پێشمەرگەکان: رێکەوتی20-04-2022 کاتژمێر 17.30 عومەر قازی هاوسەری مەرحوم مینا گەنج عەلی و باوکی هەڵالە، کامڕان، شیرن و سۆران قازی کۆچی دووایی کرد.
عومەر قازی کەسایەتی سیاسی و بە ناوبانگی شاری مەهاباد، قارەمانی خۆڕاگری ئەشکەنجە لە سیاچاڵەکانی دوو حکومەتی پەهلەوی و کۆماری ئیسلامی ئێرانە کە لە تەمەنی 88 سالیدا لە شاری مەهاباد کۆچی دوایی کرد.
وەک بەڕێوەبەرانی سایتی پێشمەرگەکان، سەرەخۆشی لە خوشکە هەڵاڵە و خوشکە شیرین و کاک کامڕان و کاک سۆران دەکەین و روحی کاک عومور شاد بێ
***
کامڕان قازی: لە دوا وتەکانی بابم عومەر قازی لەسەر تەختی نەخۆشخانە (مەهاباد).
***
یەکێک لە جاشەکانی کاک عومەری بە گرتن داوە بە نێوی عیسا کاو رەش یا کڵاو رەشە ، ئێستا لە ئورووپایە
دەزگای ڕێکخستنی گشتی بۆ کۆچی دوایی کاک “عومەر قازی” ڕاگەیەندراوێکی بڵاو کردەوە
دەقی ڕاگەیەندراوەکە بەم چەشنەیە:
ڕۆژی ٣١ خاکەلێوەی ١٤٠١ی هەتاوی ھێمای خۆڕاگریی ڕێگای ئازادی کاک ”عومەر قازی” کۆچی دوایی کرد.
”عومەری قازی” کەسایەتیی ناسراوی گەلەکەمان و خەباتکاری ڕیزەکانی حیزبی دێموکراتی کوردستانی ئێرانە. کاک عومەر قازی لە هەڕەتی لاویدا تێکەڵ بە ڕیزەکانی حیزبی دێموکرات بووە و چالاکانە لە کۆمیتەکانی حیزبدا کاری ڕێکخستن و هاندانی خەڵکی بۆ بە گژداچوونەوەی زۆرداری خستۆتە ئەستۆ.
لە بزووتنەوەی جووتیارانی ناوچەی موکریاندا بە هەموو توانایەوە بەشداریی کردووە و دواتر پاش کودەتای نگریسی ڕێژیمی پەهلەوی وێڕای ژمارەیەکی زۆر لە ئەندامانی حیزب دەسبەسەر و زیندانی و ئەشکەنجە دراوە. ئازایانە بەشدار و هاندەری جەماوەر بووە لە دژی ڕێژیمی پاشایەتی و لە شۆڕشی گەلانی ئێراندا لە کوردستان ڕۆڵی بەرچاوی هەبووە. پێویست بە ئاماژەیە کە کاک عومەر لە بنەماڵەی بەناوبانگی پێشەوای نەمر قازی محەممەدە.
تێکۆشەر کاک عومەر هەموو وزە و توانای لە تازەلاوییەوە تا دوابڕستی تێکۆشانی لە حیزبی دێموکراتی کوردستانی ئێراندا تێکۆشا، لە ئەندامیەتیی ڕێکخراوی شارستانی مەهابادەوە تا بەرپرسیاریەتیی کۆمیتەی حیزب لە ورمێ و ئەندامی کۆمیتەی قەزایی و بەرپرسی ئەو کۆمیتەیە لە بۆکان و گەلێک بەرپرسایەتیی دیکە.
خەبات و دڵسۆزی بۆ گەل و نیشتمان لە تایبەتمەندییە هەرە بەرچاوەکانی کاک عومەر بوون، ئەو ئەوینداری نیشتمان و ڕۆڵەکانی گەل ئەمەگداری کاک عومەرن.
دەزگای ڕێکخستنی گشتیی حیزبی دێموکراتی کوردستانی ئێران سەرەخۆشی لە هەموو تێکۆشەرانی دێموکرات و بنەماڵەی سەربەرزی کاک عومەر دەکات و لەو خەمەدا خۆی بە شەریک و بەشدار دەزانێت.
ڕووحیان شاد و ڕێگای ئامانجەکانیان پڕ ڕێبوار
حیزبی دێموکراتی کوردستانی ئێران
دەزگای ڕێکخستنی گشتی
١ی بانەمەڕی ١٤٠١ی هەتاوی
*****
وەرگیراو لە لاپەڕەی فەیسبووکی نووسەران
مەلا حەسەن شیوەسەڵی: رووحی بەرزیان شاد بێ
****
“عومەری قازی، قارەمانێکی دیکەی نیشتمانەکەمان، کۆچەکەت ئۆغر بێت”.، ڕەشید قازی
عومەری قازی، کوری وەهابی قازی راهاتوو لە مەکتەبی پێشەوا قازی هەر لە مندالیە شەپۆلیکی نەسرەتوو لە دژی دەریایی زالمانی شا و شپکە و مەلا و ئاخوند و ژاندرمە بوو. عومەری قازی وەک هەموو نیشتمانپەروەرانی دیکەی کورد لە هەردووک سەردەمی ریژیمی محمد رەزا شایی پەهلەوی و ریژیمی کۆماری پەت و سیدارەدا بۆساتێک لە پێناو گەیشتن بە ئاوات و ئامانجەکانی کۆماری کوردستاندا کۆتایی نەکرد.
