برایم مەجید پوور
حذف دو سال جنایت از کارنامه‌ء دولت ایران توسط (جاوید رحمان)، سەعی سەقزی
هەڵبژاردنەکانی ٨ی پووشپەڕ هیچ ڕەواییەتێک بە کۆماری ئیسلامی نادەن- گرنگییەکانی خەیاڵ و خەیاڵکردن بۆ منـداڵان.. رەزا شـوان
نوقمبوونی کەشتییەکی پەنابەران لە کەناراوەکانی ئیتالیا- جزییات هولناک از جانباختن پناهجویان در آبهای ایتالیا
تێڕوانینەکانی دوکتۆر قاسملوو سەبارەت بە ئابووریی کوردستان لەسەر بنەمای کتێبی”کوردستان و کورد”!، حەسەن قارەمانی
ڕاگەیاندراوی ناوەندی بەرێوەبەریی گشتیی حیزبی دێموکراتی کوردستانی ئێران سەبارەت بە ئازادکردنی گەورە تاوانبار حەمید نووری
پێویست بە ژماردنی شەوەکان ناکا، دڵکەش قادر
یاری تۆپی پێ و ڕازێک، ، هەڵۆ بەرزنجەیی
ئازاد کردنی قاتڵ حەمید نووری لە مێدیاکانی سوید دەنگدانەوەی زۆری هەبوو، ساڵە نەڵۆسی
نماینده پارلمان سوئد استرداد حمید نوری را توهین به سیستم قضایی این کشور دانست، ایران اینترنشنال
چەند وتەیەک لە پێوەندیی دەگەڵ کۆچی دوایی مامۆستا مەجیدی پاڵانی دا!، برایم لاجانی
مهران عباسیان ، خبرنگار ایران‌اینترنشنال در سوئد در پی تهدید جدی امنیتی به خانه امن منتقل شد
خەباتی سیاسی و چەکداری لە شاخەوە گەیووەتە نێوشارەکانی ڕۆژهەڵات ، محەممەد سلێمانی
لە چلەی کامیل ژیردا…، هەڵۆ بەرزنجەیی
بەدەوڵەتبوون لە پەراوێزی زەبروزەنگ دا!، هەڵۆ بەرزنجەیی
کچۆڵەیەکی سێ ساڵان بوو بە بچووکترین نووسەری جیهـان.. رەزا شـوان
رێکخراوهی (ژنان) یان رێکخراوهی (یایان)؟، سەعی سەقزی
ئێران بە هاوکاری گروپە تاوانکارەکان کردەوەی تێرۆریستی لە سوید دەکا، ساڵە نەڵۆسی
سرویس امنیتی سوئد: ایران برای انجام اعمال خلاف خشونت‌آمیز از باندهای تبهکار در سوئد استفاده می‌کند
(بیره‌وه‌ری و یادداشته ناڕاستهکان!)، به‌شی هەشتەم، سەعی سەقزی
(بیره‌وه‌ری و یادداشته ناڕاستهکان!)، به‌شی حهوتهم، سەعی سەقزی - ئــــەزمــون بــۆ فــێــربــونــە ، مەلا برایم مەجید پوور
داستان کوردتباران وابستە بە جمهوری اسلامی و سلطنت طلبان، دکتر میرو علیار
بیره‌وه‌ری و یادداشته ناڕاستهکان!، به‌شی شهشهم، سەعی سەقزی
لە بیرەوەریی پێشمەرگەیەکدا، بەشی حەوتەم، عەزیم ئەلیاسی
سەرۆککۆماری مرۆڤکوژ، ئیدریس هاشمی
داوایەك روو لەو لیست و پارت و پارێزەورو كەسایەتیانەی ئەزموونیان لە دادگاكانی عێراق هەیە
سەرهـەڵـدانی ئـەدەبی منـداڵان لە ئەمـریـکا.. رەزا شـوان
دەبێت ڕۆژێکی نیشتمانی بۆ گۆڕە بە کۆمەڵەکان لە کوردستان دیاری بکرێت
(بیره‌وه‌ری و یادداشته ناڕاستهکان!) بەشی پێنجەم، سەعی سەقزی
ناوەندی بەڕێوەبەریی حیزبی دێمۆکڕات: حەق وابوو ڕەئیسی لە مەحکەمەی خەڵکیدا دادگایی و بە سزای کردەوەکانی گەیشتبا
انتقاد قانون‌گذاران اروپایی از واکنش مقامات اتحادیه اروپا به مرگ رئیسی: با عاملان سرکوب ایرانیان «ابراز همبستگی» نکنید- (بیره‌وه‌ری و یادداشته ناڕاستهکان!) ، به‌شی چوارهم، سەعی سەقزی
ئبیراهیمی رەئیسی بە لوتکە گەیشت.
رەئیسی نەهاری نەخوارد، ئیسرائیل تۆڵەی وەعدەی سادقی لێ کردەوە
هێلیکۆپتەری هەڵگری رەئیسی لە ناوچەی جولفای پارێزگای تەورێز تووشی رووداو بووە.
تاهیر مەحموودی: شەپۆلی دەسبەسەرکردنی چالاکی سیاسی و مەدەنی لە ڕۆژهەڵاتی کوردستان
گرنگییەکانی ئازادی دەربـڕین بۆ منداڵان.. رەزا شـوان- (بیره‌وه‌ری و یادداشته ناڕاستهکان!)، به‌شی سێیهم، سەعی سەقزی
- سەفەرەکەی کاک نێچیروان بۆ ئێران، مەلا برایم مەجید پوور
ئازادیخوازەکانی کاتالۆنیا وستەمکارانی مەدرید، لەبەردەم تاقیکردنەوەیەکی نوێ دا، هەڵۆ بەرزنجەیی- بیره‌وه‌ری و یادداشته ناڕاستهکان!، به‌شی دووهه‌م ، سەعی سەقزی
بێـلا جـەی دارک بچـووکـتریـن نووسـەری جیهـان.. رەزا شـوان
کاک “فەتاح ئاغا” خاوەن فیکر بوو… بەشی٢ـ٢، هەڵۆ بەرزنجەیی- بیره‌وه‌ری و یادداشته ناڕاستهکان! ، به‌شی یهکهم، سەعی سەقزی
مانیتورینگ حقوق بشر ایران: هر شش ساعت یک زندانی در ایران اعدام می‌شود
ئەو درۆنەى لە کێڵگەى غازى کۆڕمۆڕ دا (چینى – ئێرانى) بوو، ئا: وریا حسێن
بەشێک لە حکایەت وبەسەرهاتە هەر کۆنەکانی ناوچەی کەنوولە ـــ کرماشان کە پێش نزیک بە ١٢٠ ساڵ، و.سەدیق بابایی- گیانبەخـشینی دایکـێک لە پێناوی منـداڵەکەی ، رەزا شـوان
دەرسیم: ڕابە ڕابە ئەم وەگەڕێن وڵات، برایم فەڕشی
کامیل ژیر لە دەفتەری نەمری دا 1934-2024، هەڵۆ بەرزنجەیی
مولوی عبدالحمید خواستار رسیدگی «بی‌طرفانه» حکومت ایران به پرونده قتل نیکا شاکرمی شد.
رۆژی جیهانی کرێکاران پیرۆز بێت، عوسمان کەوکەبی شاد
لە بیرەوەریی پێشمەرگەیەکدا، بەشی شەشەم، عەزیم ئەلیاسی