عومەر، لە سەردەمی شای شاهاندا بۆماوەی ٤ سال بەندی سیاسی بوو پاش ئازادبونیش تەنگی بە ژاندرمە و ئەفەسرانی شای لە کۆلانەکانی شاردا هەڵدەچینی و کەم ئەفسەری شایی هەبوون کە زللەی مامە عومەریان وە بنانکۆیی نەکەوتبێت. بۆ یە هەردەم بنکەکانی بەندیخانە و ساواک و ئەمنیە جێگایی بوو.
لە کاتی سەرهەلدانی راپەرینی گەلانی ئیراندا ، مامە عومەر دەستی بالای لە هاندانی خەڵک و گرتنی پادگانی مەباد و پاسگاکانی ژاندرمە لە ناوچەکەدا هەبوو. وەک کادرێکی ریبەری حیزب بیپسانەوە و لەبەرەو پێشبردنی خەبات و تێکۆشاندا سلی نەدەکردەوە.
عومەری قازی بۆ بەریوەبردنی مەئموریەتی دەفتەری سیاسی حیزبی دیمۆکراتی کوردستان بۆ ناوچەی ورمی و تەرگەوەر و سۆما و براودۆست لە داوو کەوت و لەلایەن سوپای پاسدارانەوە بەدیل گیرا و تا حەدی مردن ئازار و ئەشکەنجەیان دا. بەجۆرێک بەشێک لە دەست و لاقەکانی لەدەست دا.
عومەری قازی پاش بینەبەریکی زۆر بە هاوکاری ئایەتوللە مونتەزیری کە لەسەردەمی حەمەرەزاشادا بەیەکەوە لە بەندیخانە دابوون لە ئیعدام رەزگاری بوو.
یەستا بەتەوایی ئازاد نەببوو دیسان وەک قارەمانێکی نەتەوەی سنورەکانی بەریوە و هاتەوە ریزەکانی حیزبی دیمۆکراتی کوردستانی ئیران و پاش ماوەیەکی لە ولاتی سۆئید مافی پەنابەری یان پێێ بەخشی. بەلام بە هۆی نەخۆشی مینا خانمی هاوسەری دیسان گەرایەوە نیشتمان . مامە عومەر بە بێ ناسینی سنورەکان و بە پیی راهاتووی لە مەکتەبەی بەرزی قازی و لە گەرانەوەشدا کۆلی نەدا و تا سەرنجام لە مالەکەی خۆشی لە ناو شاری خۆی دیسان ئاوارە و دەربەدەریان کردەوە. مام عومەر ئاگرێکی بێ ئەمان بوو بۆ جەستەی داگیرکەران، و کۆری گەرمی ئیرادە و باوەر بەخۆبوو بۆ دۆستان و یارانی شاخ. تا سەرنجام مەرگ لە تەمەنی ٨٨ سالیدا لەوەی زیاتر ئیزنی نەدا لە پێناو وەدیهینانی ئاواتە بەرزەکاندا وەک مەشەخلەکی لە ناو کۆری یارانیدا بدرەوشێتەوە. .
ئیمرۆ هەرچەند مامە عومەر کۆچی کرد بەلام ئەویش ئەستیرەیەکی درەوشاوەی میژووی خەبات و تێکۆشانی هات و نەهاتی هەرمانی کوردە. دەوا روحت شاد ئەی مەشخەبەدەستەکەی کورد و کوردستانەکەم.
“بەیای مامە عومەر با ئەو نەقلەشاتان بۆ بگیرمەوە.
کاتێک بۆ رەزگاربوون لە ئیعدامی مامە عومەر دەچەنە لای مونتەزیری دەلین قوربانی بۆ کاریکی وا هاتوینە خزمەتت.
مونتەزیری دەلی” هەموو کاریکی هاسانە بە حەلی وەلییوللە ئەوکارە زۆر زەحمەتە”
دەپرسن قوربان بەریزتان ایەتووللە وەڵحوزمان کاری وا لە لای بەریزتان وەک ئاوو خواردنەوە.’
مونتەزیری دەلێ کورە بە شتیم مەزانن. ئەخر پیاوو بی و ناووت عومەر بیت. کورد بی هیچ سوونەش بی . سوونەش بی هیچ کورە لە تایفەی قازیان بی . ئەخر رەزگارکردنی وەها کەسیک کاری حەزرەتی فیلە. “
****
وەرگیراو لە لاپەڕەی فەیسبووکی ئەحمەد شێربەگی : عومه‌ری قازی و لێدانی یه‌كه‌م چه‌خماخه‌ی كوردایه‌تیم
١٧ی جۆزەردانی ساڵی ١٣٥٧ی هەتاوی بوو، له‌دواساتەکانی ڕێوڕەسمی بەشكۆی بەخاک ئەسپاردنی نەمر کاک عەزیزی یوسفی ئەندامی ڕێبەرایەتی حیزبی دێمۆکڕاتی کوردستان وزیندانی سیاسی بەناوبانگی نێوزیندانەکانی ڕێژیمی گەندەڵی پاشایەتی دابووین کە له كاتی بڵاوه پێكردن داپیاوێکی باڵابەرزی بەهەیبەت بەناوی کاک عومەری قازی له‌ناو ئاپۆرای خه‌ڵكدا هاته ده‌نگ و به ده‌نگێكی به‌رز هاواری كرد و كوتی:
”خه‌ڵكینه له‌ولای بداق سولتان پۆلێك تێكۆشه‌ری دیكه‌ی رێگای ئازادیی كوردستان(شەهیدانی بزووتنەوەی چەکداریی ٤٦\٤٧) ڕاكشاون كه به‌ده‌‌ستی ژانده‌رمه ونۆكه‌رانی حه‌مه‌ره‌زا شای چه‌په‌ڵ شه‌هید كراون، باهه‌موومان وێكڕابچین سه‌ر گۆڕیان و یادیان بكه‌یه‌نه‌وه.”
ئه‌م لێداونەی تێکۆشەری چاونەترسی کورد كاك عومه‌ری قازی لەوسەردەمەدا کە کەڵ بە موو بەند بوو ، ڕووبە ئاپۆڕای هەزاران کەسی ڕێوڕەسمەکە وه‌ك برووسكه‌یه‌ك له ناخم دا چه‌خماخه‌ی لێدا. هەر ئەم بانگەوازەش بوو کە بوو بە سەرەتای یەکەم خۆپێشاندانی ڕۆژهەڵاتی کوردستان لە دژی ڕێژیمی گەندەڵی شایەتی و سەرئەنجام تەفروتوونا بوونی…
کاک عومەر قازی لەماوەی ژیانی سەربەرزانەی دا سەری بۆ هیچ داگیرکەرێک نەوی نەکرد و لە ڕێگای کوردایەتی وحیزبی دێمۆکرات دا باجێکی زۆری داو گەلێک ئازار وزیندانی چێشت بەڵام وەک چیا ڕاوەستا و کۆڵی نەدا…
لەناخی دڵمەوە بە کۆچی کاک عومەری قازی بە داخ بووم، پڕ بە دڵ سەرەخۆشی لە کچوکورەکانی ولە بنەمالەی نیشتمانپەروەری قازی ولە هەموو خەڵکی کوردستان دەکەم و لە خەمیان دا بەشدارم…
یادو ناوی کاک عومەرقازی هەرمان وسڵاو لە گیانی نەمریی…
***
مەرگی سەربەرزانە!، مەلا محەممەد خزری
مەرگی خۆشەویستان لە هەرتەمەنێک دا بۆخۆشەویستانی، ناخۆش و دڵئازارە. غایەتێکی هێندێ خەسڵەت لەئامیزاد دا هەن، دوایی مەرگ ئەو بەزیندوو ڕادەگرن. لە ڕوانگەی خۆمەوە بێ زیدەوێژی: کاک عومەری قازی لەو کەسایەتییانەی گۆمەڵگای ئێمە بوو. تایبەتمەندییەکانی ئەو هەمیشە زیندوویە وەک: ئازایەتی، خەباتگێڕی و فیداکاری نابراو، بۆ ئەوە دەبن ببنە هەوێنی چیرۆک ورۆمانی نووسەرانی نەتەوەکەمان. زیاترلەدوازدەساڵ ژیانی لاوییەتی خۆی. لەبەندیخانەی ڕژێمەکانی شاو ئیسلامی دا بەڕێ کرد! هەموو سەروەت وسامان‌و تەنانەت نشتەجیی خۆدی خۆیشی حکومەتی ئیسلامی بردی بەتاڵان…
دوێنی ئێوارەیەکی درەنگەوەخت بەکاتی ئەم وڵاتەی لێی دەژیم، لە وڵامدانەوەی تەلێفوونی ئاشنایەک دا، چاوم بە هەواڵی ماڵئاوایی کۆچی دوایی، هاوڕێ ودۆستی لەمێژنەم،کاک عومەری قازی کەوت! هەواڵی مەرگێ خەباتگێڕیکی خۆشەویست کە هەموو تەمەنی خۆی بەسەروەت و سامانەوە کردەقوربانی نەتەوە بێ بەش و نیشتیمانەداگیر کراوەکەی…!
نەخۆشی و پیری بڕستیان لێ بڕیوم؛ تەنەنات توانای ئەوەم نەبوو، بەچەند دێڕێک سەرەخۆشی و هادەردی خۆم، بەمنداڵە جگەرگۆشەکانی وهاوخەبات و دۆستەکانی ڕاگەیەنم؟… ئیستێش لە جیگادابەم چەند دێڕەکورتە، هاودەردی خۆم، بە هەڵالەخانم و کاک کامەران و سۆران و شیرن خانم رادەگەیەنم: هاوخەمتانم! خۆتان خۆشبن، هەرچەندهەرچی سەروەت و سامانی بووتان حاکمانی حکومەتی ئیسلامی، بردیان، ژاری ماریان بێ. بەڵام خۆشەویستان؛ باوکەتان سامانێکی لەبن نەهاتووی بۆ جێ هێشتوون ئەویش: شەرەف‌و ئازایەتی و ئەخلاقی کوردانەوخەباتگیڕییەو…
رۆژی یەک شەممۆ، شیرن خانمی کچی زەنگی لێدا. دوایی چاکوخۆشی پرسیاری مام هۆمەری باوکیانیم کرد… کوتی: “مام هومەر، ماوەیەکە بەهۆی کەم توانایی لاقەکانی زۆر ترلەجێگا دایە، ئەوە دەیەوێ قسەت دەگەڵ بکا” ئیتر دوایی بەڕەواڵی جارانی پێشتر دەستمان کرد بەباسی ڕابردوو. هیچ نیشانەیەکی تایبەتم تێدا بەدی نەکرد. وەکوو جارانی پێشوو، ماوەیەکمان قسەکرد. کوتم. دەگەڵ خوێندنەوە چۆنی؟ کوتی: لەسەرجێگا دادەنیشم دەخوێنمەوە،بەڵام وەک جاران ناتوانم خۆم لەسەر پێ خۆڕاگرم. لەکۆتایی تەلێفوونەکەدا کوتم: نارەحەت مەبە! تەمەنێکی پڕلەشەرەف‌و شانازی لەدوایی خۆت بەجێ دێڵی. لەوانەیە ئەمن بەرلەتۆ بمرم؟ ئەتۆ ئەوەی لەدەستت هات، وبڕوای کوردانەت حوکمی پێ کردی، لەپێناو ڕزگاری نەتەوەی خۆت بەجێت هێناوە. چ شانازییەک لەوە مەزنتر لە دوای نەمان، ڕۆڵەکانی نەتەوەکەت، شانازی بە ورەو ئەخلاقی کوردانەت بکەن. ئیترخواحافیزی مان لەیەکتر کرد.
کاک هۆمەر، ئازاونەترس! ئەخلاق و شەرەفی کوردانەت، گۆرە تاریکەکەت رووناک دەکەن، بەویژدانێکی دارماڵ لەخەمخۆری وفیداکاری بۆ نەتەوەکەت بنوو، روحت شاد.
****
ئه‌وشه‌وه‌ی چاره‌نووسی تێکۆشه‌ری ناودار،عومه‌ری قازیی گۆڕی، قادر وریا
له مێژ ساڵه ده‌مه‌وێ له 16ی گه‌لاوێژێک دا یادی تێکۆشه‌رێک بکه‌مه‌وه که سه‌ره‌رای رابردووی درێژی له خه‌بات و تێکۆشان له پێناوی حیزبی دیموکرات و نه‌ته‌وه‌که‌ی و سه‌ره‌رای ئه‌و هه‌مووه ره‌نج و زه‌حمه‌ته‌ی له رێگای رزگاریی کوردستان و ئازادیی نه‌ته‌وه‌ی کورد دا داویه‌تی، تا ئێستاش حه‌سانه‌وه‌ی به خۆیه‌وه نه‌دیوه. تا ئێستاش به داخه‌وه ئاواته‌که‌ی له ته‌واوه‌تیی خۆی دا نه‌هاتۆته دی، و له‌چه‌ند پارچه‌ی کوردستان، ته‌نیا یه‌کێکیانی به رزگاربوویی دیوه، به‌و حاڵه‌ش به سەری پیرییش ناهێڵن وه‌حه‌سێ و به ئاسووده‌یی له ماله‌که‌ی خۆی و له شاره‌که‌ی خۆی دا دابنیشێ.
باسی کاک عومه‌ری قازی ده‌که‌م. بۆیه‌ش له 16 ی گه‌لاوێژێک دا ده‌مه‌وێ یادێکی لێ بکه‌مه‌وه، چونکه له شهوی 16ی گه‌لاویژی 1362ی هه‌تاوی دابوو که مه‌سیری ژیانی کاک عومه‌ر گۆڕا.
هاوینی 1362ی هه‌تاوی بوو. من و چه‌ند هاوڕێیه‌کی یه‌کیه‌تیی لاوان بۆ گه‌شت و گه‌ڕانی ته‌شکیلاتی و ته‌بلیغاتی له ناوچه‌کانی شنۆ و نه‌غه‌ده بووین. ده‌مانه‌ویست بگه‌ڕێینه‌وه ناوچه‌ی ژێرده‌سه‌ڵاتی پێشمه‌رگه. به‌ڵام نه‌ک به رۆژ به‌ڵکوو شه‌وانه‌ش په‌ڕینه‌وه له رێگای نه‌غه‌ده- پیرانشار به زه‌حمه‌ت بوو، چونکه ماوه‌یه‌ک بوو به شه‌و هێز بۆ به‌ره‌کانی شه‌ڕی ئێران و عێراق له ورمێ را ره‌وانه ده‌کرا،هه‌ر بۆیه به شه‌ویش له سه‌ر رێگا سه‌ره‌کییه‌کان ته‌ئمینی جاده‌یان داده‌نا. ده‌وروبه‌ری 12-13ی گه‌لاوێژ بوو که له ده‌وروبه‌ری قه‌لاتان و زه‌لیلان تووشی10-12 که‌س پێشمه‌رگه‌ی کۆمیته‌ی ورمێ بووین. ئه‌وان هه‌موو ئه‌سپیان پێ بوو. کاک عومه‌ری قازییشیان له گه‌ڵ بوو. کاک عومه‌ر که تا ئه‌و کات به‌رپرسی کۆمیته‌ی شارستانی ورمێ بوو، ماوه‌ی کارکردنی له وێ ته‌واو ببوو و ده‌یه‌ویست بگه‌ڕێته‌وه بۆ ده‌فته‌ری سیاسیی حیزب. پێشمه‌رگه‌کان بۆ هێنانی ته‌قه‌مه‌نی له ده‌فته‌ری سیاسی ده‌چوون و هه‌ر له‌و کاته دا کاک عومه‌ری قازییشییان ده‌گه‌یانده‌وه ده‌فته‌ر. ئێمه، تیمی یه‌کیه‌تیی لاوان که 3-4 که‌س بووین، له گه‌ڵ ئه‌و هاوڕێیانه چه‌ند شه‌و و رۆژێک له دێیه‌کانی زه‌لیلان، حه‌سه‌ننووران، دێشه‌مس ، چواربۆت و وه‌زنێ پێکه‌وه بووین. له راستیدا چاوساغیان ئێمه بووین. سه‌ره‌نجام بڕیارمان دا شهوی 16ی گه‌لاوێژ که مانگه‌شه‌وێکی خۆش بوو له دێی وه‌زنێ را به نێو دێمه و زه‌وی و زاری دێهاتی تورکنشینی ئه‌و نێوه‌دا وه‌ڕێ که‌وین و له جاده‌ی ورمێ –مه‌هاباد بپه‌ڕینه‌وه و بچینه “گۆلێ” و “گرده‌قیت”. له نزیک دێی تورکنشینی “یادگاریان”هێشتا مابوومان بگه‌ینه سه‌ر جاده‌ی ورمێ- مه‌هاباد که سه‌فه‌که‌مان راگرت و هه‌ر کامێکمان له جێی خۆمان راوه‌ستاین. دوو که‌سی پێشه‌وه‌مان نارد بچن جاده‌که تاقی بکه‌نه‌وه تا بزانین که‌مینی لێیه یا ته‌ئمینی جاده هه‌یه یان نا؟ کاک عومه‌ر که به سواری بوو له دواوه‌ی سه‌فه‌که بوو. سه‌ره‌نجام هاوڕییان پاش پرسیار له چه‌ند که‌سیک که به‌و شه‌وه به کۆمباین دروێنه‌یان ده‌کرد، وه‌زعه‌که‌یان لێ روون ببۆوه و دڵنیا ببوون که سه‌ر رێگا که‌مین و ته‌ئمینی لێ نییه، گه‌ڕانه‌وه لامان. ده‌مانه‌ویست وه‌ڕێ بکه‌وینه‌وه و درێژه به رێگاکه‌مان بده‌ین که ده‌رکه‌وت کاک عومه‌ر له گه‌ڵ سه‌فه‌که دا نییه و لێمان هه‌ڵبڕاوه. ماوه‌یه‌کی باش چاوه‌روانیمان کرد، یه‌ک دوو که‌سمان نارد به‌ره‌ودواوه بگه‌ڕێنه‌وه به‌ڵکوو کاک عومه‌ر گه‌رابێته دواوه، به‌ڵام شوێن پێیه‌کان وایان نیشان نه‌ده‌دا. له‌م نێو گه‌نم و مه‌زراو وچۆله‌واره به‌و نیوه شه‌وه ماوه‌یه‌کی باش چاوه‌روانیمان کرد،به بانگ کردن و ئیشاره‌تی دیکه‌ش هه‌وڵمان دا سه‌روسۆراغێکی بکه‌ین، هیچ فایده‌ی نه‌بوو. هێشتا زیاتر له سه‌عاتێکمان رێگا مابوو بۆ ئه‌وه‌ی بگه‌ینه دێهاتی کوردنشین. نه‌ده‌کرا له‌وه زیاتر له‌و شوێنه بمێنینه‌وه. له‌و په‌ڕی سه‌رسوڕمان و نیگه‌رانی له ونبوونی کاک عومه‌ر دا، به‌ره‌و “گۆلێ” وه‌ڕێ که‌وتین وپاش وچانێکی کورت، چه‌ند لاوی بڕواپێکراومان راسپارد بۆئه‌وه‌ی به رووناکی بچنه شوێنی ونبوونی هاوڕێکه‌مان، خه‌به‌رێکی بزانن و ئه‌گه‌ر له‌و ده‌وروبه‌ره خۆی حه‌شار دابێ، رزگاری بکه‌ن، تاریکوروونی به‌یانی له گۆلێ وه‌ده‌رکه‌وتین و چووینه گرده‌قیت.
ده‌وروبه‌ری نیوه‌ڕۆیه بووکه هاوڕێیانی کۆمیته‌ی ناوچه‌ی خه‌لیفه‌لیان خه‌به‌ریان بۆ هێناین که له ده‌وروبه‌ری یادگاریان، خه‌ڵکی چه‌کداری یه‌کێک له‌و گوندانه(وام له بیره یادگاریان بوو) که‌سێکیان گرتوه. دوایه دڵنیا بووین که که‌سه‌که کاک عومه‌ری قازییه و به داخه‌وه ئاوا به هاسانی که‌وتۆته ده‌ستی کۆماری ئیسلامی.
کاک عومه‌ر که‌وته به‌ندیخانه‌ی کۆماری ئیسلامی. جاروبار که که‌سێکی له به‌ندیخانه رزگاربووم ده‌دی باسی خۆڕاگریی کاک عومه‌ری قازیی له به‌ندیخانه دا بۆ ده‌کردم و شتێکی زۆری دیکه‌م له باره‌یه‌وه نه‌ده‌زانی. سه‌ره‌نجام 10 سال دواتر، سه‌ره‌تای هاوینی 1372رۆژێک له بۆڵێ خه‌به‌رم بیست که کاک عومه‌ر، مه‌هابادی به جێهێشتوه و به ماڵ و منداله‌وه هاتۆته ده‌ر و ئه‌وه له سکرتاریایه. له گه‌ڵ چه‌ند هاوڕێیه‌ک له ده‌سته‌ی نووسه‌رانی رۆژنامه‌ی “کوردستان” چووینه خزمه‌تی. زۆر تێک شکابوو و دیار بوو زیندان و ئه‌شکه‌نجه و له ده‌ستدانی نزیکترین یارانی له به‌ندیخانه دا، ته‌واو تێکی شکاندبوو. هه‌ر له‌و دیداره دا وه‌بیرم هێنایه‌وه که شهوی رووداوه‌که منیش له گه‌ڵیان دابووم و ته‌نانه‌ت لێشم پرسی بۆ چی لێمان هه‌ڵبڕا. به‌راستی نه‌مزانی چ وڵامێکی دامه‌وه و چ هۆیه‌کی بۆ هه‌ڵبڕانه‌که‌ی باس کرد. به‌ڵام زۆر خۆشحاڵ بووم که جارێکی دیکه چاوم پێی که‌وتۆته‌وه.
کاک عومه‌ر و مینا خانمی هاوسه‌ری و کاک کامڕان و کوڕێکی دیکه‌ی کاک عومه‌ر که وا بزانم ناوی سۆران بوو،له کاتێک دا له بناری قه‌ندیل که‌وتبووینه به‌ر تۆپ و کاتیۆشابارانی کۆماری ئیسلامی، هاتنه‌وه نیو کۆڕی یارانی پێشمه‌رگه‌یان و زۆری پێنه‌چوو به‌ره‌و کۆیه داگه‌ڕاین و له نزیک کۆیه گیرساینه‌وه. که‌متر له سالێک له لامان بوون و دواتر به هاوکاریی کۆمیساریای په‌نابه‌ران(un)، ئه‌وان چوونه سوید. کاک عومه‌ر له سویدیش زۆر نه‌مایه‌وه وکاتێک زانیی مینا خانمی هاوسه‌ری به داخه‌وه به هۆی نه‌خۆشییه‌کی کوشه‌نده، خه‌ریکه ماڵاوایی یه‌کجاری له ژیان ده‌کا، له گه‌ڵی چۆوه مه‌هاباد بۆ ئه‌وه‌ی پاشماوه‌ی ته‌مه‌نی له نزیک گڵکۆی هاوسه‌ر و یاری به‌وه‌فای ژیانی پڕ له سه‌خڵه‌ت و تاڵی و له نێو خه‌ڵکی شاره‌که‌ی و له نیشتمانی خۆشه‌ویستی دا تێپه‌ڕ بکا. له‌و کاته‌وه کاک عومه‌ر، که له ژیانی دا به هه‌ڵنه‌کردن له گه‌ڵ سته‌م و زۆرداری و به سه‌ردانه‌نواندن بۆدۆژمنانی نه‌ته‌وه‌که‌ی به‌ناوبانگ بووه، کونجی ماته‌می هه‌ڵبژاردوه و دوور له زۆربه‌ی هاوباوه‌ڕان و خۆشه‌ویستانی رۆژگار تێپه‌ڕ ده‌کا.
له بیرمه، ئه‌و شه‌وه‌ی له “وه‌زنێ”ی زێدی کاک فه‌تاح عه‌بدولیی ره‌حمه‌تی را به‌ره‌و سندووسی خوارێ وه‌ڕێ ده‌که‌وتین، هاوڕیی خۆشه‌ویستم ره‌سووڵ دانایی(سیروان) که هه‌میشه به “خاڵه” بانگی ده‌کردم کوتی:’خاڵه! نێوێکی شه‌و دابنێ نه‌وه‌ک له رێگا لێک هه‌ڵببڕێین، با یه‌کتری پێ بناسینه‌وه”. من ده‌سبه‌جێ “شنۆ-16” م به مێشک داهات. چونکه شهوی 16ی گه‌لاوێژ بوو، له به‌ر ئه‌وه‌ش له شنۆیه را به‌ره‌و سندووس ده‌چووین، “شنۆ”شم کرد به تایه‌کی دیکه‌ی ناوی شه‌وه‌که. ئه‌و ساته‌ی ناوه‌که‌م به هاوڕێیانی ریزه‌که راده‌گه‌یاند، مانگ به پڕی له لای رۆژهه‌لاتمان له سه‌ر گۆلی ورمێ را هه‌ڵ ده‌هات و رووناکی مانگ جوانییه‌کی تایبه‌تیی به سه‌فی هاوڕێیانم له نێو کۆڵانی دوا ماڵه‌کانی گوندی وه‌زنێ دابوو. به دنیایه‌ک هیوا و دڵخۆشییه‌وه به‌ره‌وه مه‌قسه‌د ده‌ڕۆێشتم. نه‌مده‌زانی ئه‌وه دوا شه‌وم له گه‌ڵ تێکۆشه‌ری دێرین کاک عومه‌ری قازییه، نه‌مده‌زانی ئه‌وه کۆتایی دوا سه‌فه‌رمه بۆ شنۆ و نه‌شمده‌زانی ئه‌وه دوا سه‌فه‌رمه له گه‌ڵ هاوڕێی خۆشه‌ویستم ره‌سووڵ دیو‌ه‌خان و دوای چه‌ند مانگی دیکه، ئه‌ویش وه‌ک کاک عومه‌ر به دیلی ده‌که‌وێته ده‌ستی دۆژمن. ئێستا که یادی ئه‌و رووداوه ناخۆشه ده‌که‌مه‌وه، خۆزگه ده‌خوازم شێعره جوانه‌که‌ی کاک موزه‌ففه‌ر نامداریم له به‌ر بوایه که له ژێر کاریگه‌ریی گێڕانه‌وه‌ی مندا، بۆ به‌دیلگیرانی کاک عومه‌ری قازیی نووسیبووی:
” آن مرد آمد… اسبش سفید…
قادر وریا کۆیه 16ی گه‌لاویژی 1391
بابەتی پەیوەندی دار کە پێشتر لە سایتی پێشمەرگەکان بڵاو کراونەتەوە
مستند «رسیده و نرسیده»؛ در کردستان عراق بر پناهجویان ایرانی چه می‌گذرد؟
ئێمە هەڵەمان کردووە!! ، برایم فەڕشی
سێبەری تەنیاییمان، دڵکەش قادر
وێنەکان لە یادی 35 ساڵەی شەهید د.قاسملوو و کاک عەبدوڵای قادری ئازەر
ترسی ڕێژیم لە قاسملوو، هەردی سەلیمی
ڕاگەیەندراوی کۆمیتەی گشتیی حیزبی دێموکراتی کوردستانی ئێران لە ئاڵمان بەبۆنەی کۆچی دوایی هاوڕێی تێکۆشەر “ئەمیر خەیاتی”
بەیاننامەی ناوەندی بەڕێوەبەریی گشتیی حیزبی دێموکراتی کوردستانی ئێران بەبۆنەی تێپەڕینی ٣٥ساڵ بە سەر تێرۆری د. قاسملوودا
چۆن میراتی سیاسی و خەباتگێڕانەی قاسملوو بەرینە پێش؟، برایم لاجانی
مەسعودی پزشکیان سەر کۆماری تازە، مەلا ئیبڕاهیمی مەجید پور
قوتابخانەی ڕەخنەیی فرانکفۆرت، پوختەکەی: هەڵۆ بەرزنجەیی
دیده‌بان حقوق بشر: ماموران جمهوری اسلامی از «قوه قهریه کشنده» علیه کولبرها استفاده می‌کنند.
ئهفسهرهکهی سپیکانی، سهعی سهقزی
زیـرەکـتریـن منـداڵی جیهـان.. رەزا شـوان
نگاهی بر تاریخچه حکمرانی و یا کشورداری کوردی در کوردستان، آرام قلی‌زاده
بُرد بزرگ ملت ایران، شکست تحقیرآمیز جمهوری اسلامی؛ پس از این چه باید کرد؟، جمشید برزگر
دیبەیتی نێوان نەخۆش (بایدن) و شێتەکە (ترەمپ )، گۆران دوكانی
قاسمی سلێمانی شاری سەردەشتی بە كیمیابارانكردن دا ، بۆ حكومەتی عێراقی شاری سەردەشتی هەڵبژارد لەو كات و ساتەدا؟.عەلی مەحمود محەمەد- خۆشەویستی نێشتمان، مەلا برایم مەجید پوور
حذف دو سال جنایت از کارنامه‌ء دولت ایران توسط (جاوید رحمان)، سەعی سەقزی
هەڵبژاردنەکانی ٨ی پووشپەڕ هیچ ڕەواییەتێک بە کۆماری ئیسلامی نادەن- گرنگییەکانی خەیاڵ و خەیاڵکردن بۆ منـداڵان.. رەزا شـوان
نوقمبوونی کەشتییەکی پەنابەران لە کەناراوەکانی ئیتالیا- جزییات هولناک از جانباختن پناهجویان در آبهای ایتالیا
تێڕوانینەکانی دوکتۆر قاسملوو سەبارەت بە ئابووریی کوردستان لەسەر بنەمای کتێبی”کوردستان و کورد”!، حەسەن قارەمانی
ڕاگەیاندراوی ناوەندی بەرێوەبەریی گشتیی حیزبی دێموکراتی کوردستانی ئێران سەبارەت بە ئازادکردنی گەورە تاوانبار حەمید نووری
پێویست بە ژماردنی شەوەکان ناکا، دڵکەش قادر
یاری تۆپی پێ و ڕازێک، ، هەڵۆ بەرزنجەیی
ئازاد کردنی قاتڵ حەمید نووری لە مێدیاکانی سوید دەنگدانەوەی زۆری هەبوو، ساڵە نەڵۆسی
نماینده پارلمان سوئد استرداد حمید نوری را توهین به سیستم قضایی این کشور دانست، ایران اینترنشنال
چەند وتەیەک لە پێوەندیی دەگەڵ کۆچی دوایی مامۆستا مەجیدی پاڵانی دا!، برایم لاجانی
مهران عباسیان ، خبرنگار ایران‌اینترنشنال در سوئد در پی تهدید جدی امنیتی به خانه امن منتقل شد
خەباتی سیاسی و چەکداری لە شاخەوە گەیووەتە نێوشارەکانی ڕۆژهەڵات ، محەممەد سلێمانی
لە چلەی کامیل ژیردا…، هەڵۆ بەرزنجەیی
بەدەوڵەتبوون لە پەراوێزی زەبروزەنگ دا!، هەڵۆ بەرزنجەیی
کچۆڵەیەکی سێ ساڵان بوو بە بچووکترین نووسەری جیهـان.. رەزا شـوان
رێکخراوهی (ژنان) یان رێکخراوهی (یایان)؟، سەعی سەقزی
ئێران بە هاوکاری گروپە تاوانکارەکان کردەوەی تێرۆریستی لە سوید دەکا، ساڵە نەڵۆسی
سرویس امنیتی سوئد: ایران برای انجام اعمال خلاف خشونت‌آمیز از باندهای تبهکار در سوئد استفاده می‌کند
(بیره‌وه‌ری و یادداشته ناڕاستهکان!)، بهشی هەشتەم، سەعی سەقزی
(بیره‌وه‌ری و یادداشته ناڕاستهکان!)، بهشی حهوتهم، سەعی سەقزی - ئــــەزمــون بــۆ فــێــربــونــە ، مەلا برایم مەجید پوور
داستان کوردتباران وابستە بە جمهوری اسلامی و سلطنت طلبان، دکتر میرو علیار
بیره‌وه‌ری و یادداشته ناڕاستهکان!، بهشی شهشهم، سەعی سەقزی
لە بیرەوەریی پێشمەرگەیەکدا، بەشی حەوتەم، عەزیم ئەلیاسی
سەرۆککۆماری مرۆڤکوژ، ئیدریس هاشمی
داوایەك روو لەو لیست و پارت و پارێزەورو كەسایەتیانەی ئەزموونیان لە دادگاكانی عێراق هەیە
سەرهـەڵـدانی ئـەدەبی منـداڵان لە ئەمـریـکا.. رەزا شـوان
دەبێت ڕۆژێکی نیشتمانی بۆ گۆڕە بە کۆمەڵەکان لە کوردستان دیاری بکرێت
(بیره‌وه‌ری و یادداشته ناڕاستهکان!) بەشی پێنجەم، سەعی سەقزی
ناوەندی بەڕێوەبەریی حیزبی دێمۆکڕات: حەق وابوو ڕەئیسی لە مەحکەمەی خەڵکیدا دادگایی و بە سزای کردەوەکانی گەیشتبا
انتقاد قانون‌گذاران اروپایی از واکنش مقامات اتحادیه اروپا به مرگ رئیسی: با عاملان سرکوب ایرانیان «ابراز همبستگی» نکنید- (بیره‌وه‌ری و یادداشته ناڕاستهکان!) ، بهشی چوارهم، سەعی سەقزی
ئبیراهیمی رەئیسی بە لوتکە گەیشت.
رەئیسی نەهاری نەخوارد، ئیسرائیل تۆڵەی وەعدەی سادقی لێ کردەوە
هێلیکۆپتەری هەڵگری رەئیسی لە ناوچەی جولفای پارێزگای تەورێز تووشی رووداو بووە.
تاهیر مەحموودی: شەپۆلی دەسبەسەرکردنی چالاکی سیاسی و مەدەنی لە ڕۆژهەڵاتی کوردستان
گرنگییەکانی ئازادی دەربـڕین بۆ منداڵان.. رەزا شـوان- (بیره‌وه‌ری و یادداشته ناڕاستهکان!)، بهشی سێیهم، سەعی سەقزی
سەفەرەکەی کاک نێچیروان بۆ ئێران، مەلا برایم مەجید پوور
ئازادیخوازەکانی کاتالۆنیا وستەمکارانی مەدرید، لەبەردەم تاقیکردنەوەیەکی نوێ دا، هەڵۆ بەرزنجەیی- بیره‌وه‌ری و یادداشته ناڕاستهکان!، بهشی دووههم ، سەعی سەقزی
بێـلا جـەی دارک بچـووکـتریـن نووسـەری جیهـان.. رەزا شـوان
کاک “فەتاح ئاغا” خاوەن فیکر بوو… بەشی٢ـ٢، هەڵۆ بەرزنجەیی- بیره‌وه‌ری و یادداشته ناڕاستهکان! ، بهشی یهکهم، سەعی سەقزی
مانیتورینگ حقوق بشر ایران: هر شش ساعت یک زندانی در ایران اعدام می‌شود
ئەو درۆنەى لە کێڵگەى غازى کۆڕمۆڕ دا (چینى – ئێرانى) بوو، ئا: وریا حسێن
بەشێک لە حکایەت وبەسەرهاتە هەر کۆنەکانی ناوچەی کەنوولە ـــ کرماشان کە پێش نزیک بە ١٢٠ ساڵ، و.سەدیق بابایی- گیانبەخـشینی دایکـێک لە پێناوی منـداڵەکەی ، رەزا شـوان
دەرسیم: ڕابە ڕابە ئەم وەگەڕێن وڵات، برایم فەڕشی
کامیل ژیر لە دەفتەری نەمری دا 1934-2024، هەڵۆ بەرزنجەیی
مولوی عبدالحمید خواستار رسیدگی «بی‌طرفانه» حکومت ایران به پرونده قتل نیکا شاکرمی شد.
رۆژی جیهانی کرێکاران پیرۆز بێت، عوسمان کەوکەبی شاد
لە بیرەوەریی پێشمەرگەیەکدا، بەشی شەشەم، عەزیم ئەلیاسی
کۆچی دوایی کەریم پوورقوباد فەرماندەی پێشووی حیزبی دێموکرات لە سوید
هەژدەمین ساڵـڕۆژی کۆچی دوایی هونەرمەنـد ئازاد خانەقـینی.. رەزا شـوان
کاک “فەتاح ئاغا” خاوەن فیکر بوو… بەشی ١ـ٢، هەڵۆ بەرزنجەیی
یادێکی خۆش لە 3 مامۆستای ئاینی شۆڕشگێر مەلا ئەحمەد، مەلا رەحیم و مەلا خالید. ، پێشمەرگەی حدکا، ن: سەید عەلی هاشمی
گـرێـتا تـونبـێـرگ چالاکـوانێکی جیهـانی کەشـوهـەوا.. رەزا شـوان- دوو (٢) تایبەتمەندی تایبەتی تر، مەلا برایم مەجید پوور
- لە بیرەروەریی پێشمەرگەیەکدا، بەشی پێنجەم، عەزیم ئەلیاسی
